الفصل 58 – نيران الغيرة
---
كان صباح هادئ فالقصر. Sofia كتحضر الفطور وكتغني بهمس، وعينيها كيقلبو على Leo وAlessandro. كانت الأيام الأخيرة دارت فيها تغييرات كثيرة، وقلبها بدا كيعمر بمشاعر ماقدراش تتحكم فيها.
لكن داك الهدوء ماطولش...
جابت الخادمة رسالة خاصة للبطل، موقعة باسم "Giulia Ferretti"...
غير شاف الاسم، عينيه تجمدو للحظة. هي بنت من الطبقة الراقية، كانت دايماً كتحاول تقترب منه قبل حتى مايتزوج Elena. كانت جميلة، قوية، وكتحب السيطرة.
Rocco قال:
"هي فالمدينة... وباغية تشوفك، تقول أنها كتخاف عليك."
Alessandro سكت، ثم قال ببرود:
"نقابلها... اليوم فالعشية."
---
بالعشية، وصلات Giulia للقصر. كانت لابسة فستان أنيق، والمكياج خفيف، ولكن الحضور ديالها قوي ومثير. أول ما دخلات، عينيها تشبثو فـ Alessandro وكأنها كتملكوه.
كان Leo مع Sofia فقاعة القصر، وفاش شافت Giulia داخلة، قلبها بدا يدق بزاف، ومافهماتش علاش.
لكن منين سمعات الضحكة ديال Giulia وهي كتقول للبطل:
"وحشتني... ما كنتش عارفة بلي غياب Elena غادي يخليك بهاد الوحدة."
الغصة طلعات لـ Sofia، وبقات كتشوف فيهم من بعيد، وبالضبط فالنظرة ديال Giulia، كيفاش كانت كتشوفه كأنه ديالها.
رجعات لغرفتها بسرعة، وحست لأول مرة بشيء اسمه الغيرة الحقيقية... حسات أن قلبها مهدد، أن المكان اللي كانت كتشوف روحها فيه بدا يتزعزع.
---
بالليل، كان Alessandro داخل للقصر، وهو ساكت.
لكن Sofia ماقدراتش، وسولاتو:
"شكون هي؟"
رد عليها بهدوء:
"واحدة من الماضي... وأنا ماكنعيش فالماضي."
حسات بارتياح، لكن الغيرة كانت باقي كتغلي.
وفاش كان خارج، زادت بكل جرأة:
"و... واش ممكن واحدة من الماضي ترجع تولي المستقبل ديالك؟"
تجمد فبلاصتو، لكن ماجاوبهاش. غير دار وجهو، وخرج ساكت، تارك ورا ظهره قلب كيحترق بالغيرة... والحب.
---