الفصل 3🌹
تبكي بلا دموع
الفصل 3
غيتة:ايوا مانعرف حضي راسك
طاهرة:ماتخافيش عليا عرفتي دابة شغا نديرو انمشيو نشريو لعشا وداكشي لي ناقص فالدارونمشيو لدار
غيتة:شوووفي بيتزا وأطااكوووس ماغنتفاكش معاك
طاهرة:هههه وغي زيدي عفاك دينا لمطعم...
الشيفور:واخة الالة
وصلهم لواحد المطعم ووقف يتسناهم دخلو شراو داكشي كلو لي خاصهم جاميع انواع لماكلة وداكشي لي كيعجب ختها كله دازو للمول وتقداو داكشي لدار ولي خاص كله
غيتة:ناري شيفور مسكين غا تبعنا ههههه بحاليلا نتي لي كتخلصيه فالشهر
طاهرة :زيدي وسكتي راه كيتخلص كتر مني ومنك اصلا سي امين وصاه عليا
ركبو ومشاو لدار ليلى كانت واقفة قدام لباب مجمعة هي وصحاباتها وكياكلو فالزريعة حتى كتوقف حداهم المرسديس سكتو وهوما كيشوفو الشيفور نزل وحل ليهم لباب وطاهرة وغيتة نازلين الحومة كلها حلات فمها فيهم
طاهرة جبدات 200 درهم ومداتها ليه:شكرا عدبناك معانا
شيفور:لا ماشي مشكل فوقما حتاحيتيني هنا معاك شكرا الالة
وركب ومشى بحاله
ليلى كتهضر مع لبنات:شتي شنو قلت ليكم دابة تأكدتو ختي غتزوج بمول لاوطيل ودابة صيفط معاها شي فور كي كتشوفو يلاه سمحولي نمشي عند ختي
مشات وخلاتهم غا حالين فمهم
ليلى كتشوف فالميكات لي هازين وعاد ميكات لي فالارض:اياااه القحبة بلا بيااا داية معاك هاد القردة
طاهرة:هزي معانا ماشي وقت هاد الهدرة
هزات معاهم طلعو لدار ولحومة كلها حاضياهم دخلو وجلسو
ليلى كتحل فميكات وكتشوف:ويلي شهادشي منين جاااك ياك ما سيدك امين شوفي هدي دياااالي كنقولها ليك من دابة
طاهرة:كلشي ديالك غا سكتينا
ليلى خرجات عنيها:طاااااكوووس ناري شحال كنت مشهياه
طاهرة:باش ماتقوليش ماكنفكرش فيك
ليلى طارت عليها كتبوس فيها:كنحماااق عليك
طاهرة كضحك:هههه راه غي مالقيتش الجهد وما كوراك عايشة كي لاميرات
ليلى:ربي يخليك ليا
وكملات تقلاب فميكات
غيتة:غير بشوية عليك هدشي ماغيهربش
ليلى:ماشي سوقك
طاهرة:نوضو نديرو هدشي فالكوزينة ونحطو نتعشاو
ناضو وستفو داكشي لي خاصه يتستف لي خاصه يدار فتلاجة داروه وحطو لماكلة فوق الطبل وتجمو ياكلو
كلاو تاشبعو وعمرو لكريشة
ليلى رجعات :الله شحال ماكلينا هدشي
طاهرة :شبعت الحمد الله
غيتة:ههه الله يكتر من خيرك وخير سي امين
ليلى:اه عاوديلي شنو واقع
طاهرة ربعات رجليها فوق الصداري وبدات تعاود ليهم وشرحات لغيتة شنو واقع بالتفصيل
غيتة:نااري هادشي بحال دلافلام مصاب يديك ويهنيك من هاد العيشة دزفت
ليلى:ياااربي يااربي يتزوجك شووفي اتعطيني باش نشري كسوة لغدا
طاهرة حلات ساك ومدات ليها 2000 درهم ربعين الف ريال:هاكي شري لي بغيتي
ليلى كتحسبها وهي كتغوت:وهياااا ناري شهاد لخير كله هدشي كله لياا
طاهرة:وانوضي جمعي طبيلة وغسلي لواني واجي نجلسو
ليلى ناضت باستها وناضت بدات تجمع ودير داكشي لي قالت ليها
غيتة:سعداتها بيك والله قلال لخوت بحالك
طاهرة بتاسمات:ليلى كنعتابرها بنتي ماشي ختي
بقاو جالسين كيهضرو حتى جات ليلى وجلسات وسطهم:طاهرة غني لينا عفاك شحال ماغنيتي
غيتة:اه عندها الحق غني
طاهرة:امم شنو نغني
ليلى:يا من هواه اعزه وادلني
طاهرة:واخة
شافو فيها باش تبدا تغني
هي بقات كتسترجع الاغنية مع راسها وبدات تغنيها بصوتها لحنين ودافي وزويين :يامن هواه اعزه وادلي كيف السبيل الى وصالك دلني .....
طاهرة غير شكلها لي زوين عندها صوت واعر كتعرف تغني
سلات الاغنية
وغيتة وليلى بداو يصفقو ليها:برااافو عليك
ليلى:كون كان عندي هاد الصوت والله تانمشي لستار اكاديمي ولا لارب ايدول ساعة نتي راسك قاصح كي راك مشيتي هذا شحال
طاهرة:ايوا صافي هدشي لي بقى غير نغني
بقاو مجمعين ومرة مرة طاهرة كتغني ليهم شي اغنية دارت ل11 ونص دليل غيتة خصها تمشي
غيتة وقفات:لبنات ماسخيتش بيكم ولكن تعطلت خاص نمشي
ليلى:كوغا بتي معانا
غيتة:حمدو الله الواليد خلاني نجي نجلس معاكم
طاهرة ناضت باش توصل معاها لتاكسي:نوضي نوصل معاك
ناضو وخرجو مشاو للمحطة طاكسيات كانت قريبة للحومة لقاو تاكسيات واقفين شدو وحدة
طاهرة مدات ليها فلوس طاكسي:هاكي
غيتة بعدات يديها:والله مانشدها راكي خصرتي كتر من نص دلفلوس سيري جمعي راسك وفلوسك عندك راه عطى الله ماديري بيها
طاهرة عنقاتها:قليل ناس بحالك اصاحبتي
غيتة:هههه غير منين تدي سي امين ماتنساينيش
طاهرة:ههههه واحلمووو سيري تاكسي كيتسنى تصبحي على خير
غيتة وهي كتركب:صبحي على خير
قلعات تاكسي ومشات طاهرة قلبات دورة ورجعات لدار كانو واحد طباقة دواحد سوبيسات جالسين دازت من حداهم وهي تسمعهم كيهضرو :ناس ضربو ضربة صحيحة تا ولا زلال كيجيبهم تا لباب دار
ش2:ويااه اصاحبتي دافعين كبير وحاسبين فكرهم هوما بنات بهيطو وهوما كيعطيوه ملتحت لتحت
ش3:وقبيلة جايبهم شيفور هههه وجايبين تقدية شي فقيه صحيح هذا
الجزء الثاني عشر💘
طاهرة ماقداتش تصبر وهي تقلب الدورة وتوقف حداهم:وسيرو وصلو غا لنص لي وصلت ليه انا عاد هدرو يا بنات لق.. شتوني كنعطيه وانا مافخباريش بزاف على دين مكم الحمد الله دافعة كبيرة وعارفة علاياش كيتكم نتوما لي كتعطيوه ب100 درهم وتجيو تحلو فامكم عليا هنيا الموسخات
وحدة منهم:ونتي شكون هضرك سمعتي سميتك سميناك ولا لي فيه لفز كيقفز
طاهرة:شتي نتي راه كتقلبي عليا راه عاد تبريت من مك هادشي ماحاضين غي دو دو دو فعيباد الله وما شتوش راسكم شكا ديرو راجل كيخرج من لهنا ونتوما كدخلو زلال من لهنا شنو نكمل ولا نسكت
كلهم ضربو طم وسكتو
وحدة منهم:صافي اختي طاهرة سمحي لينا ماتعاوديش تسمعي شي وحدة فينا كتهضر عليك
طاهرة:هاد.لمرة غي هضرت لمرة جاية انخدم يدي وراكم عارفين شكا ندير بلا مانهضر كنخسر لكمامر
ومشات وخلاتهم ساكتين طلعات لدار لقات ختها متكية فوق صداري وفيديها تشيبس كتاكل جلسات حداها:بنت رابحة تاهي ولات تحل فمها وانا دايزة
ليلى:مالها شنو قالت
عودات ليها كلشي
ليلى:خليني نهبط نشتف على مهم دابة
طاهرة :جلسي الارض راني هضرت معاهم معاياش داخلة غدا
ليلى:8 اوووف وعندي متحان
طاهرة:ونوضي نعسو تانا غنمشي بكري اجي بعدة معاياش خارجة فلعشية
ليلى:مع 4
طاهرة:اه ايوا دوزي وشري لكسوة وقادي حالتك وانا نصيفط ليك الشيفور
ليلى كضحك:حلفي وااااااو لحومة غتسطى نتي شغا تلبسي
طاهرة:حساب ليك معروضة راه خدامة انلبس حوايج لخدمة نوضي نعسو تهزي
ليلى:واخة
دخلو حكو سنيناتهم ودخلو نعسو فوق النموسية كي لعادة ليلى كتخشى فختها وينعسو معانقين
صبح الصباح ولكن هاد المرة انبدلو لبلاصة انمشيو لحي راقي وماساكن فيه غير ناس هاي كلاس صحاب الحبة الصحيحة
فاقت بكري بالفرحة ماشي راه اليوم خطوبتها من راجل لي كتبغي وماشي اي راجل راجل لاباس عليه معروف ومشهور عالميا عنده شركة ولفروع ديالها منتاشرين عالميا شركة السيارات الفخمة بحال لفيراري والبورش الرونج ولائحة طويلة
ناضت دخلات لحمام دوشات وخرجات من بعد ما لقات لخدامة لخاصة بيها موجدة ليها حوايجها لي غتلبس جلسات فوق النموسية وجات لخدامة كتنشف ليها فشعرها وتسرحو ليها :بامكانك تخرجي
خرجات وهي ناضت لبسات عليها كسيوة خفيفة شافت راسها فلمراية وبتاسمات فرحانة بزاف هزات طليفونها وهبطات لتحت لقات باباها كيشرب لقهوة ديالو عنقاته وباسته :بونجوغ بابي
بتاسم ليها:صبح لخير قطيطة ديالي فايقة بكري ليوم
بتاسمت وجلسات حداه:اه باش نوجد راسي على خاطري
احمد:فرحانة وجهك منور ازعيعرة ديالي
هزات راسها باه:بزااف ابابي
احمد:لارا بنتي لعزيزة سمعيني شغا نقول نقصي شوية بهاد الاهتمام كله لي دايرة لناصر راه كتقنطيها بيه على راس ساعة كتعيطي ليه وتسولي وايلا ماجاوبش كتبداي تبكي وديري فضيحة سيد راه عنده خدمته مامساليش لفشوش ديالك
لارا:واخة ابابي اصلا مابقى والو ونديرو لعرس وايولي ديالي وما ايبقاش هدشي
احمد شاف فيها بتاسم عارف بنته شحال كتحماق على ناصر الزعيم وشافها شحال تعدبات باش خطبها تفكر كيدار قنع ناصر باش يتزوج بنته بقى عليه تاقنعه طبعا هدشي بالمقابل منبعد ونعرفوه
لارا ناضت:بابي انا انمشي ندير لمساج وسوان لوجهي وشي تحضيرات على قبل ليلة
احمد:سيري ابنتي
مشات وهو دوز نمرة دناصر الزعيم بعد رنات جاوب بصوته الرجولي فيه بحة مميزة:الو
احمد:صباح الخير
ناصر:صباح الخير
وبقى ساكت بمعنى هضر
احمد:بغيت نسولك على ديك العملية كي دازت
ناصر:زعمة ماوصلولكش راها نجحات بحال ديما سلاح اتلقاه فديبو مع دراري والتحف حتى هوما
احمد:وصلولي ولكن ماعرفتش شنو درتي مع البوليس
ناصر:راك عارف تا حاجة ما صعيبة لقرطاس سالا كلشي
احمد:قتلتيهم بغيتي تقول
ناصر:اه
احمد:نت هكا راه كتزيد دير شبوهات
ناصر:احمد راه عارف شك
ا ندير
احمد:المهيم ماتنساش الخطوبة ليلة
ناصر:فبالي
احمد:صافي بان ليا فيقتك من نعاس رجع كمل نعاسك
ناصر:بحال داكشي
وقطع رجع نعس
أحمد عيط لامين لقاه فايق كي لعادة:صباح الخير
امين:صباح الخير
احمد:كلشي هو هذاك
امين:اه كون هاني
احمد:شنو درتي فداك شي
امين:صافي روسيين وافقو كي لعادة ايصيفطو لينا سلاح
احمد:هنا فاش بقات كي غيصيفطوه
امين:ماتخافش راني خططت قبل لهادشي عندي معاريف من البوليس ايدوزو الطيارة لخاصة لي غتجيب السلاح
احمد:وهاذ البوليس تيقة
امين:اه من دوك لقدام قربو يشدو تقاعود مابقا ليهم مايخسرو خاصهم غا لفلوس المهيم انا ما غنبانش وماعرفوش شكون مور هدشي لي كيهمهم غير لفلوس
احمد:ايوا مزيان
امين:يلاه نخليك دابة وصلت لاوطيل
احمد:يلاه بسلامة نتشاوفو فليل
وقطع وعيط لاخور تالت عماد
بقى يصوني يصوني تا شبع ورجع دوز النمرة عارفو غيكون بايت سهران فاخر رنة جاوب
عماد بصوت ناعس:احمد صباح هذا
احمد:ههه قلت نسول فيك
عماد:تسول ف8 دصباح بعدة خلي غير تاضرب 12
احمد:فوقاش ايهديك الله
عماد:صافي راه مابقيتش خدام معاكم ولا نسيتي
احمد:واخة هكاك راه كتبقى واحد من ولادي
ــــــــــــــــــــــــــــــ
تم مشاركة الفصل من تطبيق روايتك
https://play.google.com/store/apps/details?id=com.akram.novels