الفصل الرابع ( المنال الصعب )
ف المكتب ....
مصطفي : اتفضلي يا بنتي اقعدي.
منال استغربت و قعدت...
منال : غريبه يعني حضرتك اول مرة تقولي يا بنتي و متقوليش يا انسه.
مصطفي ضحك : ايه مش عجباكي و لا ايه.
منال : لا ابدا جميله و كل حاجه انا بسال بس.
مصطفي : فعلا سيف ابني عنده حق فالي قاله فيكي.
منال بصدمه : ليه حضرتك هو قال ايه اوعي يكون قال حاجه كده و لا كده.
مصطفي : لا ابدا قال فيكي انتي و اخواتك كل خير.
منال : تمام الحمد الله طمنتني صحيح حضرتك كنت عايزني ف ايه.
مصطفي : بصراحه يا منال يا بنتي انا عجبتني اوي فكرتك و اظن انها الفكرة الوحيده الي ممكن تنقذ شركتنا من المشكله دي.
منال : طيب حضرتك عرفت مين الشخص اللي هيمسك المهمه دي لأن لازم يبدأ دلوقتي.
مصطفي : اه لقيته.
منال : بالسرعه دي طب هو مين.
مصطفي : انتي ...
منال بصت له بصدمه : ايه انا حضرتك متاكد.
مصطفي بحب : طبعا متاكد لأن أما تكون بنت جت من اول يوم اكتشفت مشكله ممكن تضيع الشركه و شرحتها فنفس الوقت قدام اعضاء الاجتماع بالاتقان ده و حلتها ف ثانيه كده ف انا متاكد انها الوحيد الي تقدر تقوم بالمهمة الصعبه دي.
منال بفرحه و فخر من نفسها : شكرا جدا لحضرتك طيب طالما انا الي هقوم بيها لازم اروح عشان اجهز و اروح ع المينا و الحق اخلص عن اذنك.
مصطفي : منال.
منال وقفت و بصت له : نعم.
مصطفي : انا واثق فيكي ثقه كبيرة و عارف انك مش هتخيبي ظني فيكي و عارف انك هتقدري تحلي المشكله و ترجعي قبل ما الظلام يحل و تنقذي الشركه من الذل و أنها تتعرض للقفل تقدري تتفضلي.
منال : تمام شكرا جدا لحضرتك و ان شاء الله هكون عند حسن ظن حضرتك و مش هخيب املك فيا و هنقذ شركتك و ارجع قبل الليل و ده وعد من منال عبد الحميد و انا أن قطعت وعد لحد مبرجعش فيه حتي لو هموت عن اذنك.
مصطفي بفخر : اتفضلي.
و راحت منال المكتب و طلب مصطفي سيف و صقر ع مكتبه.....
في مكتب منال و البنات.....
ملك : ها عملتي ايه المدير كان عايزك ليه.
مياده : ايه يا منال ايه الي حصل معاكي قولي.
منال : الله اديني فرصه اتكلم اييييه نازلين كلام كلام مش عارفه انطق.
ملك : طيب خلاص قولي ايه الي حصل.
منال : ولا حاجه المدير مسكني مهمه اني انقل حموله المركب و اطلعها ف ميعادها عشان توصل في الميعاد و ننقذ الشركه من الدمار.
ملك : يعني دلوقتي مستقبل الشركه ف ايديكي صح.
منال : بالضبط.
مياده : طب هتعملي ايه دلوقتي.
منال : و لا حاجه انا حاليا عندي بكرة كله ابدا في النقل و اخلص و اجي قبل ما الليل يحل لاني وعدت المدير بكده و كمان المدير قالي أنه عجبته ف الشغل.
مياده : طبعا يا بنتي ده انا نفسي كنت مبهوره بيكي انك قدرتي تعملي حاجه زي دي من اول يوم فوقت قياسي طبعا دي حاجه مش سهله.
ملك : الا قوليلي يا لول انتي قدرتي تعملي كده ازاي.
منال : اتقان شغل يا اختي لانك أن حطيتي حلم في دماغك و اشتغلتي عشانه بإتقان و تعبتي عشانه اكيد هتلاقي نتائج مبهرة و هتوصلي ل حلمك بعد تعب و دي بتبقي احلي فرحه الواحد يعيشها أنه يتعب و يجتهد عشان حلمه و انا حلمي اني يبقي عندي شركتي الخاصه و درست بجد و اشتغلت بإتقان عشان في الاخر اقدر احقق حلمي و ابقي المهندسه منال عبد الحميد.
و كملت بضحك ....
و انتوا معايا طبعا....
ملك و مياده : اكييييد.
و ضحكوا كلهم......
....... ف المكتب المدير .....
و صلوا سيف و صقر و استاذنوا و دخلوا .....
مصطفي : تعالوا اتفضلوا اقعدوا عايزكم في موضوع.
صقر و سيف بانتباه : ايه هو حضرتك.
مصطفي : انا خلاص اديت المهمه تبع نقل الحموله و إنقاذ الشركه من الدمار للي يستحقها.
سيف باستفسار : و مين حضرتك الي استلم المهمه.
مصطفي : الانسه منال عبد الحميد.
صقر بصدمه : نعمممممم منال ايه دي الي تاخد المهمه حضرتك ده لسه اول يوم ليها هنا و تجي حضرتك تديها مهمه زي دي ازاااي المفروض حضرتك أن الي ياخد المهمه دي يكون فاهم شغل الشركه كويس و قديم هنا مش لسه اول يوم ليه.
مصطفي بغضب : انت بتتكلم كده ليه يا حضرت المهندس ايه مفيش احترام اللي قاعدين معاك و لا ايه انا اه ابوك و ده اخوك بس برضو متنساش نفسك اننا هنا في مكان شغل يعني كل واحد يلزم حدوده كويس فاهممم.
سيف بتوتر : اهدوا يا جماعه شويه مش كده و اهدا يا صقر و خلي بالك أن ده ابوك مينفعش تكلمه بالاسلوب ده و اهدا يا بابا لو سمحت.
صقر بغضب : انا اسف حضرتك بس المهمه دي كانت المفروض تكون من حقي لأن انا اصلا الي ماسك الملف دي من الاول و هيا من حقي و الي حضرتك بتعمله ده غلط.
مصطفي بغضب جحيمي : بسسسسسس الزم حدودك يا استاذ اييييه انت شايفني عيل صغير قدامك هتعملني ايه الصح و ايه الغلط الشركه دي لسه تحت حكمي و انا صاحبها و انا الي بانيها و انا الوحيد الي ليا الحق اعمل فيها اي حاجه و متنساش كمان يا استاذ أن انت السبب ف المشكله دي لانك ملحظتهاش من الاول و لولا أن البنت دي جت و اكتشفتها و حلتها فنفس اللحظه كان زمان الشركه تدمرت و تعبي راح فالارض و بدل ما سيادتك انت و اخواتك كنت بتناموا علي حرير و بتلبسوا احسن لبس كان زمانكوا دلوقتي مرميين فالشارع أو حتي محبوسين يعني المفروض تشكر البنت علي حلها المشكله قبل فوات الاوان و كمان الي انا ادتهولها ده مقابل أنها تنقذ تعبي و شرفي من أنهم ينذلوا قليل فاهمممممم.
صقر بغضب : يعني حضرتك شايف كده.
مصطفي : ااااه ايه هتعمل ايه يعني.
صقر : تمام عن اذنك بس أن حصل حاجه بعدين ف متلومنيش عن اذنك.
مصطفي بغضب : صقررررر عارف لو البنت دي اتاذت أو حصلها حاجه من وراك صدقني هتندم و مترجعش تلوم غير نفسك اتفضل روح شوف شغلك.
صقر بصله بنظرة حاده و قال : عن اذنك و راح ع مكتبه.
سيف : اهدا يا بابا شويه متعملش ف نفسك كده عشان متتعبش.
مصطفي : تمام ماشي روح انت شوف شغلك.
سيف : تمام حاضر عن اذنك.
طلع سيف راح علي مكتبه.....