الفصل الثالث
مع بدايه نهار جديد
بكون أسير عم يتمرن من الصبح بياخد دوش وبيلبس بدلتو يلي عاطيتو جمال وهيبه وبيحط من عطرو يلي بيسحر وبيعمل شعراتو وبحط ساعتو وبيركب سيارتو جيب سودا وبروح ع الفرع بينزل بكل هيبه ونضارات على عيونو بيدخل ع الفرع مع تحيات عرف كل الفرع انو العميد أسير وصل ولكل بصير متل ألالف بيدخل ع مكتبو بيقعد وبشوف الملفات بيندق الباب
أسير :تفضل
بيدخل اياس لعندو وليضربلو تحيه
اياس :احترامي سيدي
أسير:حترمناك احكي
اياس:اللواء فهد ناطرك بمكتبو
أسير : ياحبيبي يلا جايه
بيطلع أسير وبروح على مكتب فهد وبدق الباب
فهد:ادخل
بيدخل أسير وبيضرب تحيه
أسير :احترامي سيدي قال طالبني
فهد :اي طالبك الحمدالله على سلامتك يا أسير تفضل
أسير: الله يسلمك لولاك ماكنت هلق واقف قدامك
فهد :ولو انت متل ابني وفيروزه انا معلمها تفك الغام لان شغلي بدو حدا يعرف يفك الغام
أسير : الله يحميلك ياها والله فكت لغم بطريقة احترافيه
فهد بضحكه :الله يسلمك فيروزه كتير قويه وقد حالها مو هاد حكينا بدي منك طلب راح يكون تقيل عليك مافي غيرك بحل هالموضوع وانا بوثق فيك اكتر من روحي
أسير: عيوني الك سيدي طلوب وطلبك راح يكون مجاب
فهد : الله محيي اصلك
أسير: ولو روحي فداك
فهد : بدي منك تتجوز فيروزه
أسير بصدمه : مافهمت سيدي
فهد :أسير انا عم يجيني تهديدات انو راح يحرموني فيروزه وعم يراقبها وايديي مربطين مالقيت غير هاد الحل
أسير بدون تفكير : موافق
فهد : عن جد
أسير :بعد اسبوع راح اجي اطلبها على سنه الله ورسوله
فهد : اهلا وسهلا منتشرف
أسير : فيك سيدي عن اذنك سيدي
فهد :اذنك معك
بيطلع أسير من الفرع كلو وبسوق سيارتو بأعلى سرعه شوي وراح تطير بصفها على حافه الجبل وبينزل بوقف عند حجره عاليه وبحاول يستوعب القرار الاخدو بس كان مجبور لان بالنسبه الو انو يرفض طلب فهد كتير صعب لان تدرب على ايد فهد ومابيحسن يرفضلو طلب
بكون قاعد وصافن بالعدم مابلاقي غير ايد نحطت على كتفو
عمار : حزرت راح تكون هون بعد ما هلكت دق عليك
أسير: المطلوب
عمار :مابدك تبطل هالعاده أسير
أسير: عادة شو عمار
عمار :عادة انو ماتحكيلي شي وتضل مخبي بدك تحكي وضربو بوكس
قام أسير وردلو الضربه بعد مضاربات بين بعض بضمو أسير وعمار بضمو بحب
عمار : احكيلي
أسير :اخخخ شو بدي احكيلك
عمار : كلشي
بيحكيلو أسير كلشي من اول ماشاف فيروزه لحتى هاللحظه
عمار: حلوو حبيت
أسير :يحبك برص شو حبيت كل هالحكي وبتقلي حبيت حل عني يازلمه وبتقلي احكيلي
عمار : هيش روق بس يازلمه ما مليت من حياتك من الشغل للبيت ومن البيت للشغل غير
أسير : غير انو اتزوج وحده مابعرف عنها شي بركي هي مابدها بركي غصب يالله بسس
عمار:لك تفائل يازلمه خلص لاتتجوز ورد اللواء فهد
أسير : لاء اكيد ماراح ردو وعطيتو كلمه ومابتراجع عنها
بس انا شاغل بالي اكتر مين لعم يهددو والزفته عقدتني
عمار : ماعاساس نسيناها مابتستاهلك لك شريك انسى وكمل حياتك ل رجلك كلو فداك بكون
أسير : شكرا عمار لولاك ماكنت ارتحت
عمار : ولو ياصاحبي ليش انا موجود بحياتك
أسير بضم عمار وبروح كل واحد على بيتو
عند فيروزه
فيروزه : بابا انت عرفان شو عم تحكي مو
فهد : فيروزه لاتعاندي متل ماعم قلك راح يصير
فيروزه : طيب ليشش
فلك :فيروزه اهدي بنتي
فهد : أسير طلبك مني وانا وافقت ماراح لاقي احسن من هيك صهر يصونك
فيروزه : طيب ورايي انا وين رحت ماما مشان الله فهميي
فلك ياروحي فهمانتك ابوكي بيعرف مصلحتك اكتر منك
فهد : فيروزه بدك تكسري كلمتي رفضي
كل هالنقاش وفيروزه ماعلت صوتها على ابوها وعم تحكي بكل احترام بيتركها وبروح وبتلحقو فلك فيروزه بتقعد بصدمه وعم تحاول تستوعب الخبر وعقلها عم يرفض الفكره
قبل ماتجن بتدق ل اعز شخص عندها يلي بكون سند الها من بعد ابوها
فارس : هلا بروحو لفارس
فيروزه : فارس انا بحاجتك
فارس : ليش ياروحي شو صاير معك
بتحكيلو كلشي ل فارس
فارس : ياروحي سكري لشوف ابوكي وافهم منو
فيروزه: بحبك ياروحي وشتقتلك
فارس :كلها كم اسبوع وبكون عندكن
فيروزه: عم استناك قلبي
بتسكر الخط وكتير بترتاح لان فارس بيت اسرارها وكتير بحبها وداير بالو عليها (تعو نتعرف على فارس احلامنااا)
فارس كوجو فالي : الابن لكبير ل فهد عمرو 28 سافر مشان شغلو دارس هندسه عماره وعنده شركات برا البلد بعيون زرق وشعر بني فاتح وملامحو حاده ودقن محدد مع طابع بدقنو متل فيروزه ومعضل كمان شب ولا كل الشباب وكتير بحب فيروزه عندو ياها بالدنيا فرفوش بس كمان عصبي بس حنون كتير .
(لك احزروو شو نسيت عرفكن عن عماروو احمم اصدي عمار رفيق أسير عرفتو اكيد مو مو )