الرابع
---
🖋️ الفصل الرابع
"بين الواجب والقلب"
كان قاعد في مكتبه، والهدوء حوالين المكان يوحي بالتركيز،
بس جواه كان فيه صوت دوشة مش سايباه يفكر براحة.
قلب الملف قدامه تاني…
نفس الصورة، نفس البيانات، نفس النظرة اللي مش قادر ينساها.
مراد (بيفكر):
"نظرتها كانت مش دفاع بس… كانت فيها وجع.
زي حد متعود يتّهموه… وهو مش لاقي فرصة يدافع عن نفسه."
قفل الملف، ووقف.
مش أول مرة يحقق مع بنت من عيلة مشبوهة، بس أول مرة يحس إن الموضوع بيشدّه لدرجة دي.
خرج من المكتب، وراح على أوضة التحقيقات القديمة، وقف هناك، بص على الكرسي اللي كانت قاعدة عليه.
مراد (بصوت واطي):
"فيه حاجة فيها… مش طبيعية.
مش بس عشان هي بنت راجل لينا معاه تاريخ…
دي حاجة تانية. نظيفة؟ يمكن. كذابة؟ ممكن.
بس أكتر حاجة أكيدة… إنها مش زي باقي اللي قابلتهم."
رجع مكتبه، سحب كوباية القهوة اللي كانت بردت، وشرب منها رشفة وهو سرحان.
دخل عليه واحد من المساعدين:
المساعد:
"باشا… الورق اللي كنا بندور عليه، واضح إنه اختفى قبل أسبوعين،
وبالصدفة… دي نفس المدة اللي البنت قالت فيها إنها زارت البيت."
مراد (هدى صوته):
"مش صدفة… ده خيط.
هاتلي كل الكاميرات اللي كانت حوالين البيت اليوم ده.
وكل الأسماء اللي ليها علاقة بالبنت دي… أصحابها، قرايبها، جيرانها."
المساعد:
"حاضر يا فندم."
خرج، وسابه واقف لوحده.
مراد حط إيده في جيبه وبص ناحية الباب…
مراد (بصوت داخلي):
"أنا داخل القضية دي عشان أرجع حق…
بس لو لقيت نفسي غرقان في عيونها…
يبقى مين هينقذني أنا؟"
---
حابه اشوف رأيكم وعاوزه تفاعل ع الروايه عشان اعرف اكملها يحبايبي 🎉🌚