الفصل 69: قبلة ما بين الماضي الحاضر
---
بعد ما شاف Alessandro أن Leo غارق فالنوم وما بقى غادي يفوق، نادى على Daniel وRocco بالتلفون، وقال ليهم:
"خدو Leo للقصر، ووجدو ليه فراشو… أما أنا، عندي موعد خاص الليلة."
المعلمة تفاجأت، وسولاتو:
"موعد؟ مع من؟"
ابتسم وبالهدوء ديالو جاوب:
"مع واحدة… بدات تحتل قلبي بلا ما تنتبه."
هي ضحكات بخجل، وبقات كتقول فراسها: هل يقصدني فعلاً؟
ركب معاها السيارة، والهدوء بيناتهم فيه ألف كلمة. مشاو واحد المطعم راقي، الضوء فيه خافت، والشموع شاعلة، والجو رومانسي حتى للنخاع. كل الطاولات فيها زوجين، وحدهم ماشي رسميين، ولكن القلوب كانت كتهدر.
جلسو، وطلبو أطباق خفيفة: صدر دجاج بصوص الزبدة، وحلوى بالشوكولا الذائبة.
Sofia كانت باقة ما كتصدق هاد اللحظة، وعينيها فـ Alessandro كيما عينيه فيها.
من بعد ما سالاو الماكلة، قرب منها، وشد يدها بهدوء وقال:
"ما عمرني تخيلت قلبي يقدر يحب من جديد… ولكن نتي، كل نهار كتعلميني أن الحياة تقدر ترجع تبدا."
دموع صغيرة هبطت من عينها، قبل ما ترد، قرب منها شوية… ووسط الشموع والنظرات، طبع قبلة دافية على شفايفها. كانت قبلة صافية، ما فيهاش رغبة فقط، ولكن فيها حب… وفيها اعتراف خفي.
هي ما قدّراتش تهدر، قلبها كان كيدق بحال الطبول، وبقات كتخبي وجهها فيه، وهو ضمها لحضنو بحنية، وقال:
"سافي… من الليلة، ما بقى حتى شي شيطان يفرقني عليك."
---