الفصل 50: ظلال الذكرى
كان القصر ساكن.
Alexandro دخل وهو شايل Leo فحضنو، الطفل نعس من التعب، ووجهو مرتاح.
حطّو فوق السرير، قبّلو فجبينو، وسدّ عليه الباب بلطف.
مشا للصالون الكبير، جلس، وحط يديه فوق وجهو.
فجأة، الصور رجعات...
Elena.
ضحكتها، لمستها، النظرة اللي كانت كتخترق الصمت.
تذكر النهار اللي مشاو فيه هما بجوج للملاهي...
كان يوم مشمس، بحال اليوم.
كانت حامل، فرحانة، كتضحك، وهو كيشوف فيها بعينين عامرين بالحب.
"مستحيل شي مرة فحياتي نحب شي وحدة كيفما كنحبك، Elena."
هكذا قال ليها فداك النهار.
رجع للواقع، قلبو تقطع.
Sofia؟
مجرد إنسانة، لقاء عادي، ولكن...
كاين شي حاجة كتقلّقو.
الكون كيبعث رسائل، لكن هو ما باغيش يفتح الباب.
هو رجل عاش الفقد، وعاش الحب الحقيقي،
وهادشي خلى قلبو مغلق بإحكام.
ناض، مشا للنافذة، شاف السماء، وقال بصوت خافت:
"ما نقدرش... نرجع نحب. ماشي دابا. ماشي مع شي وحدة، وخّا طيبة."
ثم همس لنفسه:
"واش هاد الإحساس اللي كنحسو هو مجرد حنين؟ ولا خطر جديد كيقترب من قلبي؟"
لكن الجواب ماكانش اليوم.
الجواب... كان غادي يجي مع الأيام.