الفصل 1
السلام عليكم أحبابي و أصدقائي❤
هاني جيت ثاني و جبت معايا قصة رائعة و زوينة و المهم أنه فيها واحد الدرس زوين و تقدر تعلم منها كفاش تبعد على المشاكيل و كفاش تحافظ البنت على أخلاقها واخة تكون عايشة بين مجتمع فاسد#☠
هاد القصة غاتحكي تجربة واحد البنت سميتها غاتعرفوها فالقصة
و هاد القصة غاتجمع مابين الدراما و الرومنسية و الكوميديا و الحزن أيضاا
#بقلم زينب الرشيقي#
أمي عاهرة❌🔞
#الفصل_الاول
#البارت 1
هاد القصة حقيقية عاشتها روعة هاد البنت اسم على مسمى عندها 18 عام خدات الباك على 17 عام؛ بنت مجدة فقرايتها وحتى فحياتها رغم الظروف لي عاشت كانت بنت زوينة أو صاينة شرفها لحلالها كانت مميزة على البنات كانوا عينيها كبار مشفرين ولونهم خضر نيفها صغيرة أو منكََاد فمها حميمر أو مقاد شليقماتها منفوخين شعرها كحل أو طويل هي محجبة و كاتقرا الطب عايشة هي أو ماماها (حياة) فواحد الفيلا كبيرا برباط ....
كيف ما كتعرفو الام شيء عضيم اي بنت كتكون لقدوة ديالها هيا الام ديالها عكس روعة لي مبغاتش تكون فحال ماماها و مكتمنى لحتى حد يكون فحالها المهم نخليكم تعرفو عليهم مع القصة و نمشيو عند البطلة ديالنا
🌺عند روعة🌺
روعة؛ ماما را جوج ديال نهار هادي فيقي بغيت كتوبتي خاصني نمشي
؛بعدي مني كتوبتك اش غيديرو فبيتي غبري عليا
روعة؛ ماما حلي لباب را بيتي هاذا راك نعستي فيه لبارح
حياة؛ قو** عطيني تيساع ابنادم تفوو متخليو حتى واحد ينعس (مشات حلات عليها لباب و هي كتنكر) شوفي نتي يا ديك الق** راني كنجمع ليك نهار نشدك منخلي فيك غا لي بقات
روعة؛سمحيلي انا غنمشي منبقاش نصدعك نقدر ناخد كتوبتي
حياة؛ تحركي و نتي كتقفقفي عليا اه و ليوم غيجيو عندي شي ضياف شوفي ليك فين تباتي تجي عندي متلومي غير راسك
روعة؛ ولكن را
حياة؛مكين ما ولكن منعودش هدرتي
دينيز ؛ واخة ا ماما انا غنمشي الله يسخر ليك
حياة؛ مشية بلا رجعة
٠٠٠٠٠٠٠٠
خدات روعة كتوبتها و مشات لافاك نخليوها تقرى و اجي نعرفكم على حياة .. يلاه نمشيو 22عام قبل كانت عندها 16عام كانت بنت زوينة شهبة و عينيها زرقين و شعرها طويل وصل ليها لمؤخرتها ملاميحها فحال روعة وكثر كانت بنت فقيرة و مغرورة كان عزيز عليها تلبس و تخرج ولكن ضروفها مسمحاتش ليها الشئ لي خلاها تنحارف على الطريق و تولي بنت ليل باش تكسب الفلوس كلشي ولا كيهدر عليها و ينعث فيها و بسبابها ماتت الام ديالها دازت ايام و لات كتبغي محمد مول الحانوت لي حداهم و تزوجو و من بعد عام ولدات روعةاللي بالنسبة لماماها نحس جابتو لدنيا نهار تزادت طلعات ليها الحرارة باليل وملي علمو محمد باش يجي مع الاسف مقدرش يوصل دار حادث ومات و من تما سمية كرهات روعة و لكن هيا امانة من عند حبيبها ومن بعد تزوجات بواحد الشارف و قبل ميموت كتب ليها كلشي فسميتها و من بعد ولات اكبر عاهرة معروفة فمدينة الرباط الشئ لي كياثر على الصمعة ديال روعة اللي ولات مشبوهة...
💕نمشيو عند روعة💕
من بعد مخرجات تلاقات مع امين صديق طفولتها ملي كانو صغار مكانوش كيتفارقو هو ولد ضريف و مأذب و لمن حاجة توتووووزههه (سلعة تركيا جمعو فمكم راني مزعوطة فيه ههه)
روعة؛ سلام امين
امين؛ وفي اصاطة توحشتك هانية ليا
روعة؛ احياني على ديك توحشتك يلاه كنت معاك صباح و لا ناقصك حنان ههه
امين؛ لا لا كندرب كفاش نكولها ليها راني كنشوفها كندووخ هه
روعة؛ شكون هادي تاني ههه تا كل نهار جايب ليا وحدة من نوع جديد
امين؛ لا لا هادي مشي فحالهم اححح تيتييز وقرطاسة ومطرفة(ديديكاس لمحمد ههه) و عندها التضاريس ناضيين
روعة؛ الله يمسخك هادشي لي كيعجبك فالبناات
امين؛ و مالي باغي نتزوج بيها را باغي ناكل غي الحلوة و تمشي تقود اما نتي را باغيك لحلال 😂😂
روعة ؛ 😌😌 ووجهك قاصح اخويا بااز ليك انا اخلاقي متسمحش ليا نتزوج بسافل فحالَك
امين؛ هههه يا واخة عليك نرجعها ليك فساعت لخير اجي لاش باغاني شنو هيا هاد الحاجة لي الضرورية
روعة؛ بغيت نجي نبات معاك ليوم فدار
امين؛ اوا هادو هما الأخلاق لي من صبااح و نتي داوية عليهم انا نويتك لحلال و نتي وليتي فدار كااع ههه
رووعة؛ اواا شتي دابا راك غتعصبني 😕 راني كندوي معاك بصح
امين؛ و انا مالي هاديك را دارك الهبيلة جي وقت ما بغيتي و اصلا الا رفت تجي عندنا ليوم نوتيلا تبيتني فزنقة و تسيق لخبار ههه
روعة ؛هيا لي كتعبر عليك هه اجي يلاه نمشيو نتغداو فيا لمووت ديال جووع راني مواكلة والو نهار كامل
امين؛ ولكن نتي تخلصي
روعة؛ غي تحرك انا نخلص اصقرام كون كانت شي تيتيزة كون راك بارك تجبد فالفلوس و تحط ههه
امين؛ و مالي نبقا محروم را نخلص عليها و تخلصني 😉 هههه ازمة البرتوش اصاطة غا صبري
روعة؛ الله يمسخك ههه تحرك تحرك