الفصل السابع
بيدخل فهد ع البيت بتركض عليه فيروزه وبتضمو
فيروزه : يعطيك العافيه بابا حبيبي
فهد : الله يعافيكي ياروحي وين حبي
فلك : ليكني ياروحي يعطيك العافيه
فيروزه :احم احم انسحاب تكتيكي لنترك العشاق
فهد : نسحبي ع المطبخ لان خورت
فلك : من عيوني غير تيابك وبكون الغدا جاهز
فهد : يسلمولي هالعيون ياعيوني
بروحو فلك وفيروزه يجهزو الاكل
عند أسير
جودي : ياروحي أسير اصحى يلا قوم الكل عم يستناك
أسير : اي قلبي نزلي نازل انا
بتتركو جودي بغسل وجهو وبينزل لعند اهلو
أسير : كيفكن ياجماعه
شعيب : اهلين يااسدي يلا عم نستناك
اسر : مشان الله خلصني خور قلبي ولسا عم يستنوك
شام : تعى ياروحي هلق بياكلنا اسر
جود : ولي ل انفد بحالي
اسر : هلق تكاترتو علي
أسير : ولو ابو كرش نحن نتكاتر عليك بتتكاتر على بلد
جودي : الله يسامحك يا أسير عم تظلمو
أسير : شايفه
شعيب : حاج نقار ياولاد اسر خلص ع الصحون
عند فيروزه
فهد : احم اسمعوني نهار الخميس جايه عيله أسير مشان فيروزه
فلك :اهلا وسهلا
فهد : شبك فيروزه حكيلك كلمه
فيروزه : شو بدي احكي بابا الشور شورك والراي رايك
فهد : الله يرضى عليكي
بتبلش فيروزه بمرحله الضياع بكملو اكلن
عند أسير يلي عم يحاول يرتب افكارو
أسير بجديه : ياجماعه عندي كلام وبدي احكي
الكل بيتطلع عليه لان عرفو من نبرة صوته في شي مهم
شعيب : احكي أسير في شي
أسير: نهار الخميس بدكن تروحو تطلبولي بنت
الكل طلع في بصدمه
أسير : شبكن عاجبتني بنت وبدي اتجوزها
شام : لك يوم المنى ياروحي مين هي ومن عيوني لروح واطلبلك ياها
أسير : الله يخليلي ياكي بنت فهد كاليلي
شعيب : خيرة الناس والله
جود وجودي بضمو اخون : مبروك ياروحي جازه الدهر
أسير : الله يبارك فيكن ياروحي انتو
اسر : مبروك ياعريس
أسير : الله يبارك فيك اخي
بروحو كل مين على غرفتو بيتسطح اسير على تختو وهو مهموم وعم يحاول يتقبل الوضع
عند فيروزه يلي كانت عم تدور بغرفتها وهي معصبه
فيروزه : الاخ بدو يشرف الخميس اي اهلا وسهلا ابو نفسيه خير بتمسك مخدتها وبتصرخ فيها بعصبه بتسمع رنة جوالها بتشوفو بكون فارس مكالمه كول
فارس : كيفك ياروحي
فيروزه : من كتر ماني منيحه راح انتزع ها
فارس : لك اختي مصطلحاتك ابقى تخلص
فيروزه : تؤ مابتخلص
فارس : شبك
فيروزه : ابو عقده جايه الخميس ليطلبي وابوك موافق
فارس : يفضح عينك قصدك أسير
فيروزه : اي هو الله يخليني اذا بخليه
فارس : فيروزه اهدي وكني طيب ليش رافضه الفكره
فيروزه : مابعرف
فارس : طيب يعني اوبو كرش بشع اصلع
فيروزه : لاء بل عكس ماشاء الله كتير حلو معضل وطويل ومجذاب
فارس : كمان وصفي للزلمه لكن ليش اختي فهميني بس
فيروزه : مابعرف بس ماني متقبله الفكره ولا بدي من هلق ولك نفسيه كتير ابو عقده وشايف حالو
فارس : هدي ع زلمه اكلتي بلا ملح
فيروزه : لسا ماشاف شي اصبر علي بس
فارس : الله يعينو كيف رضي مابعرف
فيروزه بعصبيه: فارس
فارس وهو فارط ضحك
فارس : خلص خلص نيالو طيري بدي نام
فيروزه : اي ماشي باي ديري بالك ع حالك ياروحي
فارس : وانتي قلبي وعقلي
فيروزه : بحاول باي
بتسكر وبتحط راسها ع المخده وبتستسلم ل افكارها وبتنام
عند اسير يلي عم يتقلب بتختو والافكار محاوطتو
بعد مارتب افكارو غط بنوم عميق
بكون عم يتقلب وملامح الانزعاج واضحه ع معالمو وهم يهمس بكلام مو مفهوم بقوم بسرعه وهو عم يلهت
بيستوعب انو كان كابوس بيتنهد بيشرب كاسه مي
أسير : يالله ايمت بدها تطلع من راسي افف بس
بيرجع بكمل نومه بهدوء
4views
19:30