الفصل 2🌹
أنين العشق
الفصل 2
قطع المكالمة مع كوتر وتاصل بامين
مراد: ااهلا اميين سافا
امين: بخير اخويا ونتا
مراد: شوية وصافي بغيت نشوفك دابا واش مسالي
امين: وي انا مسالي واش تجي عندي انا فدار
مراد:اوكي انا 10 دقايق نكون عندك
امين: مرحبا ... طحن طريق وصل عندو امين: كيف درتي ليها ههه
مراد: دير صواب ودخلني وديك ساعة نهدرو
امين : دار دارك ماتحتاج نقوليك دخل وخير وسلام مالك على هاد الزربة شيحاجة تماك
مراد: اولا قاد ليا شي كاس على دوقك وجي بغيت ندوي معاك.... مشا امين جبد قرعة من كتالوك قراعي تشراب الفاخر لعندو قاد جزج كاسيان وجا حط ليه كاسو قدامو وهو بقا هاز كاسو قاديه وحط القرعة تاهي كلس مقابل معاه وجهو كلو علامات الاستفهام خدا مراد الكاس طاح عليه فدقة وخا كان عامر ..امين عاق بيه شاطناه شيحاجة
امين: هدر اصاحبي مالك ياك لاباس
مراد: عيطو عليا الخدمة خاصني غدا نشد طريق بليل عندي عملية...
امين : ومن بعد ماشي اول مرة دوزتي ماكتر وكيف جغمة تالما
مراد: هادي صعيبة... غاندخل بين اكبر المافيات فاطاليا وفالعالم
امين: وعلاش ختاروك نتا دراري كتار
مراد: فين عمرنا سولنا علاش ولا كيفاش لقالو لينا كنديروه نموتو ولا نحيااو مهم نوصلو لهدفنا
امين : عارف اصاحبي والله ايسر ليك
مراد: امين ياربي مهم نوصييك الوليدة وخوتي فعينيك الى وقعات ليا شيحاجة راهوم امانة عندك ...
امين: الله انجيك اصاحبي مالك على هاد الهدرة شحال تاني تفوو
مراد: وكوتر نبغي اي خطوة دارت نعرفها فين كتمشي منين كتجي معامن كتهضر كوولشي كولشي ....دير خدمتك وكتر
امين: ان شاء الله مغايكون والو وهي فراسها هادشي
مراد: لا ماقلت ليها والو وتا سفر مافراسهاش تالغدا عاد غانقوليها
امين : الله اديك واجيبك على خير ولكن خاصها تعرف كولشي عليك
مراد: اش غاتعرف الله اهديك واش هي قد هاد روينة كولها وتش هي غاتشرح ليها وتفهم وتصرف طبيعي وزايدون منين غانبدا ليها واش من مراد كيف كان وكيف ولا او نقوليها على مراد لسباب باه دخل لهاد المعماعة وفرط شخصيتو القديمة باش اتحول لوحش مافيهش لا رحمة لا شفقة اقتل احرق ومايتحركش فيه ساكن فنظرك الى قلت ليها هادشي باقي غاتبغيني واترتاح ليا....
اميين: كون هي تصنط ليا وتخلي كولشي وتجي تعيش فالمغرب وبراكة من هادشي
مراد: ههه منقدرش الى رجعت غانبقا نقتل اي واحد جا قدامي تماك كنقدر نبرد على الغضب كنتلدد وانا كنعدب وكنفتارس ...
امين: الله اجيب سلامة ههه وامتا غاتقدر تحكم فراسك
مراد: ماعرفتش ياك شفتي البارح شنو درت لكوتر
امين: بزااف اصاحبي على كلمة درتي ليها ديك الحالة
مراد: ماحسيتش براسي
امين: الله اهديك شوف انا كيف قدرت نحول شخصيتي وليت كنعرف نتحكم فراسي
مراد: دابا نشوف نهار طيح على زنافرك واش غاتحكم ولالا
أمين: ديك لحطيت عليها العين غانعرف ليها بلاتي غير تجي بيم اديا .. ودابا نوض نخرجو نتعشاو راه باقي انا ماكليتش
مراد: انا كليت ولكن الى غاتعرض عليا ماشي مشكيل نتعشا جوج مرات
امين: هههه نوض نوض هههه ....خرجو بجوج ومشاو لاقرب ريسطو راقي دخلو وجاو سربايا كيرحبو بامين بحكم الفنادق لعندو وصحافة كضل تكتب عليه كولشي كايعرفو.. البنات كولهوم كايشوفو فيهوم ..امين لا يقل عن مراد فالهيبة والتبوكيصة غير هو ديما ضحيكة فوجهو عكس لاخور عينين ديما معقودين ومكايركزش شوفة فبنادم عندو بحالا مكاينينش .. كان عقلو مع كوتر والخوف من انها تآدى الى عارفو اعدائو بلي كاينة .... عائلتو مكايخافش عليهوم حيت الاب ديالو كان كولونير كبيير لدالك مكايتحركوش بلا حراسة والفيلا ديالهوم ديما مراقبة وتحت اعين جيش قوي .....ولكن كيف غادير احمي حبيبتو بدون ماتلاحظ... لدالك سلم المسؤولية لامين ليقدر اعوض مراد فغيابو حيت تاهو مساهلش .....
ريهام: انوضي اهياتا
كوتر: سيري فحالك لاش مفيقاني (كتعكز وسادة عينيها )
ريهام: راه الفون ديالك من قبيلة كايصوني
كوتر: شكوون على صباح
ريهام: شيحد سميتو مراد
كوتر: شيحد... حشاك هداك سيدك مراد
ريهام: سيدنا وسيدك رسول الله...نوضي تقضي حاجة لمخك
نض بسرعة البرق وحليت عنيا مزياان هزيت الفون لقيت حبيبي متاصل بيا جوج مرات صيفط ليه مسج بلي يلاه فقت وهو اتاصل كوتر: صباح نور حبيبي شنو سر هاد الفياق بكري
مراد: توحشتك وبغيت نشوفك دغيا فيقي ولبسي شوي وندوز عندك
كوتر: باقي الحال مالك على هاد الزربة
مراد: نوضي بلا عكز 20دقيقة نكون عندك
كوتر: نوو ساعة عفااك
مراد: اخخر هدرة 20 دقيقة (وقطع) ...نض غسلت وجهي وسناني لبست بسرعة فائقة كابيتشو كحل وسروال دجين كحل مقطع من ركبة وجهي درت كريم الشمس ماسكارة وعكر وخرجت لقيتو كتيتسنا... ركبت غانسلم عليه وطار عليا بوسة عنيفة جمع فيها حناكي وشواربي انا حشمت وخفت اشوفنا شيحد حيت قريبة الدار
كوتر: مراد حشومة
مراد: توحشتك كاين شي مانع
كوتر: توحشتيني ولكن بلا بوسان.... عاود طار عليا بوسة كتر من اللولة شاد وجهي بين اديه وانا كانتنطر منو والو حاكمني مزيان بحرا ماطلقني ودار شد طريق بحالا مادار والو ..تنا درت ااسمطة وبقيت ساكتة وهو مرة مرة اشوف فيا ويضحك
كوتر: الله استر عنداك تحماق
مراد: حمقتيني نتي بحلاوتك ودوك شنايف المطيبزين عندك
كوتر: منين جاتك هاد الرومنسية اليوم
مراد: حشومة عليك انا ديما هكا فين بغيتينا نمشيو نفطرو كوتر: انا فطرت فدار
مراد: كيفاش ونا ليجاي بلا فطور باش ناكلو بجوج
كوتر: من نيتك فين خليتي ليا فرصة نلبس بقا غير نفطر خرجت فيا جووووع
مراد: ههههه كون غي كايبان فيك
كوتر: الله اعطيك العمى بصحتي .. مشنا كلسنا فواحد الكافي خدينا فطور بلدي 100% انا ماكليتش بزااف حيت مهزش عينيه عليا اما سي سيد شوي كان غايكمل بيا ...حبساتني بيبي خليتو وقلت ليه غانمشي لطواليط ... مشات كوتر بقا مراد كالس لمح الفون ديالها جاه مسج فاللول مابغاش اهزو اشوف شكون ولكن ليفيه شي طبع صعيب احيدو ..هزو لقا مسج من ولد اسمو (ياسين) فيه (توحشتك ازين ديالي فين غابرة عليا) ....عروقو خرجو العرق بدا كايبان فجبهتو عقد حجبانو وجمع ايديه زير عليها باش ماديرش شي موصيبة رجليه كتحرك بكترت العصاب لركبوه وبقا كايشوف جهة طواليط كايتسناها تجي .... كوتر: هاني جيت احبيبي توحشتيني
مراد: علاش تعطلتي ..
كوتر: مراد مالك مخنزر واش كاين شي مشكيل
مراد: (ضرب ايديه مع طابلة وزاد فريتم تصوتو) : المشكييل نتي سبابوو كتقلبي على شي موصيبة نديرها فيك
كوتر: مراد مالك ياك لباس شنو درت تاني
مراد: كاتهدري معا دراري اكوتر؟؟
كوتر: اش هاد سؤال ولاش فهاد الوقت
مراد: كاغزز سنيه ورجلييه مزكاتش من الحركة ...سولتك جاوبي بلا تفلسيف
كوتر:(وهي معصبة) تانفهم سؤالك ونجاوبك
مراد: متجهليش خلقت مي جاوبي بلا تزكاك فالهضرة
كوتر: تخلعات من هضرتو .... ليقراو معايا صافي ..
مراد: وكيف هاد الهدرة شرحي ليا
كوتر:(بصوت عالي) مرااد براكة تاني مااك قوليا تقلبتي ف 5دقايق واااه بزاااف
مراد: نزلي صوتك وهدري انا ماشي نونوس قدامك وشوفي تيليفون ازين وغاتعارفي
كوتر: واش داك لتيليفوني تقلبو باش من حق شكوون نتا
مراد: كون ما ناس كنت غانوري دينمك شكون انا ......كوتر تعصبات حيت تعدى حدودو فالهضرة وماقدراتش تسمع شيحاجة كتر ناض بلا متهضر وتمات خارجة فحالها متقبلاتش انه اقلب من وراها الفون ديالها وزيد عليها اسبها ...ماحسات تايد جاراها من دراعها بحال شي جرتيلة لاحها فطوموبيل وسد وطلع من جهة الخرا .... شدني من دراعي وهز اديه بغا اضربني بقيت كانشوف ليه فعينيه ماخفتش منو حيت تعدى حدودو معايا بلا قياس ومغنسمحش ليه اعاودها.. حبسها حدا حنكي وجمعها كيزير صبعانو تاسمعت صوت عظامو ... وقال
مراد: شي نهار نقتلك اكوتر
كوتر: ماكاتيقش فيا وصلات بيك تقلب ...
مراد: (بالغوات) ماقلبتش الحبس سمعتي ماتجهليش دينمي راه وصلك مسج وشفتو مصيفتو ليك شي قواد سميتو ياسين وقاليك توحشك الالا
كوتر: قرا معايا وراه صغر مني هي تهانا راه كنعتبرو خويا صغير
مراد: هاد الهدرة ماشي عليا صغير ولا كبير كايبقا بوقلوة سمعتي
كوتر: براكة من الهدرة الخايبة وزايدون لعندي قلتو تقتي ماتقتيش سوقك هداك ...وقلبات وجها مكاتشوفش فيه
قلب ليها وجها جيهتو حتى قصحها فالفك تفمها .. الى كنت كنهضر معاك شوفي فيا سمعتي
كوتر: نسمع لهضرة ااخايبة بلاش ...بقا كايشوف ليها فعينيها والقوة باش واجهاتو وتقة فراسها خلاه ازييييد اتعصب وخاف ادير ليها شي كارتة جمع ايديه وتحرك ......بقيت ساكتة تخلعت من العصبية ديالو بزااف وهاد ياسين مالقا امتا اصيفط ليا تاليوم وكون غي هزيتو معايا لطواليط مانوصلوش هادشي كنا فرحانين باقي مداز تانص نهار 😣😣 الله اجيب سلامة فشنو غايدير تاني
بقا غادي ماعرفت فين الوجهة هو ساكت وتنا هكاك مقابللاه بنص عين شنو كايدر.... شوي وقف حدا واحد العمارة كبييرة وراقية بزاااف خصر عليا جملة (تسناي هنا وماتخرجيش وماتحليش طوموبيل) ...خرج بقييت انا شوي وتفكرت المسج عاد غانشوفو جبد الفون قريت المسج صراحة خاصو اتعصب وتفكرت ميساجاتي مع دراري ودخلت بيت نمسحهوم الاحتياط واجب حيت الاكترية هدرتي معاهوم كيف مع ياسين ولكن مابيناتنا والو انا في طور المسيح حل مراد الباب بسرعة كبيرة مد اديه الفون وخداه ليا قلبي غايسكت ماعرفتش كيف دار ليها.. مراد: شنو كاديري جاك مسج آخر
كوتر:تعصبات وتخلعات .... مراد ماشي فعايل ناس بعقلهوم رجع ليا ازمر (كتفتف)
مراد: ومالكي على الغوات من حقي نعرف اش كاديري..... شاف لقاني داخلة الميساجات وبقا كايقرا وداكشي كتير والمشكيلة الكبيرة هي انني هادرة عليه انا وياسين فاش يلاه تعرفنا كان سولني عليه وقلت ليه (راه بحالو بحال الخرين لسبقووه وعرفتيني مكنعمرش راسي بهادشي الحامض ) ....هنا وقف القراية وعطاني الفون بكل هدوء تنا خديتو ولكن كولي خلعة من ردة الفعل حيت اي واحد بلاصتو غايتعصب ولكن واحد بحال مراد علم الله اشنو غايدير..
كوتر: شوف ماتفهمش غلط داكشي كان فاش يلاه تعرفت عليك
مراد: (لا رد)
كوتر: مراد هدر ماتبقاش هكا
مراد: (لا رد)
كوتر: صافي مداام متايقش فيا نحدو هادشي حيت غاتبقة ديما كاتشك فيا
مراد: (بهدوء) ساهلة عندك هاد الكلمة ههه كل مرة كاتقوليها يااك هه... سمعي مزياان ودخليها لدماغك مدااام تحرك ليك هدا (حط صبعو على قلبو) وبغاااك صعيييب اخلييك نقتلك حسن ومانخليكش ودابا سكتي ومنسمعش حسك باقي ... تزير عليا قلبي بزاااف وجاتني البكية والخنقة ..ولكن للاسف انا من نوع ليمكايخرجوش ليهوم دموع... بغيتو غير اتيق فيا واعرف بلي تنا حبيتو من نهار شفتو تنا مابغيتش نتفلا عليه وماعمري فكرت فيها وجامي نفكر فيها حيت فاش صارحتو بحبي يعني كولشي حقيقي ولكن علاش ديما كايخلعني علاش بايخلي هاد العلاقة تكون مبنية على اساس كولو قتيل وعصا علاش متكوونش كيف كاع ليكوبل لكانشوفو فالافلام ولا الواقع حاجة خرا .. بقيت ساكتة وكنشوف من زاج ومقابلة طريق تاحسيت بيه جر ليا اديا وباسها ماشعرتش تا نزلات دمعة من عيني حرقاتني فحنكي.... مراد: نمشيو لفيلا ؟
كوتر: علاش باغي تاخد شيحاجة
مراد: نو نمشيو نكلسو تماك شوي ماباقيش قادر نشوف البشر ... حركت راسي بالايجاب.. ولكن خايفة اضربني تاني باش ابرد العصبية ديالو مشينا ليها كيف وصلنا نزلت دخلنا وحيت مافيهاش الفراش مشينا لبيت نعاس كلسنا هو كايتعامل بكل برودة
مراد: كوتر جبتك هنا بغيت نهدر معاك فشي حاجة
كوتر: شوف الا على داكشي بليز تيق فيا والله مابيني وبينو والو والمسج فاش يلاه هدرت معاك...
مراد: ساليتي ..هادشي نسايه صافي وسمعيني مزيان
كوتر: خير وسلام خلعتيني
مراد: واش غاتسكتي وتسمعيني
كوتر: صافي قول
مراد: شوفي تاصلو بيا الخدمة وخاصني نمشي ضروري واليوم ان شاء الله بليل غانشد طيارة
كوتر: مزيان شحال غاتبقا
مراد: ماعرفتش اقدر شهر ولا ستة شهور اقدر عام اقدر مارجعش.... حسيت بقلبي وقف او بمعني كانسمعو فودنيا كايضرب بشوي فشلو عليا رجليا وايديا تقالو ...كيفاش ماراجعش
مراد: مالكي شوفي بغيتك تكوني قوية كيف عرفتك نهار الاول وتحضي راسك وبعدي على الاذى بغيتك ديريني بحالا كاين حداك ومعاك
كوتر: (بصوت شبه معدوم) مراد فين غادي وشنو غادير
مراد: غادي لخدمتي احبيبة بغيتك دعي معايا وماديريش بسالة من ورايا
كوتر: ماتمشيش عفاك بقا معايا قوليهوم مايمكنش ليا عفااك امراد... عنقني وحط ليا راسي على قلبو وبقا كايتلمس ليا شعري باش نتهدن
مراد: سمعني مزيان الخدمة ديالي كاتحتم عليا نطيع اوامر ناس ليفوق مني حيت واجب وخاصني نديرو دون اي اعتراض
كوتر: بلييز قوليا فاش خداام عفاااك الا كاتبغيني غي ريحني نعرف
مراد: انا عميل سري فالمخابارات..... كيف قال ديك الكلمة بقيت كانتفكر جميع الافلام الاكشن ليتفرجت فيهوم كاين هي القرطاس والقتيل وكايخدمو فسرية وكايمشيو احاربو العصابات
كوتر: شنو كتعني هاد عميل سري
مراد: (كيضحك) حميقة ديالي ماعندكش لا تعارفي اهم حاجة دابا واعديني تحظي راسك ومتعدبينيش معاك ..
كوتر: ان شاء الله وخا مامتيقاش انك غاتبعد عليا وانا يلاه ولفتك وياك غاتبقا تهدر معايا كل ساعة يااااك؟ (كتهضر بحال شي بنية صغير حابسة البكية )
مراد: شوفي احبيبة الا لقيت كيف ندير والا مهضرتش معاك عارفيني خداام .....هزيت راسي شفت فيه وبقيت مركزة شوفة فعينيه ماشعرتش تا قربت ليه غمض عينية وحطيت شفافي على شفافو بغيت نشبع منو بقيت كنحركهوم على حساب باش كنحس مابغيت نفكر فواالو كانت اول مرة انا ندير المباردة وهو خلاني على راحتي مدار تا ردة فعل ..رجعت شوي لور شفت ليه فعينيه لقيتو كايشوف فيا وكايضحك
كوتر: مالك
مراد: والو هي زعزعتي ليا المشاعر
كوتر: كنبغيك وغانتوحشك بزاااف
مراد: تنا كنموت فيك ونتي روحي دابا ....جمع ليا حناكي بجوج بشدة وحدة وزير حتى خرجو شواربي لبرا ورجع غبوشة ديال قبيلة
مراد: شوفي كنقسم باللي خلقني وخلقك وباقي تهضري مع شي برهوش كيف مكان نوعو نتفاهم مع حبيبة بربي نشد طيارة نجي نحيد ليك عينيك وتركني فداركووم ماباقي تشوفي ماتحركي
كوتر:وصافي كتخلعني بهضرتك راه والله مابيناتنا شيحاجة وداكشي فاش يالله عرفتك اما دابا كانبغيك وكنموت علييك
مراد: مهم انا عطيتك انذاار .. بقا على نفس شدة تحناكي وعينيه كايشوفو فمي عرفتو غايتلاح عليهوم ماحاولتش نبعد خليتو حيت تنا باغيا نشبع منو ومن لمساتو وريحتو لسكانت فجهازي التنفسي قرب بقا كيمص ويجر بطريقة احترافية كايتبنن كايخرج لسانو وادوز بيه عليهوم وارجع امص واعض حسيت بحناكي ضروني رجعت راسي لور شوي... دفعني رجعت بلور فوق ناموسية قلع تريكو بالخف وجا فوق مني كايشوف شوفات خطيرة وكايبتاسم سرح بايديه فالجسم ديالي من ترمتي طالع كايتحسس وصل لكرشي وطلع كابيتشو وخشا اديه كايحرك صباعو حركات دائرية فوق كرشي طلعاتني تبوريشة...نزل لعنقي كيمص ماشي كايبوس قصحني كنحس بلحمي كتقطع سخونية طلعات من صبعي صغيير وبديت كندفعو هز راسو شاف فيا زعما رساي ورجع لفمي كمل عليه وايديه مزاكيينش طلع بيهوم لصدري كايعصر بحناان.. حسيت بنفسو زاد سخنات كتخرج من نيفو وزاد زير على صدري وتقلبو بوسات لعضان المعلم وقف وكنحس بيه مع كل مرة كايتحاك معايا غايخرج من سروال وتنا ماباقيش قدرت بديت كنتخدر من لمسات ديالو عينيا مقدرتش نحلهوم.. ونا نبعد عليه لوا اديه على عنقي بحالا غايخنقني وبقا كايشوف ليا فعينيا وهو اصرفقني بشوي فحنكي
مراد: كنبغيه وماعمري نآديك كوني هانيا
كوتر: وهيا لارجعتي اللور بشوي وطلقتيني
مراد: خليني نشبع منك راني غانتوحشك
كوتر: خفت ماتشبعش وتطمع
مراد:(كيضحك) ياك الحمقة
كوتر: حمقة وكتبغيها وكتموت فيها
مراد: وبزااف.. شفتي كون تزوجنا كون خليتك حاملة
كوتر: نوض الله امسخك ....باسني بوسة آخيرة خلا دم خارج من شاربي تحتاني وطلع باس ليا راسي وناض وااو تقول جبل وطاح عليا ياربي سلامة وحش ...ولكن كتهبلني طريقة تعامل ديالو كيف كايقدر املكني واخليني نتهدن بين ادييه كيف كايكون سيد الموقف كتحمقني طبيعتو القاصحة وكيف كايرجع حنين فلحظة
كوتر: واش الا مشيتي غاتبقا عندك هاد نمرة
مراد: كنقوليك مكلخة ولا كتبوهلي عليا
كوتر: حشاك دابا سولتك جاوبني
مراد: نو عندي نمرة ديال تماك بوحدها
كوتر: باش غانعرفها انا
مراد: غينوصل نتاصل بيك احبيبة
كوتر: عنداك تنساني
مراد: ونا نقدر قلبي عندك كيف غانعيش
كوتر: بالماكلة .... جرني وعنقني بقا كايعنكش فيا وكنضحكو حاولنا ما امكن نتفاداو فكرة الودااع وصلات وقت خاصني نمشي وتزير عليا قلبي بزااف فيا الخوف ماعرفتش مناش واش خايفة نخصرو خايفة ابعد وانساني معرفتش ماحسيت تا بديت كنبكي شافني وهو اخنزر فيا
مراد: جمعي دموعك
كوتر: خايفة امرااد بزااف
مراد: حيدي دوك الافكاار من بالك حاجة وحدة عاوينيني بالدعاء
كوتر: الله اديك واجيبك على خير وتهالا فراسك وماطولش عفااك مراد: تانتي منوصيكش تهالاي فراسك واي حاجة غاديريها نعرفها اول باول وعاودي ليا تفاصيل
كوتر: واخا احبيبي... عنقني وزير عليا وتنا هكاك بقينا شي 5دقايق عاد قاليا يلاه نديك الدار باش متعطليش وصلني تسالمت معاه ودموع فعينيا نزلت مشيت الدار دخلت ديريكت البيت سديت عليا وبقييت كنبكي اول مرة نحس بدمووع لكايخرجو من قلب ماتقبلش فكرة اكون بعيد بغيتو ابقا وخا اضربني كل نهار اتعصب كل دقيقة غير نعرفو بجنبي ونشوف عينيه ونشم ريحتو ...بدلت حوايجي دخلت بلاصتي وغطيت وجهي بمخدة وبقيت كنسترجع الايام ليدوزنا وكيف دغيا حبيتو ودغيا غايمشي بقيت هكاك تاسمعت ريهام كتعيط عليا جاوبتها وانا مغطية وجهي
كوتر: شنو بغيتي
ريهام: سولات عليك ماما امتا جيتي
كوتر: شي شوي باش دخلت
ريهام: عري وجهك وهضري مالكي
كوتر: شوفي راسي ضارني خليني بغيت نعس
ريهام: ماغاتعشايش ؟
كوتر: اوووووف فيك الأسئلة بزااف لاا لاا بغيت نعس
ريهام:وخا تصبحي على خير
كوتر: خرجي وطفي ضوء وسدي الباب
مراد حط كوتر ومشى بسرعة كبيرة لدار جمع حوايج ديالو هز وراقو توادع مع دارهوم بطريقة باااردة خالية من المشاعر ..خرج مشا عند امين حيت طريق المطار وصل الفيلا ديالو كانت فحي هادئ بزااف وتاصل بيه
مراد: خرج عندي هاني فالباب
امين: وخاا هاني جاي ....خرج وركب معاه فطوموبيل
مراد: هاك هاد نمرة باش كنت خدام هنا فالمغرب خليها عندك واحتافظ بيها حتا نقوليك بغيتها انا غادي دابا ...
امين:وخا اخويا طريق سلامة ...
مراد: شكرا ا امين والله اخويا منسا خيرك تانتا تهالا فراسك وكيف وصيتك... والله ايسر ليك
امين: بلا متوصي كولشي فعينيا وتانتا الله اجيبك على خير توادعو بعنااق رجاليي علاقتهووم قوية بزاااف كتر من تصوير .. مشا مراد المطار لقا باقي شوي الحال كلس اتسنا وخدا الفون مشا لتصاور كوتر لكان كايصورها بلا ماتناتبه ليه بقا شحال ساهي فملامحها ومركز عاقد حجبانو ومزير على ادييه.... فيقو من سهوتو آخر نداء من أجل صعود الى طائرة جمع الوقفة وطلبب من الله تيسير ...
¤¤ الفراق من امام اعيننا الاحلام ومن حبنا اوصلنا الحب الى الفراق ومن نبضات انين اعتلت القرار ومن قصة حبنا التي تجبر على الاحتظار هكذا ابتعدنا واصبح كل منا للآخر ذكرى يغتالها الغياب ¤¤
اصبحنا واصبح الملك لله .. فقت راسي كيحرقني وعينيا تقاال عليا لدرجة مقاداش نوض من المخدة نعست على ضهري وبديت كنحل عينيا وكنشوف فسقف تفكرت مراد ليمشا ماباقيش غانشوفو وقت ليبغيت مابقيتش غانشم ريحتو غانتوحش عينيه ليكايهبلوني.. بداو دموعي تاني كينزلو غي بوحدهوم وقلبي ولا كيحرقني دوزت ايديا على وجهي وطلبت من الله ارجعو ليا على خير...نض غسلت وجهي ونزلت باش نفطر ونحاول نتعايش مع هاد التغيير..
ماما: على سلامتك مني فقتي باقي الحال
كوتر:(بصوت مبحوح) والله اماما الى فايقة غي بزز بغيت نبقا هي ناعسة
ماما: مالكي ياك لاباس واش عيانة
كوتر: غي راسي كايحرقني
ماما: غايكون سبابك غي كدوشي وتخرجي
كوتر: ممكن اكون هاداك هو سبب..... فطرت بقيت كالسة كنتفرج عينيا كايشوفو تيفي ولكن عقلي فبلاصة خرا ومقابلة الفون كانتسناه اتاصل بيا قلبي مشوش وماعندي ماندير ماعندي نمرة لا والو تعصبت وتلفت بقيت هكاك حتا وصل الغدا جا بابا من الخدمة ونض نتغدا معاهوم
بابا: كوتر باقي مقررتي شنو ديري العطلة سالات..
كوتر: بحالاش ابابا
بابا: شوفي نتي ليباغيا حنا معااك ولا ولفتي راحة
كوتر: والله ابابا مهاكاك خاصني غير نفكر مزيان ومابغيتش نزرب وممكن نبقا هاد العام غير دار وندير سونطر نزيد نتعلم اللغات
بابا: اوا غير فكري مزيان لسلكك انا معاك فييه بغيتي ترتاحي مافيها باس ..تنهد .. فاش غانفكر ابابا بنتك عقلها دابا هي مع الحيوان ليسافر وماسول ماقاليا كيف وصل .. بنتك عقلها دابا مبلوكي كيف غادير تفكر
كوتر: اكون خير ابابا انا نغكر ونرد عليك الخبار ...كملنا الغدا ونض لبيتي تكيت بقيت كنفكر فيه تعصبت بزاااف بقيت هكاك حتا نعست مافيقاتنيش ماما حتا ظلام الحال نض قلبت الفون هو اللول ولكن والو مكاينش شي ابيل ضرني راسي علاش دار هكا تفووو نض غي نبدل ساعة كلست انا وماما مجمعين ريهام مكايناش يعني سكاات فدار هي لكاديرة ضجييج ..ماما:مالكي نتي مهمومة اش عندك
كوتر: والو راه قلت ليك صباح راسي كايحرقني
ماما:لا لا شيحاجة خرا حيت هي ساهية... ضراتتي بالاسئلة قاللخر قلت ليها مراد سافر حيت عيطو عليه الخدمة عاود ليها داكشي ليبغيت وخبيت عليها شي حوايج
ماما:شوفي احسن حاجة تفكري فلي قاليك باباك وتشوفي شيحاجة تلهاي فيها بيدما ابدا تسجيل فالمدارس وديك ساعة اختاري تخصص ليبغيتي
كوتر:ايكون خير اماما انا غانوض البيت نتكا شوية خليتها ومشيت البيت سديت عليا والفون مافرقتوش عليا بغيت نتسطي قرب اكمل 24ساعة وماتاصلش واخا اكون غادي للقمر غايكون وصل هزيت بيسي حليت الفايس بغيت هي نتلها باش مانفكرش حيت راسي غايطرطق وفيا الخوف .... لقيت بسمة اولين
كوتر:حبيبة سافا
بسمة:عاش من شافك يا صحبتي غبرتي توحشناك
كوتر: مشا مراد
بسمة: اوااه امتى هادشي
كوتر: البارح بليل شد طيارة
بسمة: الله اديه ويجيبو على خير ..كيف وصل؟
كوتر: وكون هي عرفت تنا بغيت نتسطى باقي ماتاصلش بسمة: علاش شحال من ساعة بينا وبينهوم وشحال غايدير فطريق
كوتر:بيناتنا 4سوايع وشحال غايدير فطريق معرفتش
بسمة:صبر احبيبتي ياكما وصل عيان ونعس دابا اتاصل غي تهناي
كوتر: هاني صابرة ولكن تشوشت عليه بزااف والله
بسمة: وصافي خوي راسك من دوك الافكار ونعلي شيطان كوتر:الله انعلو ويخزيه... قطعت معاعا جبد فيلم فاليوتيب نتفرج فيه ونسا شوي ولكن والو هي كانشوف شي لقطة فيها لبطل والبطلة كانتفكرو طفيت داك الزمر شربت كينة تراس ونعست..
أشتاق لك شوقا لا تستطيع الكلمة أن تكتبه ، ولا يستطيع الصمت أن يكتمه ..
نزل مراد من طيارة عاقد غوباشتو لابس مايو كحل وكاسكيط كحلة وفيها الحمر حيت الحرارة قاصحة.. كتافو العراض والهيبة ديالو حاضريين فينما كان كابتمشى بخطوات تقال وكاره هاد تسافيرة لجاتو على غفلة ...كانت ديك ساعة شي 12ونص تنهار بتوقيت الايمارات خدا طوموبيل ديالو كانت فالباركينغ تالمطار ديريكت الدار باش ارتاح وياكل حيت مكلاش طول رحلة ... دخل الدار لاح حوايجو دخل دوش هو اللول حيد العيا ديال طريق خرج مشا الكوزينة ولكن والو واش لقا مايتكال مع العلم عاطي دوبل تسوارت لكريم وهشام كايجيو ليها مرة مرة وخا كل واحد عايض بوحدو خرج لاقرب ريسطو خدا شنو بغا وعمر كرشو ..تفكر دار وكوتر مهضرش معاهوم خشا اديه فجيبو اجبد الفون وللاسف نساه فدار حيت دخل لاح كولشي وجوع عما ليه العينين ..رجع فحالو لدار كايضور سوارت فالباب سمع الفوت كايصوني طار هزو...
مراد:الو شاف
قائد: كيف وصلتي بخير
مراد:حمدالله كيف ديما
قائد: جي دابا ضرووري كاين واحد الاجتماع
مراد: 5دقايق نكون عندكوم ...دخلت البيت نعاس حليت البلاكار وعندي واحد الخزنة صغيرة فيها وراق الخدمة والسلاح ديالي واي حاجة مهمة خديت غي سلاح وخرجت بسرعة البرق وصلت دخلت طلعت الغرفة الاجتماعات دخلت بانو ليا دراري كولهوم يعني الفرقة كاملة كنت خاص غي انا سلمت عليهوم غير بالعينين وكلست ناض القائد ليمكلف بالقريق ديالنا وكان شخص هندو هيبة كبييرة داكشي لدوز فهاد الميدان خلا شخصيتو وقلبو قصح من صخر مكايحن مكايرمش الى دار شي هدف قدام عينيه خاصو اجيبو اجيبو توجه لواحد شاشة كبيرة وبدا كايشرح لينا العملية ليكاتسنانا
القائد:سمعوني مزيان وبغيتكوم تحلو دماغكوم وتحفظو اي كلمة غاتخرج من فمي وتعقلو على هادشي ليغاتشوفو حيت هادي اقدر تكون اصعب عملية واجهاتكوم من نهار بديتو الخدمة الوجهة هاد المرة اطياليا وبضبط نابولي كيف كاتع