الفصل 4
البارمان:يلاه
طاهرة:تسنى نلبس عليا
بارمان:تلقايني لتحت كنتسناك
ومشى هي ضارت كتقلب على طابليط وطليفونها نسات فين حطاتهم شوية وهي تلمحهم فوق واحد الطبلة ومشات وهزاتهم يلاه ادور وهي تدخل فيه :سي امين
امين كيشوف فيها:صافي غتمشي
طاهرة بغات ترجع اللور ولكن ماقداتش كانت موراها طبلة وهو قريب ليها بزاف :اه غنمشي
حط يديه على طبلة وكانت هي فالوسط بين يديه:مزال لحال
طاهرة بلعات ريقها وفنفسها:ياك ما زمل عليه ضميره :سي امين مشى لحال قريبة 4 دصباح
امين كيقرب وجهو لوجها:انا غنوصلك بلا مايوصلك لبارمان
طاهرة كتحس بانفاسه كضرب على وجها ولات باغة غير تفك منه هزات راسها بواخة:صافي واخة احم واخة تبعد شوية باش نهبط لتحت نلبس عليا
امين ماحدها كتهضر وهي كتزيد تجدبه قرب حتى قرب لشفايفها وهمس ليها:واخة اتلقايني على برى
وبعد وخلاها تدوز هي مشات كطير ركبات فالمصعد حتى تشد لباب عاد رتاحت بقى قلبها كيضرب بالجهد اول مرة اطيح فهاد الموقف ومعامن مع مول اكبر مجموعة الفنادق مشهورة عالميا فكل دولة تقريبا عنده فندق مشهور وزوين ولاباس عليه ميات وحدة تمناه حطات يديها على قلبها وهي كتفكر فاش كان قريب منها مزال كتحس بانفاسه لي ضربات على وجهها حسات بالحرارة طالعة معاها وريقها نشف تحل لباب وخرجات مشات دخلات لغرفة الموضفين جبدات الكاب ديالها ولبساته مابغاتش تخليه كيتسنى راه هو مول شي ماخاصش تغلط معاه
خرجات من بعد ما دازت سنات بانها حضرات شافت البارمان واقف بالسكوطور من نوع اروان كبير ممشات عنده:شكرا اخويا لقيت لي غيوصلني مرة اخرى
البارمان وهو كيدير لكاسك:ماشي مشكيل ختي فوقاش ما حتاجيتيني هنا معاك
وركب وكسيرا بالجهد
مشات باش تركب مع امين فطوموبيل حل ليها شيفور لباب وركبات حداه اللور كان جالس وفيديه كاس دلويسكي عرفات راه مبلي ومن نوع لي كيشرب بزاف ولكن ماشي لحد لادمان غير رشوق وصافي
امين شاف فيها :مرحبا بلانيسة طاهرة ياك انسة بعدة
طاهرة بتاسمات:اه
امين:ااحمد الله عطي لعنوان لشيفور
عطاته لعنوان وهو قيدو ف ج ب س باش يطلع ليه:صافي لقيتيه
الشيفور:اه
وكسيرا فاتجاه لعنوان هي قدات جلستها وشافت فيه لقاته كيشوف فيها وعنيه حومر علامة كدل انه بدات دخله سكرة
بلا مايحس حط يديه على شعرها وبدا يلعب بخصلة من شعرها وفنفس الوقت كيشرب من الكاس وعنيه عليها
هي مانكراتش عجبها وعجبها بزاف كيعجبوها شخصيات لي بحاله قوية وفنفس الوقت هادي ورومانسي كي كيقولو ليها المريكانيين جنتل مان
بقات كتشوف فيه وكتحس بيديه لي كانت كتلعب فشعرها هبطات على وجها بقى كيدوز صبعانه غير بشوية حتى وصل لشفايفها حط صبعو عليهم ودوزو غير بشوية بحاليلا كيقولها تشهيتهم فهاد اللحضة كيسمعو صوت الشيفور :سيدي وصلنا
امين مزال على نفس حراكة وعنيه عليها:نزل تسنى برى
داكشي لي دار نزل وخلاهم بجوج طاهرة بلعات ريقها كتحس براسها مخدرة عرف يسيطر عليها
امين دخل يديه مور عنقها وجرها لعنده وقرب لودنيها:مزيان ملي تلاقينا
وباسها فوجهها هي هزات راسها وشافت فيه وكترمش فعويناتها وخدودها حومرة تزنكات كان وجها اونفاص مع وجهو وانفاسهم تخلطات هبط عنيه لشفايفها وقرب يلاه ايبوسها وهي ترجع اللور حتى لصقات فباب طموبيل:سي امين تعطلت
رجع اللور وبتاسم:نتشاوفو غدا
قرب وهز يديها وباسها:امسية سعيدة
جمعات يديها عندها ما متيقاش هدشي لي واقع مدات يديها وحلاات الطموبيل:تصبح على خير
نزلات كانت حدا لباب شافت طموبيلتو هو كي دايرة تشري حمتها كلها شافته حل الشرجم:ودخلي لدار شكا تسناي
طاهرة:واخة
بغات تدفع لباب ساعة لقاته مبلج بالساروت:نااري لباب ديما مترعة تا لهاد نهار تفووو
شافت فيه وبتاسمة بتسامة غبية
امين نزل:كاين شي مشكيل
كان كيشوف فلباب دلقزدير
طاهرة:بلجو لباب وما عنديش سوارت
امين:عيطي ليهم فطيليفون
💘الجزء السابع💘
داكشي لي دارت جبدات طليفون وصونات لختها والو ماكتجاوبش:ختي ديما كدير سيلونس فليل
امين:ايوا وشغا ديري
طاهرة:انعيط كما على الله تسمعني
امين:ههه من نيتك فهاد الليل وكلشي ناعس
طاهرة:تانت هاد الحمة عندهم كي صباح كي ليل
بقى كيشوف فيها هي هزات راسها وبدات تعيط:ليلى...ليلللللى...واا ليلى
هو تكى على الطموبيل وكاتم ضحكته
طاهرة شافت فيه:سي امين سير راه مشى لحال
امين ربع يديه:لا تا تحل لباب ولا يلاه تباتي فلاوطيل
طاهرة:وي لي لاا ها هي غتحل ليللللى ...ليلى
بقات كتعيط كتر من مرة
عند ليلى كانت فسابع نومة خامرة بقات كتحرك حتى حلات عنيها على صوت ختها غوبشات وناضت طافجة دلات راسها من الشرجم:يعطييك موصيبة ماتخل حد ينعس الخريااا مالك شنو بغيتي
طاهرة تلونات حشماتها حدا امين شافت فيه وبتاسمات:عاد فاقت ماعارفاش شكاتقول
ليلى مزال مدهشرها نعاس ماشافتش امين:وااااا سوبيسة شنو بغيتي لاش مفيقاني من نعاس دابة مشات لي لحلمة اجا ما ردها تاني
طاهرة خنزرات فيها:لوحي ساروت يعطيك دقة من بعد ونتفاهمو انوريك لحليم كيف داير
ليلى عاد شافت امين وهي تخرج عنيها حساب ليها غا كتحلم:منين ضبرتي على عاد البوكوس
طاهرة كتشوف فيه :غي زيدي عرفتي ونشدك مايبعدوني عليك غا ماليك الموصيبة لووحي ساروت
ليلى:تسناي
مشات كتجري جابت ساروت وهبطات بغات تشوفه حلات لباب وخرجات لعندهم كانت لابسة بيجامة شورط وديباغدور داكشي مقزب وشعرها مطلوق مخبل وبلحفة:اهلان وسهلان عرفينا بالسيد
طاهرة:سيري دخلي قبل نجمع معاك
امين بقى كيضحك قرب لعند ليلى ومد يديه:معاك امين
سلمات عليه وهي كتبحلق فيه:وانا ليلى لانسة ليلى مامرتابطاش عازبة
امين:هههههه مشرفين
ليلى :شكا تجي لختي صاحبها صديقها احم حدد باش نعرف
امين يلاه ايجاوب وهي تقاطعه طاهرة:سي امين مول لاوطيل لي خدامة فيه
ليلى شهقات:حلفيييي يا لمسخوطة نااري والله ماساهلة نتي خطاار
طاهرة:اويلي سكتي راه غا موصلني
وقربات وقرصاتها وهمسات ليها فودنيها:باغة تخرجيلي على خدمتي ياك
ليلى:ااااي لاش كتقرصي وانا باش عرفتو مول لاوطيل سمحنا اسيدي راك عارف ليل ونعاس
امين:ههه ماشي مشكيل واطلعو بحالكم من لباب
طاهرة:شكرا اسي امين عدبتك معايا
امين:لا ماكاين لا عذاب لا والو تصبحو على خير
طاهرة:تصبح على خير
امين:غدا اجي مع 3 ايتقلب سيسطيم اتولي تخدمي بنهار
طاهرة:واخة سي امين بسلامة
ركب فالطموبيل وتسناهم تا دخلو عاد مشى
هوما طلعو وليلى كطير:هضري قولي شنو واقع يلاااه لاش جايبك تا لهنا مول لاوطيل يا كما سيد تكالا
طاهرة جلسات فوق الصداري:ااااح قلبي
ليلى جلسات حداها:لا لا هدشي خطيير هدري
طاهرة شافت فيها وبدات تعاود ليها وهي مبتاسمة
ليلى دارت راسها صخفاانة:اااااه قلبي صغير لا يتحمل
طاهرة:ههههههه كون تشوفي انا
ليلى شافت فيها:اختي ضبرتي على راسك سيد طاح وطاااح على راسه
طاهرة "وراه انا لي طحت ماشي هو
ليلى بدات تحلم:عرفتي ويديك يعيشنا فالنعيم يهزنا من هاد الخربة ويدينا لقصر دياله اووووف تصوري لجاكوزي ولابسين ولخدامات وشوبينغ كول نهار ياااااااااي
طاهرة:هههههه وطيارة خاصة وطموبيلات وكل نهار لبسة فشكل وفرانسا ولمريكان مانبقاوش نحيدو منهم
ليلى تحمسات وعنقاتها وباستها:ختيييي طيحييييه عفاك راه باينة عنيه فيك
طاهرة خنقاتها:وابعدي خنقتيني الخراااا خنقتيني
ليلى بعدات:ناري ويصدق هادشي نفقص لعديان وجيران ههههخ
طاهرة عاد تفكرات لخصلة لي دارت ليها قدامو شداتها من شعرها:دوي القحبة كتسبيني حداه شوهتيني يعطيك موصيبة
ليلى كتوجع:رخي قصحتيني عاد كنتي كضحكي
طاهرة طلعات معاها بقريدسة مع فخادها وهي كتغوت:باش تعلمي تحتارميني
ورخات منها:نوضي تهزي قودي تنعسي
ليلى كتحك فبلاصة لقرصة:كتقلبي كي زمان
طاهرة:تهزي تنعسي ولا نوض نكمل عليك
ليلى ناضت:هاهي غادة
طاهرة وقفات تاهي دخلو لبيت ليلى تلاحت فوق النموسية وكملات نعاسها وطاهرة بدلات عليها وتخشات حداها بدات كتفكر فداكشي لي وقع قطع عليها نفكيرها صوت المحجوب داخل وهو سكران كان كيغني
محجوب وهو كيميل وكيغني بصوت تقيل:شكوون نتي وش..كون تكوني علاش كتدوي
قطع عليه صوت طاهرة:لقووة ان شاء الله
محجوب كيشوف فيها:زين دلعلام شتي نتي رجوولة تيتيزة اجي نبوسك
قرب ليها وهي دفعه:ماتقصنيش ازااامل
محجوب كيميل:مقبوولة ازين
وبدا يغني اغنية ستاتي:زين ولطااااي كلشي كاااين
طاهرة غير مخنزرة وكتشوف فيه تلاح فوق الصداري وهو مزال كيغني غمض عنيه ونعس
طاهرة وهي كطفي ضو:تنعس ماتنوض
دخلات لبيت تخشات حدا ختها عنقاتها وباستها ونعسات وهي شادة فيديها
صبح صباح بنهار جديد
نفس لحال كانت ناعسة حتى كتفيق على لغوات تنهدات وناضت جالسة كتحاول تستوعب ديالاش هاد لغوات سمعات ختها كتغوت هي ومحجوب ناضت كتجري حلات لباب وخرجات لقاتهم محيحين
طاهرة وقفات حدا ختها:مالكم على صباح شنو واقع
ليلى وهي مخنزرة فمحجوب:هاد شماتة حصلتو هاز ساكك وكيخور فيه كيقلب على لفلوس
الجزء الثامن💘
محجوب:اما غتسكتي ولا غنضرب ط..دمك تا تشوفي مك كدور قدامك
ليلى :بزاف على دين مك جرب وقيصني لما ندمتكش راني قحبة
محجوب صعر وتعصب كان محتاج لفلوس ومشى يسرقها من ساك طاهرة ساعة حصلاتو ليلى ودارت ليه الشهة كان كيلهت وحالته حالة وجهه مصدي بالشمس ولحية كيشي غابة على وجهه رريحة دلعرقة من لبعيد.عاطية وريوكو هابطين وعاد ملي كيهضر كيسقي عباد الله ببزاقو فعمره 48 عام سكايري وقمار هدشي فاش غادا حياته :نتي راك كتقلبي عليا محدي مزال ماحطيت يدي عليك ونتي زايدة فيه بربي وما دخلي سوقك راسك ياتا نضيع بنتي فشرافها هنا فين قلتها ليك
طاهرة سماوي الله يداوي ولا كيبان حداها شعلات:ايواا جرب ياولد العاهرة وقيصها ايلا ماحيدتولكش وحطيتو حدا وجك راني ماشي طاهرة راك مزال ماكتعرفني ختي هي لعندي وعليها كنتكرفس والله ختى ندبحك وأديتيها
محجوب ماعرف راسه باش تبلى عارفها هبيلة وديرها :صافي بردي بردي اري لي 100 درهم وخليني نمشي نقود بحالي
طاهرة:لفلوس ماكايناش سير خدم على راسك
محجوب:شوفي بلا ماتلعبيلي على الاعصاب راني شفت لفلوس فساك اري 100 درهم
طاهرة خدات ساك من عند ختها:شوف اتغلي من حدايا لفلوس باااح
محجوب جبد بونقشة وطرطقو حدا وجها:بغيتي غير نرونوها ماعندي تمانيع اتهزي هاد لقحبة دختك وتخرجو عليا من دار دابة ماعنديش خيرية هنايا
طاهرة حلات ساك وجبدات 100 درهم ورماتها عليه تحنى وهزها من الارض كي شي كلب:ايوا ديريها من لول ديما كتشحفيني على 100 درهم
ليلى:سير الله يجيب ليك شي منتيف لي يغرقك وتهزك صطافيط تمشي تبرد فلبنيقة نتهناو منك
محجوب:سكتي يا لمشة ونتي كطيري
طاهرة:خديتي لفلوس وسير فين غتمشي
خرج وزدح لباب
طاهرة جلسات فوق صداري :لفلوس لي كانت عندي داها بقينا بلا حتى درهم تفوو باش انفطرو وباش انتغداو
ليلى جلسات حداها:على عبشة درمرض عييت منها والله
طاهرة شافت فيها:نتي ديها غا فقرايتك أنا لي نعيى وانا لي نخمم ماديريش راسك فهادشي سمعتيني
ليلى هزات يد ختها وباستها:لهلا يخطيك عليا اختي
طاهرة عنقاتها:هدشي كله كنديرو على قبلنا بجوج
ليلى بتاسمات:شنو بان ليك نبدا نعيط ليك ماما
طاهرة بعداتها عليها:ماما نووضي نوضي باغة تشرفيني قبل لوقت
ليلى:هههههه دغيى كتصعري
طاهرة:نوضي سيري عند مول لحانوت قولو يعطيك جوج بيضات وخبزة ورابعة دلعدس ويقيدهم تانجيب لي لفلوس
ليلى وفاات:شمن عدس اوووووف ماكيعجبنيش
طاهرة:شنو احبيبة بغيتي نجيب ليك شوارما ولا بيتزا
ليلى كتحلطم ومدلية شنايفها:اوووووفديرينا يلاه غا روز بلا دجاج المهيم لعدس لا
طاهرة:جيبيه يلاه
ليلى حلات لباب باش تمشي
طاهرة:اتمشي هكا بهاد البجامة لمقزبة
ليلى:لحانوت غا قدام لباب
طاهرة:وداك لحترافة لي لتحت بغيتو يحلو عليك فامهم تحركي لبسي جلابة
ليلى مشات ولبسات جلابة وهبطات لحانوت جابت السخرة ورجعات حطاتهم فلكوزينة
طاهرة:اجي نتي معاياش داخلة
ليلى:مع جوج
طاهرة:وبداي تجمعي دار علامن يوجد لفطور
ليلى:لا صخفانة بالجوع مانقدش تانفطر ويلي
طاهرة:يويل حالك الموصيبة
طاهرة قدات لفطور لبيض مقلي مع براد داتاي وحطاته :اجي تفطري
جلسو كيفطرو من بعد ناضو يكملو شغالهم حيت مابقى والو للجوج باش كل وحدة تمشي لشغالها
كانت طاهرة فلكوزينة كتوجد لغدا وليلى كتجفف من بعد ماسيقات دار
طاهرة تخلعات فاش سمعات ختها كتغوت خرجات كتجري:اويلي مالك
ليلى جات كتجري عندها وهي كتغوت:شووووفي امين صدق صاحب ناصر الزعيم هوما تلاتة ديال صحاب
طاهرة خدات طليفون :وهي تشوفهم مجموعين تلاتة فواحد للتصويرة عنيها مشات نيشان لامين وبتاسمات وولات شافت فددوك ل يحداه:شكون فيهم ناصر لي فارعالي راسي بيه
ليلى وراتو ليها:واش نسيتيه ديما كنوريه ليك
طاهرة:وانا مسالية نبقى عاقلة عليه
بقات كتشوف فيه كلهم مبتاسمين بتسامة عريضة الا هو بحرى مبتاسم ولكن جاية معاه سهات وهي كاشوف فيه باينة عليه صعيب غير من طريقة وقفته وكي شاد لكاس دلويسكي فيديه وكي معلي حاجبه من لبسه باينة من النوع لي كيهتم بالمضهر دياله بزاف وعنده شوية دلغرور
وشافت فدري تلاتة هداك ضاحك ماشي مبتاسم ضروسه باينين باينة عليه من شخصيات المرحة ولكن فنفس الوقة واتقة من راسها وعارفة شكا دير طريقة لبسه مختالفة على جوج لوخرين ستايله مبدل عليهم
وولات شافت فامين وبتاسمات(ديجا هضرنا عليه)
ليلى خدات ليها طليفون من يديها:وصافي شوية اترسميهم
طاهرة عاد تفكرات لهدرة دامين وصاحبه ناصر الزعيم لي ايدير حفلة دلخطوبة دياله فلوطيل:اه عاد تفكرت غدا ايحتافل بالخطوبة دياله عندنا فلوطيل
ليلى غوتات:انمشييييي ياك اتديني معاك عفاااك اختي
طاهرة دارت كتكمل طياب:سيري بعدي مني هادشي لي بقى راه خدمة ماشي معروضة
ليلى عنقاتها من لوور وهي كترغبها:هاااا لعاار الله يعطيك ما تمنيتي ديني معاك والله ماندير شي مشكل راه اتوقع لي شي حاجة عفااك
طاهرة دارت لعندها:واداابة رخي مني
رخات منها:صافي انمشي ياك