الفصل 65: لمسة أناقة… ولمسة حب
وصلت Sofia للصالون فالقصر، كانت واقفة حدا المرايا الكبيرة، وهي كتشوف الفستان اللي جا فواحد العلبة مزينة بالحرير. فتحتها بيدين كيرتعشو، ولقت فستان راقٍ بلون الأزرق الغامق، ديزاين أنيق وماركة عالمية، وحتى الحذاء كان بنفس المستوى، راقٍ، أنثوي، وكيتماشى مع الفستان بشكل مثالي.
شداتو بيدها، وقلبها كيدق بقوة:
"كيفاش فكر فيا بهاد الطريقة…؟"
لبسات الفستان، وقفت قدام المراية، وشافت نفسها لأول مرة بحال أميرة… بحال مرا مشات للسينما مع راجلها، ماشي غير معلمة. عينيها تلمعو، والبسمة ما فارقاتهاش.
فالصالة، كان Alessandro واقف، لابس كوستوما داكنة أنيقة، وLeo لابس نفس الألوان، ونفس الستايل. مجرد ما شاف Sofia داخلة، بقا كيشوف فيها فدهشة وابتسامة صغيرة فزاوية فمه.
Leo قاليه بصوت خافت:
"بابا… هي زوينة بزاف، بحال الأميرات!"
Alessandro جاوبه:
"آه… بزاف."
فطريقهم نحو السينما، Leo شد يد باباه، وSofia ترددت شوية، ولكن فشي لحظة، جمعت الشجاعة، ومدات يدها، ومسكات يد Alessandro. ما قال والو، غير خلى يدهم متشابكة، وبقى ساكت، ولكن النظرة اللي عطاها ليها كانت كافية تقول كلشي…
فوسط الزحام، تلاثة ديال القلوب كتضرب فإيقاع جديد… مختلف، دافئ، وكيواعد بلحظات أجمل.