تبكي بلا دموع - الفصل 4🌹 | روايتك

تبكي بلا دموع ال4 طاهرة:نفكر تلاحت عنقاتها:هههههه غنمشييييييي صافي كنحماق عليك بعدات عليها:شغا نلبس خاص نكون زوينة مشات كجري لبلاكار حلاته وجبدات لكساوي لي عندها وهزاتهم وجابتهم :شوفي هاد.لكساوي ماصالحينش طاهرة:وانا مالي ضبري لمحاينك ليلى:صافي انا غنشوف شوفي غير خليني نمشي طاهرة:وسيري كملي جميع ضار طوي داك لبلاكارات راهم كيعيطو بالعداو ليلى:هي لولا طاهرة:هههه شهر وانا نقولها دابة واخة هي لولا باااز ليلى:راه ناصر الزعيم هذا مشات كطوي لبلاكارات دازو سعتاين جا وقت كل وحدة تمشي لشغالها تغداو ولبسو عليهم وخرجو بجوج طاهرة:يلاه سيري ليوم انجي بكري ونجيب فيدي لعشا ليوم اتخرجي مع 6 ياك ليلى:اه طاهرة:ملي تخرجي دوزي عند مول لحانوت خودي شي حاجة كوليها علامن نجي شوفي تكايسي راه ماخداماش فالبانكة ليلى وهي كتبوسها:واخة بي بي طاهرة كتقاد ليها شعرها:ديري عقلك ليلى:واخة يلاه بسلامة طاهرة:بسلامة بقاا حاضية ختها وهي غادة شوية وجبدات الطليفون عيطات للبارمان:خويا توفيق لاباس..الحمد الله..واخة تجي مورايا ...شكرا اتلقاني حدا الجردة دركس .. وقطعات بقات كتسناه شوية وهو يجي ركبات موراه وكسيرا بالجهد للاوطيل وربع ساعة وكانو فلباب دلوطيل طاهرة وهي نازلة وكتهبط فلمنية لي طلعات فوق فخادها:والله ماسخيت كتعرف تسوق المسخوط كطير توفيق بتاسم ليهاص:فوقاش ما بغيتي نخرجو نضربو دورة طاهرة :ههه ان شاء الله علاش لا توفيق:يلا نمشي نسكطلي سكوتر طاهرة:سير اخويا شكرا ومشى هي يلاه ادخل وهي تشوفهم كيحلو ليه باب طموبيل وقفات كتسناه يخرج بغات تشوفه شوية وهو ينزل بكامل اناقته كي لعادة بتاسمات ملي شاف فيها وبتاسم كملات طريقها ودخلات مشات سجلات دخول ودخلات لغرفة الموضفين مالقات تاشي حد حيت هوما بداو لخدمة فصباح غير محيت هي خدمات بليل وصعيب تفيق بكري حيدات لكاب وشافت فالمراية باش تقاد راسها حتى كتشوفه واقف حدا لباب ومتكي على لحيط وكيشوف فيها ضارت لعنده امين:راكي زوينة بلاش لمراية طاهرة بتاسمات:عارفة راسي امين قريب ليها وهو خاشي يده فجيابه وحط يديه على شعرها وبدا يقاده:خاص غير شعرك يتقاد فاش كنتي راكبة فسكوتر ريح خصرو ليك شافت فيه وهو كيدوز يديه على شعرها:ونت شفتيني امين:كنتو قدامي كان عاجبك لحال هبط صبعانه على عنقها بشوية هي لحمها تبورش:وصلني وصافي امين هبط يديه ودورها مور خصرها وقربها ليه:مالقيتي غير هو يوصلك طاهرة وعنيها فعنيه بلعات ريقها :انا غير... قاطعها فاش حط صبعه على شفايفها:ششش غمضات عنيها فاش زاد قريها ليه بدا يدوز صبعه غير بشوية هاد لحراكة كطلع ليها لحرارة خصوصا وان يديه كتلعب فضهرها حسات بلحرارة على عنقها بعد شعرها رجعو لجيهة لوخرا وطبع بوسة على عنقها وبعد وشاف فيها حلات عنيها وشافت فيه بغى يقرب يبوسها من شفايفها وهي تبعد:احم خاص نبدى لخدمة تعطلت بتاسم وهو كيدوز يديه على شعره:ديما مزروبة بقات كتقاد فشعرها :سمحلي اسي امين ندوز خوى ليها طريق وهي دازت دار كيشوف فيها من للور وهبط عنيه شاف فالمأخرة ديالها ضحك على راسه على هاد الافكار لي كتجيه خرج وطلع للمكتب وهي خدات الطبليط ودطلعات كدور على البيوتة لي مكلفة بسهم تشوف شنو ناقص وشنو زايد عندها ليوم لخدمة بزاف مكلفة ب125 شومبر وعاد المطعم بدات خدمتها من بيت لبيت وهي ماعارفاش امين لي حاضيها من الكامرات دازت ساعات عيات جلسات ترتاح حتى كتجي عندها سعاد سعاد:شوفي نتي راه سي امين كلفك باش نتي لي تهتامي بالحفل غدا وبالتجهيزات مانبغيش تا شي غلط طاهرة فرحات:لا ماتخافيش سعاد خنزرات فيها:ونقصي من التحلوين راه ريحتك عطات طاهرة شافت فيها:ونتي حاضياني ولا شنو سعاد:كتردي عليا الهضرة طاهرة صافي دابة ترسمات وولات موضفة هنا وخصوصا وانها تحت حماية امين مول لوطيل:شوفي اسعاد سعاد:ايااه مابقيتش مدام سعاد صافي تقادو لكتاف طاهرة:مشات يام كنتي كتحكري عليا ونسكت ليك دابة بداي توزني هضرتك معايا وحتارميني لا بغيتي نحتارمك ونقوليك مدام سعاد ومشات وخلاتها كتغلي بوحدها بلسان طاهرة:الله عاد رتاحيت الله على راحة شارفة لوخرا دابة تمشي تعاودها لمها لابغات هههه امييين ايسطيني باينة كنعجبو لا بقة هكا ايطيح على زنافرو مانكرش تانا عجبني اححح قلبي ومعامن طاح دخلات لريسطو خدات ماتاكل طبعا ايقطعوها من لخلصة ديالها هزات داكشي وكلسات تاكل وقفات ليها فاش تفكرات ختها مسكينة كلات روز حافي وهي دابة كتاكل شوارما حطاتها وناضت ماقداتش تاكل وهي كتفكر فختها شافت فالساعة 6 ونص تكون فدار دابة تلاقات صاحبتها غيتة :اجي نتي جابك الله غيتة:مالك طاهرة:نطلب منك واحد الطلب غيتة:وي حبيبة لا قدرت عليه علاش لا طاهرة:احم محتاجة 100 درهم تالي دشهر ونرجعها ليك غيتة جبداتها من صدرها ومداتها ليها:هاكي اختي تانتي فاش كنحتاج كتعطيني واخيرا تنازلتي وطلبتي مني لفلوس هههه الجزء العاشر💘 طاهرة:هههه تزيرت والله داك لحنطور هاد نهار خدا لي 100 درهم هي لي كانت عندي وخلاني على دص تا فلوس تاكسي مالقيتش باش نجي جابني توفيق غي خليها على الله وصافي غيتة:دابة ربي يفاجيها غير صبري ودابة راكي ترسمتي ما ايبقاش هادشي طاهرة بتاسمات:ويااه هدشي لي مصبرني خاص ندير بزاف دلحوايج وموصيبتي ناقصينها شلا حوايج غيتة:ايوا صافي صبري طاهرة:يلاه نخليك نمشي نكمل خدمتي ومشات وماحساتش بامين لي كان دايز وسمع كلشي بقات فيه ما حسابليهش تا لهاد الدراجة حياتها صعيبة طلع للمكتب وجلس عيط لسعاد:صيفطي لي دابة طاهرة علامي وقطع كيتسناها طاهرة كانت كدور فالمطعم لي كيطل على البحر حتى كتسمع سعاد كتهضر فلكيت بلوتوت:سيري دابة للمكتب دسي امين راه كيتسناك طاهرة:واخة طاهرة:علاش بغاني نمشي نشوف شنو واقع دخلات للداخل وطلعات للبيرو دقات وملي سمعات صوته عطاها الادن باش تدخل دخلات ووقفات:سي امين بغيتيني امين:قربي جلسي جلسات اونفاص معاه وهي كتشوف فيه بغات تعرف لاش بغاها امين:مرتاحة معانا هزات راسها باه:اه مرتاحة امين ناض وتكى على البيرو اونفاص معاها فيديه واحد الغلاف:طبعا شرف لينا تخدمي معانا خصوصا وانكي جدية فخدمتك وهذا هو المطلوب هي كتشوف فيه وباغاه يكمل امين مد ليها الغلاف:هذا تعويض على شهراين لي خدمتي معانا وماتخلصتيش طاهرة:ولكن انا كنت غير سطاج امين:ضاروري تخلصي طاهرة عارفة انه سطاج ماكتخلصش عليه يلاه اتهضر وهو يقاطعها:اتخليني ماد يدي مدات يديها وخدات الغلاف:شكرا سي امين امين كيشوف فيها شاف الفرحة فعنيها وهدشي لي بغى عجباته داك اللمعة لي فعنيها الرماديين طاهرة بقات كتشوف فيه وهي مبتاسمة فرحانة بزاف امين:راه خصصت ليك شيفور يبدا يديك ويجيبك بلا ماتعدبي طاهرة خرجات عنيها شهاد الاهتمام كله:سي امين ما يحتاجش هادشي كله راه كاينة تاكسي امين وهو كيدوز يديه على شعرها لي كيعجبه:صافي دابة هضرت طاهرة بتاسمات ليه :شكرا بزاف امين:غير ماتبقايش تركبي مع البارمان عضات على شفايفها وهي مبتاسمة وهزات راسها باه:واخة وقفات:سي امين نخليك دابة يلاه بغات تمشي وهو يجرها من يديها ويعنقها هو براسه ماعرفش علاش دار هكا لي كيعرفه هو انه كتييرو وكتجدبه بزاف ماكيقدش يصبر عنقها دفن راسها فصدره ودخل راسه فعنقها وهو كيشم شعرها ويديه مخشية فشعرها طاهرة بقات مصدومة وغير كترمش فعينيها مافاهمة والو علات راسها وشافت فيه مالقات ماتقول كتافات بالصمت هو غراق وسط عنيها الرماديين لي عمرو شاف بحالهم وهبط عنيه لشفايفها لي غير كيشوفهم كيتشهاهم خاف يتهور :تقدري تمشي تكملي خدمتك هزات راسها باه ومشات وقلبها كيدردك خرجات من المكتب وشدات الباب ستنشقات لهوى وركبات فالمصعد ونزلات لتحت دخلات لغرفة الموضفين وجلسات كتحس بداتها كترعد مزال ريحة دلعطر دياله لاسقة فيها مزال دقات قلبه كتردد فودنيها فاش كان حاط راسها على صدره بتاسمات شهادشي كيوقع ليها شافت فالغلاف حلاته لقات ربطة دلفلوس حسباتها وشهقات:مليووون خلصها فكلشي كانت شوية واتغوت بالفرحة كوما شداتش راسها :سير الله يفرحك كيما فرحتيني فهاد النهار خبات الغلاف فالساك وخرجات تكمل خدمتها وهي ناشطة تلاقات غيتة طاهرة:بس بس اجي مشات عندها:ياك لاباس مدات ليها فلوسها:شكرا احبيبة مابقيتش محتاجاها غيتة:عاد ونتي كتشكاي طاهرة:صافي سي امين خلصني فشهراين لي ماتخلصتش فيهم غيتة:ايااااه عمرهم داروها تاجيتي نتي مسخوطة العفريتة احم لهدرة دايرة طاهرة:خليهم يهدرو ماسوقيش غيتة:وي داكشي يلاه خلينا نكملو لخدمة منبعد ونهضرو طاهرة:واخة شوفي ليوم لعشى على حسابي غيتة:هههه مشات واخة مشاو كيكملو خدمتهم اه غيتة خدمتها فالاستقبالات وصافي دازت ساعتاين كانت 8 دليل جا وقت باش تمشي طاهرة لبسات لكاب وتأكدات من لغلاف وخرجات مشات عند غيتة:وزيدي نمشيو غيتة:يلاه خرجو وهي تلقى شيفور كيتسناهم طاهرة:ركبي غيتة:فين طاهرة:هههه سي امين خصص لي شيفور يديني ويجيبني غيتة شهقات:قولي والله طاهرة:وحق ربي غيتة كتشوف فطوموبيل مرسيديس مجبدة كحلة :ياختي ملي كينزل لخير كينزل فدقة عفريييتة نتي والله طاهرة دورات وجهها وهي تشوفه واقف حدا طموبيلتو كيشوف فيها:تسناي هاني جاية مشات عنده ووقفات حداه:سي امين كنشكرك مرة اخرا ماعرفتش كي ندير نرد ليك هاد الخير امين بتاسم ليها:ماتشكرنيش تستاهلي من بعد ونقول ليك كي غترجعيه وغمزها هي بتاسمات وعضات على شفايفها:غير ما تصعبش عليا امين كيشوف فشفايفها:لا ماتخافيش ساهل داكشي طاهرة:يلاه نخليك دابة امين:تفضلي سيري وماتنسايش غدا خاص تجي بكري طاهرة:واخة سي امين بسلامة امين:بسلامة وبقى حاضيها حتى ركبات فطوبيل ومشات كانت راكبة هي وغيتة اللور غيتة دارت رجل على رجل:هادشي زين حسيت براسي بحاليلا انا هي مولات لوطيل طاهرة:ههههه غيتة :شوفي عنداك يكون كيدير هدشي كامل باش ياكل لحلوة طاهرة:ههههه ياكلها فدارهم مالي هبيلة انا عارفاه ماشي من هاد النوع ــــــــــــــــــــــــــــــ تم مشاركة الفصل من تطبيق روايتك https://play.google.com/store/apps/details?id=com.akram.novels