الفصل 1
العاب زمان
الفصل 4
دازو ساعات طاحت الضلمة
ناصر كيهضر فطليفون:مانبغي يوقع تاشي غلاط..رد عليا ملي يركبو فطيارة..موراها مسح جميع المعلومات لي متعلقة بيهم سمعتيني..حيت ضاروري ايديرو التفتيش حتى فلمطار
قطع .كان جالس فطوموبيل باغي يتهنة من جيهتهم .ويمشيو من لهنا..رجع راسو اللور وغمض عنيه كيفكر.دازت نص ساعة وهو يصوني ليه طليفون حل عنيه بزربة خدا طليفون وجابو:الوو.واش متأكد. صافي مزيان
قطع وتنهد براحة ...رتاح من جيهت ياسين ولارا ..دور الساروت وكسيرا نيشان للدار..دخل شافها جالسة فالصالة وحداها لوليدات بتاسم ومشا جلس حداهم باسها على خدها وهز بدر حطو على صدرو:خاص يكونو ناعسين دابة
طاهرة بتاسمات:ماجاهمش نعاس..كيتسناوك
ناصر شاف فيها:ونتي
بتاسمات:انا مانقدش نعس ونت ماكاينش
جرها لعندو ودور يديه على خصرها وباسها على راسها:الله يخليكم ليا
طاهرة:ولينا حتى حنا
بقاو ساكتين شحال..علات راسها وشافت فيه:ياسين ولارا شنو دارو
ناصر:صافي مشاو
طاهرة بتاسمات:الحمد الله على الله يعيشو حياتهم وهوما هانيين
ناصر:ان شاء الله
طاهرة تنهدات:خاص غير نلقاو ولد ليلى وعماد وكلشي ايولي مزيان
ناصر:ويااه..غندير كتر مافجهدي.باش نلقاوه
طاهرة:مايستاهلوش هدشي
ناصر:دابة ربي يحلها
طاهرة:ان شاء الله
ناصر شاف فبدر ناعس..وامونة ويوسف ترخاو تاهوما جاهم النعاس:صافي عياو
طاهرة بتاسمات:ااه نطلعهم لبلاصتهم
ناصر هز يوسف وبدر وهي هزات امونة طلعوهم لبيتهم..نعسوهم وخرجو باش ينعسو تاهوما
ناصر:ندخل ندوش بعدة
هزات راسها باه وتخشات فبلاصتها غمضات كانت عيانة..داتها عنيها حتى كتحس بيه جرها لعندو.ضارت لجيهتو وخشات راسها فصدرو..عنقها ونعسو
جا نهار جديد
فاقت قبل منو..باستو على وجهو وبتاسمات. ناضت دخلات للحمام دوشات ولبسات عليها وخرجات من لبيت مشات فيقات نور وعلي باش يمشيو للمدراسة..عونات نور تلبس عليها وجمعات ليها كتوباتها وهبطات لتحت تشوف لفطور واش واجد..لقات لخدامة كتوجدو..عوناتها حطاتو فوق الطبلة..عاد طلعات عند كمال فيقاتو باش يفطر ويمشي يخدم
كمال دوش ولبس عليه شافها واقفة وكتشوف فيه قرب لعندها وطبع قبلة على شفايفها وقرب لودنيها همس ليها:كنبغيك
بتاسمات وعنقاتو :تا انا
غطس راسو فعندها باسها بوسة دافية وبعد:يلاه نهبطو نفطرو
بتاسمات شد ليها فيديها هبطو..لقاو نور وعلي جالسين كيفطرو..جلسو حداهم..وبداو كيفطرو تاهوما
علي:اه نسييت..عندي مبارة من دابة 15 ليوم اتكون حاضرة فيها لجنة فرنسية.ايختارو واحد فينا باش يتبناوه زعمة يخدمو عليه باش يولي واحد من لبكسورة لكبار من دابة 3سنين داك ساع انبدة نلعب على البطولة
كمال بتاسم:ان شاء الله يختاروك نت
علي:اكيييد مافيهاش الشك ..عماد راه كيضرب الرجال
ملاك:ايوا غير جتاهد ويكون خير ان شاء الله
كمال تفكر عماد واخة قلبو محروق على ولدو مزال كيعاون دراري :ان شاء الله علاش لاا
نور:عليي.تا انا بغيت نولي بحالك
علي:كيفاش بحال. نتي راكي بنت جلسي فداركم.بقالك غا لبوكس
نور خنزرات فيه:الااا بغيت نولي تا انا بطلة العلام يلاااه
علي:سكتي ولااا..
وهو يسكت وشاف فكمال:غا ضاحكين
كمال بتاسم:غا جرب ومد يديك عليها
علي^ايوا خليها دير علاش
كمال يلاه ايهضر وهو يسمع صوت طرونسبور دنور كيكلاكسوني:نووضي هاهو جا
ملاك ناضت معاها ووصلاتها للباب
كمال:علي نوض باش نوصلك فطريقي
علي هز شكارتو:يلاه
كمال قرب عند ملاك:وا سبقني
علي:علاش
كمال خنزر فيه:دماري طوموبيل هاني جاي
علي:اااه عاد فهمت.باغي تاخد راحتك😉
وخرج كيجري وهو كيضحك
كمال شاف فملاك وقرب لعندها دور يديه على خصرها وجرها لعندو:خوك
ملاك كتشوفو قريب ليها بزاف همسات ليه:مالو
كمال قرب لشفايفها:والوو
ودخل معاها فقبلة طويلة كانت متجاوبة معاه حتى كيقفزو بجووج..كان علي كيكلاكصوني فطوموبيل..كمال:خوووك شي نهار انقتلوو
بتاسمات:كنبغييك
كمال بتاسم وباس ليها يديها:تا اناا
وصلاتو للباب ركب فطوموبيل وشاف فعلي:مالننا على هاد الصداع
علي:راني قاري زعمة
كمال ديمارا طوموبيل وكسيرا وصلو لمدراسة عاد مشا هو لخدمتو
وصل للمكتب ديالو حل لباب باش يدخل وهو يوقف..بقة كيشوف شحال عاد دخل وشد لباب موراه..وهو كيشوف واحد من عميد شرطة الامريكية جالس ليه فالمكتب ديالو وكيقرا شي ضواصة ..وعاد جوج دلبوليس معاه جلسين فوق المكتب
كمال ماحملش هاد القضية هضر بصوت حاد شوية كيحاول ماينفاعلش:احم..شنو واقع هنايا
لبوليسي:كنشوف فين وصلتي فالبحت ديالك باش نتصرفو حيت بنتو ليا ناعسين
كمال علا حاجبو وقرب لعندو خدالو ضوصي لي كان بين يديه:اولا باغي نجلس فبلاصتي ..تانيا كيقولك المريكانيين كيعرفو للقانون والاحترام..شتكم دابة مامحتارمين والو
البوليسي ناض:كيفاش زعمة
كمال دار ليه اشارة بيديه باش يبعد
لبوليسي حس بيه بحاليلا كيستحقرو رجع اللور وكمال جلس فالمكتب ديالو وهو كيقاد الضواصا
لبوليسي مارضاش قدام لبوليس لي معاه:راك قلتيها كنعرفو للقانون والاحترام ولكن فبلادنا ماشي هنا
[6/7 20:45] ss: كمال شاف فيه وحط داك الضوسي لي كان فيديه:ايوا خاص تعرف واحد الحاجة نت دابة غير ضيف عندنا اتسالي خدمتك واتمشي ادن خاص تلزم حدودك نت و لمجموعة ديالك حيت راك ماشي فالمكتب ديالك لي فأمريكاوزيدك فاش تبغي شي حاجة طلب الادن وكنضن راهم خصصو ليكم مكتب فين تخدمو اولاا
البوليسي بقة غير كيشوف فيه
كمال دار ليه اشارة باش يجلس اونفاص معاه:ودابة شنو كنتي باغي
لبوليسي مصبر راسو بالسيف جلس:داك الارهابي لحقير خاص يتشد ولكن لحد الان مابان عليه والو
كمال ماعجباتوش طريقتو فالهضرة:راحنا كاملين خدامين على هاد القضية
لبوليسي:خدامين بشوية عليكم حيت ماشي نتوما لي مستهدفكم ماكرهتوش مايتشدش ..ولكن حنا هنا باش نشدوه وانقتلووه ايتعدم وانخليوه عبرة لكاع الارهابيين لي بحالو .قالك الاسلام
كمال هضرتو ستفزاتو هضر بهدوء عكس الاعصاب لي فلداخل ديالو:اول حاجة حنا بعاد على ديانات هادي بلاصة دلخدمة وزن هضرتك ..وحاجة وحدا خرا خاص تبدا تخاف على راسك..حيت هو كيقتل اي واحد عندو علاقة بأمريكا.يقدر دابة يكون الهدف ديالو هي الشرطة الامريكية..
البوليسي بلع ريقو:شنو زعمة باغيني نخاف
كمال هز لفيكس ودوز شي نمرة:قهوة كحلة كي لعادة
وشاف فلبوليسي:انا غير قلت
لبوليسي دوز يديه على وجهو :المهم نرجعو لموضوعنا..
كمال:تفضل
دازو ساعات
كان جالس هو عماد وليلى كيتسناو شي تصال مهم..شوية وهوما يسمعو طليفون صونا.ناصر جاوب دغية:الوو..مزيان..
قطع وشاف فعماد:لقاوه راع فلكوميسارية
عماد وقف ووقفات معاه ليلى:انمشي معاكم
عماد:ليلى من الاحسن ماتمشيش خليني نتأكد وانا غنرد عليك باش ما كان
ليلى كتهز راسها بلا:عماااد لاا غنمشي
ناصر:صافي خليها تمشي
عماد تنهد:زيدي
طلعات دغية بدلات عليها ونزلات ركبو فطوموبيل مع ناصر ومشاو للكوميسارية..ليلى طريق كاملة وهي كدعي وتطلب ان هاد شخص لي شدوه يكون عارف فين هو ولدها..هاد الشخص كان خدام مع رشاد واحد من رجالو لقراب..وصلو للكوميسارية.دخلو لواحد المكتب خاص بالاستنطاق وتحقيقات.دخل ناصر وعماد هوما لولين .تصدمو من شكلو كلو دمايات فرشخوه مزيان..كان امين وكمال جالسين اونفاص معاه وجوج دلبوليس كيضربو فيه
عماد شاف فليلى:ليلى بلا مادخلي
ماداتهاش فيه ودخلات..وقفات وهي كتشوف فيه..شافت فعماد:سولوو على ولديي
عماد شاف فكمال:قال شي حاجة
كمال:والو كيقولك ماعارف والو
عماد تنهد وشاف فالشخص:شوف قول لي عندك ختاصر علييك الموضوع باش نت تفلت بروحك وحنا نتهناو .
ليلى:عفاك اخويا قوليا فين هو ولدي راه غير هو لي عندي.عمري شتو ولا عرفتو شكلو كيف داير
واحد من لبوليس بغة يضربو هي تحبسو ليلى:لا ماضربووش هو غيهضر ياك اخويا..حس بيا الله يخليك
الشخص كان كيلهت هز راسو بااه:واخة اختي انا غنهضر
ليلى :اه اه اخوويا هضر بغيت نعرف فين هو ولدي
الشخص بقة ساكت شحال:ولدك اختي راه مات رشاد نهار خدا ولدك من عند طبيبة قتلو
ليلى حسات بالدنيا ضارت بيها شداتها الدوخة...تكات على الحيط وهي كتحاول ماتغوتش..شافت عماد تلاح عليه كيضرب فيه بكل وحشية نزلو دموعها وحطات يديها على قلبها كتحس بيه كيضرها
ناصر بعد عماد عليه وتحنا لعندو شدو من عنقو وزير عليه:كيفاش تقتل واش متأكد هضضر
الشخص مابقاش قادر يتنفس:خنقتيني
ناصر رخة منو :هضر
الشخص بقة كيكح كيسترجع انفاسو :داك نهار خدينا الولد ومشينا لواحد لفيرمة ..عطاه لواحد من رجال هو لي تكلف بلقتيلة ديالو ..رشاد كان الهدف ديالو يحرق قلوبكم على لادكم بدل لولاد باش يوهمكم هداك هو ولدكم باش يقتلو تاهو ويصدمكم جوج دلمرات..كان باغي يقتل ولدك نت لول ولكن وقع غلاط وتقتل لولد لي بدلناه مع ولد عماد ..هدشي لي كنعرف كنقسم ليك هدشي لي وقع
ليلى بقات كتبكي بحرقة قربات لعندو:وااش شفتييه ميت .شفتيه مقتول بعنيك..واش قدرتي تشوفو فاش كان كيقتلو.جاوبني عفاك
الشخص:لا ماشفتوش ..صراحة ماشافو تاشي حد فاش تقتل من غير شهص لي كلفو رشاد يقتلو عطاه ليه وخرجنا مشينا بحالنا سمعنا صوت تلاتة درصاصات فاش كنا غاديين
ليلى شافت فعماد:يقدر يكون ماقتلوش ..شكون يقدر يقتل ولد يلاه تزاد فنهارو لول ماعرفتش عندي احساس كيقولي ولدي ماماتش ياااك اعماد
عماد قرب لعندها وشدها من دراعها:ليلى ما تعمريش راسك بشي حاجة يقدر ماتكونش..99% ايكون مات كيفما قدرو يقتلو داك لولد يقدرو يقتلو تا ولدنا
ليلى دفعاتو على حر من جهدها:كتتهضر بحاليلا ماشي ولدك..لا نت قدرتي تنسااه انا عمري غنسااه..مازال مافقدت الامال..سمعتيني ماغانرتاح حتى نلقاه ونشوفو بعيني يا اما ميت ولا حي..واخة انا حاسة ان ولدي بااقي عاايش
وسكتات وهي كتبكي
عماد :ليلى راه ولدي تا انا .كيفما قلبك محروق عليه تا انا قلبي محروق .ولكن خاص نتوقعوو اي حاجة اليلى
ليلى بقات غير ساكتة وكتبكي
أمين قرب عند الشخص:واخة..وفين هو هاد الشخص لي كلفتوه يقتل لولد
الشخص بقة ساكت كيحاول يتفكر العنوان :ااه عقلت
عطاهم العنوان
الشخص:نمرتو عندي فطليفون
كمال هز طليفون:شنو سميتو
الشخص:صالح
[6/7 20:45] ss: كمال بقة كيقلب على سمية دصلاح فلائحة الاتصالات ..لقاها وشاف فيه:0645
الشخص:اه هي
كمال كيدوز نمرة يشوف واش ايجاوب :هو مزوج
الشخص:لا اسيدي عايش غير بوحدو
كمال شاف فالبوليس:هبطوه لتحت وسجولو محضر
البوليس جروه وهبطوه لتحت
كمال قطع:طافي
ليلى شافت فعماد:يلااه نمشييو داابة نشوفوه
عماد:ليلى .
قاطعاتو:غنمشيي
عماد تنهد هو كيشوفها خارةو سبقاه
امين:عدرها راها موو
عماد:هنا صابر
خرجو كاملين ركبو فطوموبيلات ومشاو للعنوان ..دار كانت فحي شوية شعبي وقفو قدام الدار نزل كمال وعماد دقوو بقاو واقفين شحال حلات ليهم واحد لمرة شافت فيهم وفطوموبيلات لي واقفين قدام الدار بقات غير كتشوف عاد نطقات:اش حب لخاطر اولدي
كمال:احم.حنا من لبوليس.كنسولو على صلاح
لمرة جمعات راسها:اه اولدي هو ساكن لفوق ولكن هادي مدة مابقاش بان واقلة باع الدار حيت شفت شي ناس لبارح جاو كيسيقوها باش ايسكنو فيها
كمال:واش متأكدة
لمرة:هادشي لي عارفة اولدي.واقلة تزوج وبغة يبدل لدار
كمال:وباش عرفتيها
لمرة:حيت كنت سمعت صوت بكة شي دري صغير .ولد لحرام خبة علينا راه مزوج خافنا لانضربوه بالعين
ليلى كانت حالة شرجم دطوموبيل وكتصنت نزلات فاش سمعات هاد الهضرة:واش بصاح اشريفة
لمرة:اه ابنتي تزوج بلا مايعلمنا
ليلى:لا لا ماشي هادشي زعمة واش بصاح سمعتي صوت شي بي بي صغير
لمرة:بي بي لا ابنتي سمعت صوت دري صغير ماشي بي بي
ليلى:اه اه دري صغيير بغيت نقول
لمرة:اه شي يوماين وانا نسمع صوت لبكة ومن بعد مابقاش بان فدار وتقطع حسهم
ليلى شافت فعماد:شتي شنو قلت ليك هداك صوت ولدنا..هو ماقتلووش
شافت فلمرة:عفااك اخالتي واش كتعرفي شي حد من عائلتو ولا شي حاجة
لمرة :لا ابنتي ماكانعرفو عليه والو اصلا ماكان كيجي عندو تاشي حد .هو مقطوع من شجرة واقلة..مو وباه ميتين ..
كمال:ماعندوش خوتو
لمرة:ماكانضنش
ليلى ولات كترجف:اه ولدي عاايش
لمرة شافت فيها بقات فيها:ولد لحرام خدا ليك ولدك
ليلى نزلو دموعها:عمري شتو اخالتي خداوه ليا فنهار لول فاش يلاه تزاد
لمرة تنهدات:سمحيلي ابنتي داكشي لي عارفة راني قلتو ليك.على هاد لحساب هو مامزوج ماوالو شلاهبي لاخور سارق دري صغير الله يلكيها ليه فهاد نهار ..
كمال جبد نمرتو ومدها ليها:لا عرفتي شي حاجة ولا شفتيه عيطي لينا فهاد النمرة
لمرة:واخة اولدي كون هاني
مشاو وركبو فطوموبيل..من بعد ماوصاو شي جوج درجال يراقبو الدار
ليلى شافت فعماد:انلقاو ولدنا ياك
عماد:ان شاء الله غنلقاوه
ليلى بهمس:ان شاء الله .ياربي مارجع لينا ولدنا على خير ياربي ماتحرمنيش منو
عماد كان كيسمع لهمسها وكيقول امييين من كل قلبو وكيطلب تاهو يلقاوه فأقرب وقت
فبلاصة بعييدة على المغرب..فالمملكة السعودية بالضبط فمدينة مكة المكرمة
كانو جالسين فالصالة
الحاجة:الله على راحة ملي تجمعنا فبلاصة نبي الرسول الله..ياربي مجعلها مغفرة الدنوب لينا ..احسن حاجة درتي اولدي هي جبتينا نسكنو هنا
ياسين باس ليها يديها:المهم هي راحتك الواليدة
لارا كانت جالسة وبالها مامعاهمش. كتحس بشي دوخة فشكل شداها وبالردة شافت فياسين:انا غنطلع نرتاح فلبيت
الحاجة:سيري ابنتي بنتيلي ماشي هي هديك
لارا:حيت ماناعساش مزيان نمشي نتكة شوية
ياسين غير كيشوف فيها
لارا بغات تنوض وهي تشدها الدوخة رجعات جلسات ياسين ناض وجلس حداها:واش نديك لطبيب
هزات راسها بلا
الحاجة بتاسمات:ياك ما شي ضيف جاينا فطريق ابنتي
ياسين ولارا شافو فيها
لارا:ماعرفتش
الحاجة:من فوقاش ونتي كتحسي بهادشي
لارا:هادي شي سيمانة واقلة
الحاجة:والدورة الشهرية
لارا بقات كتفكر وهي كتحسب ليها شافت فياسين ورجعات شافت فالحاجة:كان خاصها تجيني هدي 15 ليوم مارديتش ليها لبال
الحاجة:ايوا هادو علامات الحمل ابنتي
ياسين بتاسم:غدا نديرو الفحص
لارا هزات راسها باه وهي كتخايل راسها حاملة حسات باحساس زوين
الحاجة:نوضي ابنتي ترتاحي ..نعسي بحالك راه مشا الحال توقيت السعودية ماشي بحال توقيت المغرب
ياسين عاونها ناضت وطلعها لبيت تخشات فبلاصتها وتكات.غطاها وبقة جالس حداها تا نعسات ناض وخرج للبالكون وهو كيفكر انه تاخد القرار الصائب خاص يعيش حياتو مع مراتو ومو..تفكر حنان ..طلقها.بموافقتها وتحت الرغبة ديالها حيت عرفاتو شحال كيبغي لارا ومستحيل يبغيها..عطاها تعويضات وتفارق هو وياها بطريقة مسالمة..(هدي ماشي حنان لي كانت صاحبة ليلى ..غير تشابه فالأسامي). تنهد كيتسنة الوقت المناسب ويقولها للارا باش مايبقا تاشي سر بيناتهم عارفها غتفهم الوضع خصوصا وانه كان مزوج قبل منها وماشي خيانة .ودابة طلق ..دخل وتكة حداها وشد ليها فيديها وباسها وداتو عنيه تاهو ..
[6/7 20:46] ss: 💝the end💝
بعد مرور 6 سنوات
كانو جالسين فالصالة مجموعين كاملين..دايرين عشى عائلي جامعين فيه غير العائلة محتافلين ببنت ملاك وكمال واخيرا ربي عطاهم تربية من بعد 6 سنين ديال الانتضار فرحو بزاف بهاد المولود..ولدو بنيتة وسماوها نرجس .ختارتها نور وعلي
ملاك كانت شادة فيديها نرجس وقدامها علي ونور فرحانين بلبنيتة..
نور:دابة هدي ختي ياك..ونت خالها
علي بتاسم:اه
بقات ساكتة شحال عاد نطقات:دابة نت كتجيني خالي مايمكنش نتزوجو
ملاك كاتمة ضحكتها
علي:انا ماشي خالك
نور:هاااء ولكن خال نرجس وهي ختي ادن خالي انا
علي:شحال فعمرك
نور:14 لعام
علي:ومكلخة.14 لعام راه تهزيني وتهربي بيا ناري معامن انا .راه باش نكون خالك خاص تكون ملاك ماماك الحقيقية..فهمتي
نور بقات كضحك غير كتفلة عليه:هههههه ااه بصاح عندك لحق
علي:كطلعييها عليااا
نور:ههههه غا ضاااحكة ماالك
علي جرها من شعرها:من بعد ونتفاهمو
بتاسمات وغمزاتو:صافي هي غنتزوجوو
علي بتاسم ليها:تا نكبرو بعدة
نور:واخة..امم دابة نت عندك 23 لعام .وانا 14 لعام ..
علي كيهز راسو باه
نور شافت فملاك:فوقاش خاص نتزوجو
ملاك بتاسمات:تاتكبرو وتوليو قادين بزواج علي يولي خدام وبفلوسو ونزوجوكم ياك اعلي
علي كيشوف فنور مشا بالو لبعيد :اه
ملاك ملاحضة التقارب لي بينهم .وكي متعلقين ببعضهم
علي شاف فملاك:26 عام انكون كونت راسي ياك اختي
ملاك :اه ان شاء الله
علي شاف فنور:ايوا جمعي راسك معايا لا بغيتي نتزوجو وحيدي عليا هاد تبرهيش لخاوي ديالك
نور كتهز راسها باه:وااخة
علي خربق ليها شعرها :برهوشة
بتاسمات ليه
اونفاص معاهم كانت جالسة وكتشوف فملاك ولبي بي لي فيديها بدون شعور نزلات دمعة حارة من عنيها غمضات عنيها فاش حسات بيه مسحها ليها
عماد شد ليها فيديها :ليلى ماديريش هاد لحالة فراسك
ليلى شافت فيه:ولدي دابة اتكون عندو خمس سنين وشي شهورة وانا مازال ماشتو كيف بغيتيني نعيش هانية ماغانرتاح حتى نلقاه
عماد بقة غير ساكت عارف واخة يوقع لي يوقع مايمكنش تبرد ليها..هو براسو باقي مقصح ملداخل على ولدو ماخلاو فين قلبو او والو بحاليلا الارض سرطاتهم ..تا باش تولي تحمل مابقاتش باغة ..هدشي لي زاد كمل عليه..حيت يقدر لا ولدو شي ولد اخور يخفف عليها شوية علامن يلقاو ولدهم
طاهرة جلسات حداهم:اوووف كنت كنقول فوقاش يكبرو ويبداو يمشيو على رجليهم ساعة ولاو صعاب بزاف ..
ليلى :خليهم باقين صغار
طاهرة:لا هادشي بزاف رونوو كلشي..غير يوسف كيبدا وبدر كيكمل..ومسكينة امونة غير كتجارا وسطهم
ليلى بتاسمات وهي كتشوف فيهم كيلعبو:حمدي الله عليهم..الله يخليهم ليك
طاهرة حاسة بيها:أميين ياربي..تانتي خاص تجيبي لينا شي بي بي
ليلى تنهدات:تنلقا ولدي بعدة.
طاهرة:غنلقاوه ان شاء الله طال الزمان ولا قصار غير صبري
ليلى:هنا صابرة
سمعو الجرس حلات لخدامة لباب طاهرة بتاسمات فاش شافتها داخلة هي وراجلها ناضت ستقبلاتهم وسلمات عليهم:غيتة مرحبا بيك
غيتة:شكرا
طاهرة:زيدي دخلي..راها ملاك
غيثة:نمشي نسلم عليها
طاهرة شافت فراجلها:خويا كرم تفضل جلس
كرم :واخة اختي فين هو سي ناصر
طاهرة:راهو
كرم:نمشي نسلم عليك
طاهرة:واخة
طاهرة رجعات جلسات فبلاصتها :غيتة جات
ليلى:اه شفتها..
عماد:انا انمشي نشوف ناصر
طاهرة كتشوف فجنات وامين وولدهم حمزة جالس وسطهم كيبانو عائلة زوينة مابقاش داك لبرود بيناتهم علاقتهم تطورات للحب ولا كلشي عارف شحال ولاو كيبغيو بعضهم ..فرحات ليهم بزاف خصوصا لجنات حيت هي تستاهل تعيش حياة سعيدة ..شوية جات وجلسات حداهم غيثة
طاهرة:ايوا شكا تعاودي فين هي بنتك
غيثة:خليتها مع ماما فدار
طاهرة:ادن تصلحات الامور بينكم
غيثة:اه تا بابا الحمد الله تبدل
طاهرة:ايوا الحمد الله
غيثة:عمري نسا خيرك نتي وناصر.كوما كنتوش نتوما كون راجلي بقة فالحبس .وقفتو معانا بزاف.ناصر دار فيه تيقة وخدمو مدير فالشريكة ديالو شكرا بزاف
طاهرة شدات ليها فيديها:ماتقوليش هكا..نتي راك ختي واجب عليا نوقف معاك.تانتي وقفتي معايا بزااف ماجاتش نتخلا عليك فاش حتاجيتيني
غيثة عنقاتها:ربي يخليك ليا
طاهرة بعدات عليها:الحمد الله على كلشي
غيثة شافت فليلى غير ساكتة مابقاتش كيف كانت ديما كضحك وماكاتسكتش من الهضرة ولات مهمومة والحزن باين فعنيها..كلشي عارف قصتها كيفضلو يبقاو ساكتين حيت ماكايناش شي حاجة تقدر تطفي نار لي شاعلة فيها من غير لا رجع ليها ولدها
شوية عيطو ليهم ينوضو يتعشاو تجمعو كاملين باش يتعشاو..من بعد جا الوقت باش كل واحد يمشي بحالو
عماد:ليلى يلاه نمشيو
هزات راسها باه سلمو عليهم ومشاو بحالهم لدار
امين كان هاز ولدو حمزة فيديه وشاد جنات فيديها :يلاه خليناكم على خير
بقات طاهرة وناصر ووليداتهم كيلعبو وينقزو فدار..
كمال:ناصر مالك
ناصر شاف فيه:كنت كنتسنة غير الوقت المناسب باش نهضرو
كمال:دوي هنا كنسمع
ناصر:ياسين ولارا غدا راجعين للمغريب .
طاهرة:مسكينة لارا توحشات باها وناسها 6سنين ماجات للمغرب وعاد ولات عندها بنيتة كنشوفوها غير فتصاور و لكاميرا
[6/7 20:46] ss: 💝the end💝
كمال:واش فخباركم امريكا مزال مافقدات الامل مازالين مراقبين كلشي.راه صعيبة خصوصا فهاد الوقت بزاف دلحوايج تبدلو
9ناصر:اصلا ماغايجلسوش بزاف بغيتك غير تكلف بالمراقبة وانا بشي لاخور
ملاك شادة فيديها نرجس:كمال مافيها باس
كمال تنهد:صافي واخة
ناصر:انعطيك المعلومات لي اتحتاج
كمال:واخة
ناصر عطاه كلشي لي غيجتاجو:غدا مع 8 دلعشية اتوصل طيارتهم للمغرب
كمال:صافي واخة
ناصر:يلاه نخليوكم دابة
ملاك:بلاتي باقي لحال
طاهرة:خاص نمشيو بحرة ترتاحو ونرتاحو تا حنا
وصلو معاهم للباب سلمو عليهم ومشاو
كانو فطوموبيل ودراري موراهم كيتسمع صوت ضحكاتهم
ناصر كان مرة مرة كيطل عليهم من لمراية لي قدامو ويبتاسم
طاهرة شافت فيه:ناصر
شاف فيها:نعام
طاهرة:ماتبغيش يكون عندنا شي بي بي اخور
ناصر شد ليها فيديها وباسها:لي جات من عندك مرحبا
بتاسمات وحطات راسها على كتافو..مدة قصيرة ووصلو لدار نزل حل لباب لدراري نزلو كيجريو
يوسف مشا كيجري عند واحد من لحراس عندو عزيز بدا كيتعلق فيه ..تحنا لعندو وهزو وبدة كيلعب معاه
يوسف:عموو عطيني نسوف فردي عفاك
بقة كيضحك شاف فناصر:سي الزعيم فكني من ولدك من نهار شاف عندي لفردي مابقاش بغة يتفاك معايا
ناصر قرب لعندو :يوسف ملي تكبر نعطيك واحد صافي
يوسف غوبش:انا كبيير بغيتو دابة
ناصر :اجي لعندي
ــــــــــــــــــــــــــــــ
تم مشاركة الفصل من تطبيق روايتك
https://play.google.com/store/apps/details?id=com.akram.novels