البارت ٢٠
عند بطلتنا
لما صحت جهزت نفسها وتحاول بقدر الإمكان إنها ماتبكي أبدا ونزلت لعند أهلها ضمت أمها
بقوة
وقالت: صباح الخير يا وجهٍ عرفت الخير من شفته
أمها أبتسمت : ياصباح النور وسرور يانضر عيني
جلست كيان وهي تنتظر أبوها شوي وجاء كرم وباس راس أمه وجلس جنب كيان الي على طول حضنته
كرم: صبحكم الله بالخير
ام كرم:صبحك الله بالخير ياوجه الخير
كيان : صبحك الله بالنور والسرور
جلسوا يسولفون شوي وجاء الاب دخل وعيونه على كيان
ابو كرم : يلا ياكيان
ام كرم تكلمت بسرعه: فين بتروحوا وش تبي بكيان ؟
أبوكرم:كيان تبي العيادة قالت رأسها ياذيها من يوم وبتروح تشوف وش فيه
ام كرم طالعت كيان: وش فيك يانظر عيني وش ياذيك فيه اروح معك
كيان:لا يقلبي مايحتاج كلها ساعتين نروح نشوف وش فيه ثم نجي
كرم :خلاص يبه انت ريح وانا أخذ كيان للعيادة
أبوكرم: لا. مايحتاج أنا أخذها انت ضل عند أمك وأصلا عمك حسن بيجي معنا نودي كيان للعيادة. ومعاي شغلة نسويها انا وهو
كرم وهو مو مرتاح لشغله كلها ولا اروح العيادة: طيب روح انت مع عمي وانا أخذ كيان
كيان : خلاص يخوي ماله داعي أروح مع أبوي على طريقه
وطلعت تلبس عبايتها ونزلت ولقت أبوها عند الباب ضمت أمها وقالت لها : يمه أدعي لي أنه مايكون فيني شي
دمعت عيون الام وقلبها أبدا مو مرتاح لطلعة كيان ذي بس أهم شي كيان وصحتها فلازم تروح للدكتور عشان تتأكد الصداع يجيها من وش
ام كرم: استودعتك الله يقلبي ترجعين لحضني بسلامه
كيان من قلب : امين يمه امين
واتجهت لكرم وضمته:اهدأ من كذا يخوي انا رايحه على طريق ابوي أجلس انت عند مامي ونسها
كرم :تمام تمام أتصلي طمنيني اوكي
كيان:تمامو يخوي يلا أستودعتكم الله
ردوا :في أمان الرحمن
ونزلت كيان لعند أبوها وعمها بسيارة ركبت وحركوا السيارة على طول
ابو سعد :وش ذا يخوي المكان بعييد كأننا مسافرين
أبوكرم :إن شاءالله يطول بعد ولا نوصل
قبل كم ساعه.....