التاسع
---
🖋️ الفصل التاسع – "شك بين السطور"
مراد دخل المكتب، وهو ماسك الجواب اللي من فؤاد…
حطه قدامه، وقعد يبص عليه كأنه بيحاول يقرأ ما بين السطور.
دخل عليه زميله في المباحث، الرائد عماد.
عماد (بص بنظره سريعة):
"لسه بتفكر في الجواب؟"
مراد:
"الراجل ده كتب الجواب وهو حاسس إنه هيموت…
يعني كل كلمة ليها معنى… وكل سكوت فيه سر."
عماد (بفضول):
"مين تتوقع وراه؟"
مراد (فكر لحظة):
"فيه اسم بيتكرر في كلام الناس… بس بطريقة هادية أوي."
عماد:
"مين؟"
مراد:
"سامر السيوفي…
ساكت زيادة عن اللزوم… بيظهر وقت اللزوم…
وبيسأل أسئلة مالهاش لازمة."
---
في بيت السيوفي…
غزل كانت قاعدة مع أميرة في البلكونة، بليل.
أميرة (بقلق):
"حاسّة إن في حاجة غلط…
مش مرتاحة لوجود خالد… ولا سامر."
غزل (بتنهيدة):
"أنا بين نارين… واحد منهم ضيّع أبويا،
والتاني رجع ووشه مش نفس الوش اللي كان سايبه وأنا صغيرة."
أميرة:
"بس مراد؟"
غزل:
"مشكلتي معاه إنه بيحفر في قلبي وفي اللي حواليّا…
بس خايفة لما يوصل للحقيقة، يمشي ويسيبني لوحدي."
---
في الوقت ده… سامر في مكتبه.
فاتح لاب توب قديم، وبيمسح ملفات من درايف مخفي.
ملف فيه صورة قديمة لفؤاد السيوفي، وملف اسمه:
"صفقة R-2010"
---
مراد في القسم… بدأ يراجع أرشيف المعاملات القديمة
وتوقف عند اسم فؤاد السيوفي في ملف مكتوب فيه:
"بلاغ داخلي – اختراق حسابات العائلة – محفوظ سرياً"
فتح الملف، لقى إن فيه بلاغ اتقدم من سامر السيوفي نفسه… سنة 2010
لكن البلاغ… اختفى من على النظام الرسمي بعد أسبوع.
مراد (همس لنفسه):
"يبقى هو اللي بلّغ…
وهو اللي سحب البلاغ؟!
مين يخاف من الحقيقة غير اللي كاتبها؟"
---
في بيت غزل… بالليل.
تليفونها رن.
مراد على الخط.
مراد:
"أنا محتاج أقابلك ضروري…
في حاجات لازم تفهميها قبل ما تتأذي أكتر."
غزل (بتوتر):
"فيه حاجة حصلت؟"
مراد:
"أيوه… أول خيط من اللي قتل أبوكي اتسحب خلاص."
---
✨ نهاية الفصل التاسع ✨