الفصل السابع ( المنال الصعب )
احمد : يالا يا حبيبتي اطلعي البسي.
نجوي : مالك يا منال بتحضني فينا كاننا مش هنشوفك ثاني.
ابتسمت منال و طلعت تلبس.....
لبست منال و جهزت نفسها و نزلت تحت لقت الفطار جهز قعدت ع السفرة و بداو اكل و قعدوا يتكلموا و يضحكوا و بعد شويه منال رنت علي نور ......
منال : أيوة يا نور.
نور : ايه يا لول ازيك وحشتيني اوي.
منال : و انتي كمان يا نور و الله وحشتيني عشان كده انا بتصل بيكي عشان تيجي تخرجي معايا انا و العيال اخواتي بما أن النهاردة إجازة اهو حتي تغيري جو.
نور : تصدقي فكرة حلوة طيب هاخد إذن بابا و انا جاهزة اقابلكم فين بقي.
منال : انا هجيلك البيت اخدك ب عربيتي.
نور : ليه يا بنتي م تقوليلي و انا اقابلكم ب عربيتي.
منال : لا لا بلاش انا هاجي اخدك احسن عشان تبقي عربيه واحده ماشي.
نور : بسسس....
منال : مفيش بس يالا اجهزي علي أما اجيلك ع طول احنا جايين اهوه.
نور : ماشي يا لول مستنياكم سلام يا لولتي.
منال : سلام يا نونه.
و قفلت منال و استأذنت و خرجوا و هما علي باب الشقه نور بصت للشقه بحزن و نزلت و ركبوا العربيه و تحركوا......
في بيت نور .....
صقر كان قاعد مضايق و متعصب و مش عارف يقابلها ازاي كان قاعد هو و سيف دخلت عليهم نور ...
نور : صقر سيف انا خارجه مع منال.
صقر اول ما سمع اسمها قال بلهفه : هااا طيب و هتخرجوا امتي.
نور : دلوقتي أهوه هيا زمانها جايه هنا تاخذني.
صقر : طب كويس.
سيف : صقر هو ايه ده الي كويس و بعدين انت متلهف اوي عايز تعرف هيخروجوا امتي ليه.
صقر : لا مفيش عادي يعني مش انتي هتبقي معاها المفروض اطمن.
سيف مكانش مستريح بس قاله ماشي ......
و جت منال قدام البيت و راحت معاهم نور و قام صقر خد مسدس بتاعه حطه ف جيبه و نزل بسرعه....
سيف لحقه ع السلم : صقر استني رايح فين.
صقر : ملكش دعوه يا سيف عندي مشوار.
سيف : انا جي معاك.
صقر : لا طبعا انا هروح لوحدي.
سيف : لا انا جاي.
سماح : رايح فين ي بني يا صقر.
صقر : رايح مشوار يا ماما و جي.
سماح : ماشي يا حبيبي متتاخرش.
صقر : حاضر.
و نزل صقر وكان سبقه سيف و ركب العربيه......
صقر : انا مش قولت هروح لوحدي انزل.
سيف : لا هاجي معاك.
صقر بصله و سكت و دور العربيه و اتحرك. ....
منال مع اخواتها و صحبتها بتجيب لهم كل الي هما عايزين هدوم و حاجات حلوة شوكولاته و كل حاجه نفسهم فيها و كل ده و صقر لاحقهم و سيف معاه.....
سيف : صقر ممكن تفهمني احنا ماشيين وراهم كده ليه.
صقر بص له و فكر شويه و قال : بحميهم يا سيف اسكت بقي و اصبر.
و بعد ما خلصوا قالوا إنهم عايزين يقعدوا ع البحر شويه راحت بيهم منال ع البحر و نزلوا قعدوا و كان مفيش غيرهم و منال قعدت تبص للبحر و تتامله و فجاه صقر داس فرامل جامد و وقف كلهم بصوا وراهم الا هيا منال و قلبها تقبض فجاه بس هيا مهتمتش نزل صقر و نده باعلي صوته و بغضب : منااااااااااال.
كلهم وقفوا و منال لفت لقته هو و سيف .....
نور : في ايه يا سيف في ايه يا صقر.
ملك و مياده : في ايه يا استاذ صقر حضرتك بتزعق ليه.
سيف : في ايه يا صقر مالك.
كل ده و منال واقفه بصاله و ساكته.....
صقر بغضب : ايييه القط اكل لسانك و لا ايه مش كنت شغاله ف الشركه لسانك مسكتش لحظه جايه دلوقتي تسكتي.
كلهم بصوا بصدمه و هيا بصاله و ساكته....
صقر : ايييه ما تنطقييي لسانك اتشل و لا اييييه.
سيف بقلق : صقر انت جاي هنا ليه و عايز منها ايه.
صقر بغضب : جاي عايز اخد حقي الي سرقته مني.
منال بغضب : حق اييييييه انت ليه محسسني أن انا سرقتك انا مسرقتكش و قلتلك ده مرة أن انت الي مهمل ف شغلك عشان كده متستحقش الصفقه دي و انا قلتلك مرة انك مفهمتش و لا هتفهم الكلام الي انا قلته لانك واح.......و قبل م تكمل طلع صقر المسدس بغضب و قال.....
صقر : اخرسي و لا هقتلك.
وجه المسدس ناحيتها و كلهم بصوا بصدمه الا هيا...
نور : صقر انت بتعمل ايه اهدي يا صقر متتجننش متعملش حاجه تندم عليها بعدين.
صقر بغضب : انا عمري ما عملت حاجه و ندمت عليها و دي كمان زيهم.
ملك و مياده راحوا مسكوا فيها بخوف و عياط.....
ملك بخوف و دموع : ارجوك يا استاذ صقر اهدي شويه و ركز و متغلطش الغلطه دي.
سيف بغضب : صقر انت اتجننت نزل المسدس.
منال بغضب : انت فاكرني بخاف من رصاصتك دي انا مش بخاف غير من الي خلقني و مش خايفه من الموت عايز تقتلني و تكون قاتل و قالت ب سخريه و أما ييجوا يسألوك عن سبب القتل هتقول ايه ها هتقولهم عشان خدت المهمه الي من حقي انا في الشركه عشان انا كنت مش مهتم ب شغلي و لا هتقول ايه رد.
صقر : بقول اخرسي و لا هقتلك في مكانك.
منال بغضب : هو ايه الي اخرسي اخرسي كل ما اقول حاجه تقولي اخرسي و انا مبقولش غير الحقيقه و الله انت أن كنت عايز تكون قاتل اتفضل اضرب انا مش همنعك لاني عمري ما خفت من حد و لا من الموت و مش هاجي علي اخر نفس اخاف منك.
سيف وقف قدام المسدس : صقر ارجوك اهدي متتهورش و نزل المسدس.
و راحت نور رنت علي والدها مصطفي عشان يسمع و مسكت التلفون.....
نور : صقر اهدي ابوس ايدك متغلطتش الغلطه دي عايز تبقي قاتل يا صقر ارجوك يا صقر نزل المسدس.
صقر بغضب : انتوا كلكم واقفين في صفها ليه كلكم بتدافعوا عنها ليه محسسيني أنها ملاك نازل من السما ايه يعني هيا مبتغلطش.
سيف بقلق : بتغلط يا صقر و الله بس ارجوك نزل المسدس.
صقر بغضب : مش هنزل حاجه وسع.