البارت3
*_*
*روايه : `واسال ظلام الليل عني يقولك`*
*`اني معه دايم الى طلعة الروح` ♡゙.*
*البارت : «3» .*
*____________*
- عنـد سسدن .
بمڪان بعيد عنهم مختفية عن الڪل وما ظنت ولا 1٪ بس ان فيه احد بيفتقدها بحڪم انهم مشغولين بأنفسهم و العشاء حبت تختلي وتجمعت ڪل مشاعرها المريرة عليها مر شعورها بفقدان امها وابوها بالجمعات العائلية رغم حب الجد والجدة وتعويضهم ودلعهم لهايخافون عليها من نسمة الهوا وينفذون ڪل أوامرها وطلباتها مسموعه للڪل ولو تطلب نجوم السما يجيبوها لڪن فقد اهلها صعب وصعب جدا عليها بالذات لانها ما عندها حتى اخت او اخ يشارڪها نفس الألم ومر شعورها وصدمتها من سراج وحبه الواضح ونيته بالزواج من حبيبته اختالف شخصيته معاهم ومعاه وهي اللي تظن ان من صفات شخصيته الثقل والغرور لڪنه خفيف وبشدة معاها ويضحك وياخذ ويعطي ماتوقعته انسان يحب ما توقعته بهالشكل بتاتاهي حبته بالرغم من غروره وطريقه حڪيه معاهم بشڪل مختلف تماما عن لما يحڪون معاهم هزاع او اخوانه تيم وتميم لملمت نفسها وهي تشد على نفسها من البرد سقط الشال من على راسها لكن بحڪم خلو المڪان ما التفت وظلت تناظر السما وعيونها مليانة دموع التفت بفزع لصوت صراخ خلفها ونداء بإسمها ووقفت بفزع وهي تلف" ابو عروب "بين لها زول عمها عليالغاضب من لمحها وخلفه مجيد تقدمت لهم وهي ما تشوف نور المصباح اللي بيد سراج وهزاع اللي من سمعو اسم سدن توجهوا لمڪان ما فيه مجيد وعلي بلعت ريقها من شافت ملامح علي عمها والتف وجهها من الڪف اللي انطبع بخدها ومسڪته بألم وحمرت ملامحها وهي تحس بالدموع الواقفه تنزل بانهمار و فزعة عمها مجيد وهو يخليها خلفه بعد ما رمى عليها شماغه يغطيها من جية ولده وسراج صدوا من انتبهوا انها بدون حجاب و نطق
مجيد بغضب لعلي : صاحي انت تضربها ؟
علي بغضب : وهي صاحية تجي هنا بهالظالم ووتترڪنا خايفين ندور عليها وامي وابوي ميتين خوف عليها وهي هنا جاية تختلي والله يعلم شتسوي
مجيد بصدمة : لا يا علي لا ماهو انت اللي تشك فيها
علي مسح على وجهه وهو يستغفر والتف
مجيد لها بحنية وهو يحاوط وجهها قبل جبينها من حس برجفتها واهتزازها دليل البكي:لا يعمي ما تبكين وحنا موجودين
تنحنح سراج وهو ينطق بجمود :حنا راجعين نخبر جدتي وجدي باننا لقيناها
هزاع همس له :انا اشوف تيم وتميم والحقك روح خبرهم
هز سراج راسه وهو يناظرها بهدوء رغم الظالم الا من ضوء القمر يوضح لهم مالمح بعض صحيح موبوضوح قوي لكنهم يشوفون بعضهم ويعرفون
عقد حاجبه من شافها ترفع راسها وتناظره بنظره عميقة ولا زالت ما تفوهت بشي
اخذها مجيد بحضنه وهو يمشي معاها وعلي خلفهم يجر خطواته بندم يعتبرها مثل عروب بنته ومن كثر خوفه عليها رفع يده وشكثر يتمنى بهاللحظة تنكسر يده قبل يرفعها عليها على سدن حبيبة قلبه الثانية ووصية ابوها ابوها مخزن اسراره والعكس كانو ما يأمنون شي الا على بعض وبكل صغيره وكبيره يعرفوها عن بعض كانو اقرب اخوين لبعض كانو جسدين بروح وحدة من كثر ماكانو قراب من بعضهم والكل يشهد لهم وشكثر انكسر وشاب راس علي من موت أحمد تعب وكثير وأكثر من سدن حتى تظن انها الوحيدة اللي تتذكر بالجمعات اهلها وما تدري بأن علي بكل خطوة يمشيها يتذكر وجود أحمد ابوها معاه بخطواته وحياته اخذ نفس وهو يمسح دموعه لجل ما يشوفونه انتبه لقربهم للمخيم ومسك يد سدن اللي التفت له تدري بأن ندمان وماهي شارهه عليه ومجيد بنفس الشعور يدري ان علي أحن اخ
من بينهم يعتبر نفسه هو ونائل " ابو سراج" اقسى منه وكثير وممكن يكون بمكان علي لكنه ما يندم ولا يحس بذنب اللي سواه ابدا علي احتضن طرفها وهو يقبل جبينها بحنية: سامحيني يبنتي والله من خوفي شهقت بحضنه وهي تشد عليه : اسفة ماكنت ادري بانڪم رح تنتبهون .
اخذ مجيد نفس وهو يزفره :وراه رحتي لو سهينا عنك دقايق تظنين اننا بننساك مابنفتقدك ؟
ابتعد علي بشوي من انتبه لتسارع خطوات الجدة لها واحتضانها وقبالتها الي نشرتها : يابعد عيني انتي يا يمه وينك رحتي تترڪينا بهالشكل نخاف هاياحبيبتي بڪت سدن بحضنها اڪثر ما ڪانت تظن بتاتا بصير هالشي ولا حست بانها تاخرت والنص ساعه اللي حستها مرت ماهي الا ساعتين وشي .
------------------------
- صباح اليوم الثاني .
خرجت من مخيمهم وعينها مفقعة من بڪي امس . انتبهت لـ ميان اللي مواصله وتتمشى بالارجاء وبيدها جوالها اللي ما قد شافته طاح من يدها رجعت خصلات شعرها على ورا ومرتاحة ومتأڪدة لانو عيال عمها مستحيل يطلعون بهالوقت ڪانت تسمع سمرتهم بالليل لوقت متأخر بين دندنة عود وضحڪات وسواليف وأشعار وغيره تقدمت لميان اللي انتبهت لها وتأففت بملل بلعت سدن ريقها وهي تتڪلم بهدوء :صباح الخير
ميان بملل : هلا
بلعت سدن ريقها وهي تنطق :مانمتي
ميان : فيه احد ينام هنا
سدن شتت أنظارها وهي تحاول تفتح موضوع :طيب
ميان انتبهت لهدوء سدن و من جات بتمشي نطقت: سدن
التفت سدن بهدوء وهي تشد على جاڪيتها : هلا ؟
ميان اخذت نفس وهي تنطق بحزن على حالتها :ودك تسولفين؟
سدن : معك ايوه ماقد سولفنا ؟
ميان ترڪت جوالها : تظنين فيه بيننا مواضيع مشترڪة شخصياتنا مره مختلفة
سدن ابتسمت بهدوء : ععادي
ميان تجاهلت ونطقت بتساؤل : تعرفين متى بنمشي من هنا لاني مليت بشڪل مو طبيعي وودي ارجع لحياتي يعني ڪثير تأخرت .
رفعت سدن حاجبها : حياتك؟
ميان بعدم اهتمام : اڪيد حياتي ليه تظنين ماعندي حياة مثلڪم ولا ايش؟
سدن ضحكت بعدم اهتمام : محشومة
ميان انصعقت ونطقت ببرود :اعرف اللي فيك انا
عقدت سدن حاجبها : وش فيني؟
ميان تكتفت وهي تتأمل بصمت : تحبين
سدن باستغراب : ومين قالك؟
ميان ضحكت : وتحبين سراج بعد
سدن بلعت ريقها وهي تناظرها : من قال هالحڪي
ميان : عيونك وڪل شي ياغبية واضح وبقوة بعد للڪل .
سدن اعتدلت بوقفتها النهائية الحوار ولڪن ميان
اڪملت :*لڪنه يحب غيرك !*
التفت سدن لها وهي تنطق برجفة :انتي وش عرفك بڪل هذا؟
ميان نطقت بغرور : اسرار وازيدك من الشعر بيت اعرف من يحب بعد
سدن اختنقت بأنفاسها طول الليل تفڪر مين اللي يحبها مانطق اسمها تعرفها قد صادفتها ولا هو شافها بمڪان حلوة احلى منها فيها شي لفته فيها ماهو فيها
قاطع تفڪيرها صوت ميان اللي جا بشكل واضح
: اقرب لك من نفسك ودايم تشوفينها
سدن بفضول : مين !
ميان بهدوء ابتسمت : ماودي اجرحك وأصدمك بس تخيلي اني انصدمت مثلك تخيلي اني احب شخص ميته عليه واشڪي لك وتجين انتي تحبين هو وتبعديني عنه بعد بڪلامك .
سدن عقدت حاجبها بعدم فهم وسرعان ماارتخت ملامح وجهها من نطقت ميان : بنت عمك عروب
ارتخت ملامح سدن وهي تدور ملامح المزح او الاستهزاء بڪلام ميان اللي ڪانت واقعية شدت على جاڪيتها وهي تضحك بسخرية : المطلوب اصدقك
ميان عقدت حاجبها بعدم فهم ونطقت سدن بغضب وهي توقف :بڪامل قواك العقلية يومك تتبلين على عروب انتي عارفة مين عروب بالنسبة لي هي انا روحي انا بس بجسد ثاني غبية تتبلين عليها ولا بمينن بسراج .
ميان بعصبية : وليه اتبلى ناقصة عقل مشڪلتك اذا ماودك تصدقين مر الحقيقة ! .
سدن اعتدلت بوقفتها وهي تناظرها بغضب أڪبر و اول مرة يخرج هالغضب وينعڪس بعينها : تدرين عاد الشرهه ماهو عليك علي انا اللي جايه بسولف مع وحدة عديمة ذوق وتحب تتبلى حمدالله والشڪر بس
مشت بخطوات بسيطة ورجعت بقهر أڪبر تفرغ
طاقتها المتبقية فـي ميان : الله يعينك على نفسك من جد ضروري تتعالجين لانك مو طبيعية ولو تظنين انك بتفرقيني انا وعروب والسبب سراج فـ اعرفي انو لا انتي ولا حتى سراج ممڪن يفرقني عن عروب ولا تظنيناني احب حب اعمى وما اشوف قدامي ولا افهم خطواتي لا خطيت واني ضعيفة نفس أدنى الڪلام يمشيني حاسبي حساب لڪل ڪلمة تقوليها تراك بكرا بتندمين من ڪثر حقدك .
ميان انلجمت من غضب سدن لدرجة ماقدرت تنطق ڪلمة لان سدن ما اعطتها مجال اصلا ماهو مقصدها التبلي بتاتا شافتهم بعينها قبل شهر يسولفون يضحڪون مع بعض وڪانت دايم بحضور سدن تسمع عروب تڪرهها فيه أڪثر تحس عقلها وقف فيه غلط بالموضوع لڪنها ماهي حقودة لدرجة تفرق بين اثنين حمرت ملامحها زود من سمعت تصفيق خلفها
والتفت وهي تشوف هزاع : براڤو ، حتى بنت عمي احمد ما ترڪتيها ودسيتي السم فيها .
ميان اخذت نفس وهي تزفره بضيق ضاقت عليها حتى ملابسها بهاللحظة من حست لاول مرة بقبح الشعور بأن شخص امامك يفهمك غلط ويهاوشك ويمشي بدون ما يسمع تبريرك حتى ميان سحبت جوالها ومشت من امامه بدون ماتعطيه وجهه مالها عين تشوف سدن الحين وخاصة بأنها تشوفها شخص حقود حسود وما يحترم احد لاول مرة تحس بأنها شايلة هم احد يفهمها غلط رغم عنادها جرئتها و هواشها وڪلامها السام دايم اللي يجرح وما يبالي اول مرة تحس باحساس انها انجرحت بڪلام سدن اختلت بنفسها وبمڪان محد يشوفه اختفت عن جميع الانتظار وترڪت دموعها تطيح شتمت عروب و سراج وحتى سدن بداخلها لانهم السبب في بڪاءها اللي تڪرهه دايما قوية للڪل وهشة من الداخل أدنى شي يڪسرها لڪن ما تبينه ألحد تڪره ان أحد ياخذ فڪرة بأنها ضعيفة ويستغلها فيه .
----------------------
- بعد صلاة العشاء .
انتهت اجازة العايلة وصار وقت الرجوع ومن سوء حظ سدن وبحڪم ان بيت جدها وبيت عمها نائل بقرب بعض ڪان من نصيب سراج بأنهم يرجعون معاه هي وجدها وجدتها ما طاحت عينه في عينها من صعدوا وبدأ يمشي تسمع سواليفهم بصمت وشادة على فروة جدها اللي اعطها اياه انتبهت لجدتها اللي انسحبت من حوارهم وبدأت تغفى توترت زود من عم الصمت زياده و رجفت من سمعت جدها يقول :انا بغفي لي شويات الخط يسبب لي غثيان وانا ابوك
سراج ابتسم :خذ راحتك يا جد معتاد امسك خط
لحالي .
زمت شفايفها والنوم ماهو بحولها بتاتا الملل ينتابها اڪثر .
اما سراج بعد ما مر من الوقت الڪافي بأن يتأڪد
ان جده وجدته غافين لوقت وماهم حوله نسى وجود سدن ومن سڪوتها ظن انها نايمه اصلا وما تبان بانعڪاس مرايته لانها مغطيه نفسها بالڪامل رفع جواله وهو يحط سماعات الايربودز بإذنه معتاد بأن يمسك خطوط لحاله وفيه من يسليه جمدت أطرافها من سمعته تتغير نبرة صوته من الثقل للخفة وبقوة بحضرة " هناي " : هلا يقلبي ڪيفك
هناي سڪرت الباب وهي تستند : هلا يعزيز القلب وصلتو؟
سراج : لا وينن تو بداية الخط
هناي تمددت ع السرير وهي تترك المخدةبحضنها :منو معاك؟
سراج بهدوء : جدي وجدتي
شدت على يدها وهي تحس بدمعه حارة تنزل على خدها حتى ما نطق وقال بأنها معاهم تغار لجل هالسبب ما قال .
هناي زمت شفايفها :بنت عمك احمد الله يرحمه مو ساكنة مع جدك وجدتك .
سراج بعقدة حاجب من سؤالها : ايه؟
هناي : ياڪثر ما احسها حلوة ماشاء الله وهادية وتڪسر خاطري .
اعتدل بجلسته وهو يسمع ڪلامها ضحك وهو يسمعها تڪمل كلامها :هي وينها الحين ؟
رفع عينه عليها يشوفها وارتعب من شاف عينها الثاقبة تطالعه دموعها من ڪثر ما حبستهم تحولت عينها الحمرار فضيع هناي بخوف من شهقته : سراج فيك شي؟
سراج خفف سرعته وهو يبلع ريقه طريقتها بالنظر خوفته بشڪل مو طبيعي ظل يبلع ريقه وهو يتنفس ونطق بهدوء يتدارك نفسه :هلا حبيبتي ولا شي
هناي بشك : متأڪد ؟
سراج مسح وجهه وهو يشوفها تتعدل وتغطي نفسها من جديد بالفروة تڪمل بڪاءها ظن انها تبكي بسبب انها سمعتهم او زعلانة من شي وما اعطاها اهمية وڪمل سوالفه مع هنـاي بمتعة ڪبيرة .
---------------------------------
وصلوا البيت ونزلت بدون ما تساعدهم بشڪل سريع دخلت غرفتها وهي تسڪر على نفسها الباب وبڪت
تڪرهه نفسها لانها حبت شخص من طرف وڪرهت نفسها زود لانه واضح الحب بنبرة صوته وحب هناي أيضا هي الطرف الثلاث بهالعلاقة وهي اللي زايدة
عليهم وداشة بين إثنين .
--------------------------
- باليوم الثاني .
خرج من دوامه وباذنه جواله يڪلم هناي :اي تو خلصت الدوام رايح اقولهم ياروحي .
هناي ابتسمت وهي تنقز بفرح اعتدلت بوقفتها وهي ترجع شعرها للخلف :انتظرك ياقلبي لا وصلت البيت عطني خبر
سراج : من عيوني .
----------------------------------
- بيت ابو سراج .
وصل بيتهم بحماس ڪبير وهو ينزل نزل نظارته وتوسعت ابتسامته من لمح اهله ڪلهم والوقت المناسب الحين في ان يعطيهم خبر زواجه يعرف ان امه تنتظر هاللحظة من زمان ومتأڪد من هالشي
سراج تقدم بجمود خطواته وماهو قادر يخفي ابتسامته : السلام عليڪم
نائل " بو سراج " : وعليڪم السلام
تميم : يا إلهي ماذا ارى سراج زايرنا على وجبة اڪيد تبي شي .
رمقه سراج بنظرات : ماتعرف تسولف انت
تميم ضحك وهو يرتشف لبن انتبه لتيم اللي ساڪت وياڪل عڪس تميم
بثينة : تعال يمه حياك
سحب سراج الڪرسي وهو يجلس اڪلو بصمت
وهدوءماصار فيه وقت يناقشهم بالموضوع الا لما
جلسوا على جلسة الشاي بعد الغذا
اعتدل بجلسته وهو يترك بيالة الشاي :الصراحة ودي افاتحڪم بموضوع
عقد نائل حاجبه : سم يا ولدي
سراج : سم اللـه عدوك واللـه الصراحة بدخل بالموضوع مباشـرة
بثينة بخوف : أرعبتني ياولد انطق
سراج ابتسم : ماهو شي يخوف يا يمه والله انه شي تفرحين فيه
ارتاحت لوهلة وهي تنتظره يتڪلم ڪمل سراج
بهدوء وهو يحاول يشتت انظاره :ودي بالزواج
بثينـة فزت بفرح : صدق يا يمه والله
سراج ابتسم بتوسع : اي والله يا يمه
نائل ضحك وهو يرتشف شوي من شايه :اي ونعم الفڪرة يا سراج
سراج اڪمل بتشجع : والحقيقة ان عندي البنت اللي ودي فيها
عقد نائل حاجبه وبثينة بالمثل : منو نعرفها ؟
هز سراج راسه : تعرفينها عز المعرفة بعد
بثينة باستغراب : منو
زم شفايفه وهو ينطق بمراوغة : بنت أم نواف يمه
بثينة بتفاڪر بالاسم نطقت بتساؤل : بنت شروق
سراج هز راسه :عليك نور، ايوه هي
بثينة : شروق صديقتي ماغيرها من متى تعرفها
سراج ابتسم : ماهو مهم متى اعرفها لڪنها عاجبتني وودي فيها زوجة .
بثينة ابتسمت لثواني ونطقت بهدوء :طيب تعرف يا يمه انها مريضة قلب
نائل : مريضة قلب من هذه
بثينة : هناي بنت شروق صديقتي اللي بحي*****
نائل : ايوهه زوجة الدڪتور يوسف
بثينة هزت راسها ماحبت الفڪرة لڪنها ابتسمت بوجهه سراج : اي يا يمه نشوف ليه لا
سراج ابتسم بتوسع : اي والله يا يمه بس لو تسرعون شوي
بثينة ابتسمت : ان شاء الله يمه
قام سراج وهو يقبل جبينهم وخرج يبشر هناي
التف نائل بهدوء : انتي عارفة انك ما رح تتصلين وراه تعشمين الولد؟
بثينة :حماسه اخجلني اني اقوله ان مريضة قلب وبمراحل والمشڪلة يعرف هالشي مارح تتحمل حمل ولا اي شي ورح يڪون صعب عليه العيشة مستحيل ارضى لولدي بهالشي نائل .
نائل بعصبية : لڪنه يحبها لو قلتي له من البداية مارح يروح بهالفرحة
بثينة فرڪت يدينها بحزن :وعمي متڪلم بسدن لسراج وانت موافق .
نائل نسى هالشي تماما و غضب زيادة :أجل احسنت على اللي سويتيه بثينة من جدك .
بثينة بتوتر : والله اني نسيت
نائل مسح على وجهه بتوتر : دقي عليه وخبريه الحين
بثينة هزت راسها وهي تسحب جوالها ترڪته
بعد ثواني وهي تناظر نائل : مشغول
نائل رمقها بنظرات ووقف وهو يخرج متوجهه بيت ابوه القريب منه مارح يرضى بـ هناي لولده وحتى لو ولده يبيها خوفا على مصلحته لڪن ابوه سبق وقال لنائل بأنه سدن لسراج وسراج لسدن بحڪم ان سدن على وجهه زواجو وسدن تحتاج سند وشخص يوثق فيه سليمان قبل يموت ماوده بسدن تضيع من بعد عينه ومافيه شخص بڪفو غير سراج .
-------------------
- وش تتوقعون بيصار ! .
* هناي وسراج بيتم زواجهم ! .
- سدن بتتقبل الفڪرهه ! .
*____________*
*: يتبــ؏ ..*