الحادي عشر
🔥🔥🔥🔥
---
🖋️ الفصل الحادي عشر – "قلوب بتتكلم بصمت"
في طريق العودة من القسم،
مراد كان سايق العربية، وغزل قاعدة جنبه…
الجو كان ساكت، وكل واحد شايل اللي جواه بس مش قادر يقوله.
مراد (وهو بيبص لها بسرعة):
"كنتي شجاعة النهاردة…
إنك جبتي جواب أبوكي وواجهتي اللي جواكي."
غزل (بصوت هادي):
"أنا تعبت من السكوت…
وإنت الوحيد اللي حسيت إنك بتصدقني."
مراد لف وشه ليها شوية… وسكت.
وبعد ثواني، قال:
"مش بس بصدقك… أنا بقيت أخاف عليكي."
غزل اتفاجئت…
بس بصت له، ولأول مرة تسيب الحذر وتبتسم ابتسامة خفيفة.
---
وصلوا البيت…
وهم واقفين على الباب:
مراد:
"خلي بالك من نفسك… اللي جاي مش سهل."
غزل (بهدوء):
"طول ما إنت معايا، هقدر أواجه أي حاجة."
مراد وقف ساكت…
وبعدين مد إيده ولمس خفيف على إيدها قبل ما يمشي.
لحظة صغيرة… بس نارها مولعة في القلبين.
---
في القسم… اليوم التاني
أميرة كانت جاية توصل أوراق لمراد،
لكن مراد كان مشغول… وخرج لها الرائد عماد بدل منه.
عماد (ببرود جاد):
"الأستاذة أميرة، اتفضلي. أوراق إيه؟"
أميرة (بضحكة خفيفة):
"هو إنت كده على طول؟ مخبر رسمي حتى في الكلام؟"
عماد (اتوتر):
"لا… بس شغلنا بيخلي الواحد مش بياخد ويد كتير."
أميرة:
"طب جرب تضحك… مش هتتحبس يعني."
عماد ابتسم غصب عنه.
وبص لها وهو بيقول:
"إنتِ أول واحدة تطلعني من جدية ٨ سنين شغل."
أميرة ضحكت، وخرجت من القسم وهي بتقول:
"أنا كده؟ يبقى أوعدك أرجع بكرة تاني."
---
في نهاية اليوم…
مراد كان واقف عند البحر لوحده، وغزل جات له بهدوء.
قعدوا جنب بعض، والهوى بيحرك شعرها.
غزل (وهي بصاله):
"عمرك حبيت قبل كده؟"
مراد (بصوت واطي):
"كنت فاكِر إني مش هحب…
لحد ما شوفتك، ودنيتي اتشقلبت من أول لحظة."
---
✨ نهاية الفصل الحادي عشرر ✨