الفصل 1
بعد الفراق
الفصل 1
يعدّ الفراق من أصعب الأمور التي قد تحصل معنا في هذه الحياة، فهو سهمٌ قاتل يبعث الحزن والألم في قلوبنا، يجعل حياتنا كئيبةً مملّة، فقد انفصلت أرواحنا بعد أن اجتمعنا، فكان هذا الفراق كارثةً لنا، نقف على الذكريات ونتغنّى بها، نكتب لهم ونعبّر كم حياتنا صعبة من دونهم
لكن ما الصعب ...فراق لحبيب ، فراق الصديق ، فراق الاهل و خاصة فراق الام ....
فقصر برادة من بعد ممرات 22سنة من العشرة الزوجية بين ابطالنا لي عشنا معاهم الفرحة و الحزن هالة و ايهم...ليوم صارو اشخاص مسؤولين اكثر و اكثر ..ايهم لي ولا كيبلغ 51 سنة لكن و سامتو لي زادت حلات بنقيطات شيب على شعرو و لياقتو لبدنية لي باقي محتافظ بيها و هيبتو و صرامتو مزال كيفما هوما رغم مرور السنين ...اما هالة من بعد مكانت بنت صغيرة و بريئة و شويطينة و لي قدرات تخلي المستحيل يولي حقيقة غيرات بزاف و بزااف فحيات ايهم... ليوم هاهي كتبلغ 40 سنة و مع ذللك كتبان زوينة و صغيرة بلباسها الراقي و لي كيناسب سنها
ايهم:هااالة ....هاااالة
هالة:(دخلات للغرفة ديالهم )وي حبيبي اش بغبتي
ايهم:(شافها و ابتاسم هز يديها باسها )بغيتك نتي اعمارت داري
هالة:ههه شبغيتي فيا اداك الشارف
ايهم:اها ..وليتي تعايري
هالة:(شدات وجهو و قرصاتو)مالك مشارفش كنبان قدامك كيبنتك
ايهم:هههه وراه طول عمرك كتباني حدايا كيبنتي ...(هز حاجب )شربتي دواك
هالة:احم ...لفطور واجد لبس و نزل تفطر
ايهم:(بنبرة حادة)هالة شربتي دوا و لا لا ؟
هالة:لا 😑
ايهم:شنوو دابا عوتاني غانبداو ندابزو على هاد دواا ...(مشا حل لمجر هز دوا و كاس دلما )شربييي
هالة:ايهم مابغيتش هاد دوا انا معندي مندير بيه انا ماشي حمقة
ايهم:شكون قاليك نتي حمقة ...هادا دوا دالاعصاب اشجاب لجاب
هالة:مبغيتوش...صافي مابقيتش كنتعصب مبقيتش محتاجاه
ايهم:(حل ليها فمها و شربو لبها بزز )ماشي نتي لي غتقرري نهار يقول طبيب مابقيتيش محتاجا ليه ديك ساعا متشربيهش
هالة:(غرغرو عينيها)...نزل تفطر
تمات عادو حتى حسات بيه جرها من يديها و حاوطها من خصرها
ايهم:فين بوستي
هالة: مكتسالنيش
ايهم:هههه (باسها ففمها بوسة طويلة)كنبغيك حياتي
هالة:حتى انا ...يالاه نزل تفطر
ابهم:واخا نكمل لبس و نجي
تمات خارجة هالة و كتقبقب بطالونها حتى حسات براسها ترفعاااات
هالة:(شادها فقلبها) الله اولدي واش باغي تقتلني نتا عاد ترتاح
جاد:(هازها بين يديه غادي و كيضحك)الله يحفظك ليا الحب ..متبقايش تقولي هاكا انتقلق
هالة:(حاوطات يديها على عنقو و حطات راسها فصدرو)الله يخليك ليا احبيبي
احح نعرفكم على جادو ههه جادو عندو 26 سنة طويل و مبودر لعضلات السداسية عوتاتي 😉 زععير و لعوينات اكيد زريرقين ... احح يحماقو عليه الجسن اللطيف معروف بطياح لبنات هو رئيس شركة برادة من بعد الاب ديالو ايهم لي خلا ليه السلطة و قرر يبقا غير مشرف من بعيد ...مهم جادو شخصيتوو....اممم اففف شغانقوليكم عندو بزاف دشخصيات مرة حنين و مرة مرح او مرة اووف عصبي( احح و نموت فالعصبية انا 😂😂) و منساوش اهم صفة لي ورثها من باه ...فاش كينوض غير هربو عرفو الوحش لي فداخل ديالو فاق ...كيولي كيشي بركان و انفاجر ...تقيسسه فعينيه و متقيسيهش فالحب ديالو نبع الحنان (غادي تعرفو عليه مزيان من بعد)
وصلو لمايدة الاكل حط هالة فلكورسي ديالها و جلس حداها
جادو:حبيبة شربتي دوا
هالة:اه شربتو ...متبقاوش تفكروني بيه كل شوية
جادو:لا نفكروك قالا منفكروكش شحال عندنا منك ...
هز لماكلة و بدا يوكلها حتى تسلطات شنو نقوليكم كارثة موصيبة واهيا ناري
جنى:جااااااااااااادووووووو
جاد:(حط لمعلقو من يديه و شد فراسو كارز على يديه )الصمك ...مالنا على هاد لغوتة الكلبة
هالة:امالك يابنتي
جنى:اهئ اهئ مامييي......سوليه شنو دار ليا
جاد:ههههههههههه بصحتك
ايهم:(نازل خاشي يديه فجيبو)مالكم ....مالك نتي كتغوتي
جنى:(مشات عند ايهم تخشات فيه )بابا .. شد ولدك عليا هالعار
ايهم جلس فبلاصتو كترأس الطبلة و جنى جلسات على رجليه ...جنى الى عقلتو خلينا هالة حاملة و جابت لينا جنى المشاغبة فعمرها 21 سنة زعيعرة و عوينتها زرقين و حنيكاتها موردين اما واحد لفيم صغيور و حميمر غير ديال بوش ابوش
ايهم:(كيمسح على شعرها)مالك ابابا
جنى:ولدك ...ولدك 😢😢
ابهم:مالللو....شدرتي ليها نتا
جاد:(كيوكل فهالة)سولها هب اشدارت بعدا هالة:جنى مالكييي...دوي راني عارفاك شي زبلة جديدة
جاد:يالاه هضريييي
جنى:(مخرجة عينيها فخوها)اش درت
جادو:(ضحك فسخرية)زايداها بتخراج لعينين البرهوشة
جنى:لبرهوش هو نتا
جاد:بربي حتى كتقلبي عليا هاد صباااح...سلخة دلبلرح تاكليها مضوبلة...اطونسيو
هالة؛شنو دارت اولدي
جاد:(شاف فماماه )لبرهوشة ضسرات و غادة سهرانة ليك فلبار هي و بنت خوك و زايداها مخليا البراهش يتبسلو عليها و هي لابسة شرويطة معرية كثر ممغطية
ايهم:(خنزر فجنى)نوضي تهزي عليا نوضي جنى:بابا راه قطع ليا حوايجي كلهم فقت لقيت كولشي مشروط
ايهم:انا راه نحرقهم ...اخر مرة كتسمعي لمرة جايا انا لي غنتحاسب معاك
جاد:ههههه يالاه تبتي و نعاود نشوف مك فشي بار رجليييك نعطبهم ليك و لبرهوشة لاخرا حسابها من بعد
ايهم:(خنزر فجنى لي حنات راسها )
جنى: كتحماااو....مامي😢😢
هالة:ههه درتيها لراسك ..صافي تانخرجو و نديرو انا و بنتي شوبينغ
جاد:كضسريها الواليدة...انا لي غنخرج معاها و غتشري على ذوقي (و كيقلي لختو السم)
جنى:نموت و منخرجش معاك 😡
جاد:هاحنا انشوفو 😉😉
هالة:اتقام لحفلة ليوم ياك
جاد:معلووم...ربحنا صفقة مهمة هاصنا نحتافلو
جنى:اهئ و شنو غنلبس دابا انا
هالة:هههه صافي راني هضرت انخرجو و نشريو مانلبسو
#فجهة_اخرى
و بالضبط عند سهى و دانيال الملقب بعبد الله ....تاهوما نفس الشيئ كبرو و دانيال فتح مشاريعو فالمغرب او عاد الشراكات لي بينو و بين ايهم عندهم نعمة فعمرها 22 سنة بنت زوينة مطويلة مقصيرة شعرها اسود كيبحال ماماها و عيويناتها زورق كيبحال باباها و عمتها و عاد لحنيكات لمطيبزين و لفيم لي مرسوم شخصيتها قوية و مكتسمحش ابدا فحقها و نهار لي كتلاقا بفليفلة دجنى الهربة الهربة لعافية الكحلة كتشعل
سهى:(كتجر لغطا على نعمة)وافيقي خلاص ...نعععمة 😡😡
نعمة:اه اماما ....غير شوية يحفظك
سهى:تهزي قالاك ...نوضي نوضي نتفاهموو
نعمة:(حلات عينيها معمشة و تقادات فالجلسة)مالك اماتي مالك
سهى:معاش دخلتي لبارح لحسك
نعمة:شكون عقل 😴
سهى:(هزات صندالتها و عطاتها للفخاض)هضري البرهووشة
نعمة:(قفزات)احح اماما معقلتش و اصلا دابا شدينا العطلة يعني عادي نتعطل وااااه
سهى:الحمارة وليتي تمشي للبيرلن سحابليك موصلاتناش للخبار
نعمة:بفف دغيا وصلها ليكم داك الزرمومي نشدو نخنقو بيدي
سهى: يالاه تهزي و براكة من لهضرة
خرجات سهى و ناضت نعمة دوشات و مشات لبسات حوايجها مشطات شعرها و نزلات لقات باها جالس شاد جورنال فيديه
نعمة:(باستو فحنكو)صباح لخير
دانيال:نعمة😡😡
نعمة:صافي ابابا عافاك ...غير ماما فيها لكفاية
دانيال:اندوزها ليوم ...مرة هرى نتفاهم مع بنتي
نعمة:(حنات راسها)واخا 😕
ناصر :(اخ نعمة عندو 14 سنة)ههههه شنو درتي
نعمة:دخل سوق راسك
ناصر:هههه مكرهتش نتفرج فيك
دانيال:يعد من ختك نتا
سهى:يالاه فطرو
دانيال:ليووم كاينا حفلة فدار عمتكم
سهى:مزيان
#نرجعو عند عائلتنا
هالة:يالاه نوضي نخرجو
جاد:انمشي معاكم
جنى:لاش نتا لاش
جاد:ديعا فراسك
ايهم:(ناض )جاد تبعني للمكتب(ومشا)
جاد:واخا الواليد ....حبيبة متخرجوش انا نديكم
هالة:واخا ولدي
ناض جاد و تم غادي جيهة المكتب
دخل جاد للمكتب لقا ايهم واقف و عاطيه بالظهر
جاد:لواليييد
ايهم:(ضار عندو)عارف شنو جاي من هنا يوماين
جاد:(تنهد )عارف الواليد متحتاجش كل عام تفكرني
ايهم:غير فكرتك...ماماك مصدقناها برات شويا
جاد:(رتب على كتفو)غير تهنا الواليد...ماما انا خايف عليها كثر و تاحد مغيفكرها فداك نهار
ابهم:مزيان...يالاه هبط عندهم متخلبهمش كيتسناو
خرج جاد نزل لقا هالة وجنى كيتسناوه رسم على كمارتو ابتسامة وقف وسطهم و عنقهم جاد:اميراتي بغاو يديرو شوبينغ
جنى:خويا معندكش لخدمة..سير تخدم على ولادك
جاد:حتى نلقا ماماهم
هالة:هههه شكاتسنا
جاد:حتى تعطيني الحب الموافقة باش نجيب عليها الضرة
هالة:(ضرباتو لكتفو)بااسل
خرجو جاد سبقهم كانت واقفة فيراري فلبيض حل لمو لباب دللوطو حداه ركبات و حل لختو تاهي لي غير كتخنزر و عو كيقلي ليها السم و مشا ركب بلاصتو و عفط عفطة وحدة خلا غير لعجاج و لي كارد موراه
هالة:حبيبي نقص السرعة واخا
جاد:هي لولة
جنى:طلق لبنا مزيكا
جاد:(شاف فيها فلمرايا )سكتينا الكسوولة ..هادشي فاش فالحة
جنى:ياك انا ختك حبيبتك لي كتبغيها
جاد:عندي حبيبة وحدة هاعي حدتيا لاش مدخلة راسك نتي
جنى:واعقل....دابا تحتاجني متلقانيش
جاد:شغاندير بكسولة بحالك
جنى:مسمووووم
وصل للمول و دخلو و لي دازو من حدتم يعطيوهم التحية لما لا و المول تابع لشركة برادة
جاد غادي و شاد يد موو تيبانو بحال شي كوبل لي شافعم ميقولش ولد او مو ..اما لمفروحة د جنة غير كتحنقز قدامهم العقل متكسابوش
جنى:وااااو ...(دخلات كتجري لواحد لبوتيك)
جاد:هههه ناري الواليدة منين جبتي هادي
هالة:ههه زيد ندخلو تا حنا
دخلو مشا جلس جاد فوق واحد لكورسي دار رجل على رجل و لبنات كبتغامزو عليه فحين هو ممسوقش مقابل غير مو و ختو لي كبهزو الحوايج و يوريوه
جاد:حطي البرهوشة هاديك والله لا لبستبها جنى:ماما ...وبزااف حكر علبا ليوم بزااف
هالة:اتجيها زوبنة اجاد..صافي غير خليها
جاد:لواليدة الحفلة مخلطة و لكسوة معرية كاملة و نتي كتأيديها
هالة:(شافت فجنى)صافي حطيها شوفي شي حتجة اخرى
بقات جنة كتقلب حتى بانت ليها واحد لكسيوة زوينةفلموووف بااارد هزاها ووقفات قدام جادو
جنى:زوينة هادي
جاد:تاهي معرية
جنى:خويا حبيبي ...و عافاك
جاد:بفف صافي طلقينا يالاه
جنى:(قربات ليه )شووف منين تولي عندك حبيبتك ديك ساعا حكمها تلبس لي عجبك اما انا غاختك
جاد:حيت ختي خاصني نحكمك ...لما حكمتكش انا شكون ايحكمك
جنى:فارس احلامي😂😂
جاد:😕😕حماضيتي ...(دفعها و مشا وقف حدا موو)باقا ملقيتي والو
هالة:لا اولدي هادشي هنا مغايناسبنيش...انمشي نشوف شي قفطان تسناو جتى ختارت جنى حوايجها و خرجو مشاو لبوتيك خاص باللباس التقليدي ختارت هالة تكشيطة فلباج و خرجو حتى كيتصادفو بسهى و نعمة تاهواما خارجين يديرو شوبينغ هالة:هههه كتساراو
سهى:غانتي لي تساراي
جاد:اهلا اهلا ...لالة نعمة
نعمة:(تخبات مور ظهر مها)والله اخويا حتى ختك مولات البلان ..عارفني دريويشة
جنى:انا الكذااااابة..ياك نتي لي gيدتيني
نعمة:لهلا يطيح علينا شي باطل...انا بالله و الشرع من هبالك ..كوني تحشمي
جاد جرهم بجوج من ودنيهم :بربي حتى نقطع لمكم الرجلين البرهوشات
نعمة:شمن بروهشات الله بهديك قدنا راهم مزوجبن ووالدين
هالة:ههههه عارفبن راسكم البيرات ...انا قدكم راني والدة جاد و جو(سكتات و ترسمات على ملاميحها مظاهر الحزن)
هالة سكتات و تجمعو دموع فعيتيها من بعد متفكرات لفذة كبدها ...كولشي لاحظها و دغيا حاولو يغيرو الموضوع
جنى:اوووووه ...مامي فيا جوووووع
جاد:احم تا انا ...نمشيو ناكلو فشي بلاصة
هالة:(بحزن)لا ..باباك منخليوهش يتغذا بوحدو
نعمة:عميتوو...غير يالاه خليه يتوحشك شويا 😂😂😂
هالة:لا احبيبة سيرو نتوما انا انرجع للقصر
جاد:(عنقها) صافي منين لحبيبة مغاداش تا انا مغاديش..انرجعو للقصر
هالة:لا احبيبي غير سيرو فوجو
جاد:(هز حاجب)نو متحلاش ليا بلا بيك (عنقها زير عليها و باس على راسها و كيتقطع من لداهل و كيحاول ميبينش )مشينا
لبنات:يااااس😃😃😃
سهى:حمقات ..يالاهو
خرجو ركبو فطوموبيلاتهم و رجعو للقصر دخلو لقاو
هالة:(مع لخدامة)فين ايهم
لخدامة:موسيو فالمكنب ديالو
هالة:واخا..لغذا واجد؟؟
لخدامة:اه امدام ...دابا نحطووه
هالة:شكرا حبيبة ...تقدري تعيطي معاك على ايهم
طلعو لبنات حوايجهم لبيت جنى و بدا يقيسو
نعمة:ههههه تي فين شراوطك
جنى:قطعهوم داك كحل لعفطة تفوووو
نعمة:ههههه ناري ولد لحراام
جنى:معقد 😂😂😂
نعمة:اييع هي واحد شدار فيك تصوري كون كان حتى جود 😂😂
جنى:(جمعات الضحكة)اما مرهتوش كون كان معانا و نشوفو كيداير على الاقل ماما كانت اتكون صحتها مزيانة و كونا انعيشو حياة طبيعية...و لكن صعيبة هي حنا معارفينو واش حي و لا ميت ..و حتى سيرتو تاحد مكيقدر يجبدها غير باش ماما متشدهاش لاكريز
نعمة:بصح صعييبة
جنى:مهم اجي نزلو
نزلو لبنات للمائدة لقاو كولشي مجموع لتاحقو بيهم و جلسو كياكلو فصمت
##نسافرو لمكان اخر و بالضبط فايطاليا ..مدينة ميلانو
المرأة:ولدي...ولدي فيق راك كتحلم
ااشخص:(ناض قافز و كينهج )هبه هيه (هز يدة كيمسح لعرق)ش شنو
المرأة:واش نتا بيخير
الشخص:امم
المرأة:امتى جيتي من سفر
الشخص:فليل الميمة ...صافي خرجي عافاك
المرأة:علاش مكتلغبش تقول ليا باش كتحلم ديما
الشخص:حيت كنسا ...و ودابا الميمة خرجي
المرأة:واخا...باباك راه كيتسناك فلبيرو ديالو
ااشخص:امم
خرجات للمرة لكبيرة و هي تعرض ليها لهدامة
خدامة:مدام سيلين....موسيو سايمون باغي يشوف موسيو جوزيف
سيلين:قوليه هاهوا جاي (و مشات )
ــــــــــــــــــــــــــــــ
تم مشاركة الفصل من تطبيق روايتك
https://play.google.com/store/apps/details?id=com.akram.novels