البارت 9
*_*
*روايه : `واسال ظلام الليل عني يقولك`*
*`اني معه دايم الى طلعة الروح` ♡゙.*
*البارت : «9» .*
*____________*
مڪتفي باللي يجي منك من باب الوصال
إن عجزت تسوي الصعب سوي المُفترض .
-------------------------------
- عنند سراج .
دخل مسرع وبيده ڪيس وهو يشوف تيـم يناظره بذهول ويتقدم له : سراج وينك فيها ندق وما ترد
سراج وهو يترك الڪيس بيد تيم : أمسك ثواني عدل نفسه وهو يناظر تيم اللي ينتظر تبرير وصل المملك
تيـم هز راسه : صاير شي ليه تأخرت
سراج بهدوء اخذ الڪيس : تذڪرت شي مهم وطلعت أجيبه وصار زحمـة .
تيم : جوالك حرقته اتصالات ولا رديت
سراج رفع جواله : صامت وما انتبهت
تيم هز راسه بهدوء : جدي ورا المجلس مرتفع ضغطه يظن انك سحبت .
ضحك سراج وهو يناظر تيم بذهول ربت على ڪتفه: اشوفه وندخل روح ياخوك
تنهد تيم وهو يبتعد عنه ليدخل المجلس بينما سراج تقدم للجد اللي فز من لمح زول سراج ونطق هزاع بحدة هامسة : وينك الله ياخذك
سراج بروقان : وش فيك ياولد العم جيت روق
هزاع ناظره بحدة وهو يشوف الجد يقترب منه ويضربه بعڪازه بوسط صدره : وينك انت
سراج بألم ارتد : أهم شي وصلت صح ولا يا جدي هيا اتأخرنا على المملك مداه يهج وانتوا خايفين
نائل : هيا يلا يبه
مشى هزاع بجنب سراج اللي دفه بطرف كتفه : وش اللي بيدينك
سراج ناظر الڪيس بهدوء وهو يخبيه بثوبه وشمق بوجهه : مالك دخل
هزاع ناظره بذهول : لو ما أنت عريس عرفت ڪيف أتعامل معك
سراج بتمثيل للخوف : تڪفى الحمدالله إني عريس ولا ڪان موتي على يدك ولا يا ولد مجيد
هزاع نزل اڪمام ثوبه اللي ڪان رافعهم : نعجبك بالفزعة
ضحك سراج وهو يتقدم بخطواته ليدخل ويسلم
بجهورية وخلفه هزاع .
-----------------------------
- عنند الحرييم .
ابتسمت عروب براحة وهي تتنهد من سمعت أبوها ينادي لسدن لتوقع وسط زغاريط الڪل وفرحتهم
وقعت بخوف وابتسمت من احتضن علي جسدها وقبل جبينها : مبروك يافرحة أحمد مبروك عمي
سدن ابتسمت بحزن وتحاول ما تبڪي بهاللحظة لو أبوها عايش ڪان هو اللي واقف هنا : يبارك فيك
علي رفع وجهها ونطق بغمزة : ودك بشوفةو لا نڪنسل على سراج غرت يشوف هالجمال ويملڪه
ضحڪت سدن بخجل وخوف من انها تشوف سراج : على راحتڪم
علي : نترڪه أجل الحق ونترڪه يصبر لين بعد العشا
سدن عضت شفايفها بخجل وهي تشوفه يضحك ويبتعد عنها دخلت وهي تحس وجهها يتلون بالخجل لما شافتهم ملتمين ويصفقون ويزغرطون احتضنت جدتها من مدت يدها وهي تسحب عروب اللي باست خدها وحضنتها بقوة
جلـست سدن بتعب وهي تشوف الڪل مشى وبقى زوجات أعمامها وجدتها وعروب وهي فقط جالسة بخجل جنب بثينة اللي ماسڪه ڪفها وتسولف معها من ساعة وترد بهدوء رغم ان بثينة ڪانت أقرب زوجة عم لها لڪنها الان وڪونها خالتها أم زوجها يوترها ويترڪها تستحي بسبب وبدون
شيخة وهي تسحب عباتها : رايحة أشوف أسماء متواڪل قلبي عليها وماترد
بثينة : ماقال عبدالرحمن انها تعبانة يا خالة
شيخة : لا والله ماقدر أجلس أسماء بنيتي لو بعز تعبها ما تترڪني أعرفها
عروب ناظرت سدن وبادلتها سدن النظرات تنهدوا الثنتين وهم يسمعونهم يسولفون ويحاولون بشيخة وأن الوقت تأخر
ناظرت عهود " أم هزاع " أمجاد اللي نامت بحضنها بتعب : ما ڪأنهم تأخروا وأمجاد نامت
ليلى " أم عروب " وهي تناظر الساعة : علي قالي ساعة وبيمشي وصارت ساعة ونص وبعده ما أعطى خبر
رفعت عهود جوالها : بدق على هزاع وراها روضة وسهرتها بزيادة اليوم
شيخة : البيت بيتڪم وراه هالتعب ڪله يا عهود والروضة ما بتطير لو غابت بڪرا
عهود ابتسمت بخفوت : والله يا يمه لو أغيبها تقلب الدنيا بالبڪي
انتبهت لهزاع اللي رد : هلا يمه
عهود : هلا يا حبيبي يمه أمجادي نامت وأبطينا مانمشي
هزاع ناظر ابوه وعمامه اللي يسولفون والواضح ليلهم طويل : خلاص أجهزي ونمشي
عهود : بس حبيبي تعال أحملها
هزاع : تآمرين خذي لي طريق
انتبه هزاع لسراج اللي يناظره رمى زقارته و هو يدوسها وتڪلم بهمس : أمك
هز هزاع راسه باستغراب ونطق سراج : عمي علي ماترڪني اشوف حرمي خلها تنتظرني بالمجلس
هزاع ابتسم بخبث وضحك : يمه
عهود : سم أمي
هزاع حك خشمه : لا توضحين بس بنت عمي أحمد موجودة
ناظرت عهود بسدن اللي جنب بثينة : ايوه يمه
هزاع : تسوين اللي ببالك يمه ؟
ضحڪت عهود بهدوء وهي توقف : تم
هزاع ابتسم : تسلمين يالطيبـة
ترك جواله وهو يناظر سراج : شوي شوي على قلبك اللي بصدرك لا يفز
سراج بقهر : أڪل تبن مالك عليها وحلالي لو اخذها معي الحين عمامك ما يتڪلمون
ضحك هزاع وهو يربت على ڪتفه : بالهون يا ولد العم
زفر سراج وهو يمشي لسيارته يتعطر ويعدل نسفـه شماغه .
-------------------------------
- عنند هزاعع .
تنحنح وهو يدخل من تغطو حريم عمامه وفتحو له الطريق سـلم عليهم بهدوء وهو ينتبه لأخته أمجاد ونزل ياخذها بحضنه ليخرج وأستوقفه كلام شيخة : ولله ان قلبي ميت من الخوف على أسماء
ليلى : يا خالة بڪرا لا أصبحنا تشوفينها الحين ليل ويمڪن نايمة حرام تزعجيها
خرج وهو يترك أمجاد بالمرتبة الخلفية ويصعدسيارته وأنظاره على بيت عمته اللي استوعبه ان عمته أسماء ماحضرت الملڪة وأڪيد ميان ڪذلك واللي ما ستوعبه هو السبب هل من الممڪن بسبب موضوع ميان تعبت عمته بسببه هو لانه فضحها ما ڪان يمديه يتخذ قراره بأن يشوف عمته لانه داهمته امه بالدخول وزفر وهو يحرك .
-----------------------------
- نـرجع لـسدنن .
ماتت من الرعب لما نادتها عهود تعطيها خبر بأن سراج ينتظرها بالمجلس الداخلي توقعته يتجاهلها أساسا وما يشوفها الا ليلة الزواج من ڪثر ماتحس فيه ڪارهها أخذت نفس وهي تشوف عروب متحمسة اڪثر منها وتعطرها وتعدل مڪياجها اللي خف وڪثير : لا تخافين يا تبن وينصبغ وجهك أحمر خلك عادي ريلاڪس مايخوف
سدن : انتي مستوعبة اني عروس وبشوفه لاول مرة
عروب بسخرية : ايوه لدرجة انك مرة فرحانة ماشاء الله اخذتي اللي تحبينه
سدن تنهدت وهي تعدل شعرها اللي حاسته عروب برفعتها له ترڪته بخفة وهي تتمنى ما ترجع تطيح البنسة وينزل شعرها : خلاص عروب ترا ڪلها خمس دقايق
عروب غمزت : يمڪن خمسون دقيقة وش دراك
سدن بعدم فهم : وش بنسوي بالخمسون دقيقة هذه
عروب ضحڪت بخبث وهي تهز اڪتافها شهقت
سدن وهي ترميها بالمخدة وتخرج وهي تهف على نفسها من الخجل : الله لا ياخذك يا عروب
عروب بصوت عالي : الله يوفقني يارب
-------------------------------
- عند سدن الا رايحه لـسراج .
مرت من المراية وهي تعدل نفسها وتشوف الطابق لاول فاضي تماماً توجهت برجفة للمجلس وهي بين التردد والهروب ودها ما تدخل وتشوفه وتهرب لغرفتها لڪنها ماتدري بتتخبى ألي وقت وأي زمن وتظن أن سراج مايقدر يوصلها لألبد أخذت نفس تقوي من نفسها وهي تفتح بهدوء ڪان جالس على الڪرسي يطقطق بجواله وبجنبه الڪيس ينتظرها الان عارف بأنها رح تجي حتى لو خافت يحس بمليون شعور ويحاول يڪتمه يستذڪر لحظات خطبته لـ هناي والشوفة الشرعية اللي صارت شوفة حلاله وبڪامل
الدين والعرف لـ سدن بلع ريقه وهو مايدري ڪيف رفع عينه لتسقط على زولها الخايف ويدخل ببطئ بتردد نظراتها ڪانت دقيقة مسح فيها سدن بعينـه و حفظها انتبه ألدنى تفصيله هي بنفسها يمڪن ما انتبهت إنها فيها نظراته مختلفة متأملة اڪتشفت بأن ڪل مر تخيلته بأول لقاء بينهم تالشى لانها تخيلت أسوء التخيلاتت اللي بتحصل وأولها ماڪان أساسا لها نية التصديق بأن سراج فعلا واقف ورا رغبته بقرار الخطبة ترددت ترفع نظراتها له بخوف وتوتر وخجل
وألف شعور مرها بهالثواني أما سراج فـ سمى بداخله عليها مباشرة لانه ماتوقع ولا تخيل أساسا بأن سدن تڪون بهالجمال فعلا .
عضت شفايفها برعب وهي توقف بوسط المجلس من خانتها رجلها وأبت تتحرك خطوة زايدة
نطق سراج بهدوء : ليه وقفتي
نزلت سدن انظارها لاارض وتحرر شعرها من البنسة وهو ينسدل على ظهرها وما زادها حلاوة على قلب سراج بشڪل ترك قلبه ينبض بسرعة ويحس بأنه خرج من ضلوعه
سراج قرب بخطواته ونطق بهدوء أڪثر خافت
منه سدن : قربي
رفعت أنظارها له برعب وهي تشوف نظراته الجامدة تجاهها اقتربت بشويش وأعدم سراج المسافات وهو ينطق بهدوء بعد ما مد لها الڪيس واستغربت سدن منه : هدية
سدن سحبتها برقة وهي تفتحه وبردت ملامحها من طلعت علبة جوال
حك سراج طرف راسه وهو يشتت أنظارهة: بدل اللي ڪسرته بالليلة اللي ما تنذڪر
رفعت سدن راسها له وهي تشوفه يتأملها بهدوء زمت شفايفها وهي لا زالت ملتزمة الصمت
ضحك سراج وهو يبتعد لانه يعرف بأنها ڪتمت أنفاسها من قرب : سمعت بذيك الليلة صوت ما طلع من بالي تحرمينا منه هالحين يعني
سدن وهي ماهي مستوعبة ولا شي من حرڪات سراج ڪلامه وهديته اللي ترڪها بين كفوفها
سدن برعب : يصير أسال سؤال
ابتسم سراج وهو يهز راسه : سمي يا حرم سراج
رجفت من المسمى الجديد اللي أطلقه عليها وناظرته بذهول رجعت للخلف بخطوات من شافته رجع يقترب وهي تحسه متعاطي شي لان حرڪاته مو طبيعية أبدا
نطقت بخوف وتردد : سراج شارب شي
وقف خطواته اللي متوجهة جانبها بذهول وضحك بقوة لاول مرة يحس فيها من ڪثر ضحڪه وذهوله من الجملة حمرت اذانيه واطراف وجهه وهذا يعني بوصوله ألقصى شعور من يعصب بقوة تحمر اذانيه ومن يضحك ويفرح بالمثل .
ابتسمت بدون ماتحس من ضحڪته وهي تناظره وتفرك يدينها بخجل قرب أڪثر وهو يقبل راسها وأرتبڪت لانه داهمها بالقبلة ونطق بهدوء : روحي
اختفت بثواني من قربه وهي تحس بأنها أسرع من
البرق في نحشتها فرك وجهه وهو لا زال مبتسم منها وتنهد وهو يخرج من المجلس متوجه لبيتهم مستغرب من نفسه وهو بنفسه شاك بنفسه متعاطي لانه تصرفاته ماهي جاية على ڪيفه قاعد يتصرف من غير وعي منه وڪأنه عقله يرشده بأفعال وأقوال
فصخ ملابسه وغيرهم لتيشرت وشورت وهو ينسدح على سريره وتنهد من تذڪر طلتها قمرة بليلة 14
-----------------------
- عند عروب .
بالمطبخ بيدها عصير تشربه وهي تنتظر تجيها سدن تقولها عن اللي صار وتطقطق بجوالها شرقت بالعصير وهي تلف حوالينها برعب ڪبير من وصلتها رساله مضمونها "لبى الأحمر "
---------------------------
- الصـباح ببيت هزاع الشخصي .
دخـل وهو يبتسم للحارس أبو فلاح حارس بيته وطيره المفضل وجزء من حياته "الصـقر "
هزاع بتساؤل : غذيته
أبو فلاح هز راسه : أجهز لك الجلسة طال عمرك
هز هزاع راسه : اي والله محتاج استڪن لحالي
أبو فلاح : تاامر دقايق وڪل شي جاهز
هزاع ابتسم : تسلم يابو فلاح
ابتعد عنه متوجه لـ اخر البيت مڪان صقره الڪل يدري بعشق هزاع لممتلڪاته يعشق صقره " شاهين " العود وأعز حب لقلبه الشاي ماعنده مشڪلة يشربه باليوم مية مرة وفي الـ مئة مرة يروق أڪثر ابتسم بتوسع وهو يقرب من شاهين قلبه مد يده للقفاز الأسود وهو يلبسه ويسولف مع شاهين وڪإنه يفهمه
التف ألبو فلاح اللي نطق : سراج طال عمرك هنا
هزاع اشر له : اي خله يجي عارف
هز أبو فلاح راسه وهو يرجع ينادي سراج
مشى سراج للمڪان اللي داري ومتأڪد بوجود هزاع فيه وابتسم بقوة وهو يشوفه يسولف ويربت عليه ويدربه بالساحة الخلفية
هزاع لف له : خشمك
سلم سراج وهو يربت على ڪتفه ويناظر شاهين :مب ناوي تزوجه وتتزوج معاه
هزاع ضحك وهو يشوف شاهين يطير له من
جديد : غيرك الارتباط بليلة
سراج ابتسم : تقدر تقول
هزاع بابتسامة هادية : بعيد عني أجل توني صغير ومالي بعوار راس واعتقد شاهين يشارڪني الرأي اعتقد لو زوجته قتل زوجته
ضحك سراج وهو يبتعد لانه يدري بالنظرات اللي بتجي صوبه من هزاع : مثل صاحبه
هزاع : اقول انقلع للجلسة قبل لا اڪسر عظامك وأترك هالوحش يڪمل
ابتعد عنه وهو يضحك بخفة ترك هزاع شاهين مڪانه وهو ينفض نفسه ويخرج ويقفل عليه ويتوجه للجلسة ويشوف سراج يلعب بعوده رفع ثوبه الاسود شوي وهو يسرع خطواته وينطق بصوت عالي : أبڪسر هالعود على راسك يا سراج لو ماترڪته
سحبه من يدينه وهو يجلس : بتخرب اللحن علي
سراج باستخفاف : خف علينا يا ولد مجيد
هزاع وهو يعدل جلسته ويحاول يضبط اللحن اللي بباله وروق مباشرة : ولد مجيد بيفاجئك .
----------------------------
- عنند عروب .
اللي انحاشت البارح من رعبها من الرساله وهي ماهي عارفة من الشخص اللي شافها وأرسل لها هالرسالة
واللي شيب راسها زود هو بعد ما انحاشت من بيت جدها لبيتهم بتسارع خطواتها وصلتها رسالة ثانية بمضمون " ليه الخوف يابنت وبعدين ڪيف تطلعين بهالليل " ومن لحظة مادخلت غرفتها رمت جوالها وما قربت منه ورفضت تفصخ عباتها لانها خايفة من اللي يراقبها وخايفة أڪثر بأن يقدر يشوفها الان تحس بتعب وإرهاق بس خايفة تنام ويجي هالشخص دامه قدر يوصل ويشوفها تحس بأن يقدر يحاصرها بقربه الشديد وهي نايمة ما تحس بالأمان بتاتا وودها تعرف هالشخص
----------------------------
- لليلة 29من شعـبان .
بعد ما تم ثبوت هلال شهر رمضان الكل مجتمع بعادة لطيفة ببيت سليمان يفرزنون الأڪل ويجهزون لسحور أول ليلة من رمضان بڪل حماس وشوق للشهر ترك هزاع الاڪياس المعبية اغراض من السوبر مارڪت وطالبتها الجدة شيخة تحديدا
نزلت عروب وهي تشوف سدن بحضن جدتها تجدل شعرها جلست بقرب أمجاد وعدي اللي يلعبون
بالحديقة : أمجاد تبين نحط حنى بيدينك
ترڪت أمجاد لعبتها وهي توقف وتعدل جدايلها
اللي سوتهم أمها : ايه عروبي اي
عروب سحبت خدها تبوسه : يـ اختي ابوس اسمي من شفايفك اجلسي ياروحي
جلس عدي وهو متڪتف : وانا بعد أبغى
عروب وهي تحط الحنى لـ أمجاد : وش تبغي ياروح أختك
عدي مد يدينه : حنى
عروب شهقت : ياويلي مايصير ياروحي للبنات بس
عدي بوز بحزن : وانا بنية
ضحك هزاع اللي سمعه وهو يرفع صوره : راحت الرجولة يا عدي ودستها .
ابتسمت عروب وهي تلف لهزاع وتأشر : باالله شيلوه لا يڪب الحنى علي من القهر خله يروح مع أبوي عند الرجال
هزاع أشر لعدي : أبوك مشغول بتوزيعات المسجد عدي تعال نروح البقالة
وقف عدي ووقفت أمجاد خلفه وهي تبڪي : وانه بعد
عروب ضحڪت : عز الله ما راضينا الاثنين
أمجادة: عروب اترڪيني بروح معهم
عروب : الحنا ما نشفت ياروحي أخوك هزاع يجيب لك حلويات وبطاط وأنا أأڪلك تمام
هزت امجاد راسها وهي توقف متجاهلة عروب اللي شهقت ورڪضت رفعت يدينها لهزاع يحملها وناظرها هزاع بـ بلشة : ياحبيبي ڪيف تاخذين الاغراض وانتي حاطه هالعجين بيدك اشتريلك وأجيبه لين عندك ڪم أميرة عندنا حنا
عدي دفها بشويش : ايوه روحي البقالة للعيال بس
بڪت أمجاد واقتربت عروب اللي خزت عدي اللي يطلع لسانه لها بغيض تأوه بألم من ضربه هزاع الخفيفة على راسه : اختي يالطيب
عروب بتمثيل للقهر : وأخوي يالطيب
هزاع أشر ليد أمجاد : بيدينك سويتي هالجريمة
بيدينك تصلحينهم روحي امسحيه
عروب تڪتفت : ما يصير أمسحه خذها ڪذا هزاع وهو ياشر لثوبه الابيض لجل توصخني
عروب ببرود : أيوه عندك مليون غيره اعتقد تحت تراب رجل أمجاد والا بتترڪها زعلانه وهي تحبك وتموت فيك وتروح وتجي ميتة على هزاعها
غمض لثواني وهو يزفر وابتسمت عروب بانتصار من شافته يحمل أمجاد وهو يبعد رقبته
بقرف من الحنى : الله يسامحك يا بنت عمي
مسك يده الثانية بيد عدي وهزت عروب اڪتافها وهي تشوفه يعطيها ظهره ويخرج : مسيطرة همشيك مسطرة
تأوهت من جزمة أمجاد اللي جتها من الخلف وهزاع بصوت عالي : هالمرة جزمة المرة الثانية ڪف يا عروب .
ضحڪت عروب وهي تمشي لتدخل داخل .
وقفت سدن وهي تهز راسها بفرحة من جدايلها
ونطقت عروب بمزح : تشبهين رقية اللي بطاش ماطاش
سدن شهقت وهي تقرب بتضرب عروب
وصرخت بقهر : والله اوريك
خرجت عروب بهروب ولفت سدن وهي تتحلطم
وشهقت من شافت سراج بوجهها ارتدت بخطوات وهي تشوفه يضحك شتمت عروب لانها عرفت أن سمعها سدن بقهر نطقت وهي تحاول تفك شعرها :
والله لو قلت عنها صادقة أذبحك انت وهي
مسك ڪفوفها وهو يڪتم الضحكة : لا تفڪينهم
حلوين عليك اترڪيهم
سدن نزلت يدينها وهي تحاول تحافظ على أنفاسها زمت شفايفها وهي تشتت انظارها منه نطق بهدوء : بسافر الڪويت
رفعت سدن راسها باستغراب ونطقت بتساؤل بدون ماتحس : ليه .
سراج بهدوء : صديقي عازمني تجين
ناظرته بهدوء وهي مو مستوعبه ليلة ملڪتهم
لجل تستوعب هاللحظة سراج ناظرها وهو ينتظر ردها اللي طال صمته طويل وأعاد السوال بهدوء : ودك تجين
سدن هزت أڪتافها بعدم معرفة : يصير
سراج ابتسم بهدوء : يصير اذا قصدك على جدي سليمان وهنا بشڪل عام تراك زوجتي
سدن : بس ماتزوجنا
سراج بهدوء : اقدر أخليك بشقتي وحضني بدون زواج دام وقعتي
سدن حمرت وهي ترجع للخلف خطوات جريئ بزيادة
ضحك سراج وهو يناظرها تتراجع : وليه ڪل ما جيت أسولف ترجعين
سدن بخفوت : ما أضمنك
سراج : يڪون بعلمك اني سمعت
سدن بهمس : أحسن
بخوف رجعت وشهقت من ضربت بصدر شخص ولفت وهي تزفر من شافته جدها : أبوي آسفة
قبلت راسه ونطق الجد بابتسامة : وش مسوي فيها يا سراج يومها بتهج ريوس
سراج ضحك وهو يبوس راسه : أسالها جدي مختارة خيار الهروب دوم
ابتسم الجد وهو يحتضن سدن : عاد ضلع من ضلوعي لو خوفتها وڪسرتها أڪسر ضلوعك
ابتسم سراج بتوسع وهو ينطق بثقة : هي ضلعك وانا عينك اللي تشوف فيها والا يا أبوي
هز الجد راسه : أڪيد ياولدي أڪيد
ابتعدت سدن ونطق سراج بجهورية : جهزي
عمرك .
الجد استغرب : ليه
سراج ابتسم وهو يغمز : بخطفها منك بنروح الڪويت
سليمان : لـ ولد أشرف
سراج هز راسه : ايوه باخذها معي عازمني وأمه محلفته يجيبها معي
سليمان : هي موافقة
رد سراج وهو يشوف أبوه وأعمامه يدخلون : تنتظر موافقتك
سليمان : تدري انها حرمك وطلعت مني والية أمرها وصارت لك احفظها ياسراج .
سراج بهدوء تنهد : بالحفظ والصون يا جد لا توصي
--------------------------------
- عنند سسدن .
ڪلمت هناي من ڪم يوم تسألها موعد سفرها ووين وماردت انتبهت للرسايل اللي جتها وسڪرت باب غرفتها وهي تسحب شنطة سفر صغيرة تجهز وعينها على جوالها وجواب هناي اللي ألجمها : بالڪويت أنا أدعيلي سدن
ترڪت اللي بيد ها وهي تناظر الرسالة بصدمـة ربطت الأحداث بسوء ظن لڪنها رفضت هالشي وهي تنطق بحدة لنفسها : مستحيل مو هناي اللي تخون
جلست على طرف السرير وهي تناظر ملابسها بشتات : بس ما أثق بسراج
غمضت عينها وهي تغطي وجهها بڪفوفها بإرهاق فزت من دخول عروب ونطقت وبغضب لاول مرة يخرج : عروب لو سمحتي فيه شي اسمه خصوصية طقي الباب قبل لاتدخلين يمڪن أبدل
عروب بتجاهل جلست : الله عاد ترا اللي عندك عندي ماعلينا من ذا وش سفره هالوقت والڪويت ومع مين مع سراج ياالله مايمديني أضبط إعدادات مخي عليك
سدن بلعت ريقها وهي تتنهد : سراج قالي
عروب : وصرنا نقول سراج ڪيف تخونيني وتسافرين عني وفوقها أول يوم رمضان وانتي عارفة إني رمضان معاك .
سدن زمت شفايفها : عادي لانه ڪل سنة معاي هالسنة غير بعدين يمڪن انتي السنة الجاية متزوجة
فتحت عروب عيونها على وسعها : وجع سدن وش هالدعوة أنا غير بخلص جامعتي أول
سدن بتسليك : أيوة غيرك قالها وبحضنه أوالد المهم
سحبت فستان : شوفيه تحسينه يناسب عروس
عروب غمزت وهي تستند ع ڪفوفها اللي مدتهم
على السرير : رمضان يا الطيبة بتغرين سراج
اترڪيها للعيد
سدن بغضب : ياشينك عروب شدخل سراج الحين هذا لاهل صديقه يعني بجلس معهم بعبايتي
عروب ضحكت وهي توقف وتفتح دوالبها : انزين لا تموتين شفيك صايرة تعصبين على أقل شي
سدن : لانك سخيفة مب وقتك
عروب زفرت بهدوء : طيب لا تعصبين نشوف الحين فستان لهم وفستان لسراج
سدن ضربتها بقوة ورمقتها عروب بغضب : ماقلت شي سخيف الحين ليه تضربين رمقتها سدن بذهول من غضبها ثواني وضحڪت بقوة من ضحكت عروب من وجها المذهول : يااختي ما ضبط تمثيلي
رفعت شعرها اللي طاح على وجهها وهي لازالت تضحك وفجاة تحول وجهها لألحمر ودمعت : يااختي تالفة أعصابي
عروب ابتسمت وهي تجلس بجنبها : يا عمري إنتي تعالي مدت يدينها تحتضن سدن بقوة مر وقتهم
سوالف وضحك ورتبوا شنطة سدن بالاشياء اللي تحتاجها وقفت عروب بعد ما سكرت شنطتها : والله
وباالله لو قال ان معزوم بالعيد وتروحين معه بضربك وش هالخيانه سدن
سدن احتضنتها : لا والله العيد عيد و ما أروح لا تخافين .
عروب : ألجل اڪسر ضلوعك لو فڪرتي
سدن ابتسمت بهيام : احلالك يا بعد روحي
ابتسمت عروب
ضحكت سدن وهي تبتعد : انتظري لا تروحين بغير ملابسي وبودعك
عروب : ما بتتسحرون
سدن : الا اعتقد بعد الصلاة بنمشي ما اعطاني خبر بس بودعك مرتين
عروب : متى توصلون
سدن : 11قبل صلاة الظهر
عروب هزت راسها : طيب لا وصلتي مو تنسين تعطيني خبر
سدن وهي تدخل غرفة تبديلها الملابس : أڪيد
عروب وهي تلعب بأرواج سدن : وقالك متى بترجعون
سدن : لا
عروب : ما تحسين أنك ما تسألينه تراه زوجك
سدن عدلت تيشرتها وهي تخرج : جدي جنا صرت ماعرف أسولف وهربت ولا يهمك بس عروب اسأله بالسيارة و اعطيك الملخص
عروب: ڪفو عليك
-----------------------------
*____________*
*: يتبــ؏ ..*