ماكنت اؤمن بالعيون وفعلها حتى دهتني في الهوى عيناك - الفصل 39 - بقلم riwaiax - مكتملة | روايتك

البارت التاسع والثلاثين في المستشفى الجوري واقفه تسولف مع زميلتها استأذنت ومشت وقفت لما سمعت احد يناديها : دكتوره ممكن دقيقه الجوري التفت باستغراب : نعم الرجال ابتسم : حاب اشكرك لان لولا الله ثم انتي ما تشافى ولدي الجوري بهدوء : الشكر لله ولفت بتمشي بس مسك يدها : لحظه انصعقت الجوري وبحده : هيه فك يدي وش عندك بعد الرجال مد لها كيس : ممكن تقبلين هالهديه مني الجوري تنرفزت : لا و سحبت يدها بقوه ما انتبهت الا لما رجع وراء من قوة البوكس شافت عبدالعزيز وجهه احمر وعروقه باينه من عصبيته كان جاي عشان يشوفها ويرجعها معه بس من شافها واقفه معه وهو ماسك يدها جن الرجال بعصبيه : نعم من انت الجوري بسرعه مسكت يد عبدالعزيز وطالعته بحده : زوجي تلعثم وما عرف يرد ومشى عبدالعزيز بعصبيه :لو رجال وقف الجوري بخوف :عزيز تكفى انت مريض لا تنسى جرحك للحين مابرى وبعدين احنا بمستشفى عبدالعزيز سحب يده منها :انتي الي لا تنسين انك بمستشفى ومكان شغل وبعدين ليش توقفين معاه وتتكلمين كان اخذتي الهديه منه عشان تكمل الجوري طالعته بهدوء وامتلت عيونها دموع انقهرت وش قصده يعني هي متقصده تسولف معاه عبدالعزيز غمض عيونه بقوه وهو يشوف دموعها مسك يدها ومشى لمكتبها سكر الباب وطالع بعيونها تنهد :ما تلاحظين انك صايره حساسه الجوري بقهر : انت شوف نفسك اول عبدالعزيز بهدوء : خلصتي دوامك الجوري صدت وهي تفسخ البالطو : ايه عبدالعزيز قعد على الكرسي بتعب : طيب عازمك على العشاء في المطعم الي تحبينه الجوري ببرود خذت شنطتها : مشكور مو جوعانه عبدالعزيز وقف قدامها مسك يدها وباسها بهمس : طيب براحتك الحين بروح المطعم واذا لقيت وحده قاعده بروحها بعزمها واقعد اسولف وامسك يدها الجوري طالعته بحده : عشان احرقك انت وياها ضحك عبدالعزيز : اجل لا تلوميني على غيرتي الجوري ابتسمت ومشت معاه : وين صالح عبدالعزيز : عند امي الجوري : ليش خليته عندها بروحها تعبانه و مافيها حيل على شطانة صالح عبدالعزيز بابتسامه : خلاص الحين بنمر عليه وناخذه معنا عطيني مفتاح سيارتك الجوري عطته بهدوء ___ اسيل قاعده على سريرها ساندة راسها و هي تفكر بياسر دخلت الصور وهي تشوف صوره الي ماليه جوالها تأملتها بهدوء تحس بشوق كبير له دخلت على الواتس شافته اون لاين خذت نفس عميق وقفلت جوالها هو الي لازم يتصل ويسأل عنها مو هي انطق الباب : تفضل شيخه :شرايك تجين معي اسيل: وين شيخه: معزومه على حفله اسيل وقفت : طيب يمه اجهز واجيك ابتسمت شيخه لانها وافقت تطلع معها: انتظرك يمه خذي راحتك ___ في بيت سعود نوره قاعده تشرب قهوتها ونفسيتها تعبانه من الحمل فايز قاعد على الارض وقدامه كتابه ودفتره واقلامه ومحمد قاعد يحل واجباته ووجدان وجواد يطالعون التلفزيون بعد ما خلصوا جاء سعود قعد جنبها : كيفك نوره بتعب نزلت كوب قهوتها : تعبانه سعود حط يده على اكتافها : سلامتك من التعب نوره سندت راسها على كتفه سعود حط يده على بطنها : وكيف بنتي الحلوه نوره ابتسمت : وش دراك انها بنت سعود رجع شعرها لوراء وهو يتأمل ملامحها : احساس وراح اسميها نوره نوره : لا يكفيك نوره وحده وبس نوره : لا يكفيك نوره وحده بس وبعدين اذا بنت انا بسميها سعود ضحك وطالع وجدان وجواد :طيب سميها الي تبين المهم لا تنسين بكرا عندك موعد وراح نعرف شنو جنسه نوره ابتسمت :طيب فايز خلص نزل القلم و قفل الكتاب محمد ما عرف يحل المسأله طالع نوره: ماما في مسأله ما عرفت احلها نوره بعدت عن سعود: تعال اشوفها محمد جاء لها وهو يحط الدفتر على الطاوله شافت مسأله بدون حل وبدت تشرح له فايز طالعهم بهدوء من فتره طويله وهو يدرس لحاله نادرا ابوه يراجع له نزل نظره لكتابه ودفتره و جمع اقلامه لمقلمته بيدخلهم الشنطه ويقوم بس سعود انتبه لنظرات فايز وبابتسامه: فايز خلصت مذاكره فايز طالعه :ايه سعود : عطني الكتاب اراجع لك فايز مد له الكتاب :طيب سعود بدا يراجع له ويسأله وهو يجاوب بحماس ابتسم سعود بعد ما خلصوا :شاطر الله يوفقك ليت محمد يتعلم منك محمد طالع ابوه :بابا يعني انا مو شاطر سعود :الا شاطر بس هو اشطر منك فايز ابتسم دخل كتابه الشنطه ومشى لغرفته ___ اسامه وقف قدام العماره الي فيها شقته خلود :وين رايح اسامه :بروح لاسماء واشوف فجر اشتقت لها خلود تنهدت :يعني ما راح تجي اليوم اسامه :لا جايك خلود ابتسمت: طيب نزلت دخلت العماره طالعها لما دخلت ومشى رايح لبيت خاله بعد نص ساعه وقف السياره ونزل طق الجرس فتح له جاسم ولد خاله سلم عليه ودخل معاه شاف خاله قرب منه وهو يحب راسه : اخبارك يا خال ابو جاسم : الحمدلله بخير وانت طمني عنك كيفك بعد العمليه اسامه : الحمدلله تمام جاسم وقف وهو يقهويهم مد له الفنجان واخذه اسامه دخلت فجر تركض وتصارخ : بابا نزل فنجانه وضمها وباس راسها : روح بابا فجر : بابا جيت تاخذنا بيتنا اسامه : ايه فجر وقفت : باروح اقول لماما اسامه مسك يدها : لحظه طالع خاله : ممكن اشوف اسماء جاسم بحده : لا الي سويته فيها مو شوي يا اسامه ابو جاسم بهدوء : البنت نفسيتها تعبانه بسببك اذا بتضايقها اكثر الافضل ما تشوفها اسامه عض شفته : لازم اشوفها جاسم وقف : اختي مو لعبه عندك كل يوم تجرحها وتكسر قلبها ابو جاسم : خلاص جاسم فجر نادي امك جاسم : يبه ابو جاسم : قلت لك خلاص جاسم طلع وهو معصب شاف اسماء جايه وجها شاحب وعيونها ذبلانه وقف قدامها مسك وجها بين يديه : والله لو ما تبينه وتبين الطلاق لاخليه يطلقك غصبا عنه ما يهمني ابوي وش رايه المهم انتي اسماء التمعت عيونها دموع وبهمس : الله لا يحرمني منك يا اخوي جاسم : لا تخافين من احد انا معك اسماء طالعت فجر : لا ما ابي اتطلق ما ابي اشتت بنتي و الطفل الي حامل فيه جاسم باس جبينها : طيب بس اذا احتجتيني راح تلقيني دايما معك خلاص ما راح اسكت ابد ومشى طالع من البيت دخلت المجلس وهي تسلم طالعت ابوها بعتاب وقف ابوها وطلع اسامه وقف وهو يطالعها بهدوء مشى وقف قدامها : كيفك اسماء مرت من قدامه وقعدت :من الله بخير وش تبي جاي اسامه قعد مقابلها وبهدوء :ابيك ترجعين معي اسماء طالعته ابتسمت بسخريه: ليش عندك زوجتك الي فضلتها علي واذا تبيني ارجع طلقها اسامه تنهد بهدوء : اسماء طلاق ما راح اطلقها مستحيل عندك غير هالطلب اسماء سندت ظهرها : ايه انا او هي اسامه : انتي بنت خالي وام بنتي ما راح اتخلى عنك فاهمه اسماء انجرحت من كلامه هذا يعني مالها اي مكان بقلبه نزلت دموعها غصب عنها اسامه وقف وهو يشوفها تبكي وقعد جنبها مسح دموعها وبهدوء : ليش البكاء الحين اسماء بكت ما يحس فيها اسامه ضمها بهدوء مضايقه بكاها اسماء دفته عنها وبقهر : ابي بيت لحالي ما راح ارجع بيت اهلك اسامه طالعها بتفكير وبهدوء : تم لك الي تبين اسماء وقفت : وقت الي تجهز البيت تعال لي وطلعت اسامه مسح على شعره بضيق وقف وطلع ____ في بيت سعود نوره نزلت جوالها بعد ما كملت مكالمتها مع الجوري الي مسويه عزيمه اليوم و عزمتها وقفت وتوجهت للحمام وهي تستفرغ بتعب سعود واقف قدام التسريحه يلبس ساعته : شكلها هالبنت شقيه مثل امها متعبتك حيل نوره وهي تمسح الماء عن وجها ابتسمت : الله يعين المهم حبييي جوري عازمتني اليوم عندها سعود لف لها : طيب روحي نوره وقفت وراه : من بيوصلني سعود : انا من بيوصلك غيري اخلص شغلي و اجيك طيب نوره : اوكي سعود شال الجوال والبوك ومفاتيحه بجيبه مسك سبحته طالعها و باس خدها : انتبهي لنفسك وللعيال مع السلامه نوره ابتسمت : بحفظ الله وطلعت للعيال وهي تسمع هواش وجدان وجواد وصراخ عبدالله عليهم ___ في بيت عبدالعزيز كلهم مجتمعين في الصاله سوالف وضحك فجأه دخل ولد ثريا مازن يبكي ثريا وقفت بخوف وحضنته : وش فيك حبيبي مازن ببكى : فايز فايز دخل و معاه عبدالله وهو واثق ان امه راح توقف معاه نوره وقفت بعصبيه : فايز فايز باستغراب : نعم نوره : ليش ضربت مازن فايز طالعها بصدمه ونظرة الثقه الي بعيونه تحولت لخيبه وبهدوء : ماضربته نوره بعصبيه : فايز الولد مريض توه طالع من المستشفى تقوم تبكيه ليش شيخه : نوره الولد يقول لك ما ضربه اكيد ولد اختك يكذب عليه نوره : لا احد يتدخل بيني وبين ولدي فايز بحده وقهر : قلت لك ماضربته ليش ما تفهمي نوره طالعته بدهشه من حدة صوته وكلامه : فايز لا ترفع صوتك فايز بقهر وبصوت هادي: انتي ليش ما توقفين معي مثل كل ام توقف مع ولدها تصدقينهم وتكذبيني ليش وبصوت يرجف :حاولت انسى الي صار معي عشان انا صدقت كل كلامك وثقت انك تشوفيني اغلى منهم بس اليوم تأكدت انك تكذبين علي انتي تركتني وانا صغير ما يهمك اذا مشيت وتركتك الحين نوره انصدمت وانقهرت من كلامه نسى انها دايما توقف معه وتدافع عنه حتى لو كان غلطان لا ويتهمها بالكذب عليه بمشاعرها ليته يحس شكثر هي تتألم ببعده عنها بلعت ريقها وهي تستوعب اخر كلامه نزلت لمستواه :حبيبي ما قصدت اكذبك فايز بعد عنها التفت وهو يشوف الكل يطالعونه صغار وكبار عيونه التمعت وصوته اختنق :الا انتي قاصده تصارخين علي وتهاوشين قدامهم كلهم تبين تفشليني وبس لف بسرعه وطلع محمد واقف بصدمه انتبه لصوت الباب وطلع يركض وراء فايز طلال بضيق :عمه ترا كلام فايز صح هو ما ضربه كنا نلعب كره وجاء مازن يلعب معنا فايز اخذ منه الكره وهو تعثر وطاح نوره لفت ومشت للحمام بعد ما غثيانها زاد طلعت بتعب وهي تشوف امها معصبه منها زمت شفايفها و مشت خذت جوالها وهي تتصل عليه شذى رن جوالها ردت :هلا احمد:يالله انا عند الباب شذى وقفت:اكرمكم الله خالتي يالله احمد عند الباب شيخه بقلق:طيب وفايز اسيل :اكيد يمه راح البيت يالله شيخه طالعت نوره بهدوء وطلعت عبدالله :انا بروح اشوفهم الجوري :حاول تجيب فايز معك عبدالله :طيب وطلع نوره اتصلت على محمد لما يأست يرد عليها فايز رد وهو يتنفس بسرعه :ماما بعدين اكلمك انا الحين مع فايز وقفل سندت راسها على الكنبه لما حست كل شي يدور فيها ثريا قعدت جنبها مسكت يدها :انا اسفه لان الي صار بسبب مازن وبعدين اذكري الله نوره فتحت عيونها بعد ما خف صداعها :لا اله الا الله اخاف يصير له شي ما شفتي نظرته لي قبل يطلع ثريا :لا تفاولين عليه نوره مسحت دموعها وهي تدعي الله يحفظه لها رن جوال ثريا ردت على ابو ماجد وهي معصبه على مازن وطلعت مع العيال الجوري خذت وجدان وجواد وصالح لغرفته وقعدت مع نوره وامها تنتظر العيال يرجعون ____ عند فايز اول ما طلع من البيت شاف سيارة عمه وقفت واول ما شافه نزل من سيارته بخوف :فايز شفيك فايز مارد عليه ومشى بسرعه احمد :طيب وين رايح محمد طلع بسرعه مر من جنبه ولحقه احمد طالعهم باستغراب واتصل لشذى عشان يطلعون محمد مسك يد فايز وهو يتنفس بسرعه وتعب :لحظه وين بتروح فايز سحب يده :وش تبي ليش لحقتني اكيد انت الحين فرحان صح محمد هز راسه بلا :لا والله بس اسمعني ماما ما تقصد هي بس تعبانه فايز بعصبيه :ما ابي اسمع شي وارجع لها اكيد الحين خايفه عليك محمد :ما برجع الا وانت معي فايز بحده :طول عمرك كارهني خلاص خلني في حالي محمد رن جواله رد على نوره بسرعه وقفل ومشى معاه وهو مقهور عليه وده يرجع ويكفخ مازن فايز قرب من بيت اهله بس ما يبي يروح البيت قعد في الشارع وسند ظهره على جدار احدى البيوت وضم رجوله وبكى محمد قعد جنبه وعيونه تطالع الناس الي يمرون بهدوء حس بالبرد يزداد قفل جاكيته وهو يطالع فايز الي على وضعه من نص ساعه ما تحرك محمد : قوم بنرجع البيت اكيد ماما قاعده تنتظرنا الحين فايز مسح وجهه : تنتظرك لحالك انا لا محمد سكت دقيقه وبهدوء : آسف فايز طالعه تنهد : عادي انا تعودت عليك محمد ابتسم : طيب برد فايز وقف : تعال محمد لحقه وقف قدام بيت متواضع طق الباب اكثر من مره فتح له يوسف شهق : فايز ادخل دخل فايز قعد مع محمد بالصاله فايز : وين ابوك واختك يوسف : ابوي طالع و اختي نايمه وش صاير معك وش فيه وجهك احمر ومن هذا الي معك فايز قعد بتعب : هذا محمد اخوي محمد ابتسم وطالعه : ابي مويه يوسف وقف وجاب له كوب ماء محمد مده لفايز يوسف طالع محمد باستغراب وبعدها اخذ نفس لف لفايز وبهدوء : متهاوش مع امك محمد لف له بدهشه فايز ضم نفسه وسكت رن جوال محمد شاف المتصل ابوه : هلا بابا .. ايه فايز معي .. ما اعرف لف لفايز فايز وين احنا ما رد عليه يوسف : قوله عند بيت اهله محمد قال له وقفل يوسف مسك يده : لا تزعل هي الخسرانه مو انت محمد عصب : هيه انت امي تحبه وكلنا ندري واذا عصبت عليه هي ما تقصد تفشله بس لان صايره تعصب كثير هالايام حتى بدون سبب يوسف طالعه وسكت اما فايز قاعد يطالع قدامه بهدوء رن جوال محمد : فايز هذا بابا يالله فايز : ما ابي قوله راح بيتهم وبينام محمد : طيب وين جوالك فايز طلعه وكان طافي : هذا هو تبيه محمد : لا بس تفتحه اتصل لنا فايز ما رد ومحمد طلع بسرعه وهو يدور سيارة ابوه شاف ابوه واقف قدام السياره وركض له سعود : وين فايز محمد طالعه وبهدوء : راح بيتهم سعود تنهد : طيب يالله الكل ينتظرنا في البيت ____ شيخه قاعده في الصاله بتوتر وخوف على حفيدها طالعت اسيل : تأخر الولد وين راح اسيل بخوف : ايه حيل تأخر يمه شيخه مدت يدها لجوالها : لا الوضع ما ينسكت عليه اخاف الولد صار له شي اتصلت على اسامه من وصلها الرد تكلمت بسرعه : اسامه وينك .. تعال البيت بسرعه .. فايز مختفي وللحين ما رجع البيت .. لا مو عند امه .. دوره وشوف وينه بسرعه يمه وقفلت اسيل قعدت جنبها باست راسها : يمه راح تتعبين اهدي وراح يجيبه اسامه طالعت ساعتها وهي تشوف وقت موعد دواء امها نادت الشغاله تجيب لها الدواء شيخه سندت نفسها ورفعت جوالها واتصلت عليه بس طلع مغلق : ياربي وين راح الولد خذت دواها واعصابها تلفت تتصل على اسامه وما يرد وعلى فايز مغلق مرت ساعه وهما ينتظرون انفتح ودخل اسامه معاه فايز وقفت شيخه ومشت له نزلت لمستواه: انت بخير فايز هز راسه بأيه شيخه ضمته بهدوء :الحمدلله اسيل مسحت على راسه :خوفتنا عليك يا بطل فايز ما رد وراح لغرفته اسامه عقد حواجبه وهو مو عاجبه حال فايز :وش فيه وش صاير معه اسيل راحت لغرفتها شيخه طالعته :ليت تهتم فيه اكثر اسامه :يمه تكفين قولي لي شفيه شيخه تنهدت :زعلان من امه ومشت اسامه مشى للكنبه وقعد وهو يتنفس بهدوء لما قالت له امه ان فايز ما رجع البيت بغى يجن عنده كل شي يهون الا فايز دور عليه بكل مكان ممكن يروح له وبعدها تذكر صديقه يوسف وراح له و ارتاح لما شافه عنده ____ نوره قاعده على سريرها سرحانه بالفراغ الي قدامها بهدوء ومو حاسه بشي حولها وبس تتذكر كلام فايز ونظرته الي ذبحتها دخل سعود طالعته بهدوء :لقيته سعود :ايه محمد يقول راح البيت وبينام نوره: طيب ليش ما يفتح جواله سعود مشى لها وقعد جنبها وضمها :يمكن نام ونسى يشحنه بكرا الصبح اتصلي له نوره : متأكد ان راح البيت سعود : محمد قال لي نوره اتصلت على الجوري واكدت لها كلام محمد لان كلمت اسيل وقالت لها سعود حط راسها على فخذه وهو يمسح على شعرها :نامي ارتاحي الحين وبكرا كلميه نوره نزلت دموعها :مو قادره سعود بهدوء مد يده ومسح دموعها :ترا للحين مو فاهم وش صار نوره : انا صرخت عليه وهاوشته على شي ما سواه وهو زعل وراح سعود سكت يدري ان هالشي لو صار بين اي ام و ولدها عادي بس مع فايز هالشي مو عادي لان ما عاش طفولته مثل اي طفل بين ام واب نوره هدت طالعته :قول ان بكرا بيكون احسن وان راح يجي وينسى الي صار سعود طالع بعيونها تنهد :ما اوعدك ان ينسى الي صار بيوم وليله المهم بقوم اصلي تصلين معي نوره هزت راسها بأيه قعدت وراحت تتوضأ طلعت وهي تشوف سعود يصلي مشت له لبست جلالها وصلوا القيام نوره طولت في سجودها وهي تشكي لله وتدعيه من كل قلبها وهي موقنه بالاجابه خلصت سلمت شافت سعود قاعد على السرير وسرحان ____ اسيل طالعت جوالها مافيه اي شي من ياسر تنهدت بضيق طلعت رايحه غرفة فايز قعدت جنبه على السرير :فايز حبيبي قوم يالله بتتأخر على المدرسه فايز فتح عيونه وطالعها :عمتو ما بروح اسيل مسحت على شعره :ليش فايز بهدوء :شنطتي في بيت عمي سعود اسيل ابتسمت :طيب خلاص نام والعصر بقول لبابا يجيبها لك فايز ابتسم : عمتو خلك معي اسيل تذكرت امجد وابتسمت :طيب اتصلت عليه ورد بسرعه :الو ماما اسيل :حبيبي كيفك امجد : بخير ماما متى بتجين اسيل سكتت وبهدوء : العصر بجيك ونطلع انا وانت وفايز امجد بفرح :طيب سمع جدته تناديه :يالله ماما بروح المدرسه مع السلامه اسيل ابتسمت :فمان الله لفت لفايز :مافيك نوم فايز :لا اسيل وقفت :طيب قوم غسل وجهك وبنتظرك نفطر انا وانت فايز قعد : اوكي ____ نوره اتصلت لفايز مغلق تنهدت ودخلت غرفته وهي تشوفها مرتبه شنطته بجانب الكوميدينه مشت للكبت مدت يدها لملابسه واغراضه طالعت سريره وهي تشوف تيشرته وبنطلونه راميهم على السرير شالتهم وحطته بسلة الغسيل راحت غرفتها ولبست عبايتها بتروح بيت اهلها تقعد مع امها وابوها احسن لها من القعده بروحها والتفكير والضيق ____ الساعه ٢ الظهر فايز اخذ جواله من الشاحن وفتحه وطلع من البيت رايح البقاله رن جواله شاف المتصل امه طنش وحطه بيجيبه وهو يتذكر كل الي صار معاه امس ابتسم لما شاف يوسف طالع من البقاله : غريبه ما نمت يوسف ابتسم : لان كنت بجيك بس ابوي قال يبي اغراض من البقاله لف ودخل معاه : ليش ما جيت اليوم المدرسه مريض فايز : لا مافيني شي يوسف : اها يعني بس كذا فايز ابتسم وهو يشتري الي يبيه : ايوه بس كذا حاسب وطلع رن جواله باسم امه يوسف : رد عليها ولا خلاص كرهتها فايز طالع يوسف وبهدوء : بعدين اشوفك ومشى بسرعه ويوسف وقف يطالعه باستغراب فايز مشى لشارع متوجه لبيتهم وهو مايسمع غير صوتها وصراخها عليه قدام الكل ليتها سألته وما كذبته بس ما يقدر يكرها ابد فجأه صحاه من افكاره صوت يوسف ينادي باسمه جمد وهو يشوف السياره المسرعه جايه جهته وقبل لا يستوعب شي صدمته يوسف طاح على ركبه بصدمه وهو يشوف اعز اصدقائه على الارض والدم حوله المنظر صعب ومرعب على طفل بعمره ان يستوعبه نزل الرجال الي يسوق بسرعه وهو يرفعه بخوف وارتباك مسك معصمه يقيس نبضه كان ضعيف حيل وقف وشاله لسياره وحرك بسرعه للمستشفى يوسف وقف ومشى وهو يطالع الدم وشكل فايز يتكرر عليه بلع ريقه مو قادر يصدق الي صار مشى وهو ياخذ جواله الي للحين يرن شافه وامتلت عيونه وركض بسرعه لبيتهم مسكه ابوه :يوسف وين الاغراض الي قلت لك تجيبها يوسف نزلت دموعه بغزاره : يبه فايز فايز الاب: وش فيه فايز يوسف ببكاء : مااات مثل امي ماات وبكى بقوه وخوف الاب فكه بصدمه :يوسف وش هالكلام يوسف :يبه شفته دعمته السياره قدامي لف وهو يسمع صوت سيارة شاف اسامه توه جاي من الدوام يبي يشوف فايز ويقعد معه انتبه لصوت احد جاي وبسرعه مسك يوسف لما بغى يطيح :يوسف شفيك يوسف :فاااايز اسامه رجف قلبه وبخوف :وش فيه فايز رن جوال فايز اسامه طالعه : هذا جواله شاله وهو يشوف عبدالله يتصل بس اظلم كل شي حوله وهو يسمع يوسف يردد : فايز دعمته السياره طاح الجوال من يده الي ترجف وهو يطالعه بصدمه و يحس نفسه انقطع ودقات قلبه سريعه وبهمس : وش قلت يوسف :فـ فايز طاح على الارض وصار كله دم يمكن ماات اسامه رجع لوراء وصدم ظهره بسيارته :وينه الحين يوسف :خذه الرجال ومشى اسامه :لا لا تفاول عليه هو بيقوم ان شاء الله لف لسيارته وطالعه :تعال يوسف مسح دموعه اخذ جوال فايز وركب مع اسامه اسامه بتوتر :قفله ازعجنا يوسف قفله وهو يبكي وبكاءه يزيد توتر اسامه وخوفه ____ في بيت سعود عبدالله :يمه ما يرد علي نوره طالعته بتفكير :ما يرد عليك غريبه رفعت جوالها واتصلت على الجوري: وعليكم السلام اخبارك ..الحمدلله وينك الحين .. اها لا بس كنت بقول لك تشوفين فايز .. طيب مع السلامه قفلت وهي مو مرتاحه ____ في المستشفى الجوري قفلت من نوره و بسرعه شافت شحص شايل ولد وبخوف :دكتوره بسرعه ساعديني الولد بيموت الجوري بدون ما تنتبه للولد نادت الممرضين جابو سرير واخذوه بسرعه الجوري : نادوا الدكتور علي بسرعه خذت نفس ولحقتهم لطوارئ ____ اسامه وصل المستشفى وسأل عن طفل صار له حادث قبل ربع ساعه ومشى بسرعه ووراه يوسف وصل للطوارئ يوسف وهو يشوف الرجال :عمي هذا الي دعمه اسامه مشى له بسرعه وبعصبيه وهو يشوف ثوبه مليان دم مسكه من ياقة ثوبه :ادع الله يقومه بالسلامه والا صدقني ما يكفيني ذبحك فاهم الرجال :والله ما قصدت هو طلع فجأه دفه اسامه وقعد على الكرسي والدنيا ضايقه فيه و يلوم نفسه لان اهمله يوسف وقف جنبه وهو يمسح دموعه طلعت الممرضه :محتاجين متبرع بالدم اسامه وقف :انا بتبرع وراح معها بعد مرور ساعه طلع الدكتور علي وطلعت وراه الجوري الي انهارت بعد ما شافت فايز بس حاولت تكون متماسكه بعد كلام الدكتور علي وان الوقت مو وقت بكاء اسامه وقف بتعب :كيف فايز الحين الدكتور علي تنهد :احنا سوينا الي علينا والباقي على الله اسامه بهدوء :وش افهم من كلامك الدكتور :عنده كسر برجله و جرح عميق براسه خيطناه له بس بننتظر ٢٤ ساعه لما يصحى اسامه بضيق :مشكور الجوري مشت وهي تتصل على عبدالعزيز طالع يوسف لف شاف ابوه جاء سأل عن فايز واخذ يوسف وراح ____ عبدالعزيز ترك الشركه والشغل وجاء بسرعه للمستشفى بعد ما قالت له الجوري يجي وهو مو فاهم ليش توجه لمكتبها دخل وشافها سانده راسها على المكتب وتبكي رفعت راسها شافته وقفت ومشت له :عزيز فايز صار له حادث عبدالعزيز انصدم مسكها من اكتافها :وش صار له الجوري ببكاء :حادث وحالته صعبه واذا ما صحى هذا يعني ان دخل بغيبوبه عبدالعزيز غمض عيونه بقوه والخبر نزل عليه مثل الصاعقه قرب وضمها :انتي اهدي والله يقومه لنا بالسلامه الجوري طالعته :خايفه على نوره اذا درت وش بيصير فيها بتنهار لان هي زعلته منها عبدالعزيز بعدها ومسح دموعها : انا بقول لسعود وهو راح يخبرها وطلع رايح لاسامه وبيشوف فايز الجوري عدلت نقابها ولحقته ____ اسيل انتظرت فايز كثير تتصل وجواله مغلق توقعت راح مع ابوه شافت جوالها يرن باسم امجد وقفت وجهزت رايحه له بتطلع معاه مثل ما وعدته ____ سعود دخل البيت شافهم مجتمعين بالصاله ابتسم ومشى لهم : السلام عليكم ردوا السلام وقعد معهم بتعب سعود طالع جواد ووجدان : ذاكرتوا وجدان وجواد بنفس الوقت : ايه سعود ابتسم طالع محمد وعبدالله عبدالله نزل كتابه : بابا سعود : هلا عبدالله : ابي اروح لامي سعود ابتسم : ابشر بكرا اخذكم لها عبدالله ايتسم ورجع يذاكر محمد لف ببرود : بابا جوالي خربان سعود : وش خربه محمد : طاح وانكسرت الشاشه سعود : تستاهل ٢٤ ساعه في يدك محمد بزعل : ما راح تصلحه سعود : الحين لا افكر بعدين محمد لف لتلفزيون بزعل وقهر سعود ابتسم ولف لنوره اختفت ابتسامته وهو يشوفها سرحانه رن جواله رد بهدوء :هلا عبدالعزيز اخبارك عبدالعزيز بضيق :الحمدلله بخير وانت كيفك وكيف العيال سعود :الحمدلله بخير انت فيك شي صوتك مو عاجني عبدالعزيز :ايه فايز سعود قاطعه :وش فيه فايز انتبهت له نوره عض شفته لما شافها طالعته وقف وابتعد عنهم وهو يسمع كلام عبدالعزيز توسعت عيونه وبخوف :حادث لا حول ولا قوة الا بالله طيب هو بخير عبدالعزيز : الحمدلله حالته الحين مستقره بس لسه ما صحى سعود بضيق : الله يحفظه ويقومه بالسلامه قفل وهو يفكر كيف يقول لنوره لف ورجع لهم نوره وقفت وعيونها مليانه دموع : تكفى قولي فايز شفيه سعود : عبدالله خذ اخوانك وروح فوق عبدالله وقف وطالع محمد ووجدان وجواد : تعالو يالله مشوا كلهم معاه وراحوا فوق غرفة عبدالله ومحمد نوره تحس بالم ببطنها قربت منه : أسألك بالله تقولي فايز صار له شي سعود غمض عيونه من كلامها حلفته بالله مسك يدينها وبهدوء : فايز بالمستشفى تعبان نوره ببكاء : وش فيه سعود تنهد : هو الحمدلله تمام بس نوره : ليش سكت قولي شفيه سعود قربها منه ويده على خصرها : صار له حادث بس عبدالعزيز طمني ان حالته مستقره وراح اخذك له تشوفينه وتتأكدين نوره سودت الدنيا بوجها قال حادث فايز صار له حادث سعود شد عليها وهو يشوفها بتفقد توازنها قعدها على الكنبه وقعد على الطاوله قدامها : نوره اذكري الله قلت لك عزيز طمني عليه نوره ذكرت الله بهمس وقلبها تحسه بيوقف من خوفها طالعته تستوعب وارتفع بكاها بانهيار نوره بانهيار :انا السبب ليتني ما زعلته ولدي بيروح مني بسببي آه يا فايز ليتني انا ولا انت يمه سعود :نوره خلاص لا تلومين نفسك الي صار له قضاء وقدر وقف وراح يجيب لها عبايتها رجع وقفها نوره بالم وضعف وتعب :سعود انا انزف سعود طالعها بصدمه لبسها العبايه وبسرعه شالها ونادى ميري تنتبه على العيال لما يرجع وطلع وهو خايف عليها دخلها وراء بالسياره وحرك بسرعه للمستشفى ____ طلعت الدكتوره وبهدوء :الحمدلله وقفنا النزيف وهي والجنين بخير بس محتاجه ترتاح وتبعد عن التوتر سعود تنهد :الحمدلله دخل عندها وجها شاحب والتعب واضح عليها باس جبينها نوره :سعود بموت من خوفي على ولدي خذني له بشوفه سعود : لازم ترتاحين نوره : ما راح ارتاح الا لما اشوف فايز بخير سعود تنهد مسك يدها : طيب قعدت نوره وهي تعدل شيلتها ونقابها حطت العبايه على راسها وقفت بتعب سعود : تقدرين تمشين نوره : ايه مشت معاه لما وصلت للعنايه طالعها اسامه الي واقف عنده متضايق وباين الهم عليه كل الي يبيه فايز يقوم بالسلامه نزل نظره وطلع وهي كملت طريقها قعدت على الكرسي وسعود يطالعه بهدوء وهو يشوف الاسلاك الي موصله له والاجهزه الكدمات والشاش الي على راسه و رجله المصابه حس بكتمه وهو يشوفه بهالحاله مسكت يده نوره وباستها : انا آسفه حبيبي قوم يمه عشاني والله ما اتخيل دنياي بدونك قوم ياروح امك سعود تركها وطلع ما تحمل يشوفها بهالحاله نوره :والله لاسوي المستحيل وارضيك بس ارجع لي وبكت بألم دخلت الممرضه :لو سمحتي خلاص اطلعي نوره وقفت وباست جبينه الي بللته بدموعها وطلعت سعود طالعها مسك يدها وقعدها على الكرسي :اهدي خلاص شفتيه تطمنتي نوره وهي تحاول تهدى وهي تدعي الله يحفظه ويقوم وتكحل عيونها فيه بصحه وعافيه ____ اليوم الثاني الكل عرف بلي صار لفايز وراحوا المستشفى يطمنون عليه بس الصدمه لما قال لهم الدكتور ان فايز دخل بغيبوبه شيخه قعدت ضغطها ارتفع الجوري واقفه بهدوء وبضيق كانت تدري ان هذا الي بيصير عبدالعزيز بهمس لها : روحي قعدي ارتاحي الجوري قعدت جنب شيخه واسيل وبهدوء : يالله يا خاله نرجع البيت جلستنا هنا ما راح تفيده قاموا كلهم راجعين واحمد ومرته ماعدا اسامه قاعد والضيق على ملامحه والقهر من نفسه عبدالعزيز قعد جنبه : روح ارتاح وفوض امره لله اسامه بعيون ذبلانه : ما ودي اتركه عبدالعزيز : وش راح تسوي له جلستك هنا ما منها فايده روح ارتاح وبعدين تعال اسامه تنهد وقف ___ انتهى البارت   #46