شدي الهمه - الفصل 1 | روايتك

شدي الهمه الفصل 1 هارون لحد الان صورتها بين عنيه وصوتها كيتردد فودنيه عحباتو بزاف زينها كيجدب ولي كيشوفو عمره ينساه مسح على راسو ودخل لكوزينة شرب وكلع لبيته وهو كيفكر فيها نهار جديد باخدات جديدة يوسف كيفرى فالجريدة غير شاف جدو ناض عنده:جدي اجي تمع شنو كاتبين الجد:شنو يوسف:كاتبين على هارون ونجاح صفقاته وعلى روان حفيدت الحاج العلامي المركانية كيهدرو على العشى دلبارح وزايديها كيقولو عنيها جدبو كل الحضور الجد:تاحجة ما كيفلتوها هارون جلس حداهم وخطف ليه الجريدة قراها ورماها فوق الطبلة معصب هارون:زادو فيه بقات ليهم غي روان يهدرو عليها الجد:علاش معصب تا لهاد الدرجة ماقالوش شي حاجة ماشي هي هديك هارون وقف :انا انتحاسب مع مول هاد الخبار ومشى والجد ويوسف مصدومين يوسف:ملي رجع من فرنسا وهو هكا الجد:بزاف على هاد العصبية خاصو يتحكم فراسو الجدة جلسات حداهم:راه خاص نزوجوه الحاح سيد عنده 29 عام ختصو يدير دارو ومراتو تكون فجنبو الجد:عندك الحق انا غنتفاهم معاه بعدة نشوفو لبنت الجدة:البنت كاينة الجد:شكون الجدة:كونت بغيتلو روان ساعة هو ما ايبغيش دايرة الخمار ما انلفاوش ما حسن من احلام منا وفينا وماشي برانية الجد:اه صافي نرسيو معاه ونسولو لبنت الجدة:ههههه البنت حاطة عنها عليه بلا مانسولوها الجد بتاسم حيت تاهو حاس بيها:ايوا نتوكلو على الله هارون مشى لشريكة وأمرهم يجيبو ليه صاحب المقال مادازت حتى ربع ساعة كان عندو فلمكتب هارون عطاه ورقة دالاستقالة باش يسنيها الصحافي:سمحلي تسي هارون راه ماقصدت والو هارون:مافيا لي يسمع لهدرتك سنيها وعطيها لمدير ديالك راه كيتسنام ونسى عليك مهنتة الصحافة الصحافي طاحلو على رجليه والرجال دهارون هزوه وخرجو من بعد ماسنى على الورقة الاستقالة هارون تنهد وهز شي وراق كيراجعهم بحاليلا ماوقع والو فالفيلة روان روان كانت فالجردة جالسة كتشوف الورد لي زارعين عحبوها شوية وهي تشوف شي حد وقف حداها كان رضى رضى:عجبوك روان قدات لتام واخة هو مقاد:اه عجبوني رضى بغاها غي تشوف فيه بغى يشوف عنيها رضى:مرتاحة معانة بعدة روان:ضاروري راني وسط عائلتي رضى قطع واحد الوردة بيضة كبيرة وزوينة ومدها ليها هزات عنيها فيه هدا شكا يدير ماقداتش تمد يديها وتاخدها رضى:خديها هدية من ولد عمك خداتها بزربة وهو يوقف عليهم هارون هارون كيغلي من الداخل وكيحاول مايبينش روان غي شافتو حنات راسها ومشات هارون دار لجيهتها وهو حاضيها حتى دخلات وعبرات على عنيه هارون:شنو كنتي كدير معاها رضى:والو وقفت حداها وسولتها واش مرتاحة هارون:ماتبقاش تحرجها لبنت ماكتبغيش تحاك مع الرجال رضى:شهاد الاهتمام الزايد بروان هارون دور لسانو على شفايفو بطريقة زوينة العادة ديالو:شمن هتمام غي نحتارمو البنت وصافي رضى وهو غادي:محتارمينها دازت يوماين وبالضبط فالمكتب دلحاج العلامي هارون وهو معصب:علاش كداخلو فيا ملي نبغي نتزوج غنتزوج فهمتو الجد خنزر فيه:اولا جلس كي ناس تانيا هدر بشوية هارون تنهد ومسح على لحيتو :سمحلي اجدي نفاعلت شوية جلس فوق الكرسي :جدي نت عارفني الزواج ماداخليش لراسي حاليا الجد ضرب بعكازو فالارض:شنو بغيتي تبقى كل مرة مع بنت هادشي ماطلعلكش فالراس حسابلك خبارك كاكتوصلنيش هارون:شنو زعمة كتراقبني الجد:ماشي هذا موضوعنا هارون:انا قلت لي هندي الزواج ماعندي ماندير بيه غي نساو الجد عرف بلي لعصبية والعناد ماعندهم باش يفيدوه الجد بجدية مع شوية دلحنان:نت هو للحفيد لكبير دلعائلة وبفيت نفرح بيك راك عارف شحال عزيز عندي ومكانتك بحدها شوف ولد همك صغر منك تزوج وولد ولد ماشاء الله عليه تنت بغيت نشوف ولادك قبل مانموت راه مابقالي والو فهاد الدنية اولدي كبرت ووليت كنعيى هارون كاحكلش جدو يقول هكا جدو لي بحال باه وكتر:الله يطول قعمرك كلتقولش هكا الجد:ايوا ديرلي خاطري اولدي وخليني نفرح بيك هارون سكت مدة وهو ينطق:صافي ديرو لي بغيتو الجد فرح:الله يفرحك كيما فرحتيني شوف كا انلقاوش ماحسن من بنت عمك هارون شاف فيه:شكون فيهم الجد:احلام هارون تنهد:صافي واخة انا انمشي دابة عندي شي شغال الجد:سير اولدي الله يرضي عليك خرج ركب طومو بلتو البورش وكسرا بسرعة مشى لواحد الشقة دخل لقاها كتنسناه لابسة سوميج دنوي gرونة قصيرة فوق الفخاد وشفافة وفوقها غي دخل عنقاتو وباستو هو نيشان جرها وداها لبيت النعاس ...... بعد مرور يومان نتشر خبر موافقة هارون باش يتزوج باحلام الي اطير بالفرحة كانو جالسين كلهك فالجردة مجموعين كيشربو اتاي مع الحلوة الجد كان فرحان:فرحان بحفادي ملي تجمعو كاملين وفرحان بهارون لي ماكسرش بخاطرس ووافق يتزوج هارون كان ساكت ماباغي يقول والو الجد وهو كيشوف فروان:عندي خبر اخر كلشي شاف فيه الجد:بنتي روان من بعد الجفلة جاوها خطاب كتار ومابغات تا شي حد فيهم وبتاسم وكمل هضرتو:ولكن رضى طلبها مني ومن بعد ما فكرات وافقت هارون كان كيشرب اتاي وهي توقف ليه تضدم بقة يكح مدولو الما وهو يرتاح شاف فروان باش يكدب لي سمع بقى كيشوف فيها وهوما كيباركو ليهم ولا شاف فرضى لقاه ايطير بلفرحة تخيلهوم عايشين بجوج ورضى بوحدو لي يقدر يشوفها ويقيسها ويعنقها تفكر فاش شافها شحال كانت زوينة يعني رضى ايبقى يشوف هاد لجمال كل نهار الجد:قررنا غدا اتكون لخطوبة انديروهم مجموعين هارون :جدي لخطوبة ديالي انا و احلام حتى لمنبعد الجد:وعلاش هارون :مامساليش مشغول احلام مقزات :اه عنده الحق حتى انا مزال باغة نوجد راسي الجد:ايوا بيناتكم المهم غدا انوجدو لخطوبة درضى وروان انعرضو غي ناس لقراب لينا روان بصوت منخافض:جدي انا بغيت لخطوبة غي بيناتنا رضى :لي حب خاطرك بغيتيها غي بناتنا صافي غي بيناتنا الجد:زعمة راه سولاتني انا رضى:سمحلي الجدة:هههههه من الفرحة الجد:صافي ابنتي غي بناتنا روان بحرف الراء:شكرا جدي هارون وقف باش يمشي ام هارون:فين غادي اولدي هارون:عندي شي شغال وخرج كانت الساعة 11 ونص كانت فبيتها كتفكر فحياتها الجاية خافت تكون تسرعات فالموافقة تنهدات وبدات تقرى القرأن شوية وهي تسمع الشتا بدات كتطيح حيدات الشال ومشات كتجري لبالكون دخلات وهي كتضحك كتحماق على الشتا دصيف كيعجبها طيح فوق شعرها وتفزgو وقفات وستا كتطيح فوق منها هزات يديها لفوق وسرحات كفوفها ولما كيعمر يديها بتاسمت ومانتابهتش لعنين الي حاضينها كان هارون فلبالكون كيكمي ماكانش متوقع يشوفها بقى حاضيها حتى طفى لgارو فيديه شاف شعرها الطويل فازك ولحوايج لاسقين عليها وهي كضحك فرحانة كان منضرها زوين ومغري شوية وعي تحبس تلشتا وتدخل بدلات حوايجها ونشفات شعرها ونعسات وهو بقى كيفكر فيها حتى نعس نهار جديد كانو كيوجدو لخطوبة رضى مشى شرالها خاتم الماس واعر مع سنسلة وشي تخربيق المهم الليل كالعادة كلشي مجموع دارو داكشي لي خاصو يدار روان عجبها داكشي لي جاب رضى وتافقو يضربو لاكط من دابة اسبوع وموراه باسبوع يديرو العرس هادشي كله داروه قدام هارون لي شوية واينوض يفرشخ رضى غي صابر الجد:روان صافي الولد قريب يولي راجلك ضاروري خاصو يشوفك هنا هارون كان ايوقف قابو عنيه خرجو من بلاصتهم وحمارو لحد الان ناعارفش لاش كيدير هكا واش غي اعجاب بجمالها وصافي ولا شي حاجة اخرى روان:واخة اجدي الجد:دخلو المكتب وتفاهمو رضى بغى ينوض ويبوس راس جدو على هاد المبادرة دخلو المكتب هي كانت متوترة وهو كان متشوق يشوفها حيدات النقاب والتام وشعرها طاح على ضهرها رضى بقى غير حال فمو شهادشي قدامو كلشي فيها زوين روان قلبها كيضرب بجهد كتوتر ملي شي حد كيبقى يشوف فيها بزاف خصوصا لكان راجل رضى قرب هظ يديها وباسها:ملاك نتي سعداتي بيك فكات يديها منو:شكرا يلا نخرجو رضى بالزربة:لا بلاتي مزال ماشبعت منك هي بلا ماترد دارت لغطى ولتام وخرجات وهو لحقها هارون كان على اعصابو حتى شافهم جايين ساف رصى غياكل روان بعنيه و حس براسو ولا كيكرهو مابغاهش يشوفها ناض وخرج مشى لشقة بغى ينسى هادشي لي ولا كيوقع ليه بات تماك جتى هما كملو لهدرة وكل واحد مشى ينعس نهار جديد الجد:هارون ماباتش فدار ودابة ماجاش لغدى الجدة:خليه على راحتو الحاج الجد:دابة خاصو يمشي معانا الجدة:ماشي مشكيل نمشيو غي حنا شوف شحالغاديين بينا الجد:الراجل صاحبي من الصغر وعارضنا كاملين للمزرعة ديالو ماعندو مايقول احلام:اه اجدي نمشيو الجد:باش حتى روان تبدل لجو احلام خنزرات فيها روان:لا جددي غي خليني فدار عيانة ومافيا لي يمشي حنان:بغيتك تمشي نفوجو روان:مرة جاية ان شاء الله والله ماقادة الجد:صافي خليوها على راحتها ونوضو وجدو باش نمشيو ناض كلشي وجد راسو وودعو روان وخرجو مشاو لمزرعة روان طلعات ونعسات من بعد ماشربات الدوى هو كان مزال عندها يلاه فاق دخل لحمام ودوش لبس عليه وخرج لصالة عمر كاس وسكي وبدا يشرب فدوى جلسات حداه:مالك هارون:ماماليش فدوى:كتشرب غي لكنتي فرحان او معصب او دابة معصب ضرب لكاس مع الارض وغوت عليها:ماشي سوقك فدوى:صافي غي تهدن ناضت جمعات داكشي وجابتلو كاس اخر شربة وزاد التاني التالت الرابع تا سكر هزها ودخلو لبيت يلاه بدا يحيد حوايجها وهو يتفكرها وتفكر اتزوج اخر ناض من فوقها لبس حوايجو وخرج وخلاها مصدومة مشى لفيلة دخل مالقى تاشي حد تا لخدامات نعسو ركب فلمصعد وطلع لبيتها بقى واقف حدا لباب متردد باغي يشوفها هي ضرباتها لفيقة راسها مازال ضارها ناضت وشربات دوى تاني وجلسات فوق النموسية وشوية وهي تشوفو داخل قلبها كان ايخرج من بلاصتو شكا يدير هنا هارون شافها حالسة بحال شي ملاك نسى كلشي فديك اللحضة تمنى يبقى يشوفها ديما وغي بوحضو هي ناضت باش تغطي راسها ولكن عو شدها وقربها لعنده عنقها وهي كتحاول تفك منو هو كان قوى منها متبتها مزيان قرب لشعرها وشمو قرب لودنيها:شنو درتيلي هي بدات كتبكي خايفة منو اول مرة اطيح فهاد الموقف تمنات الارض تنشق وتبلعها ماعرفاتش لاش دلر هاكة المشكيلة ماقادراش تحركة ممخليهاش بحاليلا خايفها تهرب هو تفكر رضى شعلات لعافية فقلبو بعدها عليه شوية وشدها من دراعها :نتي ليا ــــــــــــــــــــــــــــــ تم مشاركة الفصل من تطبيق روايتك https://play.google.com/store/apps/details?id=com.akram.novels