المنال الصعب - الفصل الخامس ( المنال الصعب ) - بقلم Hana | روايتك

......في مكتب صقر ....... صقر بغضب نده السكرتيرة و السكرتيرة دخلت..... السكرتيرة : نعم يا فندم. صقر : ناديلي الزفته الي اسمها منال دي علي مكتبي فورا متتاخريش فورا سمعه. السكرتيرة بخوف : حاضر يا فندم. و طلعت تجري راحت عند منال خبطت... منال : ادخل. السكرتيرة : انسه منال الاستاذ صقر طالبك علي مكتبه فورا و بيقول متتاخريش. منال : مقلش هو عايز مني ايه. السكرتيرة : لا هو قالي اجي اناديكي بسرعه. ملك : ايه يا منال في ايه هيعوز منك ايه استاذ صقر. منال : مش عارفه هروح و اشوف. ملك : طيب روحي. و راحت منال مع السكرتيرة و وصلوا المكتب منال خبطت..... صقر بغضب : ادخلي. دخلت منال بصت له لقته متعصب جدا و مش شايف قدامه من الغضب قالت بثبات و قوة منال : حضرتك طلبني. صقر : اقفلي الباب و ادخلي يا استاذه. قفلت منال الباب لانه كان اصلا ازاز يعني كل حاجه باينه. ‏منال : نعم. صقر بغضب و بص لها ب قرف من فوق لتحت : تقدري تقوليلي انتي تبقي ايه هنا ف الشركه. منال بثبات من غير خوف بصت له بثقه و قالت : ابقي موظفه جديده هنا في الشركه لسه اول يوم ليا النهارده صقر بغضب : اااااه اول يوم ليكي ف الشركه و بدأت تسرقي تعب غيرك. منال بصدمه : تعب ايه الي سرقته حضرتك مش فاهمه. صقر بغضب اكبر : بت انتي هتعملي نفسك مش عارفه. منال باستغراب : و انا هعمل نفسي مش عارفه ليه و انا فعلا مش عارفه انت تقصد ايه. صقر بغضب : المهمه الي حضرتك خدتيها دي تبقي من حقي لأن انا الي كنت ماسكها من اولها المفروض انها من حقي و انتي جيتي خدتيها مني تبقي سرقه دي و لا. منال بصت له بهدوء و قالت : لا طبعا مش سرقه لأن زي م حضرتك بتقول انك كنت ماسك الملف من أوله يعني كان المفروض حضرتك تلاحظ المشكله من اولها بس انت ملحظتهاش و انا كنت بتفحص الملف بالصدفه لقيتها ف شرحتها لأعضاء الاجتماع و حليتها. صقر مسكها من دراعتها بغضب و قال : انتي غبيه انتي فاكرة نفسك ايه ده انتي مجرد موظفه هنا يعني ممكن نرفدك عادي انتي و اخواتك دول انا لحد الان محدش قدر يتحداني و يقف فوشي و ياخد شغلي و اقوي رجاله مقدروش عليا هتيجي انتي تقفي قصادي و تتحديني انتي فاكرة نفسك ايه انتي. منال اتعصبت جامد من تصرفه معاها وزقت أيده بعيد و قالت بغضب : الزم حدك يا استاذ صقر انا لحد الان محترماك لكن مش هسمحلك تتعدي حدودك معايا و حتي أن كنت موظفه عاديه في الشركه الي انت شغال فيها ف انا برضو ليا احترام و مسمحش لحد يتعدي حدوده كده و و كملت بغضب شديد و أن كان عشان شغلك ف انت الي غلطان من الاول لانك مشتغلتش صح و مديتشي للشغل حقه و المدير هو الي سلمني المهمه دي انا مسرقتهاش و مكنتش هخدها من اصله بس المدير هو الي أصر اني اخدها لانه عارف أن انا هشتغل صح. و جه سيف و نور و اخواتها علي صوتهم و دخلوا كملت منال بغضب : مش بشتغل زيك و استهتر ب شغلي لدرجه اني منتبهش لمشكله كانت تدمر شركتي و كان ممكن تسجني انت الي مستهتر بشغلك ف متلومش حد علي فشلك. و الكل واقف باصص لهم بصدمه و مش عارف يعمل ايه...... صقر رفع أيده عشان يضربها و بيقول : اخرسيييييي منال بغضب جحيمي : مسكت ايده و قالت نزل ايدك مترفعهاش فوشي و الا هتندم صقر بغضب : اطلعيييييي بررررررررره. منال بغضب اكبر : م انا طالعه حد قالك اني عايزة اقعد هنا و يكون في علمكوا كلكم و وجهت كلامها للكل انا هبدا شغلي من بكرة و اي حد يتحداني أو يقف قصادي ميلومش غير نفسه مفهوووووم. صقر : انتي فاكرة نفسك ايه عشان تهديدينا كده انتي مجنونه يا بت انتي. منال : لا انا شايفه نفسي واحده متقنة ف شغلها و مش بستهتر زيك ياااااااا يا ابن مدير الشركه و ..... سيف و البنات : خلاص يا منال اهدي ارجوكي بلاش كده احنا ف مكان شغل و ليه احترام. منال بغضب جحيمي : ابعدوا عني محدش يلمسني و كملت و شايف لنا نفسك انك ابن مدير الشركه الكبير و ابن مدير الشركه الي هيمسك بعد أبوه و الكل بيعملك حساب عشان انت بتخوفهم بس إنما أنا مبخفش. جه الاب مصطفي ع الصوت ...... كملت منال بغضب : و الكل بيخاف منك عشان انت مربي لهم رعب انك ابن المدير و مبتحترمش حد. نور و سيف : خلاص يا منال اهدي مينفعش كده المدير موجود. منال كملت بغضب : و مبتحترمش الموظفين الي عندك و لا بتحترم السكرتيرة بتاعتك و مربي لها الرعب و كل حاجه بسرعه بسرعه بسرعه لما البت هيجيلها سكته قلبيه بسبب خوفها منك و مبترحمش حد انت لو مسكت بعد ابوك الشركه دي انت هتدمرها صقر و الكل بص لها بصدمه حتي المدير..... و كملت برضوا : ايوه بتبصلي كده ليه ايوه انت أن مسكت بعد ابوك تدمر الشركه و هتنزل الي ابوك بناه فالارض لأن الي يعمل كده مرة و هو لسه شغال فيها أظن أنه يعملها ثاني و هو ماسكها عادي. سيف : يا منااال اهدي بقي عيب كده ده راجل برضو و انتي بنت. منال : اييييه راجل راجل مين ده ده أن كان راجل بصحيح كان يحترم موظفينه و يحترم شغله و يحترم البنات الي شغالين عنده و يحترم اي بنت عمتا مش يرفع أيده يضربها لأن الي يرفع أيده علي بنت ميستهلش يكون راجل. صقر بص لها بغضب جحيمي و قال : انا مش راجل. منال بغضب : لا مش راجل أن كنت راجل فعلا كنت احترمت البنات و الموظفين اللي عندك و مكنتش ترفع ايدك تضربني و كنت عرفت أن دول كمان بني ادمين و ليهم احترام هما مش عبيد عندك حتي الخدم ليهم احترام مش عبيد عند حد لأن من غير الموظفين و الخدم الي انت رايح جاي تهين فيهم دول اولا مكانك مش هتلاقي الي ينضفه لك و شغلك مش هيكمل من غير موظفين عشان كده المفروض كل واحد يحترم الخدم و الموظفين الي عنده مش يهين فيهم زيك و أن فضلت زي م انت معاهم كده شركتك الي انت شايف نفسك بيها دي والي هيا اصلا مش بتاعتك ف أقل من سنه هتتهد و شغلك يقع ليه بسبب عدم احترامك للناس الي بيشتغلوا معاك بس انت مش هتفهم الكلام الي انا قلته ده و لا هتحاول تفهمه لانك ببساطه واحد مغرور و متكبر و متهمكش غير مصلحتك و رفعت صباعها ف وشه و قالت و بحذرك لآخر مرة بلاش تقف ف طريقي عشان متندمش في الاخر. الكل واقف ساكت و معلقش حتي أبوه و اخواته لانهم عارفين أن منال معاها حق ف كل حاجه قالتها..... بصت منال للمدير و كان وشها و عينيها لونهم احمر من الغضب و قالت : بعد اذن حضرتك احنا خلصنا شغل النهارده ممكن نروح عشان اقدر اجهز لبكرة. مصطفي بص لها بفخر و قال : طبعا يا منال اتفضلي. منال بغضب : يالا يا ملك يالا يا مياده و خدتهم و مشيت. و مصطفي بص للكل و قال : يالا كل واحد يشوف شغله بلاش كسل الكل رجع لشغله و فرحان أنه لقي حد يجيب له حقه من صقر و مصطفي بص لصقر و مشي راح مكتبه و سيف و نور راحوا معاه علي المكتب و صقر واقف الغضب ماليه و عايز ينتقم منها و ياخد حقه راح وراها عشان يعرف بيتها ..... في مكتب المدير...... مصطفي كان مبسوط أنه لقي حد يقف قصاد صقر و ميخافش و مبسوط أن فيه حد قدر يتحداه..... سيف بانبهار : ايه يا بابا ده ده منال طلعت مش سهله زي ما كنت فاكر اول مرة فحياتي اشوف حد بيتحدي صقر و يهدده قدام كل الشركه من غير خوف. نور : بصراحه انا مصدومه ازاي منال قدرت تقف ف وش صقر و تتحداه كده قدام كل الشركه. مصطفي : منال دي بنت لقطه مفيش زيها هيا الوحيده الي قدرت تقف قصاد صقر و تتحداه مع أن كل الناس بتخاف حتي تبصله و هو ماشي و هيا الوحيده الي مخافتش منه رغم أن كل الناس هنا و بره بتترعب من صقر لما يتعصب أو حتي و هو هادي لا لا البنت دي طلعت شخصيتها قويه جدا احنا مينفعش نخسر البنت دي لازم نحافظ عليها عشان انا مش عارف ليه حاسس ان منال دي هيا الوحيده الي تقدر تقف ف وش صقر و تتحداني و هيا الوحيدة الي تقدر تغيره نور مش هيا صحبتك من زمان. نور : أه يا بابا انا وهيا درسنا الجامعه سوا حتي كنا فنفس المدرج. مصطفي : كويس يعني تعرفي عنها حاجات صح. نور : كتيييييير اصل حضرتك متعرفش انا صاحبتها الوحيده المقربه ليها هيا و اخواتها. مصطفي : كويس اوي عايزك بقي فالبيت تيجي بليل تحكي لي عنها كل حاجه عارفاها بالتفصيل. نور : حاضر يا بابا. مصطفي : يالا عشان نروح. و روحوا كلهم معدا صقر كان بيلحق منال و عرف بيتها و رجع بيته وصلت منال البيت هيا و اخواتها و طلعت بغضب سلمت عليهم. ..... نجوي : ايه ده مالك يا منال. منال : مفيش حاجه يا ماما. احمد : مفيش حاجه ازاي يعني انتي مش شايفه وشك احمر ازاي قولي في ايه. منال حكت كل حاجه لأهلها و هما بص لها بصدمه .... احمد : ايه كل ده حصل معاكي من أول يوم شغل و ايه الي انتي عملتيه ده مش المفروض تحترميه لانه ابن مدير الشركه يعني كان ممكن تترفدي من اول يوم ليكي. منال : بابا حضرتك انا مغلتطش هو الي بدأ بالغلط و هو المستهتر بشغله من الاول و انا الي أنقذت الشركه و حليت المشكله و بكرة هنفذها ف بدل ما يشكرني لا بالعكس جاي يتهمني أن انا سرقت تعبه و هو اصلا كان تعب من الاول عشان أسرق تعبه و بالنسبه للي انا قولته فيه ف كمان ده حقيقه لأن أبوه و اخواته كلهم كانوا واقفين محدش فيهم اعترض بكلمه واحده و لا دافع عنه حتي أبوه كان واقف معايا فالانا قلته ف ده معناه أن انا معايا حق و عن اذنكم بقي انا هروح ادرب شويه و اجي. احمد بتنهيده : ماشي متتاخريش. منال : حاضر. و راحت منال ركبت عربيتها و راحت البيت الرياضي بتاعها و دخلت قعدت شويه و قامت و كانت لابسه لبس رياضي و بدأت تلعب و تفكر فالي حصل و بتطلع غضبها في الالعاب الي قدامها و مسكت سيف و بدأت تبارز بغضب و تقول : انا هوريك يا صقر الهواري ازاي ترفع ايدك عليا و أن موقعتكش مبقاش انا منال عبد الحميد عشان تعرف انت بتتحدى مين. و خلصت تدريب حطت السيف مكانه و قعدت شويه ع الكنبه و بعدين قامت لبست و روحت نامت و كانوا كلهم ناموا ..... فاليوم الثاني ...... فاقت منال و دخلت خدت دش و لبست دريس اخضر و طرحه بيضه و جاكيت ابيض و كوتشي ابيض و نزلت فطرت و مشيت هيا و اخواتها.... بعد شويه وصلوا الشركه دخلت منال و اخواتها و راحت منال مكتب المدير تاخد اذن و دخلوا ملك و مياده المكتب .... مصطفي : ادخل. دخلت منال لقيت سيف وصقر قاعدين قالت بهدوء.. منال : سلام عليكم حضرت المدير . مصطفي : و عليكم السلام اتفضلي يا منال. منال : كنت عايزة اخد اذن حضرتك عشان اتحرك و ابدا المهمه. مصطفي : طبعا يا منال معاكي الاذن. منال : شكرا. مصطفي : منال. منال : نعم حضرتك. مصطفي : انا دلوقتي حطيت تعبي و شغلي بين ايديكي و دمار شغلي و تطوره كل ده بين ايديكي و انا واثق انك مش هتخيبي ثقتي و هتخلي شركتنا ف العالي. منال : أن شاء الله يا فندم عن اذنك. و راحت منال..... صقر : حضرتك متاكد أن البنت دي هتقدر ع المهمه دي. مصطفي : اه طبعا. صقر : تمام عن اذنك اشوف شغلي. مصطفي : اتفضل. مصطفي : ربنا ينصرك يا منال و ترجعي و انتي رافعه راس شركتنا لفوق و تحافظي ع تعبي من الضياع كل الي بنيته ف الخمسين سنه دول واقف عليكي يا رب ربنا يكون معاكي. سيف : متقلقش يا بابا أن شاء الله منال هترجع رافعه راسنا انا متاكده هيا بنت قويه و متقنه ف شغلها متقلقش أن شاء الله تسمع اخبار كويسه قريب عن اذنك أنا بقي. مصطفي : أن شاء الله اتفضل. و راح سيف ع مكتبه.... منال وصلت المينا و تعرفت ع العمال و عرفتهم علي نفسها و بداو شغل منال بدأت تشرف علي كل حاجه بإتقان و بدأت تعد الكميه الي تتنقل و تسجلها و سجلت ميعاد بدأ الشغل و معاد انتهائه و اشتغلت منال هيا و العمال بجد و بدأت تحفزهم ع الشغل و خلصوا كل حاجه اذان المغرب السفينه تحركت ف البحر و تأكدت منال منها و ركبت و رجعت الشركه...