الفصل 2
لا تستفز انوثتي
الفصل 2
رجعات رانيا لشغل الدار... تسمح وتجفف وتنضف وطيب ... مامقصراش من جهدها حاسبة الدار دارها حتى رجعات الحاجة ومشات تعرضات ليها ات ليها فيديها وهي سخفانة جلساتها وعطاتها الماء
الحاجة : صافي .. طرقت معاهم المسمار
رانيا : سمحي ليا الحاجة سخسختك على الصباح ...
الحاجة : صافي ... غادي يحولوها من داك القسم ... ماجيت حتى جلستها فالطاولة ديالها مع المعلمة الجديدة وفالقسم الجديد .. عاد جيت
رانيا : الله يخليك لينا الحاجة ويطول فعمرك
الحاجة : سيري ... سيري جيبي ليا الدواء ديالي سخفت
رانيا هي اللولة الحاجة .
× في الاستراحة .
وسط الساحة وتحت انضار المعلمين كيلعبو الوليدات الصغار فالالعاب ويتزحلقو ومنهم لينا اللي فرحانة وهي الصغيورة فيهم وقلييولة بحال النميلة مكتبانش .. كتجري بشوية عليها وتشوف قدامها فرحانة حيت وصلات نوبتها باش طلع فدريجات وتزلق حتى هي حقها . ومن جهة اخرى جاي جهتها ولد صغير قدها فالسن لاكن وافي عليها .. عاقد حجبانو وقاصدها مباشرة حتى للسلم ديال الالعاب اللي واقفة فيه هي وهز صبعو شار ليها وقال بغضب بالعربية مخلطة مع الفرنسية
- نتي اللي شكيت بيا للمدير ... انا غنوريك
جرها من يديها وهي فالدرجة الرابعة وطيحها حتى غوتات غوتة وحدة وكرمات فالارض .
× فالفيلا .
هاتف الفيلا : سرررر....سرررررر .....سررررر
مشات رانيا كتجري عندو وكتمسح يدها فالسربيتة وهزات السامعة ردات
رانيا : الو السلام عليكم .... (حلات عينيها ) هييييه!!!! اويييييلي !!! اوييييلي وحدي
حطات السماعة ومشات كتجري بلا عقل وتمات راجعة ماعرفات مادير ... مشات للكوزينة هزات اول جلابة شافتها معلقة لاحتها عليها وخرجات كطير لقات الشيفور شاد التيو كيرش الجردة وبدات تشير ليه وتعيط وهي كتجري
- لعربييي ... واسي لعربيييي .... وزيد جري جري
هز لعربي راسو شاف فيها وقال : الله يسمعنا خبار لخير .. (لاح التيو ) واااحمد .. واقطع الماء امسخوط الوالدين قطع هانا جاي .(تبع رانيا ) اش كاين واش الحاجة وقعات ليها شي حاجة ؟
رانيا : بالخلعة ) بنتي بنتي العربي ... بنتي جري ديني للمدرسة ماعرفت اش وقع ليها ..الله يا ربي الله
طلهات كتجري بلا عقل حالتها حالة والسبنية مايلة على شعرها للور والصندالة دالميكة والبيجامة فالشيبي كطل تحت الجلابة وججها صفر بقاو كيبانو فيها غير لعينين .
نزلات حدا باب المدراسة والعربي موراها كيجري تالف .. دخلات الادارة بحال الحمقة وهي تلقا المدير جالس فالمكتب وحداه راجل طويل وعامر شعرو اسود لابس قميجة شيبية وسروال توب باين عليه الثراء من الهاتف والساعة اللي
فيدو . هز عينيه فالباب بسرعة مباشرة فاش دخلات عليهم رانيا وهوا عاقد حجبانو ورجع شاف فالارض طالع ليه الدم ، وفالكرسي اللي قدامو جالسة مرى لابسة صاية ديال التوب فوق الركبة وقميجة انيقة شعرها زعر تحت الكتاف وطالون بيضاء البشرة وهازة حاجبها كتدي فرجلها وتجيبها
رانيا بالخلعة : بنتي ... في بنتي ... فين بنتي
المدير وقف : مدام رانيا .. بنت لاباس عليها الحمد لله وهي حاليا مع الممرضة والدكتور ماعندك مناش تخافي
رانيا : اويييلي على الدكتووور شمو وقع لبنتي
أفأفات المرى اللي جالسة وبدات كتشوف فيها بنص عين وطلع وتهبط ورجعات قلبات عينيها لجهة اخرى
المدير : مجرد كسر خفيف فيدها وراه ولات لاباس
رانيا : ااااويلي بنتي تهرسااات ... شكون هرسهااااا؟
تنهد المدير وقال : كانت كتلعب مع الزملاء ديالها ... و ... و طاحت
وقف الراجل اللي جالس فوق الكرسي معكر المزاج وقال باعتذار
- مدام رانيا .... سمحي لينا بزاف وكنتأسف لهادشي اللي وقع ليوم ... انا الاب ديال جود بناني ...
قاطعاتو رانيا وقالت : صافي اسيدي بقيتو على خاطركم ... هاهوا هرس ليا بنتي ... (بقات كتسوط وتشوف فيه ) حسبي الله ونعم الوكيل فيكم ... وفاللي بحالكم . . . حيت بنتي عندها غير مها ماعندهاش الراجل اللي وقف ليكم ويقد عليكم ... داكشي علاش تماديتو ... حسبي الله ونعم الوكيل فيكم .. انا بنتي مغنخليهاش هنا ... مغنخليهاش كاااع تقرا هنا بناقص من شي قرايا اللي ترزيني فبنتي
خرجات وخلاتو واقف والمرة الثانية مطلعة جناب شنايفها وتسوط بوحدها . وقفات ومدات يدها للمدير وقالت
- كنتأسفو على هادشي اللي وقع .. من بعد ونهضرو مع جود شكرا ليك .
وقفات حدا راجلها اللي مزال واقف فبلاصتو مقابل مع الباب كما خلاتو رانيا وقالت بصوت منخفض
- يالاه نمشي بحالنا .
خرج سبقها كارن حجبانو ومشا لبرا حدا السيارة وقال بصرامة
- سيري جيبي ولدك سني ليه الالتزام
استعربات وقالت بسخرية : مالو قاتل روح ! علاش غنسني ليه التزام بزااف
قال بغضب : سيري سنيي لولدك التزام ... بحالو بحال كاع الناس وخلي مشاكلنا نفكوها فالدار بلا منبداو هنا وسط الشارع
زفرات بغضب ومشات هازة راسها كتقرقب ودازت حدا رانيا اللي خارجة محنية كتسكت بنتها وشادة ليها فيدها ويد اخرى دايرين ليها الجبس . حدرو يجوج عينيهم فاش دازو حدا بعضياتهم .. وحدة دخلات ولخرى خرجات ودازت حدا الاب اللي واقف كيضهر فتيليقون حدا سيارة فخمة .. شاف الحالة اللي خرجات فيها قدامو هي وبنتها وكان غيقطع ويمشي عندها ورجع تراجع وبقا مراقبها حتا ركبات بنتها فالسيارة وطلعات حداها ومشاو
حسبي الله عليه توكلت ...: خرجات السيدة الانيقة شادة لولدها فيدو كضحك معاه وتمسح على شعرو وبغات طلع فالطموبيل لاكن تصدمات فاش شافت راجلها جبد لودو ودنو وقال بغضب
- عقل على هادشي اللي درتي ... انا غنعاود لوالديك الترابي زيد طلع
المرى : لا ماديرش ليه هاكاك علاش تجبد ليه ودنو مالو شندو دار كاع
شار بصبعو ليها بغضب : غتسكتي دابا ولا غنخلي الشارع كامل يتفرج فيك وفالترابي ديالك ... انا اللي غنربي ولدي من هنا لفوق وماتدخليش سمعتي
المرى : كفاش منتدخلش ولدي حتى انا وزايدون راه ماشي شي ناس مهييييمين اللي دير عليهم هاد الحالة راك شفتي مها كي دايرة حالتها حالة وهمجية ... بنتها غتكون بحالها وهي اللي جبداتو
: طلع ولدو فسيارة كيبكي وسد عليه الباب بالجهد كيردد ويحرك راسو " ماشي ناس مهميني ماعندناش علاش نتقلقو نخليوه يدير اللي بغا حيت غير دراوش
المرى :
: دراوش وكتقري بنتها فأيكول بحال هادي بااز ... هادي غتكون غير شي مربية ربات الكبدة على بنت الناس
طلع فالسيارة سد عليه وديمارا متجاوبهاش . طلعات حداه وكل شوية دور موراها وتسكت ولدها في حين الاب كل شوية يهز عينو فالمرايا ويحلف فيه حتى وصلو لفيلا بتصميم حديث ودخل السيارة لداخل ونزل فتح الباب على ولدو جرو خرجو
الاب: دخل نتفاهم معاك ... نوريك لبسالة وقلة الاداب شكادير
الام : سي محمد بشوية راه ولدك
تلفت وشار بصبعو بجدية : ماااتدخلييش حسن ليك
جرو من قرفادتو كيبكي وطلعو لبيتو وسد الباب وراه بالجهد وبدا يشمر على يديه قدام ولدو اللي غيموت بالخلعة
- محمد : كيفاش ؟ طيحتي البنت وهرستيها من يدها ...داير ليا تما صعصع .. انا كنسيفطك تقرا ولا كنسيفطك تهرس ليا ولاد الناس ونبقا انا تابعك نصلح اخطائك ... هضر يالاه جاوبني
تركن جود فواحد الركنة كيترعد ويتمتم
- منعاودس... صافي اخر مرة ... اخر مرة منعاودش
محمد : عرفتي شنو قال ليا المدير .. قال ليا ديما كضربها وكتجي ماماها كتشكا منك ... يعني نتا ديما معندي على بنت الناس وليوم طيحتيها ... انا غنوري والديك . يالاه جيب ديك الشبكة لهنا ... (بصوت عالي) تحرررراك
مشا جوج كيشطح بالخلعة تلف على الشبكة وهي زرقا قدامو كنقول ليه هانا ..
محمد : هااا الشبكة
جرها جود كيتفتف
محمد : جمع دوك الالعاب كاملين فااشبكة يالاه تحرك
جالسة معنقة بنتها فيدها كتألم معاها فلكوزينة وحاطة ليها كاع الحليوات اللي كتبغي وكتوكلها بشوية
رانيا : نساي ليديدة ابنتي وكولي شوية هانا جبت ليك الحلوة اللي كتبغي
لينا : لا رد
مسحات رانيا على وجهها بشوية وقالت
- هاهيا ديال الشكلاط لبنتي ... غتاكلها بوحدها
لينا : لا رد
تنهدات رانيا بعنق حايرة حتى بغات تبكي وعنقاتها وقالت
- مغتبقايش تمشي لديك المدرسة كااع ... غادي نهضر مع الحاجة تحولك لمدرسة حسن من هاديك ... واش كضرك يدك؟
حركات لينا راسها بأسى
غرغرو عينين رانيا وهي كتشوف بنتها وقالت
- كتبغي ماماك ياك ابنتي
حركات لينا راسها بالايحاب وتكات راسها عندها ، عنقاتها رانيا بقوة وقالت
- انا كنموت عليك ونتلاح عليك فالعافية .. نتي هي ضوء عينيا وحياتي .. الله يحفضك ليا ابنتي . صافي نساي ليديدة راه فيها الجبص مغيضركش .
دخلات الحاجة : بنتي لينا ... كي يقات يديك ... الله الله على بنيتي ... وااخا غير بلاتي دابا نوريهم وجههم فالمرايا ...
قالت رانيا بتردد : كن غير ... حولناها من تما الحاجة
الحاجة : نشاء الله نشوفو ليها مدرسة حسن كااااااع من هاديك .. شحال عندي انا من لينا غييير وحيدة لكبيدة ديالي ... غير خليها دابا حتى تسالي الايام ديالها ديال الراحة وديك الساعة نعيط لعبد لكبير (من العائلة ) هوا يمشي ينقلها .
رانيا : يالاه ابنتي ترتاحي ... يالاه نديك نعسك فقتي بكري
الحاجة : ديري ليا الحمام يدفا نغسل عضيماتي ارانيا
رانيا : هي اللولة الحاجة
ناضت رانيا تقضي شغلها بالزربة .. نعسات بنتها وبدلات ليها وخلات فراحة الله ودخلات الحاجة للحمام فركاتها وتهلات فيها ورجعات للحمام غسلات ودارت بحالتها شوية وجمعانو ومشات عند بنتها عنقاتها وحطات راسها على المخدة فالضلام ساهية وكتبكي حتى بردات ونعسات .حتى صبح الحال
طيييننن طوووون.....طييييين....
رانيا : بلااااتي بلاااتي
خرجات من الكوزينة بالبانطوفة كحلة وبيجامة صفراء نص كم نقية وجامعة شعرها باين عليها الحمام اللي دارت لبارح . حلات الباب وتمات نازلة مع الدروج ديال الجردة باش تحل الباب الثاني وهي تلقا العربي جاي منو نيت
العربي : شي حيد بناني بغا يشوفكم
استغربات رانيا وقالت : سي حد بناني ؟؟
العربي : قال باللي جاي بغا يشوفكم !
رانيا : حيد نشوف
مشات حلات الباب لقات جود بناني واقف هاز كارطونة فيدو بوحدو حاني راسو .. هبطات راسها عندو مستغربة شافت فيه وهي تسمع صوت اخر غليض
- صباخ لخير الاللة
هزات راسها لقات نفس الراجل بدجينز وتيشورط بيضاء ونضرات شمسية وعقدات حجبانها وبقات كتشوف فيه .
* الحاجة : مرحبا بالسي بناني مرحبا زارتنا البركة
قال بابتسامة وهوا جالس معاهم فالصالون الرومي وحداه ولدو حاني راسو وشاد الورد فيديو حشمان
محمد : الله يبارك فيك الاللة الحاجة
الحاجة : ايوا وليدي ... درتي عقلك شي ولا باقي
تلقت محمد شاف فجود اللي عرف المعنى عليه وبقا ساكت
محمد : جاوب
حرك محمد راسو بالايجاب
الحاجة الله يصلح
محمد : امين
الحاجة : رانيا ... جلسي ابنتي جلسي
حطات رانيا الصينية اللي جابت وجلسات كتسوط مدورة وجهها
قال محمد بارتباك : جينا كنعتاذرو الاللة رانيا على داكشي اللي وقع لبارح ونشاء الله عمرو مايتعاود
تلفتات رانيا وقالت بصرامة : ماشي اول مرة السي بناني كيوقع هادشي ... راه فسمانة وحدة ضربها طيحها جات جبهتها زرقة .. والنهار الثاني هرسها .. الى عندو شي مشكل معاها يقولو نحلوه
تنهد السي بناني وقال : ماكنتش عارف شنو كيوقع ... وفاش عرفت راه درت اللازم معاه وهادشي عمرو يتعاود (شاف فجود ) هادشي عمرو يتعاود ولالا
حرك جود راسو وهوا مهبطو مكيهزش كاع عينيه ومكينطقش
رانيا : كتخاطب جود ) واش تعدات عليك لينا ؟ واش ضرباتك ولا خدات ليك شي حاجة ديالك
جود : الصمت
رانيا : قول ليا واش دارت ليك شي حاجة ؟
غرغر جود وقال بصوت متقطع كيتنخصص
- هي علاش شكات بيا ..عند لا .ميتخيس .
استغرب محمد وحط يدو على راس ولدو وقال
- فوقاش شكات بيك ؟
قال كيتنخصص : شكات بيا ..
محمد : علاش شكات بيك شنو درتي
تمات لينا جايا ديك الساعة بالبيجامة ويدها معلقة وشعرها مشعكك لابسة بانطوفة بالمقلوب .. جراتها رانيا جلسات عندها وجمعات ليها شعرها وقالت
- قولي ليا اماما علاش شكيتي بيه عند لا ميتخيس ؟ شنو درا ؟
بقات لينا ساكتة وهوا يخاطبها جود كيبكي
- نتي مسيتي عند لاميتخيس شكيتي بيا عندها
لينا : بصوت طفولي برايىء ) لا .. لا ميتخيس هي .. سولاتني ... او اوقالت ليا شكون دار بسالة ... ونتا درتي بسالة
تنهد محمد كيسوط : تأ... صافي هادشي
جود : ولاميتخيس عطاتني عقوبة وماشي انا اللي درت بسالة
لينا : لا .. ضربتي عمران بلاتخوسة وبقا كيبكي
محمد : امالك اصاحبي مع الضرب والجرح مالك .
جود : هي بداتني شكات بيا اهىء اهىء اهىء ... عمران خدا ليا لاتخوستي اللول عاد ضربتو
بقات لينا ساكتة وجر محمد جود بين رجليه باش ميحسسوش باللي بوحدو وحتى باه تقلب عليه .. وقفو بين رجليه ومسح ليه عينيه وقال
- صافي ... علاش ماقلتيش ليا هادشي لبارح ؟
جود : الصمت
محمد : يالاه علاش جينا هنا ؟
بقا جود ساكت ومشا بخطوات بطيئة فاتجاه لينا عطاها الورد وقال
- جوسوي ديزولي
رجع بحالو عند باه ماراضيش وعنقو وبدا يبكي قدامهم وباه كيطبطب عليه ورا ضهرو
محمد : صافي مالك اش وقع هه.. مامتيش اصاحبي صافي
جود : نمشيو بحالنا نمشيو بحالنا
محمد : يالاه هاحنا غنمشيو ... صافي ؟
وقف محمد بابتسامة وسلم على الحاجة
- الحاجة سمحي لينا صدعناك .. (شاف فرانيا ) لاللة رانيا خلينا ليك الراحة
مدات رانيا يدها : المسامحة ماوقع والو
الحاجة جلسو تشربو بعدا غير ديال اتاي ... جلسو والله جتى تجلسو
حار محمد وقال لجود : بلاتي شوية وغنمشيو .. نديرو لخاطر للحاجة يالاه جلس
ناضت رانيا هزات بنتها وتمات غادية ومحمد كيشوف فيها حتى تكلمات الحاجة
- اييه يا وليدي ... شووف سبحان الله الدنيا شحال صغيرة... ... البشير بناني ... راه كان صاحب المرحوم ... باقي فلحياة ؟
محمد : باقي فالحياة الحمد لله
ــــــــــــــــــــــــــــــ
تم مشاركة الفصل من تطبيق روايتك
https://play.google.com/store/apps/details?id=com.akram.novels