اين انت يا ابي - الفصل 1 | روايتك

اين انت يا ابي الفصل 1 ومشات من بعد ما صيفطات مساج لعماد طاهرة لقاتو كيتسناها حلات لباب وركبات قربات وباستو من وجهو وهي مبتاسمة هو غير كيشوف فيها نهار على خوه كيزيد يتعلق بيها :توحشتك طاهرة بتاسمات ليه وجاوباتو هاد لمرة:تانا مد يديه وشد فيديها وباسها وكسيرا وهو مزال شاد فيديها امين:نعطي هاد لوراق لاحمد ونمشيو صافي طاهرة:واخة طريق كاملة وهو شاد ليها فيديها تا وصلو لشريكة ..هاد الشركة ديالهم ب5 ..احمد وناصر وعماد وامين...خاصة بصناعة المجوهرات والالماس ...اول مشروع كيشاركو فيه كاملين..من غير داكشي دلمافيا دوز النمرة ديالو:احمد ها لوراق صيفط لي يجي موراهم...لا مايمكليش خاص نوصل طاهرة ...صافي واخة.. شاف فطاهرة:اجي نزلي معايا نزلات وشد ليها فيديها تاني ودخل هو وياها للشريكة كان كلشي كيشوف فيهم اول مرة امين ايدخل مع شي وحدة وهو شاد ليها فيديها ركبو فالمصعد وطلعو للطابق الفوقاني ..فين كاين المكتب ستقبلاتهم السكرتيرة لي هي بدورها متفاجأة من المنضر:تفضل سي امين حلات ليهم لباب ودخلو طاهرة كانت مبتاسمة غير شافتو ختافات بتسامتها وهي كتشوفو جالس فوق الفطوي وداير رجل على رجل وواقفة حداه لارا وفيديها لكلب ديالها تفكرات فاش وعتها فيديها لي مزال كدرها وفيها لاطراس واحمد جالس فالمكتب وفيديه السيجار أمين مزال شاد ليها فيديها ماناويش يرخي قرب وحط لملف فوق المكتب:هاهو احمد كيشوف فالطاهرة:انسة طاهرة انا لي طلبتو باش تجي معاه للمكتب طاهرة شافت فامين ما فاهمة والو احمد وقف وقرب ليها:بغيت نعتادر منك على داك النهار غير فقد اعصابي طاهرة لحد الان كتفكر داك الصقلة بتاسمات بالسيف عليها:ما كاين لاش تعتادر اسي احمد داكشي داز احمد بتاسم ليها:نتي دابة ليتي محسوبة علينا وشاف فامين:اي شخص عزيز على امين عزيز علينا تا حنا ..مرحبا بيك معانا امين بتاسم وزير ليها على يديها...طاهرة مامرتاحاش لهاد الوضع :شكرا شافت فناصر لي بدورو كيشوف فيها نزل عنيه ليديها لي فيد امين تلفوها شوفاتو وبلا ما تحس رخات يديها من يد امين وجمعاتها عندها ناصر شرب من كاسو وهو داير بتسامة جانبية طاهرة كرهات راسها غير بشوفة قدر يأتر عليها لدرجة رخات من امين ..كل هدا خوف منو لارا ماخافينش عليها شوفات ناصر كتغلي غي بوحدها بقات كطلع وتهبط فيها وفشكلها وفلباسها لي واخة عادي مواتيها ومبين مفاتينها ..بقات كتشوف فشعرها فعنيها ففورمتها كلشي فيها زوين وجداب ...بالسيف لواحد يشوف فيها ...ولكن الا نااصر هدي لي زادت عصباتها علاش كيشوف فيها أمين شاف فطاهرة:نمشيو طاهرة:اه قبل تمشي شافت فناصر وفنفس الوقت خشات يديها فدراع امين وعلات حاجبها ناصر طلعها هبطها وولا شاف فطليفونو ماهاموش اصلا غير كيعجبو يستافز بنادم خصوصا لا كان من الجنس اللطيف خرجو وركبو فطوموبيل وكسرا نيشان للدار لي على لبحر عند ليلى كانت معاه فطوموبيل ليلى:دابة فين انمشيو عماد شاف فيها وبتاسم:انمشيو لعندي لدار نبدل عليا ونمشيو لبحر كي قلتي ليلى بتاسمات فرحانة:اااااه مسافة الطريق وكانو فدار حلو ليهم لحراس لباب ونزل ودخلو لدار ليلى عاد كتحقق فالدار داك نهار ما نتابهاتش ليها عجباتها بزاف كلها مفرشة بطريقة عصرية بحال شي فلة اوروبية ...كتكون من جوج طوابق وعاد لاكاب ستقبلاتهم مي فاطمة وهي خارجة من الكوزينة:ولدي جيتي عماد باس راسها:جيت وجبت ضياف معايا مي فاطمة بتاسمات ليها:مرحبا بيك ابنتي تفضلو جلسو علامن نجيب ليكم عصير بارد بردو بيه ليلى:شكرا اخالتي عماد:مي فاطمة غي بلاش حنا انخرجو دابة ليلى:لا اخالتي غي جيبي انا بغيت لعاصير عماد:ناري وجهك قاصح ليلى مشات وجلسات فصالون:سوقك..دارك وااعرة حمقاتني عماد.جلس حداها ودور يديه على ضهرها وجرها لعندو:نتي لي كتحمقي وحط صبعو على شفايفها كيتفكر فاش كانو فطوموبيل ليلى بلعات ريقها وهي كتشوف عنيه على شفايفها ماعرفاتش علاش غير ولا يقرب ليها كتضعف قدامو بقا كيقرب وهي غير كتشوف يلاه ايبوسها وهوما يسمعو صوت مي فاطمة مي فاطمة:احم لعاصير واجد قفزو بجوج تقادو فلجلسة ليلى حشمات عماد:لهلا يخطيك امي فاطمة جلسي شربي معانا مي فاطمة:خودو راحتكم انا غنمشي لكوزينة عندي مايدار خلاتهم ومشات ليلى:ناري شغا تكون كتقول عليا دابة عماد وهو كيشرب لعاصير:مي فاطمة ضريفة ماعندها ماتقول شربي ونوضي لا غنمشيو هبطات على داك لعاصير فدقة:هدشي زيين تا نسولها تقول ليا كيف كدير ليه جرها من يديها:زيدي.دابة طلع هو وياها لبيتو باش يبدلو عليهم ويمشيو لبحر ليلى وهي كتحط ساك ليفيه خوايجها فالارض وحالة فمها فالبيت زوين:ناااري على بيت عندك المسخوط كيحمق عماد وهو كيحيد التيشرط:شنو بان ليك تجي تعيشي معايا نعسو فيه بجوج ليلى وهي كتسارا فيه وتحل فلبينان ولبلاكارات:والله مانكره ساعة دوماج حنا ماشي كور عماد:حنا كتر من الكور...راه بيت تبدال دخلي بدلي عليك..ولا نجي معاك😉 ليلى هزات ساكها:بقا فبلاصتك دخلات لبيت جبدات شغا تلبس ولبسات وقدات شعرها طلقاتو على راحتو وشافت راسها فلمراية بتاسمات وخرجات كانت لابسة شورط تجينس قصير واصل لنص دلفخاد ومن لفوق تيشرط بيض جاي فوق لكريشة ومفتوح من جهة دصدر طبعا لبسات دوبياس قبل..وفرجليها كلاكيطا ..وهزات لحوايج لي غتحتاج فلبحر وخرجات لقاتو واقف حدا لمراية وكيقاد لكاسكيط اللور وقفات حداه ودفعاتو باش توقف هي:حيد نشوف راسي انا بعد وهو كيطلع ويهبط بيها كتبان كيووووت وزوينة شافها حلات لعكار وكتقادو فشفايفها وكتماصيهم :صافي نمشيو عماد مزال كيشوف فيها:ولاش لعكار ليلى اوووف بغييت صافي خليني على خاطري ليوم بقا كيقرب ليها تا لصقات مع لمراية دور يديه على خصرها ولسقها معاه :راني لحد الان صابر عليك ليلى حطات يديها على صدرو وهي كترمش بعويناتها:غنتعطلو على لبحر بعد عليها:زيدي قبل ندير بناقص بقات كضحك وهزات ساكها وشدات ليه فيديه:يلاه نمشيو شافت فيه وفلباسو:لابسين بحال بحال عماد:لقلب عند لقلب ازين. تمو هابطين فدروج:غيضربونا بلعين عماد:ادن صافي نبقاو فلبيت حسن😉 ليلى:لا غا خليهم عماد طل علا مي فاطمة:ها حنا مشينا مي فاطمة:بسلامة اولدي رد بالك لبحر راه غدار عماد:هههه بنادم هو لغدار امي فاطمة وخرجو هي مشات نيشان لطوموبيل عماد:ما غنمشيوش فطوموبيل ليلى:ماتقوليش على رجلينا عماد:تسناي هنا وشاف فواحد من رجالو:وصل هاد سيكان للكبانو لي تماك ودخل لواحد لكراج بقا شحال وهي تشوفو خارج وراكب فوق واحد سكوتور كبير بقات كتصفق بديها وهي فرحانة 👏.:نت معلم مشات كتجري وركبات موراه وعنقاتو من اللور هو خرج من على الدار وكسيرا بالجهد وهي كتغوت فرحانة كان مرة مرة كيتهز هو وسكوتور لفوق ويولي ينزل ويلعب بيه فطريق وهي فرحانة وشعرها طاير فلهوا كتغوت 💘الجزء التاسع والخمسون💘 دازت ساعة ونص طاهرة يلاه وصلو لدار لي على لبحر نزلات وهي حالا فمها ...منضرها زوين من برة وعاد الموقع لي هي فيه واعر جاية بعيدة على لمدينة شوية ومعزولة فواحد الجنب فلبحر حداها فلات اخرين ولكن قلال...ستقبلهم لحاريس وشي خدامات خداو شانطة دطاهرة دخلولها لداخل امين شد ليها فيديها:هاد الدار ملي كنبغيو نتجمعو كاملين كنجيو ليها طاهرة:زوينة بزاف امين:اجي نساريك فيها دخلها لدار لداخل كتكون بجوج طوابق تقريبا طابق لتحتاني لحيوط ديالو كلهم تقريبا من الزاج باش يبان ليهم لبحر كان اللون لبيض ودهبي فكل بلاصة ومفرشة بطريقة زوينة ربعة دصالات كل وحدة محلولا على لوخرا وكلشي فوطويات ...واللوحات معلقين شي مرسوم فيه حرية لبحر شي مرسوم فيه لبحر المهم اجواء ديال لبحر نيت طلعو لفوق كاينين 5 دلبيوتة وعاد صالة كبيرة فيها طبلة ديال لبيلياردو وحداها مدفأة ديال لخشب وكوزينة مفتوحة على صالة وعاد لحيط لي كلو زاج كيطل على لبحر عجباتها بزاف هبطو خرجو لجردة فيها لابسين كبيير داير بيه ربيع والورد وشي جليسات ولي روليكس ..وعاد اونفاص معاهم لبحر خطوات قلال وتكون حداه طاهرة ضارت وشافت فامين:كتحمق عجباتني بزاف..غنرتاح فالخدمة كيعجبني لبحر امين وهو كيلعب فشعرها:هدشي لي بغيت تكوني مرتاحة طاهرة بتاسمات ليه :اصلا كنكون مرتاحة ونت معايا. قربها لعندو كتر وخشا يديه وسط شعرها لي كيحركو لهوة وبعد خصلات كانو على وجها دخلهم مور ودنيها :احسن حاجة هو نهار دخلتي لحياتي باس جبينها:كنواعدك عمري نأديك وعنقها وعنقاتو تاهي كتحس بلامان معاه كتنسى كلشي لقات فيه داكشي لي محتاجة...لحنان ولحب والعطف والخوف عليها والاهتمام..كلشي تحرمات منو لقاتو فيه ... علات راسها وشافت فيه:تانا عمري ندير شي حاجة تقلقك بتاسم وهو كيشوف فعويناتها لي كيبربو ومع ضو شمس زاد بان لونهم قرب وباس عنيها وهز راسو وولا باس لعين تانية وهي غير مبتاسمة حتى كتحس بيه كيبوس خدودها ويديه على ضهرها كيزيد يقربها ليه غمضات عنيها فاش حسات بشفايفو فوق شفايفها كيتحركو بشوية قلبها بدا يضرب ..كيبوسها بطريقة دوباتها خلاتها بلا ماتشعر تجاوب معاه حطات يديها على صدرو تعلات على ريوص دصبعانها ومشات معاه فالخط وهي كتحسس صدرو بشوية بضفارها شي لي خلاه يزيد يجرها لعندو هي كانت عايشة اللحضة حتى كتحس بيه دخل يديه تحت تيشرط ديالها وبدا كيتحسس فجسمها كانو يديه بااردين كي تلج بالنسبة للحمها لي سخوون بكل حركة كتبورش امين حس براسو ماقادش يتحكم فراسو بعد عليها قبل يزيد يفقد السيطرة شد وجها بين يديه ماباغيش يدير ليها شي حاجة هي ماشي دهادشي باس ليها راسها :نتي ديالي شافت فيه وهي مزال كتنفس بصعوبة تاهي نسات راسها فقدات الشعور هزات راسها باه حيت بصاح حسات براسها ديالو هو ديالها رجع باسها بوسة خفيفة فشفايفها ــــــــــــــــــــــــــــــ تم مشاركة الفصل من تطبيق روايتك https://play.google.com/store/apps/details?id=com.akram.novels