الفصل الاول ( المنال الصعب )
الشخصيات ....
البطله منال عبد الحميد / بنت جميله عندها ٢٢ سنه عنيها بني و شعرها اسود و بشرتها قمحاويه درست هندسه و شغاله فشركه الهواري و بتحب الرياضه جدا و عندها مكان مخصص ليها محدش يعرف عنه حاجه غير أهلها في كل انواع الآلات الرياضيه و سيوف و رمايه و كل حاجه تخص الرياضه و بتروح ليه من وقت للثاني تدرب.
والدها اسمه احمد عبد الحميد والدتها ست طيبه اسمها نجوي و منال عندها أختين تؤام ملك و مياده عندهم ٢٠ سنه و بيشتغلوا معاها فشركه الهواري و منال بنت شخصيتها قويه جدا و تعتبر هيا لحمايه لأهلها و اخواتها و معندهاش حاجه اسمها استسلام أو خسارة لأنهم معندهمش اخوات صبيان و هيا عندها حلم أنها تأسس شركات لنفسها فبدأت شغل ف الشركات دي .....
عيله الهواري البطل اسمه صقر الهواري / شخص فرفوش شويه و عصبي وقت اللزوم و عينه بني فاتح و شعره بني و بشرته قمحاوي و عنده ٣٠ سنه هو عصبي و عنده الشغل جد بيشتغل مع أبوه ف الشركه و هو شخص جسمه رياضي و بيحب الرياضه.
والده اسمه مصطفي الهواري و والدته اسمها سماح ست طيبه و هاديه و عنده اخواته بنت و ولد بنت اسمها نور عندها ٢٢ سنه بتشتغل برضو فالشركه و هيا صاحبه منال و بتحبها جدا و اخ اسمه سيف عنده ٢٩ سنه بيشتغل برضوا فالشركه مع اخوه و ابوه .......
نبدا الأحداث ........
في بيت عيله عبد الحميد الساعه ٦ صباحا صحيوا البنات عشان اول يوم شغل ليهم ف شركه الهواري النهارده صحيوا مياده و ملك و راحوا يصحوا منال لأنها كانت نائمه .....
ملك : منال يالا اصحي عشان الشغل يالا يا لولا قومي.
مياده : يالا يا منال يا حبيبتي مش معقول نتأخر من اول يوم يالا يا حبيبتي.
منال فاقت و قالت ب زهق : هاااااا ايه في ايه قاعدين تزنوا علي دماغي من الصبح ليه.
ملك : يالا يا منال عشان الشغل مش عايزين نتأخر من اول يوم.
منال : الساعه كام دلوقتي.
مياده : الساعه ٦ يالا قومي بقي.
منال : طيب انتوا جهزتوا يعني.
ملك و مياده : اه احنا جاهزين لسه انتي.
منال : تمام ١٠ دقائق و هتلاقوني قدامكوا اتفضلوا يالا اطلعوا بره.
ملك برفعه حاجب : ايه ده انتي بتطرودينا و لا ايه.
مياده : شكلها كده.
منال : بقولك ايه انتي و هيا اطلعوا بره يالا.
قالت منال كده و رمتهم بالمخده
ملك : اااااه يا عضمك يا رضا ايه ده حد يعمل كده ف اخواته وش الصبح و بعدين احنا كان ممكن نسيبك و نروح بس عملنا فيكي موقف جدعنه و جينا نصحيكي تقومي ترمينا بالمخده اما وحده غريبه بصحيح.
مياده : اه يعني المفروض تشكورينا لأن لولا احنا كان زمانك راح عليكي الشغل من اول يوم.
منال بنفاذ صبر : هاااااااا و بعدين خلاص يا ستي متشكرين انتي و هيا ممكن بقي تطلعوا بره عشان مش نضيع وقت و نوصل ف الميعاد.
ملك و مياده ضحكوا و خرجوا و قامت بطلتنا من ع السرير طبعا هما عايشين في بيت زي الفيلا كده تعتبر فيلا صغيرة قامت دخلت الحمام خدت شاور و سرحت شعرها و لبست دريس ابيض واسود و طرحه بيضه و محطيتش اي ميكب كانت جمال طبيعي و زي القمر و لبست كوتشي ابيض و نزلت لقيتهم بيفطروا.....
منال بابتسامه للكل : سلام عليكم صباح الخير جميعا.
احمد : صباح الخير يا حبيبتي.
الكل : صباح الخير.
ملك : ايه ده يا لول حد يروح الشغل اول يوم بالاسود.
منال : انا عاجبني الطقم ده و بعدين اسود ايه مهو نص الدريس ابيض و كوتشي ابيض و طرحه بيضه اعمل ايه اكتر من كده يعني.
مياده : خلاص يا باشا احنا اسفين كنا بنهزر معاك.
منال بضحك : هزارك مقبول يا اختي.
الكل ضحك ع طريقتها......
احمد : يالا يا حبايبي عشان متتاخروش من اول يوم.
ملك بتريقه : ااااه مهو لو كانت الست هانم صحيت بدري و متعبتناش كان زمانا هناك دلوقتي.
منال : ما خلاص يا لوكه انتوا هتمسكوا عليا ذله و لا ايه ده انتوا ناقص تروحوا تقول للمدير كمان خلاص مش حوار يعني.
مياده : لا يا شيخه اهدي شويه مش لدرجه المدير طبعا و لا ايه يا ملك.
ملك بضحك : طبعا لا مش للدرجة دي احنا ننشر اخبارك فالبيت بس إنما بره البيت لا طبعا.
منال بهزار : اهو ده العشم يا اخواتي يالا بقي عشان منتاخرش.
ملك بضحك : انتي قاعده تقولي عشان منتاخرش عشان منتاخرش شكلنا تأخرنا و هنروح نترفد من اول يوم.
كلهم ضحكوا....
منال اخدت الجاكيت الاسود بتاعها و النظارة و خرجوا ركبوا العربيه و ساقت منال و مشيوا.....
في بيت الهواري صحي بطلنا من ع السرير غسل وشه و خد شاور و لعب شويه ضغط و قام راح لبس بدلته المكونه من قميص ابيض و جاكيت اسود و بنطلون جينز اسود و سرح شعره و حط برفان و نزل .....
صقر : صباح الخير جميعا.
الكل : صباح النور.
سماح : اقعد يا حبيبي يالا عشان تفطر معانا.
قعد صقر و بدا فطار و قال : امال فين سيف و نور
مصطفي : زمانهم نازلين الوقتي.
صقر : ماشي يا بابا شكرا.
و نزلوا سيف و نور كانوا لبسوا قعدوا فطروا.....
صقر : ها يالا جاهزين نتحرك.
نور و هيا بتاكل : ايه ايييه يا عم براحه شويه عايزين نبلع اللقمه و بعدين انت مستعجل ع الشغل كده ليه.
صقر بقرف : طب بس بسسسس خلاص افصلي أيه ابلعي لاول يا مقرفه سديتي نفسي.
سيف : ليه يا صقر انتي مكنتش كلت و لا ايه يا بابا ده حتي طبقك فاضي معاذ الله يعني انا مش بحسد.
صقر ب اشمئزاز : اعوذ بالله هتبصولي ف اللقمه و لا ايه.
سيف : م انا قلت اهوه انا مش بحسد .
صقر : اه و بعدين انا راجل رياضي يعني لازم اتغذي.
نور بضحك : ااااااه طبعا اومااااال.
صقر : ايه يا بت هتتريقي و لا ايه.
نور بضحك : لا ابدا و الله.
مصطفي : ايييه بطلوا كلام و يالا عشان تروحوا الشركه زمان الموظفين الجداد وصلوا يالا.
الشباب : حاضر يا بابا.
و خرجوا الشباب و معاهم نور و نور برضو كان اول يوم شغل ليها ركبوا العربيه و مشيوا.....
بعد شويه وصلت منال و اخواتها الشركه و نزلت منال من العربيه و مهتمتش بشكل الشركه و تحركت بكل وقار بداخل الشركه و ملك و مياده وراها ب يتفرجوا ع الشركه و قد ايه هيا جميله و منال لاحظتهم.....
منال : انتي يا بنت انتي و هيا بطلوا تتلفتوا كده هتلفتوا النظر ليكم يا اغبيه.
و دخلوا مكتب سيف و قعدوا استنوا عشان هو الي هياخد هم للمدير.....
ملك : بصراحه يا لول الشركه جامده انا متخيلتش انها تكون بالجمال ده.
مياده : اه و الله عندك حق و انا كمان عجبتني اوي.
منال بفخر : و أن شاء الله شركتي هتبقي احسن من دي.
البنات : أن شاء الله.
منال بغضب : بطلوا بقي تفحصوا المكتب كده مش مكتب ابونا هو.
ملك : فيه ايه يا لول مش عيزانا نتفرج ع الشركه ليه دي حتي جميله اوي.
سيف من وراها : يعني عجبتك.
بصوا وراهم بصدمه .......
...... نهايه الفصل الاول .........