الفصل الثاني ( المنال الصعب )
الثلاثه بصوا وراهم بصدمه .....
شافوا سيف واقف باصص لهم و مبتسم ....
ملك بصت له بصدمه و قالت : بصراحه اه الشركه حلوة اوي.
سيف : يشرفنا أن شركتنا تعجب حضرتك.
و كمل كلامه و قال ....
سيف : اعرفكم بنفسي انا المهندس سيف المنشاوي الي هوصلكم للمدير و انا ابن صاحب الشركه ممكن اتعرف بحضراتكم.
ملك ابتسمت و قالت : انا ملك احمد عبد الحميد.
مياده ابتسمت : انا مياده احمد عبد الحميد.
سيف باستفسار : ما شاء الله انتوا اخوات و لا ايه كلكم عبد الحميد و ضحك.
ملك و مياده بصوا باستغراب ....
منال قالت بجديه : اااه حضرتك كلنا عبد الحميد في عند حضرتك اي اعتراض علي الاسم.
سيف لقاها جديه شويه ف كمل بجديه : لا طبعا معنديش مانع انا بس استغربت علي كده بقي انتوا اخوات.
منال : بالضبط و انا منال عبد الحميد الكبيرة الي فيهم و اي حاجه عايزها تقدر تسالني انا ممكن بقي حضرتك توصلنا لمدير الشركه دي.
سيف : ااااه طبعا اتفضلوا معايا.
و راحوا معاه البنات و وصلوا المكتب خبط سيف و استاذنوا بالدخول و دخلوا ....
سيف : سلام عليكم يا بابا حضرتك دول البنات الي جم جديد الشركه.
دخلت منال بكل ثقه و وراها ملك و مياده
ملك بضحك : بقولك ايه يا بت يا مياده المكتب ده كبير كده ليه ده اكبر من اوضتي.
مياده بضحك : عندك حق.
سمعها سيف و ضحك علي كلامها.....
منال : ممكن الاختين يبطلوا كلام ملوش لازمه يا ماما انتي و هيا احنا جايين هنا نشتغل مش جايين نشتري الشركه ف بطلوا كلام بقي.
ملك و مياده : حاضر.
دخلوا البنات.....
سيف : هما دول حضرتك ثلاث بنات اخوات من عيله .....
و هنا وقفت منال و قالت : شكرا لحضرتك نقدر نعرف عن نفسنا .
ملك : انا ملك احمد عبد الحميد سني ٢٠ سنه درست هندسه قسم معمار.
مياده : و انا حضرتك مياده احمد عبد الحميد سني ٢٠ سنه تؤام ملك و درست هندسه قسم معمار.
منال قالت بكل ثقه : انا حضرتك اسمي منال عبد الحميد عندي ٢٢ سنه و انا ابقي اختهم الكبيرة درست برضو هندسه قسم معمار و دي بطايقنا.
مصطفي كان معجب بيهم جدا من طريقه كلامهم و بالاخص منال شافها بنت واثقه من نفسها......
مصطفي :تمام تقدروا تروحوا تبداو شغل و بما انكم اخوات ف بعض ف هخليكم ف مكتب واحد و استاذ سيف هيوصلكوا بص لسيف لاحظ أنه سرحان في ملك.
مصطفي : استاذ سيييف.
سيف : ها يا بابا ا...ا قصدي نعم حضرتك.
مصطفي : اتفضل وصل البنات علي المكتب و هيكونوا في مكتب واحد و تعالالي عشان عايزك بسرعه اتفضل.
سيف : حاضر حضرتك
مصطفي : اتفضلوا يا بنات تقدروا تبدوا شغل و اعتبروا الشركه شركتكم و هتعرفوا كل حاجه عنها مع الوقت.
منال بجديه : شكرا حضرتك عن اذنك يالا يا بنات.
ملك و مياده : حاضر.
و راحوا المكتب سيف وصلهم و قال : تقدروا تتفضلوا.
منال : شكرا لحضرتك و كمان انا اسفه جدا أن كانت معاملتي ضايقتك مني في حاجه بس انا كده في الشغل مبحبش الهزار.
سيف : لا ولا يهمك مضايقتش بالعكس أنا معجب من طريقتك في الشغل طريقه حلوة يعني.
اتكلمت ملك بمشاكسه : طبعا حضرتك ده انا اختي منال دي اصلا عسل و بنت فرفوشه و بتحب الضحك بس هيا عصبيه حبتين.
مياده : حبتين بس قولي حبتين ثلاثه.
ضحكت ملك و قالت : بصراحه عندك حق.
بصت لهم منال و ضحكت و سيف ضحك من طريقتهم.....
سيف : انتوا شكلكم اخوات حلوين ههههههههههههه ربنا يخليكم لبعض.
ملك و مياده و منال في صوت واحد عالي : امين.
سيف ضحك جامد : لا بجد مش طبيعيين صحيح انتوا عندكم اخوات شباب.
منال : لا معندناش احنا الثلاثه بس.
سيف : ما شاء الله و ايه الي خلاكم تدخلوا نفس الكليه و نفس القسم دخلتوا غصب و لا ايه.
ملك برفعه حاجب : لا طبعا والدنا عمره ما غصبنا علي حاجه تخص حياتنا .
سيف بتمثيل الخوف : طب براحه شويه في ايه هتضربيني و لا ايه.
ملك بضحك : لا لا ابدا ما عاش و لا كان الي يمد ايه علي المهندس سيف و بعدين احنا متعودناش أننا نمد أيدينا علي حد ف يوم ماجي أمد ايدي هيبقي عليك انت لا طبعا ده يعيني انت شكلك غلبان.
سيف : اه و الله يا ريت الباقي يعرفوني زيك كده.
ضحكت ملك......
منال : احنا بقي دخلنا القسم و الكليه دي عشان نكون سوا ف كل حاجه حتي في الشغل.
سيف : ااااه فهمت طيب بما أن معندكوش اخوات شباب ممكن و كمل بخوف انا بقول ممكن مش اكيد و بص ل منال تعتبروني اخوكم و أن احتجتوا اي حاجه انا هكون موجود.
منال : تمام حضرتك مفيش مشكله.
سيف اتنفس بارتياح : طمنتيني.
منال : ليه كنت فاكرني هرفض صح عشان كانت طرقتي معاك جامده من الاول و رفضت نسلم عليك.
سيف : بصراحه اه.
ملك : حرام عليكي يا شيخه مربيه للراجل الرعب من اول مقابله ده خاف منك.
سيف : هههههههه عامله زي اخويا.
منال باستغراب : اخوك مين ده انت عندك اخوات.
سيف : اه طبعا عندي نور و ...
منال : لا انا عارفه نور دي صحبتي.
سيف : ااااه.
منال : و عندك مين كمان اخوات.
سيف : صقر .
منال : لا انا مقولتش عندك مين حيوانات انا بقول مين اخوات.
سيف ضحك جامد : هههههه لا انتي فهمتي غلط صقر ده اخويا مش حيوان ده اخونا الكبير.
منال بصدمه : صقر ده اسم اخوك الكبير ليه هيا والدتك ولدته في حديقه حيوان ولا ايه.
سيف فضل يضحك و قال : لا لا هموت مش قادر يا بنتي لا الصراحه انا مش عارف هو تسمي كده ليه جائز ماما كانت بتتوحم علي صقر و هيا حامل فيه.
ضحكوا البنات .....
مياده : تصدق ممكن.
منال : أو كان عندها صقر و مات فقررت تسميه كده عشان متنسهوش.
ملك : تصدقي برضو ممكن.
سيف : لا لا انتوا الثلاثه مشكله بس و الله قعدتكم حلوة مضحكتش كده من زمان.
البنات : اي خدمه يا عم يالا فتحنا نفسك ع الشغل اهوه.
سيف : فعلا بس قوليلي بقي يا منال هو انا بحسك ليه اوقات تكوني شخصيتك مختلفه شويه فرفوشه و شويه جديه و شويه ناشفه فالتعامل و لسه مشوفتش العصبيه الي انتوا بتقولوا عنها بس مسيري اشوفها هاااا قولي بقي ليه.
منال : و الله يا اخ سيف الموضوع طويل و محتاج قعده ف انت أن كنت فعلا عايز تعرف ابقي تعالي أما نخلص شغل و انا احكيلك.
سيف : إذا كان كده ماشي.
ملك : و ابقي هات لنا بقي اي حاجه ع زوقك عشان المستمعين يتسلوا.
سيف ب تساؤل : مستمعين مين الي يتسلوا.
ملك : مش هيا هتحكي و انت و هيا تتكلموا احنا بقي البنات عايزين نتسلي و احنا ب نسمع اومال نقعد فاضيين يعني.
سيف : ااااه لا فعلا عندك حق.
ملك ضحكت .....
منال : صحيح مش الاستاذ مصطفي كان طلبك لما توصلنا تروح له بسرعه.
سيف بصدمه : يا نهار ازرق مش فايت صح ده انا نسيت خالص ده هيعمل مني بطاطس محمرة.
ملك بضحك : ابقي حط عليها كاتشب و هاتلي ساندوتش.
سيف ضحك و قال : ماشي.
مشي سيف و البنات قعدوا يجهزوا عشان الشغل و يتفحصوا الملفات.....
ملك : طب و الله سيف ده قعدته حلوة ارتاحت له.
مياده : ااااااه طبعا بإمارة نظراته ليكي و حنا في المكتب.
ملك بتفكير : نظرات ايه يا بت انا ملاحظتش حاجه
مياده : هو انتي بتلاحظي حاجه اصلا.
ملك : فعلا عندك حق.
منال : يالا يا جماعه عايزين نبدا شغل و تتفحص الملفات دي كويس عشان لو فيها حاجه غلط نروح لاستاذ مصطفي نقوله.
البنات : تمام.
و بداو يتفحصوا الملفات كلها و بدأوا شغل ....
في مكتب المدير خبط سيف علي الباب.....
مصطفي : ادخل.
دخل سيف لقي صقر قاعد .....
مصطفي : ايه يا استاذ كل ده فين انا طلبك بقالي ساعه.
سيف : اسف يا بابا ع التاخير بس كنت بتعرف عليهم اكتر و عرفت عنهم شويه معلومات.
صقر : بتتعرف علي مين و معلومات ايه.
مصطفي : الموظفين الجداد.
صقر : اه فهمت.
سيف : بصراحه يا بابا البنات دول قعدتهم حلوة قوي ضحكوني ضحك مضحكتوش بقالي كتير و حتي البنت الي اسمها منال دي مع انها ناشفه شويه بس أن تعرفت عليها و عاملتها زي بنتك هتلاقي منها معامله ثانيه هيا و اخواتها البنات.
صقر : لا لا ثانيه بس هما الموظفين دول بنات و كمان اخوات.
سيف : ايوا.
افتكر سيف الكلام الي قالته منال عن صقر ف قعد يضحك.....
صقر لقاه بيبص له و يضحك قال ....
صقر : ايه يا استاذ سيف انا بقيت بضحك و انا معرفش و لا ايه.
سيف : لا ابدا افتكرت حاجه كده بس بصراحه البنات دول جامدين.
صقر لقاه بيتكلم عنهم بثقه جامده ف كان عنده فضول يشوفهم ....
صقر : طيب بما أنهم جامدين كده زي م بتقول ما تخلينا نتعرف احنا كمان بالمرة.
سيف : طيب ماشي تعالي اوصلك لمكتبهم.
صقر : عن اذن حضرتك.
مصطفي : اتفضلوا و ياريت يا استاذ سيف توصل استاذ صقر علي باب المكتب و تيجي عايزك ضروري و مش هقول ثاني.
سيف : حاضر عن اذنك.
طلعوا الشباب و مشيوا .....
في المكتب ....
منال كانت بتشوف ملف عن حموله طالعه مركب هتسافر بلد أجنبي و بصت بصدمه....
منال : ايه ده لازم اعرف المدير فورا بالكلام ده
ملك و مياده بصولها بصدمه : ايه في ايه
منال : الملف ده بتاع مركب هتسافر بلد اجنبيه ب بضاعه و المركب مش هتتحمل غير ٢٠ كيلو من البضاعه و البضاعه هنا وزنها ٧٠ كيلو يعني احتمال كبير المركب دي تغرق لو ملحقنهاش و تخسر الشركه خسارة كبير و ممكن يحصل مشكله بين الشركه الاجنبيه و شركه هنا.
ملك بجديه : طب احنا هنعمل ايه دلوقتي.
منال : اكيد طبعا لازم اقابل استاذ مصطفي و عرفوا عشان الشركه متخسرش لأن لو المركب دي غرقت هيخسر البضاعه و الفلوس و المركب و هيحصل مشكله.
و لسه هتروح عشان تقولوا لقت سيف فتح الباب دخل سيف و معاه صقر صقر بص لهم بلا مبالاة و بص في أيدها لقي ملف ف استغرب.....
سيف مشي و ساب صقر و منال مشيت بسرعه من غير كلام و معاها الملف راحت علي مكتب المدير......
...... نهايه الفصل الثاني .......