واسال ظلام الليل عني يقولك اني معه دايم الى طلعة الروح - البارت 7 - بقلم خلود عبد الرحمن - مكتملة | روايتك

*_* *روايه : `واسال ظلام الليل عني يقولك`* *`اني معه دايم الى طلعة الروح` ♡゙.* *البارت : «7» .* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *____________* بديتك محبه وانتهيتك شقىِ روح . --------------------- - بمڪان ثاني وعند ميان . بعباية بيضا واڪسسوارتها اللي زايدتها فخامة تاڪل بهدوء وهي تسمع سواليف " تركي "حبيبها خارجين مطعم و وجبة غذاء وقدام الڪل ومحد عارف صلة قرابتهم ماهي أول مرة بعض تسمع ڪلام المدح من ترڪي وتبتسم بخجل بعدم خوف ان ممڪن واحد من اللي تلعب عليهم يشوفها تذڪرت هزاع وابتسمت بخبث اڪثر : حبيبي ترڪي ترڪي ترك جواله : عيونه وروحه سمي ميان اعتدلت وهي تمد جوالها : نصور سيلفي برسله لصديقاتي أوريهم ضحك ترڪي : تم يا بعد قلبي هاتي مدت جوالها وهي تعتدل وتعد لـ نفسها نطقت بدلع : دقيقة بيبي بعدل شڪلي ضحڪت بنظره مختلفة بيفهمها هزاع وقت يشوف اخذت الجوال وهي تعدل الصورة وتڪتب عليها بعدم خوف " سويتها وڪسرت خشمك وريني عرض اڪتافك يا ولد آل غانم" حفظت الصورة وهي تتوجهه للواتساب وتطلع رقم هزاع اللي اخذته من جوال امها الصباح وترسله الصورة ابتسمت بخبثها وهي تشوف الصورة انرسلت لهزاع  توسعت ابتسامتها اڪثر من ظهر الصحين اللي باللون الازرق وبينت قراءته وشوفته للصورة . ----------------------------- - ععند هزاع . بجهة هزاع بوسط شغله ورسمه للبناء اللي هندسه وقروشته الا ڪان وده شي يشتت انتباهه من الرسمه اللي ظل عليها اڪثر من ثلاث ساعات ! مسك جواله مباشرة من سمع صوت رساله وهو وده يتهرب عقد حاجبه من رقم الواتساب اللي عنده لڪن برد ت ملامحه من شاف صورتها افتار ڪتم غضبه وهو يدخل محادثها بشوف وش راسله وبردت ملامحه تماما من قلة أدبها وصلت بأنها ترسل خيانه اهلها بيدينها له وتتحداه تحول وجهه لألحمر وهو يڪبر ويصغر بالصورة ويشوف المدعو بحبيبها  وشلون مرخصة نفسها ولبسها مطلعها ڪأنها *** !! عرف اسم المطعم من الصحون المحفور عليها اسم المطعم بغباء من ميان او عدم تفڪير بأنه اقوى منها وبڪثير وقف بغضب وهو يسحب بڪت الدخان وجواله ومن سرعته ڪب ڪوب القهوة على الرسمة اللي صار له دهر يرسمها بوقت غضبه ما شاف الا ميـان وراس ترڪي وهو يفكطر بڪيف يدهسه ويدهسها وراه ويفتك من شرها زايده صياعتها بشكل وماهو عارف سببها عمته أسماء من أفضل ما يڪون في التربية ومتاڪد بانها ماقصرت وماله حق يقصر من عبدالرحمن لانه القالب غالب مايعرف ساق اي سرعة بس يجزم بأن تدبلت المخالفات سرعة وعدم لبس حزام واستعمال جوال يشوف فيه لوڪيشن المطعم ! ------------------------------ - بـ بيت الجد . دخلت سدن وهي تبتسم من شافت أمجاد بحضن جدتها ورڪضت مباشرة لها من شافت سدن : سدن نزلت سدن وهي تحتضنها : عيون سدنن ياروحي ڪيفك أمجاد بطفولية : بخير ثوفي فثتاني سدن ابتسمت : يجنن عليك انتبهت امجاد لعروب اللي مشتته انظارها والا زال تفڪيرها مع قسور وحڪي قسور امجاد هزت يدها : عروب وين عدي استغربت سدن سڪوتها ورفعت راسها وهي تهزها بخفة : هي عروب عروب : ها وش ؟ سدن وقفت وهي تنفض نفسها من التراب اللي بلارض : وين عدي اخوك عروب لوت شفايفها : اڪيد جا من الروضة للبيت انتبهت ألمجاد : بعد العصر يجي وتلعبين معاه طيب هزت أمجاد راسها وهي تبتسم وترڪض جهة الالعاب اللي بالحديقة عروب : مهبولة هالبنت شڪلها بتتزوج اخوي ضحڪت سدن وهي تهز راسها بيأس : ممڪن تلتفين لمصيبتي ؟ عروب وهي تصعد خلفها : اي مصيبة خطوبتك عادي يروحي انتي بعدك هناك سدن : اخاف اندم عروب : جربي عادي ترا ما تضر التجربة بس ممڪن تموتين لو ما جربتي سدن بعدم اعجاب : اجرب على حساب نفسي وڪرامتي . عروب بتمثيل للتدوير : ڪرامة امبيه من قام الحين يفڪر بهالشڪل عزيزتي سدن لو بتجلسين تخافين على ڪرامة و عزة نفس بتخسرين وڪثير ما اقولك دوسي ڪرامتك بس استعملي ڪيدك انتي من النساء على الفاضي ترا لو انا بمڪانك ڪان امداني ضبطته وبيننا عيال . سدن : وجع عروب وجع جريئة عروب بتنهيدة : الطيبة تنداس صدقيني لازم تڪونين جريئة بتعيشين اعتدلت بجلستها بتفڪير تصدقين  الرابحة فينا بنت عمتي أسماء ميانوه سدن لوت شفايفها وهي تعد ل بلوزتها : الخسرانه قصدك دنيا وآخره على اللي تسويه . عروب زفرت : استغفرالله يعني هي ڪيف ڪذا مجرمة وتسوي اللي تسويه بس محد قافطها معقولة ان محد قفطها مثل ما نقفطها احنا لما تسولف وتضحك بمصاعة مع حبيبها سدن بتفڪير : احس ماعندها حبيب واحد عروب شهقت وهي تتربع : ڪيف يعني  سدن هزت كتوفها بعدم اهتمام : سمعتها بمرة تنادي بـ عمر ومرة ترڪي ومرة محمد عروب فتحت عينها على وسعها : هذه مضبطة نص السعودية باقي تضبطني انا وانتي ضحڪت سدن وهي تغمز : ويمڪنها مضبطة المزيون عروب شهقت وهي تحط يدها على راسها : لا مستحيل انا بخليها تعلمني ڪيف تضبط اصلا سدن بضحكو: وجع عروب عروب بخبث : ويمڪنها مضبطة سراج ومن بعده هزاع تنهدت سدن : لا مو ذوقها عروب باستغراب : وليه هي مخليه احد ڪل الذائقات عندها . وقفت سدن وهي تهز راسها تشتت افڪارها : بس استغفرالله خليها  بيجي يوم وبتتوب عروب بهمس : تتوب اللي مايتوب هذه سدن خرجت وبيدها ميكب ريموڤر : في اقل من شهر تغير حالنا عروب : ليه هامة نفسك سدن : خايفة عروب زفرت : ودك نڪلم حبيبته سدن التفت لها بفزه : هناي عروب هزت راسها بإيه : نشوف وش مصيرها عارفة انك خايفة من لو وافقتي تخرب بينڪم نشوف وش تقول ونحدد مصيرك على ڪلامها سدن تنهدت وهي تلف ماتدري وهي ودها فعلاً تاخذ اخر ڪلام من هناي تتأڪد بانها مارح تخرب حياتها وتنجرح زود ممڪن تتحمل بداياتها مع سراج لكنها ما بتتحمل لو تدخلت بحياتهم بعدين وعاقت تصرفات ومشاعر . ----------------------- - عند هزاع . وقف السياره بسرعة وهو يتمنى مامشت بيڪسر ضلوع اللي معها وبوريها خبثها ڪيف ينقلب عليها دخل المطعم وعينه تبحث عنها لوهلة ظن ان خسر ومشوا لڪنها هي نفسها خارجة من دورات المياه ومتوجهة لترڪي رغم انها ارسلت الصورة ومشوشة وجه ترڪي لجل مايعرفه ولو انها ما خرجت وحالفها الوقت والدقايق بان ياخذ نظره سريعة بعدم معرفة بأن هذا ترڪي وخروج ميان لخرج وماحصل اللي بيحصل لڪن ڪان حظ هزاع حلو لما لمحها وهي تمشي بميع اتجاه ترڪي اللي دفع وينتظرها لجل يمشون شتمها باسوء الالفاظ بداخله وتقدم وهو ناوي يطلع حرة ميان والرسمة وخبثها وڪل شعور يحرقه بهاللحظة ملامح ترڪي حاول يهدأ من خطواته رغم وجهه اللي واضح عليه بأن بيبدي يحرق الڪل ابتسم وهو يناظر ميان اللي بغت تطيح من الڪرسي من انتبهت له وهي عارفة نظرته وراها وجع رجف فڪها بخوف وهي تحس فيه يمسك ذراعها ويعصره بيده ويوقفها خلفه متجاهل انظار الناس والموظفين  التف وهو ينطق بحدة يغلفها بهدوءه قبل يجرم فيهاو: نفسه اللي ڪلمتيه صح سڪتت وهي تناظر برعب وصرخ فيها : هو صح هزت راسها بإيه بخوف وهو يشوف ترڪي يوقف باستفسار وغضب وهو يمسك ذراع هزاع اللي ماسكه ميان : خير يالخو ؟ التف وجهه وطاح على الارض من لڪمه هزاع وهو ينزل يخنقه : قايلك بدق خشمك والا ماقلت هددتك قبل وحذرت ولا؟ صرخ باللي بدو يقربون يفڪونهم : لو ودكم بعظم سالم منڪم لحد يتدخل بالموضوع التف لترڪي اللي بدأ يزرق وجهه من اختناقه ترڪه يتنفس لثواني ولڪمه لحد ما شوهه وجهه ومسڪوه الموظفين وهو يشتم أشد الشتايم ويهدده دفهم عنه وهو ينطق بصراخ فيهم : ماني مسوي شي خلاص نزل له وهو يأشر له بتهدي د: واللي خلقني وخلقك لا شفتك تحوم حولها اعتبر نفسك يوم ثاني يصلون عليك صلاة الميت . وقف وهو يسحبها بقوة ماله حق عليها صحيح ومستحيل يرضى تنهان قدام الناس يعرفون خطأها رغم انها بايعة نفسها وما اهتمت الا ان هو مهتم مهتم ولا زال مهتم يعرف ڪلام الناس وتشويه السمعة والشرف مسح وجهه الڪثر من مرة وهو يلتفت لها الزقة بطرف الباب من خوفها استغفر لعل وعسى يهدأ لڪنه يزيد قهر وقف امام بيتها وهو يوقف ونطقت برعب : لا تقول ابوي امي لا تقول لهم هزاع بغضب ساخر :ڪان خفتي من ربك اول لجل تخافين من امك وابوك انزلي لا انزل عقالي على جسمك يا ميان وعظمته جلالته اني ماسك نفسي لا أثور فيك وافرغ الرصاصات اللي بالمسدس بجسمك نزلت برعب وهي تشوفه ينزل معها هالمرة تجاهل وجود مفتاح عند ميان وطرق الباب بغضب لدرجة الڪسر حالف يفضحها المها وأبوهاڪونهم المسؤولين عنها صار وقت يعرفون بخبث بنتهم ويربونها صح لانها ناقصة تربية ميان رغم قوة شخصيتها الا ماتت خوف ما يهمها ڪبرياء وخواطر بتترجى هزاع لين تبوس رجوله يستر تعرف ابوها ما يلعب بتاتا لا عصب مخيف ومهيب بشڪل وتتمنى تڪون تحت قبضة هزاع ولا تڪون تحت رحمة ابوها اللي ينسى الرحمة مع الغلط ماڪان يمدي أو يسعهـا الوقت حتى بأنها تترجاه يسڪت ويستر عليها رغم انها ما سترت على نفسها قبل ولا خافت حتى من ربـها فتح أبوها الباب ووجهه مشدود بحڪم ان توجاي من شغله وماله نفس للي داق الباب الحين استهل وجهه من لمح هزاع : هزاع ڪيف الحال ياولد حيـاك ... سكت من ترحيبه من بان طرف ميان وعقد حاجبه وهو ينطق بحنية :ميان  متى جيتي ياروحي ادخلي ادخلي ادخل هزاع لا تستحي ما من غريب هزاع بلع ريقه وهو حاس برجفة ميان خلفه انكدڪسر خاطره على أبوها ويدري ان بينڪسر خاطره زود على عمته لڪنه ڪبح مشاعره وتردده وهو ينطق بهدوء : بنتك ڪانت معي يا عم عبدالرحمن بردت ملامح وجهه عبدالرحمن وفهم غلط لڪنه ينتظر تبرير : و وش تسوي ميان معك مسڪت طرف ثوبه من الخلف لڪنه حقرها واڪمل : ماهو معاي مع ولد حرام شهق ابوها وهو يصرخ : وش تخربط أنت صاحي باللي تقوله دخـل وهو يوقف بالحديقة : ڪانك مڪذبني اسأل بنتك عبدالرحمن التف لها وهو يسحبها من خلف هزاع رفع راسها اللي منزلته : ناظريني بڪت وهي ترجع للخلف وترجع انظارها لالسفل تقد م منها بعصبية وهو يمسك فكها : ناظريني وقولي وش يخربط ولد مجيد هزاع التف لها وهو يرجع يدينه خلف ظهره ويناظرها بجمود : وين لسانك انبلع يمڪن قولي له يا ميان مع مين ڪنتي نزل نفسه ليهمس ومايسمع عبدالرحمن :لا تنسين تعددين له حبايبك المليون رفعت راسها وهي تناظره عيونها التقت بعيونه بحده ممزوجة بخوف تقدر على هزاع بس مستحيل بتقدر على ابوها عبدالرحمن اخذ نفس وهو ينتظر ميان تتڪلم صرخ بفزع لجسدها اللي رجف ودمعت مباشرة : احاكيك اناا رد ي علي صحيح ڪلامه هزت راسها بـ إيه ماتقدر تڪذب لانه تعرف ان هزاع ولو ڪذبت بيوريه الصورة شتمت نفسها وغباءها وما امداها تعترف بغلطها والا سقطت ع الارض من الڪف اللي اعطاها أبوها سحب عقاله وهو يشتمها : وتعترفين بعددد خرجت أسماء وانظار هزاع جامدة يڪره هاالسلوب لڪنها تستاهل رغم جمود وتصلب مشاعره الا ان من شاف عمته خرجت حن وشتم حنيته وخاصة اللي ظهرت على أڪثر شخص نذل مسـك عبدالرحمن قبل يڪمل يضربها وهو يسحب العقال : لا تضربها لا الضرب ماهو أسلوب وجيت اخبرك ماهو لجل تضربها عبدالرحمن بصراخ غاضب : مالك صالح باللي أعامل فيه هالڪلبة أسماء بخوف نزلت على ميان واحتضنتها من رجفت من ألم العقال اللي صابها مرة وحدة بس لڪنها انتفضت منه بڪت بصياح عالي وهي تحس بحرارة جسدها من الضربه وعيونها على صراخ ابوها وهزاع اللي يهديه وهي حاقدة بڪل إحساس اتجاهه عبدالرحمن فتح أزرار ثوبه وهو يحس بكتمـه : الله يلعنك يا ميان دامك بتنڪسين راسي الله ياخذك من هالدنيا ولا اني اشوف سوادة وجهك ميان ابتعدت من أمها وهي بتبوس رجل أبوها : اسفة والله يبه اسفة بس لا تقول ڪذا دفها برجله وبڪت من حست نفسها تنذل ماعندها مشڪلة بين امها وابوها بس مو قدام الاناني الخاين  واللي ڪل ڪلمة سيئة توصفه تدري ان يستشفي من ضربها وإهانتها امامـه ترجته لڪنه ماسمعها وهذا نقطة من اللي بسويه فيها أبوها ! مد هزاع الموية لعبدالرحمن اللي يناظر ميان بقهر : سم يا عمي ولا تتعب نفسك ان شاء الله انها فهمت صرخت فيه لحد ما بح صوتها : مالك دخلل اطلع منها يا حيوان مالك دخل بيننا الله ياخذك يارب الله ياخذك عبدالرحمن بصراخ : انڪتمي ولك عين تشتمي مسحت دموعها وهي توقف بألم متجاهلين اسماء اللي ماهي مستوعبة شي وبس خايفة على ميان  خايفة انها مسوية شي قوي وتدعي ان ما يڪون اللي ببالها بخوف أما هزاع بجمود : استأذن انا مع الف سلامة عبدالرحمن بتعب وقف وهو يكلمه لحاله : اترك اللي حصل بيننا واستر عليها هزاع هز راسه وهو يأشر على خشمه : مافي مخلوق من بني آدم بيعرف اللي حصل انتبه على نفسك ياعم وانتبه لعمتي مع السلامه خرج وهو يزم شفايفه ويرڪب سيارته عارف تماما بأنه اللي سواه فيه من الغلط الڪثير لڪن نهاية ميان معروفة ولو ما افشى عنها لانهاا ممڪن بعدها تسوي الاعظم . ------------------------------------ - بغرفة سـدن . تنهدت وهي تترك الاب توب والأوراق وماهي قادره ترڪز بشغلها من هناي تذڪرت جوالها لما اخذه سراج ورقم هناي ورڪضت وهي تسحبه وتدور على رقمها خافت من شافته وهي تدخل على محادثتها فڪرت ڪثير بڪيف راح تڪلمها وبدون ما يوصل لـ جدها سليمان على رأس القائمة وسراج فزت من دخول عروب القوي وهي تتنفس بسرعه : فاتك ياا سدن فاتك سدن بخوف : شصاير  وش اللي حاصل عروب وهي تحاول تتنفس من سرعتها بالركض : وانا ماشية من عندك رايحه بيتنا اشوف عدي سدن برعب و عدم صبر : اييه  عروب : هزاع مع ميان نازلين من السيارة مع بعضض سدن بعدم فهم : طيب عادي يمڪن موصلها عروب : ياهو  مستوعبة اتڪلم عن مين ميان يابنت ميان بنت عمتي أسماء سدن بملل : صبيتي عظامي وأثاريك تقولين عن ميان  فيه ميان غير بنت عمة أسماء الله يهديك بس عروب صفقت وجهها بخفة : مو هنا ياغبية مو هنا  هزاع ڪان يجر ميان يعني الوضع مو طبيعي ووجهه مقلوب احمر خفت منه . سدن لوت شفايفها : وش مسوية عروب أڪملت : وبدل ما أدخل بيتنا لقيتني بقرب باب بيت عمتي وسمعت يعني اطراف الحڪي سدن هزت راسها بمعنى ڪملي وڪملت عروب : اللي فهمته ان ميانوه مسوية مصيبة وهزاع قافطها وشڪله الليلة بنحضر صلاة الميت على ميان . شهقت سدن : وجع لا تدعين على البنت حتى لو ما نحبها عروب وهي تسحب موية : خير ميانوه مسوية مصيبة اقولك يعني طبيعي هذا اذا ما قتلها حمني و وزع لحمها . سدن اخذت نفس وهي تناظرها : مجنونة انتي وبعدين لا تقولين لـ احد نشوف بڪرا مذاع في انتظري نفهم الوضع  MBCأخبار الـ مرده بينتشر الخبر عروب بللت شفايفها : ما اظن الموضوع خاص وسري  بس اموت واعرف ميان وش مسوية سدن : الحين ڪل هذا وبالغلط وانتي ڪنتي رايحة بيتڪم اجل لو مقصدك بيت عمة أسماء عروب بابتسامه : ڪان صورت لك الحدث ونقلته صوت وصوره سدن ابتسمت : مجنونة اقسم بالله مجنونة حاقدة على البنت انتي ترا . عروب اشرت على حلقها : ما تنبلع يختي ماتنبلع وقفت وهي تنفض نفسها : المهم  لازم الحين جد امشي اشوفك بڪرا اشرت لها بـ باي  وهي تتنهد من شافت عروب سڪرت الباب رفعت جوالها وهي تصر على اللي بتسويه وبدون مقدمات للموضوع رفعت جوالها تتصل ونطقت بجمود اول ما وصلها الصوت السلام عليكم  معي هناي سدن بقوة : أهـلا إنتي هنـاي هناي عقدت حاجبها من الصوت الأنثوي الناعم اللي داهمها بالسؤال ونطقت بهدوء : أيوه مين معاي سدن اخذت نفس : ممڪن نتقابل وأعلمك مين أنا  ضروري مرة هناي ابتسمت بضحكة : عفوا مين إنتي أول لجل أقابلك سدن بتجاهل : انتظرك بڪوفي****بعد ساعة أتمنى أنه قريب منك لو قلت لك إسمي ماراح تعرفيني فلازم نتقابل  الموضوع مهم لو سمحتي أخذت هنـاي نفس وهي تزفره وتناظر الساعة : تم أشوفك بعد سساعه . ---------------------------------- تتوقعونن وش بيصير ! - سدن وهناي ڪيف بيڪون لقاهم ! . - ميان ڪيف بيصير معها ! . - ڪلام قسور لعروب وش وراه ! . *____________* *: يتبــ؏ ..*