واسال ظلام الليل عني يقولك اني معه دايم الى طلعة الروح - البارت 4 - بقلم خلود عبد الرحمن - مكتملة | روايتك

*_* *روايه : `واسال ظلام الليل عني يقولك`* *`اني معه دايم الى طلعة الروح` ♡゙.* *البارت : «4» .* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *____________* عزاي إني على قيد الأمل لو السنين تميّل مثل شمسٍ تعدّاها المغيب و تنتظر بڪره . - بيت الججد . دخـل نائل بيت أبوه سليمان وهو يشوف العاملة امامه : وين بابا سليمان العاملة أشرت اتجاه المڪتب وهز نائل راسه توجهه للمڪتب وهو يطرق الباب ويدخل : سلام يبه الجد : وعليڪم السلام هلا . نائل تنهد وهو يجلس : والله يا يبه جاي وبفمي حڪي الجد استغرب : سم نائـل : ماهو انت ڪلمتني عن سراج وسدن قبل الجد اعتدل بجلسته وهو يبتسم بهدوء : ايه وڪلمت سراج هز نائل راسه بالنفي : الحقيقة يا ابوي سراج اليوم فتح لنا موضوع زواجه الجد : ايه نائل : وبباله بنية ثانيه ماهي سدن يا يبه الجد ابتسم بتوسع : بيتزوج  هذه الساعه المبارڪة وراه مڪتئب وعاقد النونة نائل التف البوه : ماودك فيه لسدن يبه الجد : مجرد رأي بالنهاية لهم حياة والرأي رايهم بالنهاية حتى لو ڪان ودي فيهم لبعض ماهو ڪل شي على مشتهانا ولا انا اللي اجبر بنيتي على الزواج من شخص هي ماودها فيه وما ترتاح له نائل باستغراب : ليه انت ڪلمتها عن موضوعه هز الجد راسه بنفي : لا مقصد ي بأنها لو رفضت مارح اجبرها  بنتي واتمنى لها الخير اڪيد سواء ڪان احد من عايلتنا ولا خارجـها المهم ان رجال ينوثق فيه وأمن عليه بنتي بعد عيني . نائل تنهد : الله يطول بعمرك يبه الحقيقة البنية اللي اختارها ماهي على مزاجنا . رفع الجد حاجبه : والسبب؟ نائل زفر وهو يطقطق بأصابعه على طرف المڪتب : بثينة تقول انها مريضة قلب تعرفها بنت صديقتها الجد : وخير ياطير مريضة قلب نائل : يبه مريضة قلب ومتطور مرضها ماهو على حبوب وبس مستقبلا فيه ڪثير اشياء تعيقها أولهم الحمل غير انها بتتعب مع سراج والعڪس الجد بحدة : الولد يعرف باللي فيها؟ هز نائل راسه بـ ايه واڪمل الجد : ودامه يعرف وراضي ووده فيها هو اللي بعيش معاها ولا انتم نائل : صحيح بس قاطعه الجد : اترڪوه هو بنفسه يحدد هالشي يا نائل سراج ماهو بزر تراه رجال وڪبير وفاهم وعارف قراراته . نائل بعدم رضى : يا يبه ولدي وخايف على مصلحته وقف لينهي النقاش بهدوءه : واتمنى لولدي الخير أڪيد لا تزوجها بيتعب وفوقها تموت ويحزن عليها ودك اشوف ولدي تموت نفسه قدامي الجد بعصبية : لاعمار بيد الله ممڪن سراج يموت قبلها وراه بتذبح البنيه انت نائل برجاء : تڪفى يا يبه تڪفى الجد وقف وهو يضغط على عڪازته : اترك الولد بفرحته لا تعڪر مزاجه وانسى موضوع سدن ماهو انا اللي اعطي بنتي واحد يحب يا نائل نائل تنهد وهو يخرج من بيته صادف مجيد جاي وما القى السلام ومشى وسط استغراب مجيد من الحاصل -------------------------- - عند بثينـة . اخذت موعد من شروق بعد صلاة عشا اليوم اللي بعده خطبة رسميـة بين بعضهم وشوفة شرعية لـ سراج و هناي ما اعطت شروق تفاصيل بحب ولدها لبنت شروق ڪانت خطبة عادية حالها من حال البقيـة اللي مروا مرور الڪرام بعدم توافق الطرفين . --------------------- - بجناح سراج . ڪل ما غمض عينه تذڪر اللحظة اللي لمح فيها هناي حبهم ڪان اتصالات ورسايل فقط عمره ماطلب منها صورة او لقاء هي مرتين اللي لمحها فيهم وبشڪل سريع وڪان يحاول ما ينساها بتاتا يرسمها بذاڪرته ڪل ما جا بيتناسى ملامحها بڪرا وبشڪل رسمي وحسب الدين شوفتهم الشرعية الاولى وحل الله بعد ما ينڪتب عقدهم رغم التعب اللي ڪان يحسه من الشغل ويبي ينام والا ان طار ڪل النعاس من عرف موعد الخطبة حاول يتدارك الثقل اڪثر معاها رغم ان يطيح بشڪل ماهو طبيعي وبدون ما يحس معاها الا ان حاول ولو شوي بأنه ما يعطيها ڪل شي رغم ابتسامته اللي على محياه من ڪلامها معاه وحماسها لدرجة حتى فستانها اللي بتلبسه اختارته معاه وقف وهو يزيل الستارة ويتأمل الشارع بتنهد طيحت ثقله تماما من قبل سنتين لما ڪان بيوصل امه لصديقتها شروق ومن لحظة ما لمح زولها تفتح لامه وتسلم عليها بهدوءها ورقتها وهو أصبح السايق الرسمي لامه ڪل ما اشتهت تزور شروق رغم ان يڪرهه المشاوير وما يحب يخرج مڪان اول ما يرجع من شغله الا بيت شروق ڪان يروح برسم الخدمة لغاية وهالغايـة هناي عرف يجيب ڪل معلوماتها بسهولة بحڪم شغله فـ ماڪان صعب عليه يتعرف على رقمها أصلا . ------------------------------ - يوم جديد . قدام بيت شروق بأحد احياء الرياض البعيدة شوي من حي بثينة واقف بسيارته بڪامل توتره ڪ عريس يعدل نفسه امه وعمته أسماء معاه بالسياره ونائل ابوه وجده بسياره ثانـية أسماء بحنية : الله يڪتب لك اللي فيه الخير يايمه سراج ابتسم بهدوء : ان شاء الله بثينة نزلت من السياره وهي تطق الجرس ابتسمت لشروق من سمعتها ترحب واحتضنتها بشوق :من زمان عنك ما صرتي تزورينا بثينة ابتسمت وهي تحتضنها : والله القطاعه منك بعد ماعدتي تجيني زي زمان شروق :ةتعرفين عاد انشغلنا بعيال ومدارس بثينة ابتسمت : الله يخليهم لك يارب شروق : ويخلي لك غاليك ابتسمت ألسماء تسلـم عليها وترحب فيها  توجهوا للصالة بينما الرجال الى مجلس الرجال مع اب هناي واخوانها الاثنين شروق : خالتك ام زوجك ما جات معڪم بثينة بحزن : اي خالتي ماقدرت تطلب السماح تعبانه اليوم مريضة شويات شروق : يوه ماتشوف شر ان شاء الله بثينة ابتسمت بهدوء ونطقت : ايوه وين بنيتي هناي شروق ابتسمت بتوسع : فوق يعمري عليها مستحية اڪثر لانك خالتها ضحكت بثينة بقوة ووقفت : أجل انا رايحة اشوفها ولا نزلت انزلها معاي لجل تشوف ولدنا شروق ابتسمت : خذي راحتك حبيبتيِ ------------------------------- - ععند سراج . يحس الوقت يمشي بطيئ ڪان يراسل هناي رغم عدم ردودها السريعه بحڪم انها تتجهز ويبي لها وقت لڪن حبها وحماسها ما ڪان ناقص عنه أبدا اخر ڪلام ارسله هو " دقايق بس تفصلنا "وسڪر جواله وهو يستمع لهم ما انتبه الا لوقت قال ابو هناي " حيـاك "وحس لوهلة خانته رجوله وماهو قادر يتحرك مشى بخطوات ثقيلة ورا ابو هناي اللي اخذه لمجلس اصغر بداخل البيت : انادي بنتي ونجي سراج ببحة : خذ راحتك خرج ابو هناي وقرطع سراج أصابعه بتوتر وحماس رح يلتقي بحبه وماتوقع بيڪون بهالضعف النفسي بهاللحظة وهو المعروف عند الڪل بثقله الا معاها أخف من الريشة . - بعد ربع ساعة . انتظار رفع عينه لدخول هادي حس فيه بروحه قبل عينه لما طاحت عليها ملاك  وقليل بحقها هالڪلمة من حالوتها الفضيعة اللي تشوفها عينه وده يحطهابمتحف ويڪون خاص فيه وهو المسموح له بشوفتها بس من خصلات شعرها الطراف رجليها أميرة بفستانها السماوي الهادي وقصة شعرها ولونه الطبيعي ڪان يوصل شعرها لنص ظهرها بشعر بني مائل للسواد وينعڪس عليه لون بشرتها البيضا وملامحها الجامعة بين الطفولة والحدة ما توقعها بهالشڪل الملائكي ولهالدرجة رغم انو اتخيلها بأحسن صورة لڪنها تفوقت على خياالته بالنسبة لمشاعر هناي رغم حماسها اللي ڪان بيقتلها الا ان تحول لحزن وبرود هادئ صارت تشوفه بنظره ثانية رغم انها تحبه وقلبها يحبه وڪل خلية بجسدها  لڪن الحڪم ڪان بشڪل آخر ڪانت تسمع صوت أمها وخالتها بثينة يصفقون ويضحڪون بحماس رغم ان بعد ماصار الشي سراج بتنهيدة حب : يا مية مرحبا بهالزول . ابتسمت هناي بهدوء ڪانت بين الوجود ولا وجود وهي تسمع مدحه وغزله الصريح تجاهها أول مرة تحس ان مجلس بيتهم ضيق عليها وبتموت من خجلها ومن ميه شعور بيقتلها ما صدقـت خلص وقت الشوفه وخرجت وهي تختفي من أنظارهم وڪانت تبريرات شروق وهي تضحك بفشلة بانها مستحية ودعتهم وهي تلف لنزول هناي ووجها بين الاحمرار وبين عدم الاهتمام وقفت بوسط الدرج ونطقت بهدوء :*يمه قولي لهم ماني موافقة ! .* ارتخت ملامح شروق ببهت : ليه مداك تستخيرين هناي بهدوء تحاول تحافظ على نبرة صوتها : يمه ما ارتحت من دخلت . شروق تقدمت لها بهدوء وهي تمسح على كفها : مع ذلك يا يمه استخيري حاڪي ربك ولو ما ارتحتي فـ نصيبك مع غيره مع ان والله ڪان ود ي يڪون نصيبڪم سوا وش ابي اڪثر بولد صديقتي وعارفه تربيته . ڪبحت هناي شعورها ونطقت ببحة هامسة : حاضر يمه عن اذنك . صعدت العلى وهي لا زالت تحافظ على قوتها واول ما سڪرت الباب على نفسها خارت ڪل هالقوى وبڪت بڪت بقوة وبذنب شعور تعرف ان سراج ماله ذنب وحڪم باللي صار لڪنه واقع و مستحيل ترضى له الشينة غمضت عينها وهي تستذڪر قبل نزولها وقت دخلت عليها بثينة انتبهت هناي لطرق الباب وترڪت حلقها اللي ڪانت تحاول تسڪره وهي تطلب من الطارق الدخول توسعت بسمتها من لقتها خالتها بثينة وصديقة امها تحبها بحسبة اخت لامها ومن قوة عالقتهم تحبها ويا بختها لا صارت بثينة ام زوجها بثينة بابتسامه وسيـعة : يهلا ببنيتي يهلا بعروستنا ابتسمت هناي بخجل وهي تعتدل بوقفتها تقدمت وهي تقبل جبينها من باب الاحترام : هلا خالة نورتي بثينة : النور نورك والدليل ساطع بهالمڪان هناي بللت شفايفها وهي تبتسم : تسلمين اخذت بثينة نفس وهي تشوف فرحة هناي منعڪسة بعينـها لڪنها أم وما تقدر ڪانت احاسيسها تسيطر على ڪل شي وأولهم سعادة ولدها من ڪثر خوفها عليه بثينة : الصراحة اني جاية اڪلمك بموضوع قبل لا تنزلين . هناي انقبض قلبها وناظرتها بهدوء : وش هو ! بثينة مسڪت ڪفوف هناي وهي تجلسها على طرف الڪنب وتجلس بقربها ڪانت هناي بتموت من رعبها لانه حرڪات بثينة ونظراتها ما تطمن بأنها بتقول شي خير والأدهى والامر بأن بثينة ما لفت ودارت ومسڪتها من اليد اللي تعورها بالموضوع اللي دايما تحاول تتصدد عنه رغم انها عارفة رأي سراج فيه وعارفة بأن مايفرق بينها وراضي بمصيره معاها بثينة : انتي مريضة قلب وما تتحملين اقل شي يا يمه وانا في النهاية أم خايفة على مصلحة ولدها ارتفعت انفاس هناي وهي تناظر بثينة بحزن اڪملت بثينة وهي تشد على يدها بحزن على حالهم لڪنها مضطرة : وما اظن ان ودك تشوفين نفسك حارمة سراج من الأبوة واڪيد ما استهين فيك في النهاية وبعد ما تتزوجون رح تلاقون حياتڪم فراغ بحكم انك ماتقدرين تجيبين ولد . زمت هناي شفايفها وهي تنطق برجفة : وش المطلوب اسويه ! . بثينة مسحت على شعر هناي : ترفضين وبس عارفة ان لو رفضت انا وما خطبتك من البداية ولد مستحيل يتقبل هالشي بس لا جا منك غير مستحيل يرضى يتنازل لشخص رفضه وما يبيه هناي نزلت دموعها : ارفض شخص احبه ويحبني وجاي لين هنا خاطبني؟ بثينة بحزن : لانك تحبينه لانك ودك له الافضل دوم  وما تتمنين له الشر و تدعين له بالخير دايما هناي سحبت ڪفوفها وهي توقف مسحت دموعها الي نزلت : اسفة مارح اسوي اللي قلتيه انا بترك سراج يڪرهني بيدي هو يعرف ڪل شي وراضي بعدين هو مايعرف بڪلامك هذا صح بثينة وقفت بهدوء وهي تربت على ڪتفها : فڪري بڪلامي واشي راجع لك انتي اللي بتتعبين بنفسك وبتعبين سراج معاك لما تلاقين بعد الزواج مافيه شي يسليڪم ومارح تقدرين توفرين ابسط الامور لڪم الاثنين . ----------------------- - بيت الجد عند سدن . جالسة بزاوية الصالة وعينها على التلفزيون بدون ما تنتبه له وبالطرف الثاني جدتها وهزاع اللي تو واصل ويسولف معاها ما انتبهت لجدتها اللي قامت بتجيب شي من المطبخ لا من صوت هزاع اللي يناديها بهدوء التفت سدن وهي تعدل جلاتها : سم هزاع ابتسم بهدوء : سم الله عدوك فيك شي محتاجة شي؟ سدن هزت راسها بالنفي : تسلم هزاع بحنية : لا تستحين تراني ولد عمك لو ودك بشي قوليلي سدن بهدوء : جدي وجدتي ماهم مقصرين علي بشي لا تحاتي تسلم ماتقصر خيرك واصل رفع هزاع راسه لجدته الي جات وبيدها صينية القهوة وقفت سدن بعتب : يا جدة وراه ماقلتيلي اجيبه تتعبين نفسك ليه الجدة شيخة : شفتك يا يمه مب طايقه حتى ملابسك اللي عليك وما طلبتك سدن ناظرتها بعتب : شدعوه يمه بس قاعده لحالي يعني . هزاع ابتسم بهدوء : ولا تشارڪنا سواليف ولا قهاوي ولا يا يمه ؟ الجدة شيخه : اي والله هاليومين بنيتي مهب بنيتي ضايعه سدن مني سدن ناظرت هزاع وهمست : عاد ذا اللي ڪان قاصر يهزاع لجل تشوش جدة علي ضحك هزاع وهو يوقف : معليش يا بنت العم ذا الصدق من رجعنا من المخيمات و امي شيخه متآڪلة عليك احتضنت سدن طرف جدتها : والله مافيني الا العافية بس الجامعة العبة فيني لعب وافڪر فيها . هزاع اخذ مسبحته وجواله : صدقنا ناظرته سدن بنظرات وابتسم هزاع وهو ياشر : هيا مع السلامه الجدة : الله يسلمك يا يمه انتبه لك وسلم على اميمتك وعااد اترڪو امجاد تجيني مانشوفها هزاع اشر على خشمه : على هالخشم بڪرا جايبها معي بس تعرفين دراسة لجل هالسبب خرج هزاع وبدخول بثينة رتخت ملامح سدن من شافت بثينة وهي عارفة روحتهم وطول هالوقت ماتفڪر الا بهالشي وبخطبة سراج قضت الليل ببڪاها وهي اللي ڪانت تظن بأن سراج بيڪون زوجها وتتخيل بأن يبادلها الشعور بيوم لڪن ڪانت نيته جدية تجاه هناي وخطب الي يحبها الجدة : تباطيتوا يا بثينة بثينة رفعت النقاب وهي تجلس : والله زحمة الشوارع ولا احنا خلصنا من زمان الجدة : ايه عسى وليدي سراج حبها بثينة ابتسمت : ننتظر ردهم يا يمه ادعيله بالزين ويبعد عنه الشين يارب الجدة : والله مانيب ناسية احد من دعواتي بثينة ابتسمت وهي تنتبه لسدن اللي سرحت من جديد : ڪيفك يا سدن عساك بخير يمه انتبهت سدن لها وهي تبتسم : هلا خالة بخير الله يسلمك مبروك وعقبال تشوفين عياله . ابتسمت بثينة وهي تضحك وتمسك يد سدن : ان شاءالله يمه ان شاء الله سدن بلعت ريقها وهي تصب لبثينة القهوة : سمي بثينة اخذتها : سم الله عدوك سدن وقفت وهي تعتدل : انا بتمشي بالحديقة عن اذنڪم . ------------------------ - بالخارج . انتبه هزاع لسراج اللي واقف ومستند على سيارته ويدخن : سراجوه انتبه له سراج وهو يبتسم احتضنه من تقدم هزاع له : مبروك يا ولد عمي سراج : الله يبارك فيك وعقبالك هزاع ضحك : لا وين الله لا يقوله ما افڪر وش لي بعوار هالراس ضحك سراج وهو يمد زقاير لهزاع : ايه وش اخر اخبارك هزاع : ڪل طيب ان شاءالله وين جدي سراج اشر على مجلس الرجال : داخل يتقهوى هزاع : وانت ما بتدخل سراج :لا بس اخلص زقارتي بروح اسلم على جدتي وامشي هزاع ربت على ڪتفه : اجل انا ماشي هيا سراج بهدوء : بحفظ الله لمحته واختفت بالظالم وهي تراقبه يدخن ويدندن هالمرة غير عن اوقات دوامه البس ثوب أزرق سماوي وغترة بيضا ولأول مرة تشوفه فيه فتح جواله بـ رساله من هناي واعتدل بوقفته من شافها مبلڪته عقد حاجبه وهو يتأمل رسالتها الاخيرة :*الله يوفقك مع غيري .* سراج ارتخت ملامحه : هذه شفيها غمض عينه لدقايق يستوعب مسح وجهه بڪفه وهو يشيل شماغه ويترڪه بسيارته ويرجع يتأمل جواله : هذه مبلڪتني ولا ايش اتصل لها وبردت ملامحه من رفض يرن بلع ريقه لثواني وهو يستذڪر ملامحها حرڪاتها بالشوفة عڪس حماسها قبل بيوم  توقعه خوف وتوتر لڪن مو بهالشڪل هي رسميا رفضته وبلڪته من ڪل مڪان تلعب معاه ولا تلعب بأعصابه خلل يده بشعره وهو وده يتأڪد بأنها شالت صورة بروفايلها ولا مسڪره جهازها وما توصل رسايله ولا بلڪته ولا شموضوعها ! . ڪانت سدن تظن انها ما تنشاف لڪنها فزت من سمعت نداءه لها : يا بنت ڪانت بتنحاش ونطق بجمود : سدن بنت عمي أحمد وقفت بمحلها وهي لـ اول مرة تسمعه ينادي بأسمها  دق قلبها بقوة وهي تشوفه خلفها سدن التفت له بخوف : وش تبي سراج بجمود يحاول يسيطر على اعصابه : هاتي جوالك عقدت سدن حاجبها : خير وش تبي فيه سراج بصراخ : قلت لك هاتيه ! سدن رفضت وهي تهز راسها : وش تبي فيه قلت سراج ڪور يده يحاول يڪبح غضبه اڪثر يحتاج جوالها لجل يشوف لو ان هناي مبلڪته حقيقي ولا انها مع الڪل ما تبين سراج : احتاج جوالك بتصل فيه الحد ممڪن وجوالي طفى سدن بللت شفايفها وهي تدري ان ما يشوف ملامحها زين من الظالم لانهم مب مشغلين انوار الحديقة : ضروري مره نطق سراج بغضب : يعني لو انه مهب ضروري جيتك مدت سدن جوالها بتردد وسحبه مباشرة رمقته بخوف وهي تشوفه يبعد بشويش أول شي سواه هو دق على رقمها وانتبه بأن يرن لڪنها ماترد وهذا شي وارد من هناي لانها ماتحب ترد على ارقام غريبة توجهه للواتساب وهو يدور على رقمها اللي سجله وانتبه ان ڪل شي موجود وحقيقي هناي مبلڪته وانتبهت سدن بأن داخل الواتس وصرخت بغضب لانها حاطة صورتها اللي ما انتبه لها سراج خلفية : تفتش جوالي انت؟ تراجعت للخلف بخوف من رمى جوالها وصرخ سڪرت اذنها من صرخته وعينها على جوالها اللي تفتت على الارض شهقت وهي ترجع للخلف من شافت جوالها مرمي ع الارض وسط صرخة سراج بغضب من هناي ما انتبه بتاتا الى رميته للجوال وما ڪان بباله اصلا ڪل عقله وفڪرة بفعلة هناي الحين وأسبابها مشى من امامها وهو يصعد سيارته ونزلت سدن لجوالها وهي تشوفه تفتت من رميـته القاسية رفعت راسها من سمعت احتڪاك سيارته الارض ومشيته السريعة ونطقت برعب عليه وبدون شعور :استودعته الله يارب تحفظه شفيه هذا . فتحت جوالها وهي تشوف وش سوا فيه وبردت ملامحها من شافت اسم هناي بشاشة جوالها يضيء . ---------------------------------- تتوقععونن وش بيصصير ! . *____________* *: يتبــ؏ ..*