الفصل الثالث ( المنال الصعب )
مشيت منال بسرعه من غير كلام و معاها الملف ....
صقر : اقدملوكوا نفسي انا الاستاذ صقر ابن مدير الشركه ممكن اتعرف ع الموظفين الجداد.
ملك : اهلا بحضرتك انا ملك احمد عبد الحميد سني ٢٠ سنه كليه هندسه قسم عمارة.
مياده : و انا مياده تؤام ملك سني ٢٠ سنه كليه هندسه قسم عمارة برضو.
صقر بص لهم و قال : بس المفروض انكم ثلاث بنات و انتوا هنا اثنين بس فين اختكم الثلاثه.
ملك : راحت للمدير في حاجه ضروري و راجعه.
صقر باستغراب قل في نفسه حاجه ضروري من اول يوم هتكون ايه يعني.....
صقر : اه ماشي يعني الي مشيت دي تكون منال اختكم الكبيرة مش كده برضو.
مياده : بالضبط بس حضرتك عرفت منين.
صقر : من استاذ سيف يالا عن اذنكم.
و بص لهم بالا مبالاه و خرج البنات بصوا له باستغراب و كملوا شغل ......
وصلت منال عند المكتب و وصل وراها ع طول صقر استأذنت منال و دخلت و دخل وراها صقر ....
مصطفي : اتفضلي يا منال يا بنتي في حاجه و لا ايه مالك قلقانه ليه كده.
صقر بص لها بلا مبالاه و قعد هيا مبصتلوش و كملت و كان سيف قاعد ....
منال : حضرتك لازم تشوف الملف ده دلوقتي و حطته قدامه.
مصطفي : تبع ايه الملف ده يا منال.
منال بجديه : حضرتك الملف ده تبع المركب اللي هتتحرك بكرة باتجاه الشركه الاجنبيه و في مشكله كبيرة هتحصل لو المركب دي تحركت ف ممكن حضرتك تراجعه ثاني.
سيف و صقر بص لها بصدمه .....
صقر : بس حضرتك المركب سليمه و مفيهاش مشاكل ايه المشكله اللي ممكن تحصل لو المركب سليمه.
منال بصتله بجديه : حضرتك انا مقصدش من كلامي أن المركب فيها مشكله انا بقول أن في مشكله هتحصل لو المركب تحركت كده ده مش معناه أنها فيها مشكله.
صقر : بس ..... و قبل ما يكمل كلام.
مصطفي بانتباه : طيب استني انت يا صقر اتفضلي يا منال اشرح لي المشكله.
منال : حضرتك المركب دي متستحملش غير حموله ٢٠ كيلو و الحموله بتاعت البضاعه ٧٠ كيلو يعني المركب لو تحركت احتمال كبير هتيجي ف نصف المسافه و تغرق لأنها مش هتستحمل حموله زياده خمسين كيلو مرة واحده و كمان ...
صقر : استني كده انتي بتقولي ايه.
مصطفي : استني يا صقر قولت كملي يا منال.
منال : و كمان حضرتك أن كانت الشركه دافعه لكم فلوس و ملحقتوش و ضبطوا الحموله علي المركب المركب هتغرق و ساعتها تخسروا الفلوس و كمان الشركه دي هتعمل معاكم مشكله لأنها شركه كبيرة و جامده ف أن ملحقتوش و ضبطوا الحموله أو غيرتوا المركب هيحصل مشاكل كتير للشركه و الشركه الاجنبيه دي هتقف قصادكم و تعملكوا مشاكل كتير فيما بعد.
مصطفي بصدمه : فعلا المركب حمولتها زياده ٥٠ كيلو و انتوا ازاي متنتبهوش لحاجه زي دي.
سيف اتكلم بسرعه : حضرتك انا مكنتش ماسك الملف ده صقر الي كان ماسكه من أوله لآخره.
مصطفي : تمام شكرا جدا ليكي يا منال لولا نباهتك و قوة ملاحظتك فعلا كان ممكن يحصل مشاكل كتير شكرا ليكي مرة ثانيه اتفضلي روحي كملي شغل و أن لقيتي اي مشكله ثانيه تعرفيني فورا.
منال : العفو حضرتك ده شغلي عن اذنك.
خرجت منال هيا و سيف راحوا المكتب.....
منال : استاذ سيف ممكن تيجي معايا المكتب نراجع الملفات كلها هناك احنا و البنات لأننا لسه جداد في الشغل برضو.
سيف : تمام و انا معنديش شغل النهارده تعالي يالا انا هاجي معاكي و أن لقينا اي مشاكل هنروح للمدير نعرفه فورا.
و راحوا الاثنين المكتب و بداو كلهم يراجعوا الملفات ....
ف مكتب المدير.....
مصطفي بص لصقر بغضب.....
مصطفي : انت ازاي يا استاذ متنتبهش لحاجه زي دي تقدر تقولي انت بتشتغل ازاي و لما موظفه جديد اول يوم ليها هنا و لاحظتها و الحمد الله احنا قدمنا يوم لسه يعني كويس أنها جت النهارده و نبهتنا.
صقر : حضرتك اناااا ...
مصطفي : انت ايه انت عارف ان مكناش عرفنا و المركب دي تحركت كان هيحصل ايه كنا هنتحبس يا استاذ و كانت الشركه هتتقفل بسببك.
صقر : كنا هنتحبس للدرجة دي.
مصطفي : اومال انت فاكر ايه الشركه كانت تبلغ عننا أن احنا واخدين عربون و موصلناش البضاعه في الميعاد و لو مبلغوش مكنوش هيسبونا برضو كانوا ممكن يوقعوا اسمنا فالسوق و أن اسمنا وقع هتبقي مذله لينا انت مستهتر بالشغل ليه المرادي و انا قولت ان انت هتبقي أكفأ واحد أنه يستلم الصفقه دي طلعت متستاهلش تقدر تقولي سيادتك هتتصرف ازاي الوقتي و يا تري هتلحق توزع البضاعه أو حتي تغير المركب.
صقر : حضرتك أن شاء الله انا ههتم بالموضوع.
مصطفي : لا انت متهتمش بالموضوع ده ثاني انا عارف انا هحط مين بدالك و يالا جهز نفسك عشان هنعمل اجتماع نحل فيه المشكله دي اتفضل.
مشي صقر و هو متعصب من الاهانه الي هو اتعرض لها و راح مكتبه يجهز للاجتماع....
السكرتيرة راحت ل منال المكتب ....
منال : ادخل.
ندا : حضرتك انتوا و استاذ سيف مطلوبين انتوا الاربعه عشان الاجتماع.
سيف : تمام اتفضلي انتي احنا جايين.
ندا خرجت......
منال : اجتماع بس احنا المفروض مبنحضرش اجتماعات انت بس الي المفروض تروح.
سيف: ممكن يكون بابا طلبك عشان تشرحي المشكله و تلاقي لها حل ك اختبار ليكي يعني يشوفك تقدري تحليها أو هتحليها ازاي.
ملك : اه استاذ سيف عنده حق ممكن فعلا.
مياده : يالا نروح و احنا نعرف كل حاجه.
منال بتنهيده قالت : يالا.
في قاعه الاجتماعات و صل الكل و دخلوا و اتكلم مصطفي و قال ......
مصطفي : دلوقتي يا حضرات في مشكله الانسه منال لاحظتها في الملف بتاع شركه CR الي المركب هتتحرك عندها بكرة فا انا عايز الانسه منال تتفضل تشرح المشكله لأعضاء الاجتماع و أن كان عندها حل تقدمه لنا اتفضلي يا انسه.
تقدمت منال و مسكت القلم ع الشاشه و بدأت تشرح و عرفت نفسها .....
منال : اقدملكوا نفسي انا الانسه منال احمد عبد الحميد كليه هندسه قسم معمار موظفه جديده هنا لسه اول يوم ليا انا و اخواتي الاكل بص لها بانتباه و بدأت تشرح .....
منال : حضراتكم انا كنت بتفحص الملفات في المكتب مسكت ملف و لقيته في حاجه غلط و في مشكله كبيرة و لقت منال الكل بص لها بانتباه ف تشجعت و كملت بفخر....
منال : الملف ده تبع شركه CR زي ما حضرة المدير قال و المركب الي هتتحرك من هنا متستحملش حموله اكتر من ٢٠ كيلو و انا لقيت أن الحموله المتحمله عليها ٧٠ كيلو و لقيت كمان أن الشركه دفعه عربون ٢٠ الف جنيه و المركب حمولتها زياده ٥٠ كيلو و لو تحركت فالبحر هتغرق و البضاعه هتروح هيا و المركب ف الخسارة الي هتحصل من ده أن شركتنا اولا هتخسر المركب ب ٧٠ كيلو من بضاعه و كمان الشركه مش هتسكت لأنها شركه كبيرة و ليها قوتها ف لازم نلاقي حل و مفيش قدمنا وقت غير النهاردة لأن المركب هتتحرك بكرة ف لازم نلاقي حل ع السريع و نبدا الحل دلوقتي بدون تأخير.
عضو ١ : طيب حضرتك عندك حل المشكله دي.
منال بصت لهم كلهم و قالت : طبعا عندي حل.
الاعضاء : ايه هو.
بدأت منال بفرحه و فخر من نفسها تشرح الحل .......
منال : احنا حاليا قدمنا حلين يا اما نجيب مركب ثانيه و ننقل الحموله بالنص بين المركبين يا اما نجيب مركب اكبر من دي ننقل فيها الحموله كلها و ف الحالتين هنحتاج شخص يكون حضرت المدير عنده ثقه فيه كويس و الشخص ده يكون يقدر يتحمل المسؤوليه دي لأن نقل حموله من مركب لمركب ثانيه مش حاجه سهله ف لازم الي نختاره يكون قد مسؤوليه الحاجه دي و هما دول الحلين الي عندي و اي حد عنده فكرة غير دي يتفضل.
مصطفي بإعجاب : طب انتي يا انسه منال شايفه الحل انهي الاحسن.
منال : و الله حضرتك لو المركبتين هيكونوا متمكنين انهم يكونوا خط واحد في البحر ف ماشي بس انا رأيي أن مركبه واحده تكون احسن.
سيف : بس مركبه واحده يا انسه هتحتاج وقت كبير عشان تحمل و احنا مفيش قدمنا غير يوم واحد.
منال بجديه : حضرتك المركب الواحده هتحتاج وقت اه بس علي الاقل هتكون متحمله الحموله الي عليها لأنها هتكون اكبر من الحموله بكتير ف هتتحمل و كمان عشان لا قدر الله أن جت عاصفه و البحر هاج و لا حاجه أن كانوا مركبتين منضمنش ممكن مثلا مركب تتوه و لا حاجه او تغرق و كده هتوصل نصف البضاعه بس و نضيع علي نفسنا صفقه كبيرة مع الشركه دي إنما أن كانت مركبه واحده اكبر من الحموله الي عليها ف هتستحمل و أن البحر هاج ولا حاجه هتبقي المركبه باذن الله قادرة أنها تقاوم لأنها خفيفه و مستحمله حمولتها عشان كده حضرتك انا بقول أن مركبه واحده افضل من اثنين و إن كان ع الوقت ف عشان كده انا بقول انكم تختاروا شخص دلوقتي يكون عنده القدرة أنه ينفذ المهمه دي خلال ٢٤ ساعه
الاعضاء كلهم بصولها بإعجاب من طريقه كلامها ماعدا صقر كان مضايق و اخواتها بصولها بفخر و هيا قالت بثقه .....
منال : و انا بشكر جميع أعضاء الاجتماع و شكرا جدا ليكم انكوا وثقتوا فيا و سمعتوني و شكرا ليكم.
كل الاعضاء سقفولها ع الفكرة بتاعتها .....
مصطفي : تمام يا حضرات كده الاجتماع خلص شكرا ليكم.
و بص ل منال و قال : انسه منال عايزك في مكتبي.
و راحوا كلهم المكتب ....
و صقر راح مكتبه و ملك و مياده كمان راحوا يكملوا شغل و منال راحت مكتب المدير .......
......... نهايه الفصل الثالث .........