الفصل 72: عرض الزواج
الليلة كانت مختلفة. القصر كله ساكت، ولكن فحديقة صغيرة مخبية وسط الزهور والعرايش، كان الجو سحري. الأضواء كانت خافتة، موسيقى كلاسيكية كتدور بهدوء، وكلشي مجهز بسرية من طرف Rocco وDaniel.
Sofia كانت لابسة فستان طويل بلون ناعم، شعرها مفكوك وكيتطاير مع نسيم الليل. Alessandro طلب منها تخرج تمشى معاه شوية. كانت فرحانة، ولكن ما كانتش عارفة شنو نايض.
وصلا لوسط الحديقة، وفجأة الضو شاع، ولقات قدامها ممر من الورد الأحمر، وعلى الجوانب شموع كتضوي الطريق حتى لوصلة لنقطة دائرية فيها طاولة صغيرة، وعليها صندوق صغير مزين بفيونكة.
التفات ليها Alessandro وعينيه عامرين حب، مسك يدها، وركع قدامها بكل رزانة، وقال:
"من نهار دخلتي حياتي، كلشي تبدّل. عرفت طعم السكون، والأمان، والفرح اللي ما كنتش كنحس بيه من سنين. Sofia… بغيتك تكوني زوجتي، شريكة حياتي، وأم ثانية لابني اللي كيحبك من قلبو. واش تقبلي؟"
Sofia عينيها غمراتهم الدموع، حسات بقلبها غادي ينفجر من الفرحة، ماقدراتش تهدر، ولكن حركات راسها بـ"نعم" كانت كافية. Alessandro وقف، لبس ليها الخاتم بيدها، وقبلها قبلة كلها دفء وحب.
من بعيد، Rocco وDaniel كانوا كيتفرجوا ومبتسمين، وليو كان حاضي من الشباك كيصفق، فرحان أن العائلة ديالو كتكتمل من جديد.
نهاية الفصل.