الفصل 2
العاب زمان
الفصل 3
ss: the end💝
لداخل
عيات بلغوات ولبكة..ترخات طاحت فالارض سخفانة..دغيى جاو هزوها وداوها لطبيب
طاهرة شافت فاكرام كتبكي وتعيط لماماها خايفة بزاف..مسحات دموعها وقربات للعندها تحنات لعندها وهزاتها بين يديها وعنقاتها ماقدراتش تقاوم دموعها بقات كتبكي معاها:صاافي ابنتي انا معااك
اكرام:بغييت مامي.
عماد:طاهرة زيدي اختي نمشيو مابقة عندنا مانديرو هنا ..اري نهزها عليك
طاهرة:لا غير خليهالي..فين هي الحاجة
عماد:داوها تاهي لطبيب
طاهرة تنهدات:شهاد الموصيبة
اكرام:بغيت ماااامي
طاهرة باستها على خدها:واخة ابنتي نمشيو لدار وهي اتجي عندنا
عماد:يلاه نمشيو
خرجو من لمطار مالقاو تاشي حد كلشي مشة معاهم..ركبات مع عماد ووصلهم لدار ومشا تاهو لطبيب
دخلات لقات طاهرة الام جالسة فالصالة ودراري كيلعبو حداها..طاهرة الام غير شافتها عررفات انه كاينة شي حاجة ماشي هي هديك..ناضت عندها:فين هوما لوخرين
طاهرة جلسات وهي مزال هازة اكرام نزلو دموعها
طاهرة الام قلبها نغزها شافت فاكرام ورجعات شافت فطاهرة..طاهرة هزات راسها باه..فهماتها شهقات ونزلو دموعها بقاو كيبكيو بجووج
امونة قربات لعندهم:مااما علاش كتبكي وشكون هاد لبنيتة
طاهرة بتاسمات بالسيف عليها:هادي اكرام بنت خالتو لارا
امونة:ااه لي شفناها فلفيديو
طاهرة:اه هي
طاهرة نزلات اكرام:لعبي معاهم علامن تجي ماما
يوسف وبدر قربو لعندها كيشوفو فيها
امونة:عندي بزاف دلالعاب اجي تلعبي معايا
اكرام كانت مترددة فلول من بعد مشات معاهم وبداو كيلعبو
طاهرة تنهدات:قتلو ليها باباها
طاهرة الام وهي كتبكي:الله ياخد فيهم الحق مسكين ياسين مايستاهل
طاهرة عودات ليها كلشي..بقاو فيهم بزاف
دازت عليهم ليلة خايبة بزاف كانت صدمة كبيرة بالنسبة ليهم
بعد مرور شهر
كانو مجموعين فالصالة من نهار دفنو ياسين وهوما كيجيو كل نهار عندهم كيتجمعو فدار باش يخففو على لارا وبنتها اكرام والحاجة ...لارا لي ولات جسد بلا روح..من نهار دفنوه ماخرجات من لبيت غير شادة عليها تا بنتها مابقاتش داياها فيها ..بعد لمرات كيسمعو بالليل صوت بكاها وغواتها ..شي لي كيخلي اكرام تخلع ولات كتخاف من مها فاش كتشوفها فديك لحالة..حاولو يجيبو ليها طبيب نفسي ولكن كتجري عليه وتشد عليها لباب
الخدامة:مداام..
طاهرة شافت فيها:نعام
الخدامة:مابغاتش تحل لباب باش نعطيها تاكل
طاهرة:صافي دابة نطلع عندها انا
احمد:غير خليك اابنتي دابة نشوفها انا
طاهرة:واخة
احمد كان هاز فيديه حفيدتو اكرام ماكيتفارقش هو وياها كيحاول يعوضها على المنضر لي شافت فلمطار.
احمد:بنتي اكرام.انطلع نشوف ماماك ونرجع صافي
هزات راسها باه حطها ومشات عند الحاجة جلسات حداها. الحاجة لي مزال مكوية على ولدها الوحيد حالتها تضهورات مصبرة راسها بالسيف ديما كتدعي وتصلي تطلب المغفرة لولدها الله يرحمو
احمد ناض طلع لفوق وقف حدا بيتها دق ..ماجاوباتش ورجع دق:لارا بغيت نهضر معاك
بغة يرجع وهو يشوف لباب تحلات..تنهد ودخل ..كانت جالسة فوق النموسية وكتشوف لبعيد جلس حداها وحط ليها راسها على كتافو:بنتي ماتعدبيش راسك كتر من هكا .فكري فاكرام مسكينة محتاجة ليك
لارا شافت فيه ببرودة:ردو ليها لبال
احمد:نتي لي خاص تردي ليها لبال ماشي حنة
لارا تنهدات تا دموع نشفو ليها:هو لي سماها اكرام كان باغي يعيشها احسن عيشة كان كيفكر يدير ليها بزاف دلحوايج.وقتلووه حرموه من بنتو وحرمونا منو مات اباابي وخلاناا
احمد عنقها:صافي ابنتي الله يرحموو
لارا:كون غير قتلوني معاه تا اناا.خلاني كنتعدب موراه ..دمرولي حياتي
احمد:ربي كبيير راه نص فيهم كيتحاكم والبقية دخلو الحبس على فعلتهم..
لارا شافت فيه:وهادشي باش ايفدني..هدشي ماغايرجعش لي راجلي
احمد:صافي فكري غير فاكرام
لارا :بغيت نعس
احمد:كولي بعدة شي حاجة
لارا بعدات عليه وتكات فوق النموسية
احمد ناض وخرج من لبيت وشد عليها لباب ونزل للتحت..شاف ناصر هاز اكرام وكيلعب معاها هي وامونة..والابتسامة على وجها..جلس
امين شاف فجنات :يلاه نمشيو
ناضت:واخة
سلمو عليهم ومشاو..
ليلى :احم كمال واش باقي مالقيتو والو على ولدي
كمال :مزال اختي كنبحتو اول ما انلقاو شي حاجة نتي ولا اتعرفيها
حنات راسها وسكتات
عماد شد ليها فيديها :يلاه تا حنا نمشيو
ناضت بلا تاشي كلمة
ملاك كانت هازة فيديها نرجس:كمال تاحنا خلينا نمشيو
[6/7 20:51] ss: the end💝
ناضو كاملين وصل معاهم ناصر للباب ورجع دخل..جلس حدا طاهرة شاف فيها وجها باهت:مالكي
طاهرة:والو غير عيانة شوية
حط يديه على كرشها:حيت ماكاترتاحيش
طاهرة تنهدات
ناصر:بنتيلي ماشي هي هديك..
طاهرة:لا والو خاص نعس وغنرتاح
ناصر شد ليها فيديها وباسها:طلعي تنعسي انا غنتكلف بدراري
طاهرة بتاسمات ليه وناضت طلعات لبيت بدلات عليها وتخشات فبلاصتها..
ناصر :وقت نعاس زيدو قدامي
بقاو كيتنخصوو ماباغينش ينعسو:كل ليلة انعاودو نفس الهضرة ولا شنو
حطو الالعاب من يديهم وتبعوه للبيت ..قادهم فبلايصهم ..اكرام ولات كتنعس حدا امونة..بتاسم ليهم وطفا ضو وخرج من لبيت..شاف فيها لقاها ناعسة دخل بدل عليه وتخشا حداها جرها لعندو ..تخشات فصدرو ونعسو بجووج
نبدلو لبلاصة
كانو فلكوزينة بجوج كيطيبو وصوت ضحكاتهم وغواتهم واصل لزنقة وطالقين الاغاني مرونين دنيا
دخلو لدار تصدمو من الروينة. ملاك حطات نرجس فوق الفطوي ومشات بالزربة طفات الموسيقة .
علي ونور كانو كيطيبو لي بااط ..حوايجهم توسخو ولا كلشي حمر ..ضارو دقة وحدة فاش سمعو صوت كمال
كمال:شهادشي دايرين
ملاك:ويلي على كوزينتي كي ولاات
علي حط لفورشيط من يديه:اجيو دووقو احسن مقااارونية قاديتها
نور كضحك:هههه والله حتى جات زوينة
ملاك شافت فكمال:علاياش كيقلبو هادو
علي:اممم كنقلبو على شي طبصيل نديرو فيه لي بااط
نور:ااه هااهو
قرب وخدا ليهم طنجرة دلماكلة:ايوا عرفتيو شغا ديرو ..جمعو هاد روينة مزيان.عاد اجيو تاكلو
ملاك:صراحة باينة زوينة..اجي ندوقوها كي جات
كمال هز جوج فورشيطات:اجي احياتي اجي
علي ونور تبعوهم كيجري
علي:ولااا ماشي من صباح وحنا نطيبو تجيو دابة تا كلوها باردة
ملاك:لا والله تا سخونة هههه
نور:اووف حرام عليكم
كمال:واسيرو جمعو داكشي واجيو تاكلو
نور:واتسناونا
ملاك:غير ماتعطلوش
علي جلس فوق الفطوي:نوور جمعي داكشي دغية واجي انا حاضيهم
كمال:نوووض تهز تعاونها
علي:ايوا شتي دابة عيب يدخل الراجل للكوزينة
كمال:وشنو كنتي كدير عاد دابة
علي تنهد ناض:زيدي نتي قدامي
كمال وملاك بقاو كيضحكو..تسناوهم تا سلاو جميع لكوزينة وقادو دار من بعد حطو يتعشاو كاملين
جا نهار جديد
فاقت على صوت ضحكاتهم حلات عنيها تقلبات لجيهة لوخرا مالقاتوش قدامها..ناضت ودخلات عندهم للبيت بتاسمات وهي كتشوفو كيلعب معاهم ..وهوما كيضحكو عاجبهم لحال. شاف فيها وبتاسم:صباح الخير
طاهرة:صباح النور
قربات لعندو وباستو على وجهو ونزلات كتبوس فدراري هزات اكرام بين يديها:حبيبة ديالي كي صبحتي
اكرام:مزيان
حطاتها فاش حسات بالردة خرجات كتجري لحمام ردات ..وناضت شللات فمها علات راسها شافتو من لمراية واقف كيشوف فيها بتاسمات وضارت لجيهتو:فلول كيكون صعيب
قرب لعندها عنقها عنقاتو تاهي..بعد وشاف فيها:هملتي راسك هاد ليام
طاهرة:لاا عادي .دابة دوز هاد ليام ونوليو بخير
ناصر:ان شاء الله
جرها من يديها وخرجو للبيت عيط ليهم باش يجيبو ليهم لفطور للبيت..فطرو وسلاو
طاهرة:انمشي نطل على لارا نشوفها
ناصر:واخة
ناضت وخرجات مشات نيشان لبيتها دقات..وحلات لباب ودخلات ماشافتهاش فلبيت سمعات صوت فلحمام عرفاتها كدوش جلسات كتسناها . داز الوقت وهي مزال ماخرجات قربات للباب لحمام:لاارا حبيبة ياك لاباس
والو ماجاوباتهاش..دقات لمرة لولا وتانية خافت وهي تحل لباب تصدمات فاش شافت لبانيو عامر بلما وكلوو حمر بالدم ولارا مخشية وسطو بحوايجها دابحة يديها..
طاهرة ولات كلها كترجف رجليها فشلو علييها ..سمعات صوت احمد من موراها:نتيي هنا..جيت نشوفها كي بقات
طاهرة شافت فيه وهي كتبكي..احمد دخل كيطير للحمام وتصدم من المنضر بنتو قدامو منتاحرة..بقوة صدمة بقة غير واقف وكيسمع صوت بكة طاهرة..خرجات كتجري عيطات لناصر يجيي..
ناصر دخل بالزربة خرجها من لبانيوو ..واحمد باقي مصدوم..ناصر حطها فوق النموسية كيقيس النبض ديالها وقلبو كيضرب فلمية ..شاف فاحمد ورجع شاف فطاهرة وعلامة الخيبة على وجهو
طاهرة حطات يديها على فمها وهي كتبكي . احمد بداو ينزلو دموعوو وشوية بشوية رتافع صوت شهقاتو فلبيت
ناصر بعد على لارا جبد طليفونو عيط الامبيلونص
احمد تحنا على بنتو وهو كيبكي شد ليها فيديها وباسها:علاااش ابنتي علااش مزالة صغيرة على هدشي..الله يسمح لييييك الله يغفر لييييك
طاهرة مامتيقاش انها ماتت...دخلات طاهرة الام على صوت بكاهم تاهي تصدمات مابقاوش عارفين هادشي منين كينزل عليهم كل شوية مصييبة ..احمد كان كيبكي بصوت كيقطع فالقلب وهو كيتحسر على بنتو الوحيدة لي ترزات فشبابها ..كيبكي بحرقة عليها وهو كيبوس فيديها..اكرام دخلات كتجري وهي كضحك وتلعب
[6/7 20:52] ss: the end💝
حبساتها طاهرة قبل تشوف مها فديك الحالة هزاتها وخرجاتها من لبيت .عنقاتها بالجهد وهي كتبكيي بقات فيها بزااف ولات يتيمة دابة لا ام لا اب
اكرام مافاهمة والو:واش نتي مريضة
طاهرة مابقاش عندها الصوت باش تهضر كتهز راسها باه. اكرام بتاسمات ومسحات ليها دموعها:صاافي ماتبكيش انقوول لبابي ناصر يديك لطبيب صافي
طاهرة رجعات عنقاتها ..اكرام عنقاتها تاهي ..دازت مدة وهي توصل سيارة الاسعاف دخلو لدار ولبياص فيديهم وراتهم لخدامة لبيت دخلو دارو فحص تأكدو أنها صافي ماتت..ومن خلال الجرح لي فديها وبعد الفحوصات عرفو انها نتاحرات قبل يشوفوها بشي 5 دسوايع..هزوها باش يديوها لطبيب يكملو باقي الاجراءات
طاهرة كانت هازة اكرام وكطل عليهم من شرجم شافتهم مغطيين ليها وجها ودخلوها لطوموبيل بقات فيها بزااف
نتاشر خبر موت لارا كلشي حضر للجنازة كانت صدمة بالنسبة ليهم..ولاو كيعيشو اسوء ايام حياتهم فترة خايبة بزاف عمرهم اينساوها.اتبقة محفورة فداكرتهم.حسو براسهم كيخلصو تمن اخطائهم لي دارو فحياتهم ..فقدو ناس عزاز عليهم بأبشع الطرق ...💔
بعد مرور سنتان
كانت داخلة لدار شافت بنتها كتبكي والمربية كتحاول تسكتها قربات لعندها:مالها
المربية:ماعرفتش الالة ليلى.. واقلة غير من سنان هوما لي كيدييرو هاد الحالة
ليلى شافت فبنتها:صافي سكتيها انا انطلع نرتاح
طلعات لبيت والمربية غير كتشوف مافاهمة والو. كان يلاه داخل شاف كلشي على عنيه..تنهد ومشا عند بنتو هزها:صافي احبيبة هنا جيت
عنقها وهو كيمسح ليها على راسها حس بحرارتها مرتافعة شاف فالمربية:وجدي ليها حوايجها باش نديوها لطبيب
المربية:واخة اسيدي
طلعات جمعات ليها ساكها وهبطات كتجري. داوها لطبيب الاطفال..دار ليها فحص..ضرب ليها شوكة باش تنخافض حرارتها وكتب ليها شي دوة:هادشي عادي غير من سنان خاص غير المقابلة وصافي اتولي بيخير
عماد خدا الورقة دوة:واخة
طبيب:ولاباس عليها..ديها لدار دوشو ليها بما دافي وشربها هاد دوة باش تنعس
عماد :شكرا
هز بنتو وخرج ركب فطوموبيل والمربية هازة لبنت داز شرا ليها دوة ومشاو لدار..هز بنتو بين يديه وباسها
المربية:عطيها لي اسيدي نت سير ترتاح
عماد:لا غير خليهالي
طلع بيها لبيت دخل شافها جالسة فوق النموسية خنزر فيها..ودخل هو وبنتو للحمام دوش ليها وخرج وهو كيلعب معاها ويضحك نشف ليها شعرها بسوشوار ولبس ليها حويجاتها شاف فليلى مزالة جالسة مامهولاش..مشا وحط ليها لبنت بين يديها:نوضي قابلي بنتك شوية راها مريضة
ليلى:انا عيانة غنتكة شوية
عماد :اه وماعياناش على دوران فزناقي
ليلى شافت فيه:كنقلب على ولدي ماشي كندور
عماد:وحنا شكا نديرو كلعبو واقيلة
ليلى:هادي 8سنين وباقي مالقيتوه واش بغيتيني نبقة جالسة كنتفرج لا اعماد انبقة نقلب عليه حتى نلقاه
عماد ولات كتعصبو بزاف كدير غير لي فراسها :دابة انا ضاروري كل نهار نخرج نقلب عليك كي شي هبيل
ليلى سمعات لبنت بدات كتبكي تنهدات وشافت فيها:بداات عوتاني بلبكة واش باغيين تحمقوني راه لي فيا كافييني
عماد هز لبنت :وهي شنو دنبها مسكينة باقة صغيرة على هاد لمعاملة لي كديري ليها..فاطمة الزهراء واخة صغيرة راه كتحس بيك ماباغاهاش هدشي بزاف عليها
ليلى:ياك نت لي بغيتي لولاااد ايوا هانا ولدت ليك تكلف بييها ياك نت باهااا بعدووو منيي
وبدات كتبكي وتشهق:بغييييت ولدي اعمااااد قلبي لحد الان مازال كيضرنيي
عماد حط فاتي فوق النموسية دور عليها لخدادي ومشا عند ليلى مزال لحد الان كيضعف قدام دموعها ماكايبغيهاش تبكي..جلس حداها وعنقها:صاافي ماتبكيش
عنقاتو وهي كتشهق:كنبغي نحماق فاش كنبقة نفكر ولدي شكا يدير دابة واش كيضربووه واش وااكل ولا ناعس..واش كيعدبوه..واش كيحس بالبرد..ولا قتلووه..دماغي كيبغي يطرطق علياا اعماد..راه ماشي لخاطري هدشي لي كندير كنحاول نكون ام صالحة لبنتي ولكن ماكانقدش دماغي عامر بزااف .رشيت قبل الوقت مابقات عندي لكانة لوالو.كنفكر غير فتاجدين عفااك عدرنيي الله يخلييك
عماد تنهد:صاافي واخة راني حاس بيك مسحي دموعك ورتاحي
هزات راسها وشافت فيه:والله حتى كنبغيك نت بنتي ولكن الله غالب اعمااد
باسها على راسها:كلشي دابة يدوز
سمعات بنتها كتبكي ششافت فيها
عماد:هزيها غير شوية راها محتاجة ليك
ليلى قربات لعندها وهزاتها بين يديها باستها وعنقاتها:هنا اماما صافي ماتبكيش
فاتي تشبتات فماماها موحشاها محتاجة للحنان ديالها خشات راسها فعنقها وهي خايفة لا تبعد عليها.ليلى نزلو دموعها على هاد الحالة لي وصلات ليها عنقاتها كتر وتكات هي وياها فوق النموسية وهي مزال معنقاها..عماد ناض صيب ليها رضاعة وجاب دوة ..ليلى خداتو وشرباتو ليها وعطاتها رضاعة نعساتها .عماد كيشوف فيهم ماكرهش يرجع تاجدين وترجع الابتسامة لوجها توحش ليلى لقديمة..تكا حداهم وعنقهم بجوج شافت فيه وبتاسمات شدات ليه فيديه وباستها:كنبغيك اعماد
بتاسم لليها وباس ليها تاهي يديها:كنحماق عليك
كانت عيانة غمضات عنيها ونعسات
[6/7 20:53] ss: the end💝
جا نهار جديد
كانو مجموعين كيفطرو كاملين كيفيقو بكري...كانت حاطة قدامها بنتها فوق الكرسي لخاص بيها وكتوكلها سيريلاك..بتاسمات ليها:بنتي دينييز زيدي غير هادي
دينيز كتقبح فوجها شبعات
ناصر:صافي خليها شبعات
طاهرة باستها ومسحات ليها وجها شافت فدراري:دابة وهو جا طرونسبور فطرو دغيا
اكرام:انا شبعت امامي
امونة:تا اناا
ناضو كيجريو يغسلو يديهم
ناصر شاف فبدر ويوسف:ونتونا
يوسف:ماوسختش يدي بلا مانغسلهم
بدر:تا اناا ها نت شوف
ناصر:مزياان يلاه نوضو هزو شكاكركم وجدو راسكم
ناضو هزو شكارات ديالهم وخرجو كيجريو وقفو حدا رجال لي مراقبين دار كيلعبو معاهم. ولفو بيبهم عطاو جو زوين لدار ..خرج ناصر وامونة واكرام تابعينو وقفو كيتسناو طرونسبور تاجا ركبو ومشاو يقراو..عاد دخل لدار هز سوارتو وطليفونو
احمد:تسنة انمشي تا انا لشريكة
ناصر:خليك بلا ماتصدع راسك رتاح ليك شوية.
احمد تنهد:عماين ما مشيت لشريكة براكة عليا لي عطا الله عطاه
الحاجة تنهدات:الله يرحمهم فهاد نهار
كلشي قال امين
احمد:نطلع نجيب طليفوني
ناصر:واخة هنا كنتسناك برة
خرج وطاهرة تابعاه وقفو حدا لباب. ناصر كيشوف فدنيز كتلعب بيديها وضحك قرب وباسها وشاف فطاهرة باسها تاهي:هنا مشيت
طاهرة:الله يعاونك
ناصر:امين
وخرج ركب طوموبيل ديماراها ووقف كيتسنة فاحمد.تا شافو جاي ركب حداه نيشان مشاو للشريكة
نمشيو لبلاصة وحدا خرا
امين:حمزة زييد طرونصبور جاا
جنات كتقاد ليه شكارتو:هااهو جاي..يلاه سير
حمزة خرج كيجري سلم على باباه وركب تاهو فطرونسبور..مشا نيشان وجلس حداهم كاملين كيقراو فمدرسة وحدة
يوسف جبد واحد اللعبة من شكارتو:شوف شنو جبت
بدر:بابا ايغوت عليك ياك قالنا مانديوش معانا الالعاب للمدراسة
يوسف:ماشي سووقك انلعب بيها انا وحمزة ياك
حمزة خدا هالو:اه بصاح
يوسف:واراها تا نلعب بيها شوية
حمزة خبعها:بلاتي نلعب بيها انا بعدة
ناضو كيتجارو شكون ياخدها..بدر كيتحامة مع خوه..طيحو حمزة فالارض بدر دغيا زرب عليه خدا ليه اللعبة وعطاها لخوه يوسف:هاك اخويا
يوسف خداها:نت شفار
حمزة:شفار هو نت
جات عندهم لبنت لي حاضياهم فطرونسبور:مالكم
حمزة:يوسف جاب معاه لعبة للمدراسة
لبنت:يوسف ارا داك للعبة
يوسف:لاا
لبنت:يوسف اراها بلا صداع قبل ماغانعيط لباباك يجي بحال داك نهار
يوسف:ماغانعطيهالكش يلاه
لبنت بغات تاخدها ليه بالسيف مارضاش هزها ولحها من الشرجم وغوت ليها فوجها:ماغاتاخدييهاش يلاااه هنا لحتها
لبنت بقات غير كتشوف رجعات لبلاصتها مابغاتش تكبر الموضوع..يوسف جلس فبلاصتو وهو غضبان عزيزة عليه اللعبة..بدر:صافي اخويا انعطيك اللعبة ديالي.
يوسف:بعد مني
بدر شاف فحمزة:عجبك لحال
حمزة بقة كيشوف فيهم حل شكارتو وجبد واحد اللعبة :هاك هادي
يوسف شاف فاللعبة وعجباتو خداها:زويينة
حمزة:صافي تصالحنا
يوسف هز راسو باه:اه تصالحنا
بقاو كيلعبو بيها بتلاتة تاوصلو للمدراسة خبعوها ودخلو يقراو
ــــــــــــــــــــــــــــــ
تم مشاركة الفصل من تطبيق روايتك
https://play.google.com/store/apps/details?id=com.akram.novels