الفصل 4
بعد الفراق
الفصل 4
جاد:منين تخطفتي و هي كتخاف عليا بزاف لدرجة وليت راجل و كل شوية تابعاني بتيليفون
جود:😑😑 غتفرح فاش اتشوفني ؟؟
جاد:ههههه دابا تعرف
جود:يالاه نوض سير بحالك
جاد:(وقف ) مغتعنقش خووووك😏
جود:(بابتسامة وقف و تبادلو عناق رجولي ) تهلا
جاد:فاش اتبقى نتواصل معاك
جود:(عطاه نمرة ) و خاصنا شي بلاصة نتجمعو فيها تكون مأمنة
جاد:خليها عليا ...دابا نسيفط ليك فين
جود:واخا
جاد:تهلا فراسك انا مشيييت
مشا جاد و جود تاهو تبعو هرج من الباب لي فلا كويزين دلوطيل ركب طوموبيلتو و هو فرحان كبحس براسو كمل مابقات ناقصاه تاحاجة ..اما جاد فوصل للقصر و طلع لبيتو مع دهلة لقا نعمة جالسة مربعة رجليها فوق الناموسية
جاد؛نتي مزاال فايقة
نعمة:ضرني راسي و قتلني لفضوول عارف ختك
جاد مجاوبهاش مشا دخل للدريسينغ هز حوايجو و دخل للحمام دوش و لبس سروال كيطمة و تيشورك نفس اللون و خرج كيمسح فشعروووو
نعمة:اييه طلقنا
جاد:سيري تالغءا و اطي تدي لخبا(قبل ميكملها و هو يتحل لباب)
تحل لباب و دخل ايهم
جاد:اييييه كملاااات
نعمة:عمي جاي تانتا تدي لخباار
ايهم:مجانيش النعاااس 😂...شنو وقع
جاد: بفففف ...بغيييت نعس هرجو عليا
ايهم:(خنزر فيه)طلقنا
جاد:😏😏اوك (عاود ليهم على اللقاء ديالو نع جود ) يالاه خرجو عليا
نعمة:واااو😃😃هادشي زوين
ايهم:نوضي ابنتي سيري ترغدي و ياويلك نسمع هادشي خرج ...لسانك نقطعو لبنتي
نعمى:ايي...دابا عاد ايجيني نعاس ...تصبحو على خير
جاد:وقفييي😡😡
نعمة:مالنا
جاد:كيفاش قضيتك خارجة معاه و مكتعرفيهش
نعمة:😳😳هو طلبني قليك بغاني نكون نرشدة سياحية و نوريه لبلايص هنا فكازا...و اصلا فلول محملتووش تلاقيتو جوج مرااات و فينما نتلاقو ندابزووو ...مغرووور تفوووو
ابهم:سيري تنعسي ابنتي سيري 😂😂
نعمة:(تمات غادة)دابا شنو...منكونش مرشدة ديالو😂
جاد:لمرة جايا اتقوديها من عندووو...عندي احساس 😂😂رولي لبيتك
ايهم:(ضرب يديه بلا حول و تم خارج ) نعس نعس
🌇🌇صباح جديد
جنى و نعمة مزال هامرين فحين هالة جالسة فجردة كاشرب قهوتها الصباحية حتى تم طالع جاد من لاصال عرقاان
هالة:صبااح لخير
جاد:(جلس جداها كيشرب فلما )صباااح لورد و لياسمين
هالة؛صابح نشييط
جاد:و تاي صابحة زوينة
هالة؛فين تعطلتي لبارح
جاد:مع صاحبي
هالة:اممم صاحبك و لا...
جاد:ايييع مال عقلك منحرف الواليدة
هالة:الله يمسخك المنحرف دبصح
جاد:(عنقها)متعطينيش الموافقة نجيب عليك الضرة
هالة:تانشوف ضرتي الى عجباتني هوا هاداك معجباتنيش هزك لما
جاد:اييه مقلتي عيييب
ايهم:هاداك ها...حيد على مرتي
جاد:بفغف...غنتوما لي مزوجين 😏😏
ايهم:كاين شي حد من غيرنا ...بلاك (جرو و جلس حدا هالة عنقها و باسها ففمها قدامو )
جاد:و حتارم غير المشاعير ديالي اصاحبي
هالة:(حشمات )نوض اولدي راه ها دار تجمعتو قيها غير نتوما لمصندل على خووه
ايهم:واش كيتسالني شي حد شي حاجة...نوض تgعد من حدايا و بقا حاضيني فرزقي
جاد:😜😜😜و تهلا فرزقك الواليد ...نتا لي جات معاك
تم طالع جاد لبيتو حتى بانو ليه لبنات نازلين مشعكات بلبيجامات
جاد:بفف بنتوو على حقيقتكم...لمكياج داير فيكم خير
جنى :ديها فراسك
جاد:الكوفرة على ختها ...بقاو فيها هادو لي غيديوكم
نعمة:اححح حسن من شي بعضين دابا نشوفو لكوفرة دبصح لي غتجيب نتا نيييت
جاااد:غنجيب تييتيز ملكة جمال السوييد...(كمل طريقو)و غتقلاو فسمكم
نزلو لبنات كيتعوجو و جلسو فطبلة دلفطوور
جنى:و فييين لفطووور
...:هانا انحط ابنتي
جنى:واخا اخالتي
هالة:صباح لخييير
نعمة و جنى:صباح نوور
ايهم:لمشعكااات
نعمة:و عميييي
جنى:بفففف
لتاحق بيهم جاد مفركس فطرو كاملين فجو مرح مليئ بالضحك و شادين
من بعد كل مشا لخدمتو جاد و ايهم مشاو للشركة على ود واحد الصفقة و لبنات لبسو و تقادو وخرجو ركبو فاللوطو دجنى لي كانت عبارة على اودي صفيرة فلحمر و معرية من لفوق طلقو لمزييكة تالجهد و زادووو ...دازو على سارة هزوها و مشاو للمول كيتساراو حتى عياو و مشاو لكافي لي مولفين يمشيو ليها حدا لبحر ..شدو طبلة و جلسووو
بقاو جالسين كيضحكو حتى وقفات عليهم كوثر
كوثر:فتيات😍😍 شنو تشربو
جنى:اهلا صافا حبيبة
كوثر؛بيهير...ديك نهار مشيتو بلا منشكركم...ميغسي لبنات والله
نعمة:هانيا حبيبة ....و لكن احم صافي صافي
كوثر: شنو تشربو
سارة:انا عصير سيتغون يكوون بارد
جنى:انا جلاص فريز
نعمة:و انا جلاص كراميل
كوثر:اوكي
نعمة:لبنات انمشي للحمام و نجي
ناضت نعمة تبعات كوثر جتى وقفات عليها
كوثر؛بغيتي شي حاجة
نعمة:اه بغيت نسولك...ديك نهار داك سيد كتعرفيه ياك
كوثر:احم ااه
نعمة:نقدر نعرف فين كتعرفيه
كوثر:هو صراحة ماشي كنعرفو شخصيا غير من بعيد
نعمة:(ضيقات عينيها)و علاش مبغيتيهش يشوفك
كوثر:علاش كتسولي
نعمة:حيت ...حيت انا وياه ولينا اصدقاء
كوثر:(هرجات عينيها)اشنووووو
نعمة:علاش ستغربتي
كوثر:شوفي ختي نصحك بعدي منو ميصلاحش ليك..نتي كتباني بنت نااس و هو خطييير
نعمة:شنووو كتعرفي عليه
كوثر:هادشي منقدرش نقولو سمحي ليا
نعمة:تقدري تعتابريني صاحبتك و قولي ليا شنو عارفة عليه
كوثر:تيقي بيا منقدرش
نعمة:اوكي 😑😑(ورجعات بلاصتها)
كوصر بقات كتشوف و كضور عينيها ...و مسات كتكمل خدمتها دات لبنات طلب ديالهم
جنى:نعمة مالك ساكتة
نعمة:نزغرت مثلا
جنى:بفف صافي غير هنينا
كوثر :(وقفات على لبنات كتلهت)عوتاني جااا عافاكم وحدة فيكم تعتقني
جنى:مفهمتش
كوثر:داك دري ديال ديك نهار
نعمة:😃 جوو احم مزيان
جنى:واخا انا انشوفو ليك ...غير تهدني
ناضت جنى شافت جود جالس فواحد الطبلة و خاشي وجهو فتيلي و مشات عندو
جنى:هاااي
جود:(هز راسو و ابتاسم ) اوووه لاباس
جنى:وي و نتا
جود:(بشوففتك)بيخير
جنى:شنووو تشرب
جود:😡 مكاينش سيرفور هنا و لا شنو (و دار كيقلب )
جنى:لا راه غير ممسالياش ..غير قو ليا انا
جود:(وقف صاعر و مشى عند سيرفور لي هي كوثر و شدها من دراعها )هييه نتي
نعمة حلات عينيها و ناضت كتجري
كوثر:(مدورة وجها )ش
نعمة:شواااقع
جوود:(شاف فنعمة و خنزر و دور عندو كوثر )الى مكنتيش مساليا قلبي على خدمة هرى ماشي تبقاي تسخري فلي كليون
كوثر:(كتقفقف) س س سمح لي اسيدي
جنى:خويا راه موقع والو ..هانيا
جود:متعاودش كتسمعي(و بقا كيشوف فكوثر)جيبي لي اكسبريسو
كوثر:و و واخا هي لولة سيدي
نعمة:😡😡
جود:😡😡
جنى:😣😣 نعمة اجي نرجعو لبلاصتنا
....:حبيبة
جنى:زياااااد ...بيبي شكادير هنا
زياد تحنة عندها و باسها ففمها جنى بقات غير كترمش اما نعمة خرجات عينيها و شافت فجووود لي مزير على يديه مابقا ليه والو و يتلاخ عليهم يفرشخهم
زباد:احح توحشتك
جنى:حتى انا حبيبي
نعمة:(بسيف شادو الضحكة وطلعات معاها تزنيكة)احم
جود:(قرب لنعمة و هضر تحت سنانو)شكون هاد الزامل لي كيتلمس فيها
نعمة:كخم كخم(كتبغي تهرج ضحكة و حابساها)
جنى:يالاه نرجعو لبلاصتنا
زياد:(شاف فنعمة و مد يديه ليها )نعمة صافا
نعمة:(حركات راسها باه)
جووود:غتهزي قلوعك نتي وياها ولا غنرب على طاسيلتكم هاد القهوة...مبقيتوش نحشمو البرهوشات 😡😡
نعمة:امممم
جود: دابا 😡😡
نعمة:(شافت فيه عينيه حمرين خلعها ) احم ..جنى ايخصنى نمشيو
جنى:عاد جا زياااد 😣
زياد:صافي سيري و جنى انا نوصلها
جوود:(خنزر فيه)
نعمة:لا جاااد ايخاصم علينا ...زيدي 😡😡
جود مشا رجع بلاصتو و حاضيهم ..زياد نتابه ليه و مشا عندو
زياد:(بدريجة) نقدر نعرف علاش كتشوف فينا بديك طريقة
جود:شكتقووول مفهمتكش
زياد:كتعرف لبنات ...علاش كتشوف فينا بديك طريقة
جوود:ديها فراسك و نشوف كيبغيييت كتسمع 😡😡
زياد:😡😡(تحنى و شنق على جوود) هاديك راه حبيبتي لي كتشوف فيها
جوود:(وقف و عطاه كلاك ) الى نتا حبيبتك ف انا راها خ(سكت ) سمع اما غتغبر من قدامي و ل(قبل ميكملها جاه كروشي لوجه )
نعمة : اييييه كيدابزوووو
جنى : (شهقات و مشات كتجري بغات تفك ) اييه زياااد شكاديرو
نعمة:و صافي براكة
دراري كيداربو دقة فجود و دقة فزياد لكن فالاخير جوود ضرب زياد كروشي للنيف حتى غيبو
جنى:(شاف فجود )😡😡 ايييه نتا(قبل متكملها حنكها دغدغ )
جود:(شاف فنعمة) اتجري ختك و نيشان للدار و لا مغيعجبكم حاااال
نعمة:واخا واخا ...جنى زيدي
جنى :(بدريجة)شكووون سحابلو كرووو حتى يدربني الحيواان
نعنة:زيدي و سكتي
جنى :😡😡علاش كتسكتي فيا لعوض متغوتي عليه حتى
نعمة:(تحت سنانها )بلا شوووهة ...زيدي
سارة:(تابعاهم كتجري) تسناو اللفعات ...هاكو سيكانكم ...بففف كومبا طرات
نعمة:سارة حنة انمشيو لدار من بعد و نتلاقاو
سارة:مهم انسلم عليكم دابا حيت فليل انا مسافرا للهند مع المخيم
نعنة:اوكي باي (سلموو عليها و ركبو و
اد لمرة نعمة لي ساقت )
جنى:خلينا زياااد تما ...داك لحماااار باشمن حق يضربني و عاد دابز مع زيااااد
نعمة:جنىىى صافي سكتي ...راه مدار تاحاجة غالطة
جنى:(بلغوات)فين كتعرفيه باش دافعي عليه
نعمة:(وقفات اللوطو و هضرات بلغوات )الحمااارة هاداك رااه خوووك جووود
جنى:(تسمرات بقوى الصدمة و كلمة خوك جود كتردد فودنيها ) ش ش ج ج و د
نعمة:(وعات على راسها ) احم (بقات كدور فعينيها )
جنى:(كتنعت بصبعها زعما لور ) و و اش هاداك ...
نعمة:جنى هادشي تاحد مخصو يعرفو..الى عرفني عمي و جاد قلتها ليك ايقتلوني
جنى:😢😢واش هاداك خويا ج ود
نعنة:(حنات راسها ) اه 😟
جنى:ك كيفاش..ا ا متى ...شنو ...(بلغوات)واهضري الخرى
نعمة:بفف اوك انعاود ليك لي عارفة و لكن ماماك مهاصهاش تعرف دابا
جنى:فهمنا ...هضري
نعمة: هاداك راه جوود لبارح (عاودات ليها) جوووود رجع
جنى: ولكن علاش مخبيين...ماما خاصها تعرف
نعمة:لا لا ...عمي و جاد مابغاوهاش تعرف و حتى جوود..خاصهم يقادو شي اومور معرغتش انا بضبط شواقع و اكن مخاصهاش تعرف عياو يوصيو فيا و لكن لساني ولد لحرام مبري مني تفوووو
جنى:بففف
نعمة:جنىىىىى
جنى:صاقي فهمنا ..(ابتاسمات)زوين ياك
نعمة:هههه اه ...حتى تصرفيقة لي كليتي ...سلام زوين داز بيناتكم 😂😂😂
جنى:وييييع ..متفكرنيش ...بفف زياد خليناه طايح تما
نعمة:نتي كتباوسي و ترومانساي قدامو و بغيتيه يتفرج فيكم
جنى:هارفني ختووو
نعمة:معلوووم ...شكنخبر عليك من صباااح
جنى:بففف....ديماري خلينا ترجعو نهااار كحل هادا
رجعو لبنات لفيلا و لكن جووود خلا زياد مليوح فالارض و مشا عند كوثر و شدها من دراعها
جود:متفكريش راني معرفتكش ...شنووو علاقتك بلبنات
كوثر:ا ننن...و والو مكنعرفهمش
جوود:لاش جيتي لهنا 😡😡
كوثر: ش شوف انا مكنعرف والو تيق بيا و انا جيت هنا باش نبدا من لول و كيف كتشوف خدامة هنا
جوود:ياويلك نحصل عليك لغدر نقتلك ...دووك لبنات تبقاي بعيدة عليهم
خرج جود صاعر ركب اللوطو ديالو و جبد تيلي دوز نمرة جاد
جااد:اوووه اخيييي الفاضل
جوود: علاش مرادش لبال لبرهوشة دختك نتا
جاد:علامن دوي ...جنىى
جوود:ابيه جالسا كتباوس مع واحد خينا فمكان عمومي و بتحابو ليا تما
جاد:😡😡 يتباوسو..زياااد ؟!
جود:منعرف لزامل بوووه....مهم بغيت نسولك
جاد:وي
جود:ديك الراقصة بي كانت فملهى دسام
جاد:(تفكر كوثر ) مالها
جود:كتعرفها
جاد:هضر اشواقع
جود:و هضر نتا نيييت ...واش هي كانت من طرفك
جاد:بفف اه ...علاش
جود:هي خدامة فكافي ***لي جدا لبحر ليوم شفتها و كانت كتهضر مع لبنات(عاود ليه لبلان )
جاد: 😍😍😍بصح
جود:شنو لي بصح ....ياكما ...
جاد:قود (و قطع )
جاد هرج كيجري من لييرو ديالو ركب سيارتو و اتاجه للكافي لي خدلمة فيه كوثر و حاس براسو غيطير بلفرحة ..وصل نزل و تم داخل كيتعنكؤ و عينيه كيتساراو حتى قشعها كتمسح فطابلة و مسا وقف عليها من لور شد صبعو سبابة و نغزها ...مع ضورة مع تسمرات بلاصتها
كوثر:ه هذا نتا
جاد: صافا 😃😃
كوثر:: تقدر تفضل اسيدي ...شنو تشرب
جاد:(ربط غوباشتو ) علاش هاد الرسمية
كوثر:شنووو تشرب
جاد:كوووثر 😡
كوثر:سمحليا عاد خديت توبيخ من عند لباطرون ديالي مقادا على واحد اخر ...تفضل و منين تقرر شنو تشرب عيط ليا ...انا رهن الاشارة
تمشات قدامو بلباس ديال السرباية سروال توب كحل مع شوميز بيضة مشات كتشوف لي كليون اخرين هو جلس فطبلة و بقا حاضيها و عي مكتشوفش جيهتو بمرة ..حتى عيط ليها
كوثر:(هازا اجوندا فيديها ) شنو طلب اسيدي
جاااد:(تحت سنانو) كوووثر
كوثر:احم ...شنو طلب
جاد:جيبي ليا على ذوقك
كوثر بقات كتشوف فيه و ضارت ..بعد مدة تمات غادة عندو فيديها بلاطو فيه كابوتشينو مع دي كريب او شوكولا حطاتهم ليه و زادت
جاد كلا و بقا جالس تما حتى شافها غبرات و ناض تيقلب عليها بانت ليه بدلات حوايجها و غادا خارجة حيت كتخدم غير تال 4 دلعشية و موراها كيجي سيرفور اخر
جاد تبعها هي حاسة بيه موراها و لكن مضارتش و بدات تشير لطاكسي حتى حسات بيه سحبها من يديها و غادي و هي مجرجرة موراه
كوثر:اشكاديير نتا ....(جاد الصمت ) جااااااد
جاد:(ضار شاف فيها ) علاش تصرفتي معايا بحال هاكاك
كوثر:راني قلت ليك لباطرون ايغوت عليا لا عاود شافني كنهضر مع شي حد و اصلا كيفاش بفيتيني نهضر معاك
جاد:شوفي واش مزال مقلقة على نهار المستشفى
كوثر:لا اسعادة الضابط...معندي لاش نتقلق و الى سمحتي خاصني نمشي حبت تابعاني خدمتي
جاد:ياك خرجتي دابا ..شمن خدمة هادي
كوثر:كنظن مكيخصكش الامر
جاد:متقوليش ليا مزال كتمشي للملاهي
كوثر:و نتا ماااالك
جاد:😡😡كوووووثر
كوثر:متغوتش عليا ..شمو بيني و بينك حتى تصرف معايا هاكا ..طلق مني
جاد:علاش جيتي للمغرب
كوثر:بلادي منجيييش ليها ...حيد يدك عليا (كتحاول تفك يدها لكن هو زاد زيرها ) جااد طلق مني
جاد:فيين خدامة
كوثر:خدامة فاوطيل ** خدمة الغرف ...صافي يالاه طلق مني
جاد:اوكي ..ليوم عندك رووبو متحتاجيش تمشي
كوثر:شكتخربق نتا ...طلقني المرض راه ايجريو عليا
جاد:نووو تاحد ميقد
كوثر:مااالو ديل بااااك ...وااااا طلق
جاد:لوطيل ديالي ماشي ديال بااا...يعني انا لباطرون ديالك و غاديري داكشي لي كنكلب منك (ملحوظة لوطيل ليكيهضرو عليه نفسو لي كان هدا دانيال لجاد و جود و سبوعهم لابقيتو عاقلين )
ــــــــــــــــــــــــــــــ
تم مشاركة الفصل من تطبيق روايتك
https://play.google.com/store/apps/details?id=com.akram.novels