واسال ظلام الليل عني يقولك اني معه دايم الى طلعة الروح - البارت2 - بقلم خلود عبد الرحمن - مكتملة | روايتك

*_* *روايه : `واسال ظلام الليل عني يقولك`* *`اني معه دايم الى طلعة الروح` ♡゙.* *البارت : «2» .* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *____________* الوحدة قاسية ليست ڪما يظنّها البعض راحة وسڪينه بل هي زحام صامت من الأفڪار الثقيلة التي تنهشك في الخفاء تجلس بينك وبين نفسك وتتراڪم الأسئلة وتڪبر الهواجس ولا أحد يسمعك تبحث عن صوت،عن حضن،عن أحد يربّت على قلبك ويقول : "أنا معك"لڪن لا أحد يأتي وما أصعب أن تغرق في أعماقك وأنت تعرف جيدًا أنك وحدك من يحاول النجاة وحدك من يواسي نفسه ومن يختنق بالصمت دون أن يجد صدرًا يتّسع لهُ . ----------------------- - اليوم الثاني بالمخيمـات . ضحڪت عروب من تميم اللي ماخذ الجلسة طول بعرض وماهو مخلي احد بحاله حتى نفسه ما سلمت من طقطقته لها تيم ابتسم بهدوء وهو يهبد تميم :ضحكت العالم عليك اثقل تميم تجاهل تيم : انت تغار مني لاني شخص فرفوش محد هامك الا هالڪتب اللي تقراها تدخلت عروب وهي تنطق بجدية : عاد حرام عليك الا تيم عاد افضل شخص من اوالد عمي تميم بتمثيل الانكسار : تمونين يا بنت عمي ترانا وجهين لعملة واحدة بس محد يقدرني ابتسمت عروب : ماقلت الا الصدق يعني التفت الجدة بغضب طفيف : تقصدين ان اوالد عمك ماهب ڪفو يالبازع؟ شهقت عروب :جدة من قال كذا سڪتت لثواني وتكلمت بمزح جاد : بس تصدقين والله اني صادقة محد بڪفو ڪلهم نفسياتهم خايسة وش بلاني بهالعايلة النكدية « ليلى» ام عروب قرصت طرف عروب توجعت :يمهه ! ليلى رمقتها بنظرات : التزمي الصمت واحترمي اللي اڪبر منك وبالها هالضحكات العالية تأففت عروب وهي تقوم من جلستهم اللي ڪانت تضم الڪل أعمامها وزوجاتهم وعمتها الوحيدة وجدها وجدتها بالاضافه الى تيم وتميم اللي ينتظرون بقية العيال يجون جلست بقرب سدن اللي بعيدة ڪل البعد عنهم ومختلية بنفسها : للحينك بڪلام امس؟ اعتدلت سدن بجلستها وهي تمسح دموعها بسرعة داهمتها عروب بوسط خلوتها وفزعتها انلجمت عروب من وجهه سدن : تبڪين؟ سدن :لا فيه هوا ودخل رمل بعيني عروب جلست بقربها : وتشوفيني بزر ولا وحدة تمشينها بهالڪلمات تراني اعرفك بنظره وحرڪة تظنين بيمشي علي ڪلام مثل هذا؟ اخذت سدن نفس ونطقت بحزن : تذڪرت اهلي بس واشتقت لهم رمقتها عروب بحزن وهي ترتخي :الله يرحمهم سدن : يعز علي اشوف هالجلسة وابوي ماهو بجنب عمومي ولا امي بجنب جدتي جالسة عروب اشتقت لهم حيل والله سحبتها عروب لحضنها وهي تربت على كتفه: يشوفونك ومعاك بڪل خطوة ادعيلهم بالرحمة يا روحي سدن : احسني حزينه والحزن منتشلني من ڪل فرح مو قادرة اتقبل أحد  ولاني قادرة اختلط باحد بعد موتهم  احس اني لو فرحت بعدها بحزن ڪل شي ابيه ما صار ولا بيصير وأولهم امي وابوي سڪتت لثواني ونطقت بحزن اعمق : وسراج اللي مشاعري له بتندفن عروب : ترا اللي قلته احتمالات عادي ممڪن غلط ماهو شرط انها صحيحة ابدا لا تفڪرين في الموضوع وبعدين ترا سراج ماهو اخر رجل بالعالم فيه الاحسن والافضل منه سدن مسحت بقايا دموعها وهي تلتفت لنداء جدها : تعالو اجلسو معنا وراه جالسين بالظالم سدن : تڪفين قوليله بنتمشى شوي وبنروح ماودي اتڪلم ويبين صوتي فيه بڪية ولا اقوم لهم ويشوفون وجهي عروب ابتسمت بحنية وهي تنفذ اللي قالته سدن وقفت وهي تنفض نفسها من التراب :لا نروح بعيد ترا ليل وظالم سدن : بناخذ فرتين على المخيم حقنا بس محنا مبعدين اخذتهم السوالف والضحك والمشي بدون وجهة لين ما فزو من نداء احد لهم والتفو للخلف برعب هزاع ڪانت انظاره عليهم من نزل من سيارته متوجهه لجلسة أعمامه والبقية ونزل من سيارته وبدأ يشوفهم بيختفون من انظاره اتجاه الظالم : هيي سدن التفت وهي تشوف زول ولد عمها مجيد "اب هزاع " : هذا مب ولد عمي مجيد؟ هزت عروب راسها : ايوه وش يبي ؟ اشر هزاع لهم ورفع صوته : على وين انتي وهي ارجعو هيا ! عروب بقهر وبصوت ماسمعه بحكم انهم بعاد نوعا ما : صدق والله؟ سدن ضربتها بخفة : لا يسمعك هي عروب : واذا سمع سدن : الظاهر خذتنا السوالف وڪنا بنروح الطريق المنحدرة خلينا نرجع عروب تاففت وهي تسارع خطواتها للرجوع اقتربوا منه ونطق بجمود :ڪيف تفڪرون تروحون لحالڪم هناك؟ عروب تڪتفت ونطقت بقهر لانه قطع سالفتهم :ليه بياڪلنا ذيب؟ هزاع رمقها بغرور :وانتي تظنين ان ذيب يقدر يبلعك فتحت عروب عينها على وسعها وهي تشوفه ينطق بشبه حدة : يلا قدامي تقدم عليهم وهو يمشي ودمعت عروب من القهر :هذا يقصد اني دبة ولا ايش مافهمت؟ سدن ابتسمت : يمزح معك شدعوه عروب :لا هذا ماهو مزح وبعدين يعني انا من جد سمينة ؟ سدن ضحڪت وهي تسحبها :لا يوسوس لك وش زينك . انتبهت سدن الى ميان اللي تڪلم بجوالها من بداية وصولها وتضحك بصوت عالي بللت شفايـفها وهي تكلم عروب :نڪلم ميان تجي معنا؟ عروب بتڪشيرة : لا ويع غثى وثقيلة دم وما تنبلع وفوقها مغرورة سدن تنهدت : انتي فيه احد يعجبك بالعايلة؟ عروب بابتسامة هبلة : ايوه انتي ضحكت سدن بخجل وهي تدفها :اقول امشي بس هزاع رفع يده السلام : السلام عليكم الجد فز من صوت هزاع :يا مرحبا بولدي يامرحبا اقلط هزاع تقدم بابتسامة وسيعه وهو يدنو على جبين جده ويقبله : اخبارك يا جد عساك طيب الجد : والله ما صرت طيب الا الحين لما شافتك عيوني هزاع : تسلم ياجد جات عروب بغضب وهي تجلس وانظارها بشكل حاد اتجاه هزاع اللي كتم ضحكته لما سقطت انظاره عليها رفعت سدن راسها مباشرة من صوت سراج اللي جا وسلم أسر قلبها بابتسامته وبدون ما تحس صارت تبتسم مثله . تميم وقف بتمثيل للشوق وهو يفتح حضنه : يا سراجي اللي ما شفتك من اسبوع حسبي الله على الجامعه احتضنه سراج وهو يطقطق :اللي يقول مطيح انت بـ الدراسة الحين ناسي نسبتك اللي تفشل ترا لو ما شيبات ابوي وجدي كان انت مطرود تميم بهمس :عاد لا تفضحنا قدام بنات عمامي اسڪت ناظره سراج بنظرة غاضبة وهو يجلس بقرب هزاع :ڪيف الشغل معاك سراج : قضايا تشيب الراس ولله سڪت لثواني و مارفع عينه بتاتا ألي شخص: وش سالفة جدي وسالفة المخيم الجو بعده مابدأ يبرد لجل يتركنا نجي هزاع هز اكتافه بعدم معرفة :والله مدري اعطوني خبر وجيت سراج اخذ نفس وهو يزفره ويشتت انظاره للظالم رغم سواليف اعمامه وابوه ومشاركات من الجدة وصوت امه بثينة وزوجات اعمامه واطراف الحكي بين اصوات بنات ما يميز من فيهم التف لصوت جواله اللي يهز وابتسم بتوسع وهو يسحبه ويوقف بيخرج وأنظار سدن عليه وابتساماتها بدت تتالشى من تذكرت ڪلام عروب  استوقفه ابوه وهو ينطق : على وين انتظى العشاء اشر سراج بدقيقة : اتصال بس ارد واجي خرج سراج من الخيمة وهو يرد : هلا والله هناي :ياكرهك لما ما ترد والله ياكرهك ليه تاخرت سراج ضحك وهو يتنهد : والله ياحبيبة الخاطر ڪنت ماسك خط جاي لاهل المخيم هناي بزعل : اها سراج ضحك من حس بزعلها :يا حبيبي يا هناي تزعلين لاني جاي؟ هناي :اڪيد لا عاد ماهي لهالدرجة اعتدلت بجلستها وهي تنطق بتردد :حبيبي يصير اقولك شي؟ سراج جلس على صخرة وهو يتأمل خيمتهم : سمي هناي بلعت ريقها : ڪلمت اهلك عن موضوعنا ولا للحينك تفڪر سراج : وموضوعنا يحتاج له تفڪير ودي فيك حلاليي اليوم قبل بڪرا ڪانت النية اڪلمهم بعد ما ارجع من الدوام بس ما قدرت لاننا جينا هنا لڪن اوعدك ما يخلص الاسبوع على خير الا وامي مڪلمه امك وبعدين ماظنتي يماطلون اڪثر لانهم يعرفون بعض ابتسمت هناي بتوسع : يارب الله ييسر لنا سراج بتنهيدة رضا : يارب ----- -سسدن . رجفت ودموعها بدت تطيح من أصدقتة شڪوكها وڪلام عروب حطت يدها على فمها تڪتم شهقاتها وهي تختفي من أنظار الڪل ! ـــــــــــــــ -بالداخل جهة الرجال . جلس سراج بقرب تيم وهو يمد يده لياڪل بينما الجهة الثانية تلفتت الجدة وهي تدور على سدن وسألت عروب بخوف :وينها سدن ما جات تاڪل عروب وهي تشرب من ڪاسها بيبسي :قالت ماهي مشتهية وطلعت بتتمشى هنا الجدة : ما اڪلت شي من وصلنا ناوية تذبح نفسها قومي ناديها عروب بتلذذ :جدة تعرفيني ما احب اقوم من لقمتي الجدة بغضب : قلت لك قومي ولا تراددين عقدت عروب حاجبها وهي تخرج لجل تدور على سدن . ــــــــــــ أسماء «بنت سليمان الجد»: ما بتمدين يدك يا يمه تاڪلين لك لقمة تراه لذيذ ميان وعينها ع الجوال :ما اڪله أسماء بإصرار حنون : بتظلين جيعانة ڪذا اڪلي سلطة على الاقل ميان بانزعاج علت صوتها : قلت لك ما ابغى سڪت الكل والتفو لصوت ميان اللي ارتفع نزلت أسماء عينها بإحراج ونطق علي «ابوعروب»بغضب :ماعندك احترام لا امك ميان تجاهلته ونطق مجيد «اب هزاع» بقهرأكبر : ما عندها احترام الحد ذي  لزوم تنعاد التربية ميان رفعت راسها وهي تناظر بمجيد بحدة بعدم اهتمام لڪونه عمها واكبر منها : لو ودك تطلع مراجلك بتربية وغيرها طلعها على اوالدك واترك اوالد الناس هزاع فز بغضب وشرار : ايا بنت اللذين مسكه تيم بقوة : هزاع صل على النبي هزاع بغضب رفع صوته :عمة امسڪي لسان بنتك لا نعرف نمسكه لها حنا ميان بتمثيل للخوف الستفزاز هزاع :يمامي خوفتني على فزتك يعني لدرجة رڪبي خانتني وماني قادرة انحاششش وقف هزاع لها بيقترب بغضب ووقفته اسماء وهي تناظره برجاء :امسحها بوجهي يا يمه هزاع بغضب :والله لو لا احترامك عرفت ڪيف اعامل اشڪالها ابتعد وهو يخرج من الخيمه بغضب ڪبير وخلفه تميم اللي توتر من الجلسة والصراخ خرجت ميان بغضب أڪبر التجاه اخر وهي تشتم هزاع بقوة وبأسوء شي مسڪت جوالها وهي تفتحه وزفرت بابتسامة خبث وهي ترد على ڪمية ڪبيرة من الاولاد تحت مسمى" حب " والحقيقة بأنها تلعب عليهم بأڪملهم !انتبهت الحدهم ڪاتب « بدق عليك» وردت مباشرة «مو مشكلة» ------------------ بمڪان هزاع خرج سراج بعد ما هدأ الوضع وهو يسمع تحلطم هزاع : ماودي اقول انها ماهي متربية وعمتي اسماء تحس بقصور فيها لڪن بعض الناس من اشڪال زفت الطين هذه ما تثمر فيهم تربية سراج جا بيحكي وانتبه لركض عروب باتجاههم وبتدخل الخيمة وتعطيهم الخبر اللي فجعها وبيفجعهم وجهها مخطوف لونه بشڪل ماهو طبيعي ومن لمحت سراج والبقية وقبل وصولها لداخل الخيمة خرت على الأرض تبڪي :سدن ماهي موجودة بمحل اختفت وماهي بقربنا ! انشدت اسماع اللي داخل الخيمة من بڪاء عروب وخرجوا بفزع : وش صار عروب ببڪاء طاحت بحضن ليلى " امها " : سدن ماهي موجودة مادري وينهي . الجدة بانهيار مباشر : يويل حالي وين اختفت بهالليل !! تيم نطق بفطنة : دورتي بالمخيمات اللي حولنا؟ عروب هزت راسها : بكل مڪان لكنها ماهي موجودة ! الجد ارتڪز على عكازه ويحس بقلبه يتهافت انتبه للجدة اللي نوعا ما اغمى عليها مهما ڪان حجم الشي سدن تربية الجدة وماهي حفيدتها وبس قطعه من قلبها مسح هزاع على وجهه بهدوء وهو ينطق : تيم وتميم دوروا بالجهة الثانية وانا وسراج بندور بجهة الظالم  تيم هات الفالش من سيارتي مجيد " ابو هزاع " :وانا وعلي بندور بهاالطراف يمه بنالقيها وماهي طفلة بعمر عدي او امجاد لجل نخاف عليها الجدة بخوف : تخاف من ظلها بنتي ڪيف بتروح بهالبعد . *____________*