الفصل الثالث عشر والاخير
بمر ربع ساعه ومافي اي حركه ولكل قاعد على اعصابو
بيسمعو صوت طفل صغير وبيعرفو انها ولدت
شام : الف الحمدالله
بروح اسر وبضم أسير بفرح
فلك بتضم فهد بفرح ولكل فرحان
أسير اجري بينحلو وبيقعد ع الكرسي
بتطلع الممرضه وهي مبسوطه
الممرضه : مبروك اجاكن صبي متل فلقه القمر والمدام بخير راح ننقلها على غرفه خاصه بتحسنو تشوفوها
لكل بكون مبسوط ومانو مصدق
بينقلوها وبروحو يشوفوها
بفوت أسير لعندها وبشوف وجها تعبان بروح لعندها وبضمها
فيروزه : أسير ابني بخير
أسير : ياروحي بخير هلق بجيبو
مافي ثواني بلاقو الممرضه فايته ومعها لصغير
شعيب : أسير خود ابنك واذن بدانو
أسير بياخد الولد وايديه عم يرجفو بيحملو وبيتأمل تفاصيلو لصغيرة بكون فيو شبه ل فيروزه بشكل كبير ببوسو من راسو وبأذن
بخلص وبيعطي ل فيروزه يلي دموعها شغاله
بتبوسو وببلشو لكل يشوفو ومبسوطين
وأسير عم يطلع على ابنو ومرتو ومانو مصدق كأنن حلم بالنسبه الو لكل بيرجع على بيتو والعرسان كان عرسن مختلف وعمل جو الن
(بعد مرورو خمس سنوات )
فيروزه بصراخ : لك يا مراد تعال لبيس الطقم والله تعبت وانا عم اركض وراك
أسير : شبها مرتي الحلوه عم تصرخ
فيروزه : يعني بطني لحلقي وانا عم اركض ورا ابنك يعني هلق فطنو يتجوزو حيدر وسلام
أسير : لك يقبرني انا هرمونات الحمل
فيروزه : لك انا الحق علي وقت تجوزت باطله ومحوله هديك الساعه
أسير : ياعفو الله
فيروزه : بتزت تياب ابنها وبتقلو هاد ابنك وانت لبسو انا طالعة
بتطلع وبترك أسير عم يضحك ع جنانها
جود : مرت اخي بدك شي
فيروزه : لاء ياروحي بس تعبانه
جود : ان شالله مايصير اكشن
فيروزه : لاء لسا بكير كتير لهلق مادخلت بالسابع وانتو لسا مطولين
جودي : بسرعه الايام مضت هي الكن خمس سنين متجوزين
فيروزه : اي والله الايام عم تركض ماعم نحس بسرعه صرنا امهات وعنا عر ولاد
اسر : ياقلبي عليكي هنن ولد واحد وين جوزك
فيروزه : تركتو عم يلبس ابنو
أسير من الغرفه : لك فيروزه تعي شوفي ابنك
فيروزه : اخخ بس جايه جايه
بتروح وعم تمشي متل البطريق لكل عم يضحك عليها
فيروزه : ماما حبيبي تعى لبيس مشان نروح عند خالو حيدر صار عريس
بيجي مراد لعندها وبضمها
مراد : يأني خالو حيدر عنيس
أسير بضحكه : اي عنيس عقبالك
فيروزه : ياحبيبي
بتلبس مراد وبروح تعدل مكياجها
بيجي أسير من وراها وبضمها
أسير : بحبك يافيروزة حياتي
فيروزه : وانا بحبك يا أسير حياتي
أسير : قصتنا كانت غريبه معقول بسبب لغم نجتمع
فيروزه : لغم الحب جمعنا
أسير : راح نسمي قصتنا ( الغام الحب )
فيروزه : اخخخ أسير عم اولد
أسير بخوف : يلا ع المشفى
فيروزه بضحكه : عم امزح لسا بكير بحبك
أسير : يا زعره وانا بموت فيكي يا لغم حياتي
مراد بطفوله : وانا بهبكن يا الغامي
بشيلو أسير وبضمو وهنن مبسوطين
❤النهايه ❤
(رهام : وهيك بنكون نهينا قصتنا (الغام الحب) بعد معاناة بس الحب انتصر على كل المشاعر وحب أسير ل فيروزه تغلب على كلشي وكان الحب اقوى شي لهيك حبو بصدق وخليكن متمسكين بيلي بتحبوهن وراح تحصلو نتيجه ترضيكن ان شالله تكون عجبتكن واستمتعتو فيها وكانت خفيفه نضيفة بحبكنن اوييي❤)
131views
23:05