الفصل 66: وردة عند الإشارة
---
ركبوا فالكادياك السوداء اللامعة، Alessandro فالسياقة، Leo فالكراسي الخلفية كيتفرج فالعالم من الشباك، وSofia جالسة جنبو، ساكتة ولكن قلبها كيغني.
وصلوا للإشارة الحمراء، والضوء وقفهم. فجأة، قربات وحدة البنت صغيرة، شعرها مربوط وكتحمل سلة صغيرة فيها ورد بلدي ناعم وملون. وقفات حدا الشباك، وشافت Alessandro، وعينيه على الطريق.
"سيدي… شري وردة لزوجتك، باين عليها كتستاهل."
دار Alessandro وجهو وشاف Sofia، وابتسم. بلا ما يجاوب البنت، خرج محفظتو، وعطاها ثمن السلة كاملة:
"خديهم كاملين، وكل وردة منهم… تستاهلها."
تفاجأت Sofia، وعينيها تحمرّو من الإحراج، ولكن قبل ما تهضر، شاف فيها Alessandro وقال:
"ماشي ضروري تكوني زوجتي باش نوريك شحال كتستاهلي."
سكتت، ولكن دمعة صغيرة نزلت من فرحتها. شدت وردة، وشماتها بحنان، ودارو وجوههم للطريق اللي بدات الإشارة كتفتح فيه طريق جديد… يمكن حتى لحياة جديدة.
---