الفصل 68: في السينما
---
منين وصلو لدار السينما، نزل Leo من السيارة فرحان، شد يد Sofia بيد، ويد باباه باليد الثانية. الناس اللي كيجيو يدخلوا، كيوقفو يتفرجو، العيون كتلاح على ثلاثي غريب… رجل وسيم، مرأة أنيقة، وولد صغير كيدور بينهم الحب.
دخلوا للقاعة الخاصة، لأنه Alessandro ما كيبغيش الضوضاء، وشرى جلسة VIP، القاعة كلها شبه خاوية، بس الكراسي فخمة، وريحة الفشار زوينة.
Leo اختار الفيلم ديال الكرتون اللي كيعجبو، وAlessandro جلس على اليسار، وSofia على اليمين.
كان الجو دافي، النور بدا يخف، والفيلم بدا…
Leo طاح فالنوم بسرعة من بعد 20 دقيقة، وراسوا بقى مائل على ركبة المعلمة، وهي بدورها بقات كتشوف فيه وكتضحك بحنان، وقلبها عامر سعادة.
وفجأة، Alessandro بصوت خافت:
"كنشكرك بزاف… رجّعتي الضحكة لوجه ولدي."
ردات وهي كتحاول تحبس الدموع:
"وحتى أنا… كنت محتاجة نضحك."
سكتوا بجوج لحظة، وكانت قلوبهم كتتكلم فصمت. ثم قرب منها شوية وقال:
"ماشي ضروري تكوني أم باش تكوني حضن آمن… ولكن نتي، طبيعية فيه."
تخربقات، واحمرات، ولكن فخاطرها قالت:
"وأنا بغيت نكون داك الحضن… ليك انت."