العودة من الموت ( رعب ) - فصل 3 - مكتملة

فصل 3

*_ࢪوايـــــــة: الـعـودة مـن الـمـوت🪼⃝💙⸙♡»))_* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *رعــــــــب* *الفصــ³ــل* سمعت صوت حد بيتنفس بصعوبة.. مش عارف أعمل أي؟ بصيت علي فريدة اللي كانت في سابع نومة.. وقومت من جمبها براحة.. وخرجت للصالة لسه المكالمة مفتوحة وصوت الانفاس بيعلي.. عاوز اتكلم بس خايف.. لكني أتكلمت بصوت مهزوز وقولت مين.. مين اللي متصل؟ طيب لو حتي أنت ازاي.. أنت المفروض ميت دلوقتى!! .. صرخ ايوة صرخ.. صرخة عالية جداً التليفون وقع من ايدي وانا برجع لورا ومش مصدق ان ده حقيقة رجعت شلت التليفون من الارض.. كانت المكالمة فصلت لأ دي مش المكالمة بس اللي فصلت.. المكالمة اختفت من سجل المكالمات يعني اي؟ أنا بيتهيألي ولا أتجننت.. أنا مش فاهم حاجه خالص رجعت الاوضه تاني لسه الخوف مسيطر عليا ومش قادر أنام.. حاولت كتير مفيش فايدة جبت حباية منوم واخدتها ونمت.. نمت وشوفت حلم غريب أوي.. شوفت نفسي واقف قدام قبر سعد الدنيا ضلمة ومش شايف أي حاجة حواليا في الوقت ده لاحظت ان القبر مفتوح.. قربت وانا خايف ونزلت تحت مش شايف حاجه..لكن لما ركزت اكتشفت ان جثة سعد مش موجودة.. أعوذ بالله من الشيطان الرجيم أنا سامع صوت ورايا.. صوت صراخ مكتوم خايف اتلفت اشوف مين اللي ورايا.. لفيت وانا بترعش لقيت لقيت سعد وواقف علي رجليه وشه مرعب جداً.. عينيه جاحرة لبره بطريقة مرعبة وشه مليان عروق سودة فتح بوقه اللي كان مليان شعر.. منظر مقرف صرخت من المنظر اللي شايفه.. وصحيت.. صحيت علي فريدة بتجري ناحية الحمام وبترجع مكنتش عارف مالها ولا حصلها اي؟ قومت وراها وانا بسألها مالك في اي يا فريدة؟ قلتلي _ مش عارفه.. حاسة اني دايخة وكنت برجع معرفش في اي _ طيب تحبي اوديكي المستشفى؟ _لا يا حبيبي روح أنت شغلك وانا هروح وهطمنك _ ماشي ياقلبي.. بس لازم تطمنيني اول ما تخلصي _ حاضر يا حبيبي ★★★★★★★... لبست ونزلت بس مش رايح الشركة لأ.. رايح المقابر لازم اشوف قبر سعد.. لازم اشوف القبر ركبت عربيتي واتحركت علي هناك.. طول الطريق بدعي يكون كل ده كابوس.. مش معقول يكون عايش مش ممكن وصلت هناك.. مشيت وسط القبور وانا خايف رغم اننا في عز النهار.. المقابر تخوف في اي وقت حتي لو في النهار ووصلت لقبر سعد.. كان معايا نسخة من مفتاح التربة قربت من الباب ولسه هفتحه لقيت التربي جاي ناحيتي وهو بيبلع ريقه وقلي _ خير يا أستاذ رمزي هتفتح التربة ليه؟.. الميت ليه حرمته برضو _ انت مالك انت يا بني آدم.. ابعد خليني افتح الباب _ بلاش.. بلاش يا أستاذ رمزي _ في اي يا راجل أنت.. أنت مش عاوزني افتح التربة ليه؟ _ لا مفيش انا بس خايف عليك _ طيب وسع كده خليني افتح فتحت الباب ونزلت التربة.. نورت بكشاف التليفون عشان اشوف.. لكني ملقتش جثة سعد.. الجثة أختفت طلعت من القبر.. نظرات التربي ليا تبين انه مخبي حاجة مسكته من هدومه وانا بقوله _ جثة الراجل فين؟.. الجثة فين يا راجل يا ضلالي؟.. أنطق _ أنا.. أنا معرفش حاجة.. وشيل ايدك دي عني _ والله العظيم لو ما قولتلي تعرف اي لخلص عليك.. أنطق تعرف اي؟ _ الشيخ مسعد هو اللي اخدها.. أنا مليش دعوة ومقدرش أرفضله طلب _ مين الشيخ مسعد.. واخدها يعمل بيها اي؟ _ هو بصراحه كده مش شيخ هو دجال ملعون بياخد الجثث يعمل عليها اعمال وسحر عشان يأذي ناس غلابة _ وفين مكان الدجال ده؟.. أتكلم بدل ما اقتلك _ حاضر هقولك والله .. عرفت عنوان الدجال مكنش بعيد عن هنا.. ركبت عربيتي واتحركت لحد ما وصلت لبيت شكله قديم ومقبض خبطت علي الباب مرة واتنين.. محدش بيرد! زقيت الباب اللي كان موارب ودخلت.. دم في كل مكان ريحة بشعة لا تطاق.. نور البيت كله بيترعش دخلت اوضة من الاوض لقيت واحد علي الارض وبيطلع في الروح.. قربت منه وانا بقوله *𝑩𝒚 𝑮𝒆𝒏𝒆𝒓𝒂𝒍 𝑵𝒐𝒗𝒆𝒍𝒔* _ أنت مسعد صح؟ _ أنت.. أنت.. أنا عارفك كويس أنت اللي عذبت روح الميت انت اللي قتلت الراجل _ انت عرفت الكلام ده منين؟ _انت ميت أنت ونسلك.. الروح مش هتسيبك يا رمزي _ انت كمان عارف أسمي؟! _ هيجيلك مولود بس مش هيعيش.. هيموت يا رمزي الروح مش هتسيبك .. *||☜⤸🪼⃝💙❀آمِـــــ͜͡ـــيـࢪَةً آلــࢪوآيــــ͜͡ــــآت 🪼⃝💙☽⇦||* الراجل حركته وقفت معرفش مات ولا لأ.. قومت وخرجت من البيت بسرعة.. ركبت عربيتي واتحركت عشان ارجع البيت في الوقت ده تليفوني رن؟ رديت كانت مراتي علي التليفون.. _ الو ايوة يا فريدة _ مبروك يا حبيبي.. أنا حامل التليفون وقع من ايدي.. صوت الراجل الدجال اتكرر في ودني من تاني (هتموت أنت ونسلك.. هيجيلك مولود بس مش هيعيش هيموت يا رمزي) مسكت التليفون وفريدة بتقول الو الو انت رحت فين؟ _ مبروك ياحببتي.. أنا جاي علي البيت اهو .. قفلت معاها وانا هتجنن.. يعني اي الكلام ده؟ ويعني اي روح الميت مش هتسبني.. أنا مش فاهم اي حاجه؟ في الوقت افتكرت صديق ليا اسمه فؤاد.. كان معايا في الجامعة وكان بيفهم في أمور السحر والجن كلمته وقولتله اني عايز اقابلك .. وفعلا روحت قابلته وحكتله علي كل حاجه معاده اني انا اللي قتلت سعد طبعاً.. أكيد مش هعترف لحد بسر زي ده رد عليا وقلي _ اللي انت بتقوله ده معناه ان سعد مات وهو مظلوم او حد اتسبب في موته والدجال لما خد جثته عشان يحضر عليها ويعمل عليها سحر مكنش يعرف الموضوع ده وواضح ان الجن بياخد حق الروح المعذبة دي من اللي قتلها _ بس انا مقتلتش حد يا فؤاد! _ انا متأكد من كده.. بس ده تفسيري _ طيب وموضوع هموت انا ونسلي ده اي؟ _ مش عارف والله.. بس حاول تشوف الجثة فين ولازم ترجع القبر عشان تقدر تحبسها ★★★★★★★.. خرجت من عنده عندي خيبة أمل كبيرة.. معرفش الجثة فين دلوقتي للأسف مقدرش اقول أنها حصلت حاجه تاني طول فترة حمل فريدة.. الدنيا كانت هادية جداً لحد قبل ما فريدة تولد بيوم فاكر اليوم ده كويس.. كنت نايم وشوفت نفسي واقف في البيت وفريدة بتولد لحد ما جابت الولد اللي بحلم بيه وقبل ما اقربله.. لقيت سعد بيشيله قبلي وبيقول -ده ابني انا.. ابني انا .. صحيت من النوم علي صوت صراخ فريدة.. جالها الطلق نزلت بسرعة بيها علي المستشفى.. وفضلت مستني قدام غرفة العمليات لحد ما طلع الدكتور وقلي مبروك ولد زي القمر واتنقلت مراتي وابني لاوضة خاصة متردد ادخل خايف.. لكن صوت صراخ فريدة من تاني خلتني افتح الباب بسرعة وهنا كانت الصدمة........ يتبع.......