الفصل العاشر ( المنال الصعب )
نور بدموع : نعم.
منال : تعالي هنا.
نور راحت عندها و هيا وشه فالارض من الي اخوها عمله.......
منال : بصيلي ... بصيلي يا نور.
نور بصت لها بدموع : انا اسفه اوي يا منال.
منال : تعالي بس تعالي.
و اخذتها في حضنها و قالت ....
منال : اسفه علي ايه.
نور : اسفه علي الي حصلك.
منال : بس انتي ملكيش ذنب ف حاجه.
نور : لا انا ذنبي الوحيد أن انا ابقي اخت الشخص الي عمل فيكي كده.
منال : لا لا انتي ملكيش دعوه متزعليش.
و باست رأسها و قالت .....
منال : اهدي بقي بطلي عياط انا بقيت كويسه.
منال : سيف انت واقف بعيد ليه تعالي هنا.
سيف راح لعندها بحزن : منال انا مش عارف اقولك ايه انا زعلان و مضايق من نفسي و من الي عمله اخويا.
منال : لو علي الي عمله اخوك ف انت ملكش ذنب فيه متزعلش عليه و حتي لو كنت اخوه ملكش ذنب برضو أما بقي زعلان من نفسك دي ليه.
سيف : عشان مقدرتش احميكي منه.
منال : يا سيف انت عملت الي عليكي و حاولت و ده إرادة ربنا محدش يقدر عليها ف متزعلش بقي انا كويسه اهو و كمان شكرا انك وقفت قدام الطلقه عشاني.
سيف : انا الي بشكرك يا منال ربنا يخليكي لينا يا احلي منال فالدنيا.
منال : و يخليكم ليا.
و سابهم صقر و خرج و هما كمان خرجوا يسيبوا منال ترتاح ترتاح و بعد مرور كام يوم.......
احمد : انا بنتي تقدر ترجع امتي يا دكتور.
الدكتور : تقدر تطلع النهاردة الجرح لم و قفل كمان يعني تقدر تروح و تيجي و تعمل كل حاجه.
منال : يعني ممكن انزل الشغل من بكرة.
نجوي : شغل ايه و زفت ايه دلوقتي انتي لسه مش خرجتي.
الدكتور : أيوة طبعا ممكن تنزلي عادي و تعملي اي حاجه و انت يا استاذ احمد و مدام نجوي خلاص شيلوا الخوف ده بقي هيا خلاص مبقاش فيه اي حاجه تخوف ف ارجوكم تعاملوا معاها عادي.
احمد و نجوي : خلاص ماشي شكرا يا دكتور.
مشي الدكتور و قامت منال لبست و روحوا البيت....
نجوي : انتي كويسه يا حبيبتي.
منال : اه يا ماما متخافيش انا حالتي كويسه جدا.
نجوي : الحمد الله خلاص انا هنزل احضر الغدا عما تنزلوا.
منال : ماشي.
و راحت نجوي و فضل احمد.
احمد : منال انا عايز اتكلم معاكي شويه الوقت مناسب بالنسبة لك.
منال : اه طبعا يا بابا اتفضل اتكلم.
احمد : انا عايزك تحكي لي كل حاجه حصلت وقت الحادثه و مين عمل كده و ليه عمل كده.
منال : حاضر.
و بدأت منال تحكي كل الي حصل معاها من وقت المشكله ف الشركه لحد وقت الحادثه و حكت له كل حاجه بالضبط ......
احمد : بقي هو يعمل كل ده انا مش هسكت له.
منال : لا يا بابا ارجوك ملكش دعوه بالموضوع ده انا هتعامل معاه بنفسي.
احمد : بنفسك ازاي و افرضي تهور ثاني و اذاكي هنرجع تاني لنفس الموقف.
منال : لا يا بابا متخافش مش هيعمل حاجه و كمان انت عارف أن انا متعلمه الدفاع عن النفس و بعرف ادافع عن نفسي و حضرتك عارف أن بنتك مش سهله و محدش يقف قصادها.
احمد : ايوه عارف.
منال : يبقي تسيبني اتعامل معاه بطريقتي و بلاش مشاكل.
احمد بحب : حاضر يا حبيبتي.
منال : شكرا.
احمد : يالا قومي غيري و تعالي عشان ننزل نتغذى سوا.
منال : حاضر ١٠ دقايق بس و هنزل.
احمد : ماشي يا روحي يالا انا هسبقك تحت.
منال : ماشي يا بابا اتفضل.
و نزل احمد و قامت منال تغير هدومها عشان تنزل....
نزلت منال....
منال : سلام عليكم.
الكل : وعليكم السلاااااام.
مياده : وحشنا اوي صوتك فالبيت يا بنت يا منال البيت من غيرك ملوش روح.
منال ضحكت : م انا عارفه متخافوش هزهقكوا بصوتي ع طول.
ملك بضحك : اه و الله ياريت اهو حتي نلاقي حد نتراخم عليه انا و البت مياده.
منال : ماشي يا ستي مقبوله منكم.
و قعدوا كلهم يفطروا.......
منال : جماعه احنا هنرجع الشغل بكرة لأن بقالنا يومين مش روحنا و زمان شغلنا بقي كتير.
نجوي : برضو لسه مصممه.
ملك : يا منال استني انتي حتي يومين كمان ولا حاجه و احنا هنكمل.
منال : لا انا كويسه و اقدر اشتغل متخافوش.
احمد : ماشي يا بنتي الي يريحك اعمليه.
نجوي بصدمه : يعني انت موافقها.
احمد : سبيها يا نجوي تعمل الي هيا عايزاه طالما روحتها الشغل هتريحها خليها تروح.
منال بابتسامة : شكرا يا بابا هطلع انا بقي عشان انام بدري و اجهز لبكرة.
احمد : ماشي يا روحي.
و طلعوا كلهم ناموا .....
في بيت الهواري كانوا قاعدين يتغدوا......
مصطفي : سيف.
سيف : نعم يا بابا.
مصطفي : انا مش عارف منال هترجع الشغل امتي و لا اصلا هترجع و لا ف أن رجعت عايزك انت و نور تقفوا جنبها و ساعدوها ف الشغل فترة كده لحد ما تبقي كويسه.
سيف و نور : حاضر يا بابا.
صقر بغيرة : هو انتوا كلكم بتهتموا فيها كده ليه و بتحبوها علي ايه.
مصطفي : برضو لسه زي م انت.
سيف : في ايه يا صقر انت عامل كل ده ليه عشان خدت صفقه كانت معاك ايه شغل العيال ده.
صقر : لا مش عشان الصفقه الصفقه تولع في غيرها كتييير إنما هيا غلطت فيا قدام كل الشركه و محدش فيكوا نطق بكلمه.
مصطفي : لأن كلامها كله كان صح و انت نفسك معلقتش لانك عارف انها بتقول الحقيقه انت فعلا فيك كل الصفات الي هيا قالتها و فعلا عامل رعب للشركات كلها و مش محترم الموظفين اللي عندك.
صقر : طيب و حتي أن انا مش راجل دي ايه.
مصطفي : انا عايز اقلك كلمتين ملخص فيهم كل حاجه اولا انت رفعت ايدك تضربها قدام الشركه كلها و لي يرفع أيده علي بنت ميبقاش راجل ثانيا انت اضايقت و اتحديتها قدامنا عشان خدت الصفقه بتاعتك فا ده شغل عيال زي ما سيف قال و ثالثا انت لما لقيتها نجحت ف الصفقه مش عارف اضايقت من ايه كان المفروض تفرح لأنها انقذتك انت و شركتك من الضياع و بدل ما كنت تشكرها رايح ترفع عليها المسدس و ضربتها بالنار و ده شغل عصابات رابعا انت مش محترم الموظفين فعلا و لا البنات الي بيشتغلوا عندك و الي ميحترمش موظفين و يخوفهم يبقي مغرور و متكبر و زي ما منال قالتلك بالضبط أن محترمتش الموظفين و البنات الي عندك شركتك تدمر و تقع لأنهم اساسها بس هيا متعرفش أنهم خايفين يسيبوها منك ل تقتلهم انا مش عارف انت ايه شغل العصابات بتاعك ده و هو ده ملخص كل حاجه او بمعني اصح ملخصك انت يا صقر.
صقر بصله و سكت....
مصطفي : و انا هقولك نصيحه اب لوجه الله يا تعمل بيها يا متعملش القرار يرجع لك انت ملخصك الي انا قلته ده او صقر الي انا قلته ده يا اما تمسحه و تعمل صقر جديد بيحب الخير للناس و بيحب الناس و يحترم الموظفين و تكون شخص محترم و تبقي كل الناس حواليك يا اما تفضل زي م انت و تبعد كل اللي بيحبك عنك و تبقي وحيد و القرار عندك.
سابهم صقر و طلع أوضته بدون اهتمام للكلام اللي سمعه و نام و طلعوا كلهم ناموا و انتهي اليوم ......
....... نهايه الفصل العاشر .......