الفصل 2
الجزء 1
دازو يوماين
لتالت مرة كتعنق ماماها وصوت بكاهم مسموع الزاهية ماساخياش ببنتها صغيورة لي ديما كانت تحت منها ماكاتفارقهاش ودابة غتبعاد عليها لبلاد الغربة
الزاهية شادة ليها فيديها ومرة مرة كتبوسها:لما عجبكش لحال رجعي ماتزيديش تا دقيقة تماك لا قلقك شي واحد عيطي لخوك ولا ليوسف سمعتيني ماتبقايش ساكتة
مريم كتهز راسها غير باه وعنقات ماماها بالجهد
الزاهية:ماعرفتش علاش ختاريتي تسكني مع لبنات كون غير خليتيهم خداو ليك دار بوحدك ابنتي
مريم:مانقدش اماما نبقة بوحدي عارفاني كنخاف بعدة مع البنات انكونو موانسين
عصام من موراهم كيشوف فالساعة:وا طلقونا خلاص راه ماشي غتمشي ماغاترجعش الله يهديكم
دينيس كتمسح دموعها:مافقلبك رحمة خليها مع ماماها شوية
عصام:يااك انا مافقلبي رحمة
دينيس:اه
عصام جرها لعندو كيخربق ليها فشعرها:ايوا الله يمسخك امراتي راه حن مني مافيييش
دينيس:هههه صافي صافي غا رخي
رجع شاف فختو والزاهية:شنو غنبقاو هنا
مريم بعدات على مها:يلاه بسلامة اماما
وقربات عنقات ليلى ودينيس
ليلى:الله يرضي عليك ابنتي ويوفقك
دينيس:تهلاي فراسك وديها فقرايتك
مريم:واخة تانتي تهلاي فراسك وخويا
دينيس:هو لي خاص يتهلا فيا
عصام:قيدي عندك تاني مرة كتخرجي لعيب مافقلبي رحمة ومامهليش فيك
مريم بتاسمات:الله يخليكم لبعضياتكم
جرها من دراعها:امييين زيدي قبل تمشي عليك طيارة
وخرجو من دار جارها والزاهية تابعاهم تبكي ودعي معاها
مريم :فاتي ماغاتجيش
عصام:دابة نتلاقاوها فالمطار هي وعائشة ويوسف غا زيدي راه مشا لحال
دورات وشافت فمها ومشات كتجري عنقاتها:ماما كنبغيييك بزاف
مارخات من ماماها تا جرها عصام وركبها فالطموبيل وديمارا نيشان للمطار دخلو لداخل نزلوو كانت عائشة هي ويوسف ووليداتهم كيتسناوهم
يوسف:تعطلتو
عصام:راك عارف ضاروري من لبكة وشهيق صخفوني
عائشة جرات مريم وعنقاتهاا راه صغيورة
راها لمفششة ديالهم :حبيبة غنتوحشك بزااف
مريم مزيرة على ختها:تانا اختي بزاف
عائشة بعدات عليها وشدات ليها راسها بين يديها :ديها فراسك وفقرايتك ضمني مستقبالك وخوي راسك من هدشي صافي ركزي فلقراية سمعتيني
مريم:واخة اختي كوني هانية
عائشة باستها على راسها:كنتيق فيك وعارفاك ادوزي من هاد شي حيت غير سحابة ودايزة ومراهقة غيدوزو ليام اتبقاي ضحكي على راسك
مريم تنهدات مالقات ماتقول ليها ماحدها مازال كتبغيه ومازال مانساتو راه محال يجي فبالها انها شي نهار ضحك على راسها ولكن هي متأكدة ماجاوش وقالو ليها هاد ااهضرة حتى راهم مأكدين وغدير بكلامهم وغتحاول تنساااه واخة صعيبة عليها
بعدات على ختها فاش سمعو صوت طموبيل وقفات حداهم
عصام:ها فاتي ويحيى جااو
قلبها مشا وجاااا من كلام خوها لدرجة ماقدراتش دور تشووف حتى سمعات صوت فاتي
فاتي:خفت نلقاك مشيتي وماسلمتش عليك
ضارت لعندها وعنيها جاو عليه هو ماشي على ختها كان كيشوف فيها وهو مبتاسم ديك الابتسامة لي كدوبهااا عضات على سنانها باش مايطيحوش دموعها سهات وهي كتشوف فيه نسات راسها كااع بحاليلا اتشوفو لاخر مرة اخر نضرة واخر لقاء ماحسات براسها تا عنقاتها فاتي:ماعرفتش كيف غندير نولف بدار بلا بيك القطيطة ديالنا صغييورة ديال الدار
مريم غمضات عنيها وعنقاتها تاهي:غتولفي نتي غتنسايني كاع راه ولا عندك راجل لي ينسيك فدنيا وما فيها
قالتها من كل قلبها
فاتي بتاسمات وبعدات عليها:ماشي بحال ختي غنتوحشك والله
مريم:تا انا اختييي انتوحشك بزاااف
فاتي شادة راسها باش ماتبكيييش:شوفي بربي وترجعي بشي نقطة ماشي هي هديك نفرشخ ليك هاد الرجلييين لي كيطيرو وغاديين يكملو لقراية على برى ها ودني منك
مريم بتاسمات:لا ماتخافيش غنجي بنقطة زوينة
فاتي رجعات عنقاتها:كنتيييق فييك وعارفاك قدهاا
بعدات عليها فاش سمعات صوت يحيى:خليني نسلم عليها تانااا
فاتي بعدات وهي مبتاسمة..يحيى قرب ووقف اونفاص معاها وهي معلية راسها كتشوف فيه وقلبها كيضرب فالمية مبتاسم ليها حتى كيجرها وكيعنقها حسات بداتها فشلات عليها وهي كتسمع دقات قلبو فودنيها وكتشم ريحة عطروو تغلغلات ليها فالاعمااق وداك الدفئ لي غطا جسمهااا غمضات عنيها ماساخياااش بيه ماكرهاتش يوقف الوقت وتبقة هكااا هي وياااه زيراات على عنيها فاش نزلات دمعة حارة من عنيها تبعاتها وحدا خرا حتى ولاو شلال من عنيها هزات يديها وعنقاتو تاهي بالجهد عاضة على سنانها خايفة تقول شي حاجة
❤عشق وهيام❤
بعد مرور تلات ايام
خارج المغرب
كانت واقفة حدا قسمها كتسنة علامن يجي الاستاد باش يبداو لقراية..دايرة ليكيت فودنيها وكتسنت للاغاني..هادي يوماين باش بدات لقراية مازال لحد الان ماتعرفات على تاشي حد اصلا ماباغة تعرف على تاشي واحد لابنات لا دراري..باقي ماولفات جاتها صعيبة تبعد على عائلتها كارهة هدشي كتمل وزيد قلبها لي مازال كيدرها مامخليش ليها لخاطر لشي حاجة..فكل حصة كتدخل ليها كيطلبو منها الاساتدة توقف وتعرف براسها كتكره هاد لعيبة ..تنهدات حتى كتحس بشي حد كيحرك يديه على كتافها دورات وجها وحيدات ليكيت وجاوبات بالانجلش:شنو
البنت (امريكية):من قبيلة وانا ندوي معاك ماجاوبتينيش
مريم:كنت دايرة ليكيت
البنت:اه عرفت
وبقات واقفة حداها..مريم بغات ترجع ليكيت لودنيها وهي تحبسها البنت:واش مابغيتيناش نتعرفو زعمة راحنا متشاركين نفس الشمبر وكنقراو فنفس القسم وكنشوفك ملي جيتي ونتي بوحدك
مريم :عادي كنبغي نبقة بحدي
لبنت ماداتهاس فهضرتها و مدات ليها يديها بابتسامة:المهم انا كارلا بغيت نولي صاحبتك
مريم بقات كتشوف فيها شحال ملي جات وهي كتحاوا تقرب منها وهي كتبعد تنهدات عاد مدات يديها وسلمات عليها:متشرفين كنضن كتعرفيني بكترة ما فكل حصة كنعرف براسي
كارلا:هههههههه اي مريم.. 17لعام مغربية وجيتي تكملي قرايتك هنا فامريكا علوم فزيائية
مريم بتاسمات:تماماا
جا الاستاد
كارلا:يلاه ندخلو
دخلو للقسم ..مريم شدات بلاصتها وجلسات شوية وهي تشوف كارلا جايبة ساكها وجلسات حداها
مريم دورات وجها:وصاحبتك
كارلا:ماعندي ماندير بالمنافقين وصحاب حاجتهم من اليوم نتي هي صاحبتي ياك ماعندك تاشي مشكل
مريم هزات كتافها وهي كتجبد دفتارها:لا مرحبا
سكتو فاش سمعو صوت الاستاد ايبدا يشرح..تبعوو معاه
دازت سعتاين خرجو وقت لغدا..دخلو للريسطو الخاص بالمدراسة خداو لبلا ديالهم وجلسو فبلاصتهم ياكلو..مريم ساكتة وكارلا غا كتدوي مريم دماغها خدام فجيهة خراا ايكونو دابة كيوجدو للعرس تنهدات فاش تسدات ليها شاهية من هاد الافكار مشا بالها شحال ايكونو فرحانين وهي هنا بحدها كتقاتل باش تنساه..سمعات صوت كارلا:ياك لاباس مالكي مالاميح دوجهك دغية تبدلو
مريم هزات كاس دلما وشربات منو:لا والو
بمجرد ماكايجي لبالها حالها كيتقلب وقلبها كيتزمت
كارلا :امم هدشي عندو علاقة بيحيى
مريم شهقات وشافت فيها مصدومة:كيفاش
كارلا:ملي جيتي فكل ليلة فاش كتنعسي كتجبدي سميتو وتقولي شي حوايج مافهمتهمش حيت بالمغربية وزيد تصويرتو لي عندك فالدفتار راني شفتها قوليلي شكون يحيى واش بيناتكم شي قصة حب
مريم وقفات معصبة:مادخليش فشي حاجة ماشي سوقك فيهاا سمعتيني وبعدي مني
ومشات كتجري خلات كلشي كيشوف فيها مافاهمين والو دخلات للحمام وسدات عليها وهي كلها كترجف
كارلا مازالة مصدومة وكترمش بعنيها عرفات انه شي حاجة كبيرة هادي وقفات وتبعاتها للحمام وبدات كدق باش تحل ليها:سمحيلي ماقصدتش ندخل فداكشي لي خاص بيك انا هكا كنبقة غا كنهضر ماتقلقيش مني عفاك
مريم حاطة راسها على الحيط وكتشوف فجيهة وحدة جامعة يديها على شكل بوكس وكلها كترجف
كارلا:حلي عفاك وسمحيلي ميري حلي بديت كنخاف واش واقعة ليك شي حاجة
بدات كتحاول تدفع لباب:ميري خلعتينيي جاوبيني
مريم تنهدات بصوت مرتافع وقدات شعرها وحلات لباب:ما واقعلي والو
كارلا شدات ليها فيديها:سمحيلي ماقصدتش وعمري نعاود نتدخل فخصوصياتك
مريم:صافي ماشي مشكل نساي
كارلا عنقاتها:خفت تبقاي ديما مقلقة منيي امم اجي نخرجوو شوية واتبدا ااحصة
خرجو ومشاو للقسم تاني يكملو قرايتهم وبالها هي باقي مشغول
جا نهار جديد
فأمريكاا
سلات لقراية وطلعات للشمبر ديالها هي وكارلا
كارلا:اووف لقراية ماكاتسالاش شنو بان ليك نخرجو نبدلو الجو
مريم تكات فوق النموسية:لا مافيا لي يخرج
كارلا:خاص تساراي تشووفي امريكا راه علام اخور نوضي خلاص
مريم:مرة خرا دابة عيانة
كارلا:صافي واخة المرة الجاية ماغانتفاكش معاك
مريم:صافي كوني هانية
دورات وجها فاش شافت طليفونها كيصوني ابل فيديو من عند فاتي جاوبات ..سمعات صداعهم مجموعين فبيت فاتي كيجمعو ليها لحوايج لي اتدي لفلسطين معاها
فاتي:فييينك اختي تعالي تشوفي ختك شنو دايرين فيها هاد المجريمين
دينيس طلات على لكاميرا:هانتي تشووفي حنااا كنعاونوها وهي رداتنا مجرمييين شتييي قلة لحياا
فاتي:سكتي نتييي..مي مي حبيبة كي بقيتي مزيانة
مريم:الحمد الله ونتوما
فاتي:الحمد الله مابقة والوو راه بعد غداا انمشيو لفلسطين اووف شاداني لخلعة
مريم:كلشي غيدوز مزياان ماتخافيش
دينيس:ورييها دهاااز اري داك طليفون
خدات من عند فاتي طليفون وبدات كتوريها كاع داكشي لي شراو ليها
دينيس:هانتي ها لي سووميييج الالة غتبرع لينا يحيى خانوو هههههه ورقي ليا على هاد سوميج بيض لي غتلبسو فليلة دخلة غيولييي حمر
كلشي بقة كيضحك وفاتي كتسب فييهم
مريم غير كتشووف فلحضة بغات تقطع وتهرس داك طليفون كااع ولكن تراجعااات ختها ماعندها تاشي دنب زطمات على قلبها ودوات:متواتين غتجيو زوينين نهار لعرس
فاتي:عوييناتك الحووووب تمنيتك معايا ولكن قرايتك اهم
دينيس:شووفي لكسااوييي شوفي انا لي ختاريتهم
سارة:لااش كتكدبييي كاملين ختاريناهم
دينيس:نتي خاصك غا ماتسمعيي
فاتي بصوت مرتاافع:تعياااو تختاروو فتالي غنلبس داكشي لي شرالي راجلي قرة عينييي
كلهم بداو يغوتو ويصفقو ويصفرو:اوهووووووووو هاي هاي تقدم ملحووض
بقات كضحك :مالي كدبت
دينيس:ومالك دايرنا فيها الشريفة ااعفيفة هاااا
فاتي:صافيي جمعوووو عنداكم تبداو عااود
ساارة:احياني عليك العفريتة دابة توصلنا خبارك اتسخفي لينا لفلسطيني ههههههه
دينيس:هههههه راه ماسويهلاش
فاتي شافت فلكاميرا:ماتديش عليهم كي دايرة مع داك الناس
مريم كانت ساهية هضرتهم كدور ليها فراسها
فاتي:ومعاك داوية
مريم حسات على راسها:سمحيليي راه يلاه طلعت للشمبر عيانة داكشي لاش
سارة:خلي لبنت ترتااح..مريامتي سيري احبيبة ترتاحيي
فاتي:اوكي حبيبة رتاحي من بعد ونهضرو
مريم:واخة يلاه بسلامة
وقطعات داك ساع رمات طليفون فوق النموسية ودفنات راسها فوق المخدة وبداات كتبكي بصوت مرتافع..كارلا بقات غا كتشوف فيها مافاهمة والو قربات وجلسات حداها فوق اانموسية:ميري مالكي شنو واقع
مريم غير كتبكي بحرقة ماقادراش تدوي
كارلا قطعات ليها فقلبها عرفات انه شي حاجة خايبة هادي:عاوديلي عفاك خوي قلبك
مريم غير كتبكيي وعاضة على لخدية بسنانهااا حاسة براسها اتنفاجر
كارلا بدات تبكي معاها:صافي عفااك ماتبكيش قلبي ضرنييي صافي ماديريش هاد الحالة فرااسك
مريم بالدارجة بصوت باكيي:فووقاش انسااه اربييي قلبي كيتقطع
كارلا شدات ليها فيديها مافاهماهاش شنو قالت:ماتبكييش عفاك قوليلي ماالك
مريم كتهز راسها بلا:بعديي مني عفااك خليني بوحدي
كارلا:ماكنفهمكش شكا تقوولي
مريم بالانجلش:بعدييي مني ماباغاش ندوي
كارلا زيرات ليها على يديها:لا عاوديليي ماتبقايش هكاا عفاك
مريم كتافات غا بالبكة علاش كيزيدو يفتحو ليها جروحها ..زيرات على قلبها كيضرها بزاااااف ..كارلا مابغاتش تضغط عليها قربات وعنقاتها وخلاتها على خاطرهااا دقايق وهوما هكا تا حسات بيها ترخاات بعدات عليها حساب ليها نعسات غطاتها ويلاه اتنوض وهي تسمع صوتها هضرات بالانجلش:كنبغيه بزاف اكارلا وهو غيتزوج بختي وبعد غدا عرسهم حاسة بقلبي كيتقطع بغيت غير ننساه
كارلا بقات غير كتشوف فيها صعيبة بزاف
مريم:انا سباب انا لي غير شفتو اول مرة دغية بغيتو ودغية عطيتو قلبي ودخلتو لحياتي وبديت نتبعو فين ما مشا ونصوني عليه غير باش نسمع صوتو وكنحلم بشي حوايج ماغايوقعووش
تنهدات بتعب:وهو ماعارف تاحاجة من هدشي فقلبو ساكنة ختي لي كيبغيها وغيتزوج بيهااا وانا كي شي حمارة كنتعدب على شي حاجة درتها بيدييي انا نستااهل انا مكلخة ومتهورة وبرهووشة
كارلا نزلو دموعها حاسة بيهاا :صافييي قلبي هاد الصفحة وغتنسايه غتانمي فرصة بعيدة عليهم وحيديه من قلبك
مريم:جاتني صعيبة كنحس بقلبي لي غيخرج ماشي هو
كارلا:ماصعيبة غا البدية مع الوقت غتولفي واتلقاي راسك نسيتيه
وسكتات وكملات:تانا كنت كنبغي واحد كان كيعتابرني فقط صديقة ونهار قلتلو كنبغيك ضحك علياا وقالي نتي صديقتتي لا اكتر وحيدي هدشي من بالك جاتو ساهلة يقولها ولكن ماعرفش راه طعنيي تعدبت بزاف ولخايبة نهار رتابط مع صاحبتي لي كانت عارفاني كنبغيه ..كنت انحماق طعنوني فقلبي لدرجة فكرت فالانتحار وتراجت كنت كنموت وانا كنشوفهم بجوج لدرجة وليت كنتعاطة للمخدرات تا وليت مدمنة عليهم حتى لنهار تزوجو هنا صافي خيابت دنيا فعينيي ومافكرتش ومشيت شربت واحد جرعة زايدة من واحد دوة خطير فضلت نموت على نشوفهم بجوج ولكن الحمد الله عتقوني ومشيت الطبيب نعست فيه سيمانة دازت عليا جحيييم ضيعت عماين دلقراية ..مع الوقت لقيت راسي غا كنخربق وانني انا لي انضيع فكرت مزيان وفقت من داك الغلاط لي كنت دايرة ..قلت انا باقة صغيرة ولحياة مازالة قدامي صافي خويت دماغي منوو وركزت على حياتي ورجعت لقرايتيي دابة صافي نسيتوو تماما لدرجة تلاقيتو وماتحرك فيا والو لداخل عرفت راسي تغلبت عليه ونسيتو ..تانتي غتنسايه كوني متأكدة القلب فاش كيمل بوحدو كينسى
مريم بقات غا كتشوف فيها
كارلا شدات ليها فيديها:تقي بيا غتنسايه
وقربات باستها على خدهاا:كوني هانية
مريم تنهدات:عييت اكارلا
كارلا:دابة ترتاحي
مريم هزات راسها باه
كارلا غطاتهاا :نعسي ورتاحي
مريم هزات راسها باه وغمضات عنيها بغات تنعس وترتااح..دغية داتها عنيها ونعسات