الفصل السادس ( المنال الصعب )
في الشركه .......
كان قاعد مصطفي ف مكتبه مستني اي حد ييجي أو اي خبر يوصل و فجاه منال خبطت.....
مصطفي : ادخل.
دخلت منال بفخر اول م شافها قام من ع الكرسي و قال بلهفه : هاااا يا منال يا بنتي طمنيني عملتي ايه.
منال : طيب ممكن حضرتك تهدي.
مصطفي نده ع السكرتير يروح ينده لصقر و سيف و نور و ملك و مياده و راح ندهلهم و جم و دخلوا اول ما شافوها قالوا : هاااا يا منااال عملتي ايه.
منال قدمت الورق لمصطفي : اتفضل حضرتك الورق ده مكتوب فيه كميه البضاعه و العدد و ميعاد بدأ الشغل و معاد الانتهاء و معاد تحريك السفينه ب البضاعه فالبحر.
مصطفي بص لها بفخر و بص للورق و فرحوا كلهم معادا صقر كان مضايق أنها نجحت ....
سيف : الحمد الله يا بابا كده معاد التسليم زي ما هو
منال : اه و يمكن كمان السفينه توصل بدري ع المينا بتاعت الشركه لأنها متحركه من هنا بدري كلهم باركوا لها بنجاحها الكبير ده.
مصطفي : بصراحه يا منال انا مش عارف اقولك ايه يا بنتي انتي انقذتي تعبي و شركتي من الدمار بجد شكرا و احييكي علي نجاحك الساحق من ثاني يوم ليكي هنا فالشغل و هيتم تقديم الهديه دي كتكريم ليكي علي نجاحك ف إنقاذ الشركه فوقت قياسي و شكرا ليكي مرة ثانيه.
منال : شكرا حضرتك ده كان شغلي و انا كل الي عملته هو اني اديت لشغلي حقه و اديت شغلي علي اكمل وجه.
كلهم باركوا لها و منال لاحظت أن صقر متكلمش فقررت تتكلم ....
منال راحت وقفت قدامه و قالت بفخر : ايه يا استاذ صقر مفيش مبروك علي نجاحي ف شغلي و انقاذي لشركتك الي حضرتك كنت هتدمرها.
صقر وقف و قرب منها قوي و نزل علي ودنها و قال بصوت مخيف : الف مبروووووك.
و بصلها بحده
منال بصتله بحده و راحت عند ودنه و قالت بصوف خفيف : الله يبارك فيك و بصتله بحده و قالت أظن أن انا كده كسبت التحدي بس متقلقش في تحديات بينا ثانيه كتييير جائز تكسب ف واحد فيه انا دلوقتي ١- ٠ ليا.
الكل كان باصصلهم بانتباه و لفت منال و شها للمدير و قالت : عن اذن حضرتك بقي اروح انا واخواتي نرتاح شويه من الشغل.
مصطفي : طبعا يا منال يا بنتي اتفضلي و خدي بكرة إجازة كمان ك تكريم مني ليكي علي انقاذك ليا خدي إجازة انتي و اخواتك و الشغل بكرة كله إجازة عشان نحتفل بالنجاح للشركه .
الكل : شكرا لحضرتك و روحوا كلهم و مشيت منال هيا و اخواتها.
ملك : أيوة بقي يا عم ابسط معاك تكريم و محدش قدك.
منال : انتي عايزة ايه الوقتي يا اختي.
ملك : لا ولا حاجه.
مياده ضحكت ....
منال : بقولكوا ايه يا بنات متيجوا بكرة اخدكوا افسحكوا و بما أن معنا مبلغ كبير كده و اجيب لكم كل الي نفسكم فيه و ابسطكوا.
ملك و ميادة بفرحه : بجد.
منال : ايوه طبعا بجد و انا امتي هزرت معاكم ف حاجه زي دي.
ملك و ميادة بفرحه : ربنا يخليكي لينا يا احلي اخت فالدنيا.
منال بابتسامه بسيطه : ويخليكوا ليا يا حبايبي.
و صلوا البيت طلعوا غيروا و قعدوا اتغدوا مع امهم و ابوهم و حكولهم عن كل حاجه و اهلها فرحولها جدا بنجاحها و قالتلهم منال أنها هتفسح اخواتها بكرة بما أنه إجازة و طلعوا كلهم ناموا .....
في بيت الهواري .....
كله كان فرحان بنجاح منال ف إنقاذ الشركه معادا صقر كان مضايق و عايز ينتقم منها اتغدوا كلهم و طلعوا يناموا ....
صقر جت في باله فكرة ....
صقر : بسسسسس هو مفيش غير الطريقه دي عشان ارتاح منك يا منال عبد الحميد و ابتسم بشر و قال : عشان تبقي تهددني و تتحديني قدام الشركه كلها و نام .......
ثاني يوم في بيت منال ......
صحيوا البنات و لبسوا و جهزوا و راحوا يصحوا منال....
ملك : يا لول اصحي يالا عشان نفطر يالا و بتهز فيها.
مياده : يا لولتي يالا قومي عشان نفطر و بيهزوا فيها جامد مصحتش قامت جت في بالهم فكرة راحوا الاثنين عند ودانها و قالوا بصوت عالي : منااااااااااااال.
منال صحيت مفزوعه و قالت : ايه ايه في ايه.
ملك و مياده ماتوا من الضحك ......
ملك : مش قادرة.
مياده : اااااه.
منال قامت : بقي كده طيب و مسكت المخده و قامت تجري وراهم ونزلوا تحت كانت امهم بتحضر الفطار و ابوهم قاعد ع الكنبه و منال بتجري و را ملك و ميادة بالمخده و بتضربهم امهم جت ع الصوت و ابوهم قام : في ايييييه ملكوا ع الصبح كده.
ملك و مياده واقفين يضحكوا جامد ......
منال : شوفت يا بابا ولادك جم يصحوني قاموا الاثنين مزعقين ف ودني و انا نائمه ف قومت مفزوعه راحوا قعدوا يضحكوا عليا.
احمد ضحك ع طريقتها هو و نجوي و اخواتها واقفين يضحكوا ......
احمد بضحك : خلاص يا حبيبتي حقك عليا انا و الله يا بنتي م انا عارف ازاي انتي الكبيرة الي فيهم انا بحسك الصغيرة مش الكبيرة.
منال ضحكت : انا بحب اكون دائما صغيرة.
منال بصت لملك و مياده بحزن.....
ملك و مياده بحزن مشابه : منولتي زعلانه مننا.
منال : هفكر.
ملك و مياده بزعل : لا و الله زعلانه مننا.
منال بحب و ضحك : لا طبعا انتوا مجانين ده انتوا روحي حد يزعل من روحه تعالوا هاتوا حضن.
و حضنوا بعض الثلاثه بحب......
منال : ربنا يخليكم ليا يا رب كلكم و تفضلوا عائلتي الي بحبها ع طول و منفترقش ابدا.
ملك و مياده : و انتي كمان ربنا يخليكي لينا يا لولا احنا منقدرش من غيرك.
منال : حبايبي بحبكوا كلكم.
و حضنت منال مامتها و باباها.....