الفصل 70: أول حضن بعد الغياب
---
كانت ليلة استثنائية…
أول مرة Alessandro يبات خارج أسوار القصر، وأول مرة كيعطي قلبه وحنانه لوحدة من بعد الرحيل ديال Elena.
لكن هاد الليلة كانت مختلفة… كانت دافية، مشي بحرارة الجو، ولكن بحرارة الأحاسيس اللي تقاطعات فقلوبهم بجوج.
في جناح خاص بالمطعم الفاخر، كانت غرفة مصممة للعشاق فقط. سرير ملكي، ورود حمراء مبعثرة، شموع منثورة، وموسيقى هادئة كتدوب الروح.
كانو جالسين فالبالكون، كيشربو كاس عصير، وهي لابسة روب خفيف ديال النوم، هو شد يدها، وشاف فيها عينيها المليانين بالحب، وقال:
"ما كنتش عارف أني نقدر نرتاح بحضن شي حد من جديد… ولكن نتي غيرتي لي المعادلة كلها."
قرب منها، وباسو خفيف على جبهتها… ومن تم، بدات لحظات من الحنان والرغبة المختلطة بالمشاعر الحقيقية.
ضمها للصدر ديالو، وهو كيحس لأول مرة براحة حقيقية.
هي همسات ليه:
"أنا هنا… ماشي باش نكون بديلة، ولكن نكون بداية جديدة."
ابتسم، وقال ليها:
"وانا مستعد نعيش معاك كل لحظة… من جديد."
الليل كامل بقاو مع بعضهم، ضحك، كلام، قبلات بين الحين والآخر، ودفء حضن كان محروم منه سنين.
مع طلوع الفجر، كانو مازال ناعسين فبعضهم، هو حاضنها وهي حاسة بالأمان.
أول مرة من سنين، Alessandro يحس أنه ماشي بوحدو، وأن قلبو فعلاً بدا ينبض من جديد.
---