ماكنت اؤمن بالعيون وفعلها حتى دهتني في الهوى عيناك - الفصل 37 - بقلم riwaiax - مكتملة | روايتك

البارت السابع والثلاثين في بيت ابو احمد كلهم مجتمعين انطق الجرس راحت الشغاله تفتح رجعت بعد ثواني :بابا ياسر يجي اسيل طالعتها بهدوء عبدالعزيز وقف بسرعه وطلع احمد واسامه طلعوا وراه عبدالعزيز :نعم وش تبي ياسر :بنتكلم عند الباب عبدالعزيز :ايه اخلص وش تبي احمد :عبدالعزيز وش فيك عليه عبدالعزيز طالع احمد ورجع لياسر الي تكلم بهدوء :ابي زوجتي برجعها عبدالعزيز تكتف وهو يتظاهر بالبرود :لا يا شيخ بكل برود اسمع انسى ان لك زوجه عندنا والله لو تحب السماء ما رجعت لك اسامه بهدوء :عبدالعزيز قرار انها ترجع او لا اسيل الي تقرره عبدالعزيز بحده :قلت الي عندي يلا انقلع احمد : عزيز ما يصير تكلمه كذا عبدالعزيز بانفعال :هذا الي قاعدين تدافعون عنه مد يده على اسيل وغير كذا اهانها احمد احتدت نظراته وهو يطالع ياسر الي ما نفى كلام عبدالعزيز وبعصبيه ضربه بوكس وتهاوشوا اسامه مصدوم من كلام عبدالعزيز طالع احمد الي هجم على ياسر مسك جنبه: عزيز روح بعد احمد عبدالعزيز لف له :وليش اروح يستاهل اسامه مشى بيبعد احمد عنه بس وين واحمد بكامل قوته وصحته ما قدر عليه عض شفته بقهر عبدالعزيز لف بيدخل شاف العيال واقفين بخوف لف ومشى لاحمد وبالقوه قدر يبعده احمد وهو يتنفس بتعب لان ياسر طبعا ما سكت له :انقلع من هنا بسرعه ياسر وهو يمسح خشمه الي ينزف طالعه بحقد وقهر وهو حالف ما يتخلى عن اسيل صالح ركض لامه وارتمى بحضنها الجوري :شفيك صالح بخوف :عمو تهاوش مع خالو ياسر اسيل طالعته بضيق وقلبها يوجعها عليه ____ في بيت سعود نوره قاعده وتنتظر فايز طالعت عبدالله :اخوك تأخر عبدالله :ماما تو الناس نوره وقفت وراحت المطبخ سعود نزل وفي يده السبحه شاف العيال قاعدين وبهدوء :وين امكم محمد :بالمطبخ سعود قعد يسولف معاهم نوره طلعت :احس فايز تأخر سعود :يمكن ابوه انشغل وما قدر يجيبه دقي عليه شوفيه اذا محد ابوه انا بروح له نوره اتصلت ورد عليها فايز وقال ان قاعد ينتظر ابوه قفلت منه وطالعت سعود وقالت له سعود :خلاص ارتحتي توره ابتسمت :ايه ____ في بيت ابو احمد فايز قاعد في الصاله لحاله جدته طلعت واسماء وفجر طلعوا طفشان ينتظر ابوه الي للحين ما رجع من الشركه تأخر حيل انفتح الباب دخل اسامه بخطوات بطيئه باين عليه التعب بسبب انه ما راح لجلسة الغسيل تعب اكثر وضعف جسمه وقف فايز :بابا ليش تأخرت اسامه طالعه :انشغلت بالشركه فايز ركض له :طيب توديني لماما اسامه ما قدر يقاوم مرضه اكثر طاح على ركبه ونظره على فايز كان ينتفس بسرعه وارهاق والالم واضح على ملامحه وطاح على جنبه بعد ما فقد وعيه فايز انفجع و رجع لوراء مو قادر يستوعب ان ابوه طاح قدامه مشى خطوه وقعد جنبه وبصوت يرجف :بابا بابا شفيك هزه يده بقوه بس ما رد عليه : بابا قوم بابا بكى لما ما رد عليه ناده اكثر من مره ولا حصل رد وقف لما تذكر عمته اسيل وركض لفوق ودموعه مغرقه وجه فتح غرفتها طالعته بخوف وهي تشوف شكله: وش فيك فايز برجفه: بـ بابا اسيل وقفت وقلبها بيوقف: وش فيه فايز ببكاء :بابا كان واقف معي بعدين طاح على الارض اسيل طلعت تركض وهو نزل وراها شافت اسامه انصدمت مشت له حاولت تقومه بس ما رد لفت لفايز وهو تحاول تبين متماسكه عشانه وبصوت مخنوق: فايز عطني جوالك بتصل على الاسعاف بسرعه فايز بسرعه مد لها جواله واتصلت على الاسعاف شافت فايز يطالع ابوه وببكاء :عمتو بابا مافيه شي بيقوم صح اسيل وقفت ومشت ضمته بقوه :ان شاء الله حبيبي بيقوم وصل الاسعاف واسيل دخلت داخل معها فايز احمد وقف سيارته قدام بيت ابوه بعد ما جاء عشان ياخذ اوراق تخص الشغل موجوده عند اسامه انصدم من الاسعاف نزل بسرعه وركض لداخل جمد وهو يشوف اسامه وبسرعه ركب سيارة الاسعاف وراح معاه ____ بعد خمس دقايق من حرك الاسعاف وقف ياسر و معاه منال بالسياره :يلا بسرعه منال طالعته تتذكر كيف كان شكله امس نزلت بسرعه شافت الباب مفتوح عقدت حواجبها باستغراب طقت الجرس ودخلت لما محد فتح طقت الباب الداخلي فتحت لها الشغاله منال :اسيل موجوده الشغاله هزت راسها بايه ودخلت منال دخلت وخافت وهي تشوف اسيل تبكي بصمت وفايز جنبها مشت لها بسرعه : اسيل شفيك اسيل طالعتها وصدت منال تنهدت بضيق :آسفه والله ندمت ومو عاجبني حالك لا انتي ولا ياسر اسيل بهدوء : اوكي مسامحتك خلاص روحي منال ابتسمت بفرح : طيب وياسر اسيل : مالك دخل الموضوع بيني وبينه منال طالعتها بضيق لفت بتمشي بس وقفت لما سمعت صوت اسيل :لحظه منال طالعتها :آمري وش بغيتي اسيل عضت شفتها بقهر بس ما تقدر تقعد تبي تتطمن على اخوها لان السواقين واحد مع امها والثاني مع اسماء ومنال جات بوقتها :من جابك؟ منال :ياسر اسيل طالعت فايز مسحت دموعه :حبيبي الحين بنروح مع عمو ياسر لبابا لا تبكي طيب فايز بسرعه : يلا اسيل نادت الشغاله تجيب عبايتها بسرعه وطلعت مع منال وفايز ياسر استغرب وهو يشوفهم يطلعون فايز : عمو تاخذنا المستشفى لبابا ياسر بدهشه :وش فيه ابوك توني شايفه امس مافيه شي فايز هز اكتافه: ما ادري ياسر :طيب اوصل منال واخذكم المستشفى ____ في المستشفى الطوارئ احمد واقف بخوف ينتظر احد يطلع ويطمنه على اسامه شاف اسيل وفايز جايين جهته اسيل : احمد عرفت شفيه اسامه هو بخير طمنا احمد هز راسه بلا : للحين محد طلع قعدت اسيل على الكرسي بتعب وفايز قعد جنبها رن جوال اسامه الي كان بيد احمد اخذه لما كان يرن بالاسعاف طالعه بطفش :ازعجتنا هاذي اسيل بهدوء :من احمد :مكتوب خلود اسيل :دام متصله اكثر من مره اكيد تبي شي احمد رد :السلام عليكم خلود بتوتر :وعليكم السلام وين اسامه احمد :نعم من انتي؟ خلود سكتت احمد :تكلمي من انتي؟ خلود اخذت نفس وبهدوء : زوجته وينه احمد طالع اسيل : هو في المستشفى الـ.. شهقت خلود :شفيه؟! احمد :تعالي وتعرفين وقفل اسيل مالها خلق تسأل ظهرها تحسه بينكسر غير انها قلقانه على اسامه لفوا على صوت ياسر :السلام عليكم شلون ابو فايز احمد طالعه ببرود طلع الدكتور احمد بسرعه :دكتور شفيه اسامه الدكتور :عنده فشل كلوي طالعوه بصدمه فايز وقف عند عمه :يعني ايش!! اسيل مسكت راسها بصدمه الدكتور :ومحتاج احد يتبرع له باسرع وقت اسيل سندت راسها بخوف ان تخسر اخوها ياسر قعد جنبها وبهدوء :لا تخافين راح يكون بخير باذن الله وقف بهدوء وطالع الدكتور : انا بتبرع له الدكتور :تمام بس لازم نسوي فحوصات وتحاليل عشان نشوف اذا في تطابق او لا طالعته اسيل بدهشه احمد طالعه بحده وقفت بنت وبصوت مخنوق :وش فيه اسامه طالعها احمد :انتي خلود خلود :ايه الدكتور :يلا مافي وقت بسرعه لازم متبرع مشوا وراه مابقى غير اسيل وفايز قاعدين الجوري شافت فايز مشت لهم :اسيل فايز شفيكم؟ فايز :يقول الدكتور بابا عنده فشل كلوي يعني بابا مريض مراا الجوري طالعته بدهشه ضمته :حبيبي بيكون بخير ان شاء الله عبدالعزيز يدري اسيل :لا وبعد ساعه كلهم اجتمعوا عنده الجوري مشت بضيق ومعاها الممرضه هزت راسها بضيق :الفحوصات ما تطابقت معه خلود قعدت على الكرسي انهارت تمنت لو ان فحوصاتها طلعت متطابقه وتبرعت له واسماء بجهة ثانيه منهاره ومصدومه بنفس الوقت ان اسامه متزوج عليها شيخه تحس ضغطها ارتفع من خوفها عبدالعزيز قرب بهدوء :باقي انا ما فحصت الجوري رفعت نظرها له عبدالعزيز مشى لها :وين اروح عشان اسوي الفحوصات واتمنى انها تتطابق مع اسامه واتبرع له قبل لا نخسره الجوري بلعت ريقها :طيب تعال معي الكل قاعدين على اعصابهم الممرضه جابت تحاليل وفحوصات عبدالعزيز طلع مناسب ويقدر يتبرع لاخوه الجوري شافتها و مدتها لدكتور اخذها وابتسم : حلو حصلنا متبرع اخ عبدالعزيز ممكن تجي تجهز نفسك للعمليه راح عبدالعزيز وشيخه وقفت وراحت المصلى تصلي المغرب وتدعي من كل قلبها الله يحفظ لها عيالها ويقومهم بالسلامه اسيل بصوت هادي :احمد اذا ما عليك امر بعد الصلاه تاخذ فايز لامه فايز :ما ابي اروح ابي اشوف بابا احمد ببرود :ما راح اروح الا بعد ما تخلص العمليه اسيل تنهدت ياسر مشى لها قعد جنبها مكان شيخه و بهدوء : روحي صلي وادعي لهم ولا تشيلين هم فايز انا باخذه اسيل عيونها تجمعت دموع : خايفه ياسر مسك يدها : لا تخافين باذن الله بيقومون بالسلامه يلا حبيبتي قومي وهدي نفسك اسيل بلعت ريقها وبهدوء : بترجع ياسر ابتسم : اوعدك ارجع ما بخليك اسيل ابتسمت وقفت ونظرها لخلود على كثر ما تأذت وتضايقت من اسماء قبل هالفتره الا انها الحين متضايقه عليها مشت لها : تعالي معي اسماء وقفت ومشت معها ياسر طالعها :اسيل اسيل لفت له ياسر :ما اعرف العنوان حق بيت ام فايز اسيل :فايز يعرف ياسر لف لفايز :حبيبي تعرف العنوان فايز :ايه ياسر ابتسم ومشى معاه ____ نوره للمره العاشره تتصل على فايز ما يرد رحع سعود من المسجد معاه العيال وهو يشوفها قاعده تهز رجلها بتوتر سعود : خير ان شاء الله نوره وقفت : فايز ما يرد سعود زفر بهدوء ومشى وقعد جنب وجدان : مافيه شي هالافكار السيئه شيليها من راسك نوره :طيب ليش ما جاء سعود :نوره وبعدين معك انتظري شوي انطق جرس الباب سعود : عبود قوم شوف من عبدالله مشى بسرعه فتح الباب شاف ياسر ابتسم :هلا عمي حياك ياسر ابتسم : ما اقدر عن اذنكم ومشى عبدالله طالع فايز : وش فيك فايز طالعه وبصوت مخنوق : انا ابي اروح لبابا ليش ما خلوني اقعد معه عبدالله مسك يده ودخله : وش فيه ابوك فايز : تعبان حيل وهو في المستشفى عبدالله : الله يقومه بالسلامه دخل فايز وقفت نوره بسرعه وهي تشوف وجهه وعيونه الحمراء ضمته : حبيبي شفيك في شي يعورك تعبان فايز بكى وهو بحضنها : ماما بابا تعبان حيل وهو بالمستشفى نوره بعدت ومسحت دموعه : الله يقومه بالسلامه حبيبي ويشفيه مشت معه وقعدت وهو جنبها ونادت ميري تجيب له كوب مويا نوره خذت الكوب منها وعطته فايز يشرب نزل الكوب وانسدح على فخذها نوره دخلت يدها بشعره وهي تمسح عليه بحنان ___ بعد عدة ساعات الجوري خلص وقت دوامها ووقفت تنتظر معاهم طلع الدكتور وهو ينزل الكمامه توجهت انظارهم له الدكتور ابتسم : الحمدلله العمليه نجحت تعالت الاصوات بالحمد والشكر والثناء لله احمد بابتسامه : الله يعطيك العافيه الدكتور بابتسامه مهنيه : الله يعافيك ومشى طلعوهم كل واحد لغرفته ___ الجوري دخلت عند عبدالعزيز وهي تشوف التعب واضح على ملامحه مسكت يده وبهدوء : الحمدلله على سلامتك حبيبي انحنت وباست جبينه استودعته الله وطلعت شافت خلود واقفه جنب غرفة اسامه الجوري بابتسامه : ليش ما دخلتي تشوفينه خلود بتوتر :ما اقدر اهله داخل الجوري : عادي انتي زوجته مو غريبه خلود : بس هم توهم يدرون وما اعرف وش ردة فعلهم خلاص بنتظر لما يطلعون الجوري ابتسمت : براحتك حبيبتي دخلت تحمدت لخالتها على سلامة اسامه وطلعت اليوم كان مرهق جدا واعصابها تلفت وهي تنتظر تخلص العمليه ركبت سيارتها وحركت لبيت اهلها مشتاقه لصالح رن جوالها ردت : هلا يبه .. لا جايه بالطريق .. ايه الحمدلله العمليه نجحت .. طيب مع السلامه وصلت وسلمت على ابوها وامها : كيف حالكم وعسى ما اذاكم صالح نوال ابتسمت : لا جات ثريا ولعب مع عيالها بس بعدين تعشى ونام الجوري بابتسامه : الله لا يحرمني منكم حسام : كيف عبدالعزيز الجوري : الحمدلله بخير بس للحين تحت تأثير البنج بروح له الصبح حسام : الحمدلله على سلامتهم الجوري : الله يسلمك يا الغالي نوال : تعشيتي يمه الجوري : مالي نفس يمه ابي انام تصبحون على خير ردوا عليها : وانتي من اهله ___ اسيل طلعت من عند اسامه وراحت تشوف عبدالعزيز طلعت وهي ماسكه ظهرها بألم انصدمت لما حست بيد سحبتها ودخلها اقرب غرفه للممرضات كانت فاضيه طالعت وراها تشوف من تعلقت عيونها بعيونه : خوفتني شفيك سحبتني كذا ياسر بهدوء رفع نقابها : مشتاق لك اسيل ارتبكت وبهدوء : مشكور و ما راح انسى وقفتك معنا ابد ياسر طالعها بهدوء حط يده على خصرها وقربها له : ما اشتقتي اسيل غمضت عيونها : لا لاني كرهتك ولا ابيك ياسر ابتسم : يعني عادي عندك اموت ارتجفت وطالعته وحس برجفتها و شد عليها وقربها جبينه لاصق جبينها وبهمس : طالعيني وقولي اكرهك اسيل طالعت عيونه وامتلت عيونها دموع تضعف قدامه زفرت بهدوء : اكـ نزلت دموعها وما قدرت تكمل دفته وطلعت من الغرفه بسرعه عدلت نقابها وكملت طريقها شيخه : وين كنتي يمه يلا بنمشي اسيل : رحت دورة المياة وجيت شيخه تنهدت وهي تفكر بعيالها ومشت لسياره وطلعت وراهم اسماء ___ صحت الجوري وهي تحس ظهرها بينكسر غير مغص بطنها طالعت جنبها تشوف صالح ما حصلته مدت يدها لجوالها تشوف الساعه شهقت لما شافتها عشر الصبح وقفت و طلعت لها ملابس وراحت تاخذ شور خلصت جففت شعرها و سرحته خذت شنطتها وجوالها ما تبي تتأخر ويقوم عبدالعزيز وما يلقاها جنبه ومشت بسرعه سلمت على امها وابوها شافت سعد وقف بيطلع : سعد توصلني المستشفى سعد : ايه يلا صالح : ماما بجي معك الجوري طالعت سعد : تنتظرني اجهزه واجي سعد : طيب ابتسمت وبسرعه راحت معاه بدلت ملابسه مشطت شعره وباست خده :فديت الحلو ركض صالح والجوري لحقته بتعب طالعت سعد قاعد لحاله : يلا سعد سعد وقف بهدوء : وش فيك مستعجله الجوري : يابرودك يا اخي استعجل ما ابي عزيز يصحى وما اكون انا اول شخص يشوفه سعد ابتسم وهو يركب السياره : تصدقين تشجعين الواحد يتزوج الجوري فتحت الباب لصالح وراء ___ خلود قاعده على الكرسي تتأمله بحب واضح بعيونها ابتسمت مدت يدها ليده مسكتها وبهمس :الحمدلله على سلامتك اسامه شد على يدها ابتسمت وهي تشوفه يفتح عيونه بتعب غمض وفتحها ونظره لسقف حس في احد جنبه لف وشافها بملامحها البريئه ابتسم بهدوء خلود :خفت عليك بس الحمدلله الي قمت بالسلامه اسامه بلع ريقه وبصعوبه :الله يسلمك اخذ نفس :من قال لك اني هنا خلود :حرقت جوالك وانا اتصل واخر شي رد علي اخوك وقال لي نزلت راسها وسحبت يدها وبصوت مخنوق :آسفه لان عرفوا بزواجنا اسامه غمض عيونه بقوه من ألمه :آه فزت بسرعه وخوف :انادي لك الدكتور تتألم اسامه مسك يدها قبل لا تروح تنفس بتعب :لا تعتذرين اصلا كنت راح اقول لهم امتلت عيونها دموع وهي تطالع بعيونه انفتح الباب دخلت شيخه وراها اسماء وقفت وهي تشوفهم اسماء جمدت وقلبها تحسه يحترق خلود سحبت يدها بسرعه وهي مرتبكه وجود شيخه في المكان يخليها ترتبك غصب عنها وبسرعه مشت وقربت منها رفعت نفسها وحبت راسها طالعت اسماء الي نظراتها كانت حاده: هيه انتي وش جابك وبعدين ما لقيتي تحطين عينك الا على واحد متزوج وعنده عيال خلود بلعت ريقها وهي ساكته اسماء بحقد :برا واذا كنت انا موجوده ما ابي اشوفك تنقلعين فاهمه خلود طلعت بسرعه ودموعها تنزل انقهرت من ضعف شخصيتها الي بسببها ما قدرت ترد عليها اسامه طالعها بقهر تعبان والالم ذبحه مافيه حيل حتى يسكتها اسماء قعدت على الكرسي الثاني وهي تغلي من الغيره شيخه قعدت عنده :الحمدلله على السلامه يمه خطاك السوء اسامه :الله يسلمك يالغاليه .. يمه ابي مويا وقفت شيخه وهي ترفع له السرير ويشرب دخل الدكتور :السلام عليكم الكل :وعليكم السلام الدكتور وهو يقيس ضغطه ويشوف العمليه ويقرا الفحوصات : الحمدلله كل شي تمام اسامه بألم :دكتور الالم ذبحني ابي مسكن الدكتور اخذ ابرة المسكن من الممرضه وعطاه وطلع ___ عند الجوري وصلت وقعدت عنده صحى عبدالعزيز وهو يطالع فوق ما لف لها الجوري :الحمدلله على سلامتك حبيبي عبدالعزيز :الله يسلمك طالعها شوي :وين كنتي صحيت وما لقيتك الجوري قربت منه بابتسامه :اسفه ادري تأخرت بس طول الليل ما قدرت انام ولهالسبب ما قدرت اقوم من وقت عبدالعزيز طالع في ابتسامتها ووجها الي يشع رغم تعبها الواضح ابتسم :الله يحفظكم لي الجوري :آمين ولا يحرمنا منك بس لا يكون شفت احد قبلي عبدالعزيز بتعب :ايه ممرضه حلوه الجوري سندت ظهرها وتكتفت بقهر عبدالعزيز ابتسم وتلاشت ابتسامته من الالم القوي الجوري وقفت بسرعه وهي تنادي الممرضه تعطيه مسكن للالم عبدالعزيز زفر بهدوء شاف عبوسها وابتسم :امزح ترا ما شفت احد غيرك وانتي تكفيني عن الكل الجوري وقفت وباست خده :خلاص لا تتعب نفسك ارتاح عبدالعزيز :وين صالح الجوري شهقت : نسيته اول ما وصلت راح مع اسيل لعمه عبدالعزيز تنفس بتعب :اسامه كيف حاله الجوري :بخير الحمدلله عبدالعزيز ابتسم : الحمدلله ابي مويا الجوري خذت علبة الماء فتحتها ورفعت سريره شوي مدت له عبدالعزيز : وليش ما تشربيني انتي الجوري ابتسمت : طيب دخلت اسيل ومعاها امها وصالح : السلام عليكم كيفك اليوم يا احلى اخ بالدنيا عبدالعزيز توسعت ابتسامته : وعليكم السلام والرحمه الجوري وقفت : وعليكم السلام وبعدت عشان شيخه تقعد مكانها ركض صالح : بابا ليش انت هنا عبدالعزيز اشر على سريره : تعال بابا هنا جنبي ابتسمت شيخه ومشت له مسحت على شعره : الحمدلله على سلامتك ياروح امك عبدالعزيز : الله يسلمك يالغاليه صالح سحب الكرسي قربه لابوه وركب فوقه وقعد جنبه على السرير عبدالعزيز قربه وباس خده اسيل مشت وقعدت جنبه اما الجوري استأذنت عندها موعد بتروحه ____ سعود وصل فايز لغرفة اسامه وكان بيمر عبدالعزيز بس ما قدر لان عنده اهله وطلع من المستشفى وهو حاط في باله يجي له وقت ثاني فايز قعد مع ابوه واستانس وهو يشوفه بخير ____ بعد مرور اسبوعين في بيت صالح الكل مجتمعين مثل العاده الي يسولف والي سرحان بعالم ثاني والي متضايق ومقهور انتبهوا كلهم لخلود الي القت السلام بصوت هادي اسماء طالعتها بدهشه وقفت وهي ودها تذبحها : نعم مضعيه بيتك خلود عضت شفتها بقهر شيخه بحده : اسماء هذا بيتها حالها من حالك حياها الله باي وقت اسماء طالعتها بصدمه قبضت على يدها بقوه خلود قربت سلمت على شيخه والباقي اسماء بقهر مشت لها وقفت قدامها : لا تستانسين بحب اسامه لك لان راح يتزوج وياخذ على راسك وحده مثل ما سوا معي بعد عشرة ١٠ سنين الجوري تنرفزت : اقول اسماء لا تنسين نفسك حبيبتي انتي قاعده تلومينها على شي انتي سويتيه من قبل وحرقتي قلب وحده الا اذا انتي ناسيه اذكرك انك مو اول فرحته ولا اول بنت بحياته اسماء طالعت الجوري بحده وصدت بسرعه تحس الكل يطالعونها بشماته من كلام الجوري امتلت عيونها دموع وبلعت ريقها : عمه انا رايحه بيت ابوي و قولي لابو فايز يا انا او هي لان ما راح ارجع له شيخه بهدوء : تعوذي من الشيطان معاك عيال تبين تشتتينهم اسماء بصوت يرجف : ولدك هو الي اختار هالشي وطلعت شيخه طالعت خلود : تعالي اجلسي مشت خلود وقعدت جنبها وهي تفكر بكلامهم الي قالوه عن اسامه شيخه : كم عمرك خلود : ٢٦ شذى ببرود : مع ان علاقتي مع اسماء عاديه بس الصراحه ما لومها واكره البنت الي تفكر توافق على شخص متزوج شيخه قاطعتها :شذى خلاص سكري هالموضوع شذى : بعد الحق ينقال ياخاله لا بعد راضيه زواجها يكون بالسر الجوري طالعت خلود ما تدري ليش متعاطفه معها بس تحسها طيبه وبريئه وبهدوء :لا تحكمين عليها وانتي ما تدرين وش ظروفها شذى :مهما كانت ظروفها مو حل تخرب بيت غيرها شيخه :شذى وبعدين معك شذى بقهر :خالتي وش فيك علي من اقول كلمه هبيتي في وجهي اشوف جوري ما تسكتينها شيخه بهدوء :والله ام صالح رغم صغر سنها الا انها اعقل منك اسيل شافت السالفه بتكبر وبسرعه: اقول خلود قولي لنا شلون تعرفتوا على بعض سكتوا الكل ينتظرون رد خلود ___ عند نوره قاعده تدرس وجدان بس مو قادره تركز معها وجدان :ماما شوفي صح نوره زفرت بهدوء :روحي لعبدالله يدرسك وجدان باستغراب وقفت :اوكي خذت كتابها لشنطتها وراحت لعبدالله الي قاعد ويلعب بجواله طلعت كتابها: عبود شوف صح عبدالله :لحظه شوي نوره وهي تشوف جواد يدخل مع محمد :جواد عليك اختبار واشوف ما راجعت جواد حك راسه :نسيت الحين بروح اراجع نوره: محمد اذا ماعندك شي روح شوف لاي سورة وصلت احفظها وتعال اسمع لك محمد :طيب نوره بعصبيه :عبوود عبدالله طاح الجوال من يده :هاه يمه شفيك نوره :خل هالجوال ودرس اختك عبدالله شال جواله من الارض وحطه على الطاوله وبدا يدرسها سعود الي نازل من فوق قعد جنبها :وش فيك متوتره كذا نوره :مافيني شي سعود مسك وجها ولفها له :في شي مضايقك نوره بضيق :ما ادري بس احس بضيق سعود بهدوء :قومي صلي واقري قرآن و ان شاء الله بترتاحين و ينشرح صدرك نوره ابتسمت :طيب شوف العيال وجواد عنده اختبار عربي راجع له سعود :ان شاء الله ___ خلود بارتباك :في اخر سفرة لنا شفنا اسامه هناك و عرفت ان صديق اخوي و لما رجعنا البلد تقدم لي رفضته مثل الي قبله بس اخوي اجبرني وزوجته ما قصرت بكلامها عني تبي الفكه مني وتزوجنا شيخه طالعتها ببرود تدري بزواج اسامه سمعته يكلمها قبل واجهته وقال لها عن زواجه انصدمت بس بعدها تقبلت الموضوع :الله يهديه ويصلحه وقفت وطلعت من عندهم الجوري وقفت وقعدت جنبها :تحبينه خلود نزلت راسها وماردت اسيل ضحكت :ما شفتيها بالمستشفى بغت تجن الجوري ضحكت :ايه والله نسيت بس ابي افهم اخوك على شنو ينحب اسيل رمتها بالخداديه :جب بس لا تغلطين عليه خلود ابتسمت وعيونها تلمع :مدري والله بس هو صار لي كل شي شذى بهدوء :كم صار لكم متزوجين خلود :سنتين شذى طالعتها بنظرات قهرت خلود ومشت ___ اسيل رن جوالها وقفت و راحت غرفتها رفعت جوالها وردت بهدوء :الو ياسر :اخبارك حبيبتي اسيل :الحمدلله ياسر :جايك مسافة الطريق اسيل :ليش ياسر :لي امانه في بيت اهلك وجاي اخذها اسيل وقفت قدام التسريحه وهي تفك شعرها :وتوك تتذكر هالامانه صار لك اسبوعين ناسيها ياسر: اسيلوه ما عرفت لك اصلا لو اتصلت ما تدرين فخليتك براحتك بس ما ابي ارجع الا وانتي معي تعبت حسي فيني اسيل ابتسمت والتمعت عيونها بشوق: طيب حبيبي انتظرك فجأه سمعت صوت عالي وبوري مزعج في الشارع و صوت ياسر اختفى بلعت ريقها: يـ ياسر قلبها دق بقوه وبطنها وجعها من قوة الخوف :ياسر وينك انهارت وطاحت على الارض وهي تصرخ بصوتها كله لما استوعبت انه كان يسوق :لا ياســر انفتح باب غرفتها دخلت امها نزلت لمستواها وضمتها بقوه وهي تشوف انهيارها : بسم الله عليك يمه وش فيك دخلت الجوري بتعب :وش فيها اسيل اسيل ببكاء :ياسر يمه ياسر الجوري مشت وقعدت قدامها بخوف :وش فيه ياسر اسيل: كان يكلمني وفجأه مدري وش صار له اختفى وما يرد علي الجوري :اهدي مو زين لك الانفعال اسيل :ما ابي حياتي بدون ياسر شذى طالعتها بهدوء :اسيل اذكري الله و لا تفاولين عليه شيخه زمت شفايفها :اهدي يمه وياسر بخير ان شاء الله زادت تضمها وهي تحس برجفتها بدت تقرا عليها واسيل تصيح بحضنها الجوري صدت عنها وهي تمسح دموعها اسيل هدت ودموعها تنزل بصمت الجوري شافت جوال اسيل طايح على الارض مدت يدها وخذته بس رن بيدها الجوري طالعت الاسم زفرت انفاسها كلها: اسيل هذا ياسر اسيل اول ما سمعت اسمه بسرعه خذت الجوال منها وردت بصوت مبحوح :الو ياسر :هلا حياتي اسيل بصوت يرجف ومهزوز:انت بخير صار لك شي ياسر بهدوء: حبيبتي مافيني الا العافيه اسيل :احلف ياسر :والله مافيني شي اسيل :طيب شصار معك ياسر :وقفت قدام بيتكم يلا اشوفك اسيل وقفت وحست بدوخه :طيب الجوري بقلق مسكتها: اسيل انتي بخير في شي يعورك اسيل ابتسمت مسحت دموعها و طالعتها: بخير ياعمري دامه هو بخير الجوري ابتسمت :دوم يارب شيخه طالعتها وبحنان :الله يسعدك حبيبتي بس انتبهي لنفسك يمه اسيل حبت راسها وضمتها :ربي لا يحرمني منك يا جنتي طلعوا وطلعت معاهم بعد ما عدلت شكلها دخل طلال :عمتو عمي ياسر يبيك اسيل ابتسمت ودخلوا وراه ابوه وعمه احمد : اذا ما تبين تشوفينه ترا بروح واقول له يمشي اسيل هزت راسها بلا وطلعت وهي تبي تشوفه وتطمن قلبها تحسه للحين يرجف من خوفها دخلت المجلس شهقت وهي تشوف الجرح الي بجبينه مشت له مسكت وجهه بين يدينها :حبيبي تكفى قولي الصدق يوجعك ياسر حط يده على خصرها :دامك معي كل اوجاعي تطيب اسيل قعدت وهي ماسكه بطنها :الله ستر بغيت اجهض من الخوف عليك ياسر قعد جنبها وضمها :بسم الله عليك وعليه اسيل :وش صار معك ياسر :طفت الاشاره وما انتبهت الا لما طلعت سيارة بوجهي بس الحمدلله محد تضرر اسيل وهي راسها على صدره :الحمدلله ياسر بهمس :رضيتي اسيل بعدت عنه وتكتفت :لا ياسر ضحك : طيب تأمريني على شي اسيل وقفت وهي تعطيه ظهرها : ايه لا تتصل فيني ولا تجيني اذا انت ناسي اذكرك انا اسيل الي ما تنسى الاهانه وتقدر تردها ياسر ابتسم وهو ما يلومها يعرف شكثر هي صعبه يعرفها عدل : ما تحسين انك متناقضه اسيل عضت شفتها لفها له وباس خدها : على العموم انا مسافر شهر وجيت اودعك قبل لا اروح اسيل طالعته على كثر ما قلبها يحبه ويموت فيه بس ينزف من جرحه لها ما حست بنفسها الا وهو يقربها منه ويضمها بقوه باس راسها : استودعتكم الله اسيل بلعت ريقها انصدمت وهي تشوفه يبعد لف لها وهو يطالعها ابتسم لها ومشى قعدت على الكنبه ودموعها نزلت بلعت ريقها وبقلبها تدعي ربها يحفظه لها وقفت مسحت دموعها ودخلت ___ اليوم الثاني شيخه بحده : اسامه اسامه قرب منها باس راسها : هلا يمه امريني شيخه : روح ورجع اسماء ولا تبي تشتت عيالك اسمع ما نبي الي صار مع فايز ينعاد لان حال فايز ابد مو عاجبني اسامه : ابشري يمه راح اروح و اراضيها ام فجر عزيزة وغاليه شيخه تنهدت بهدوء : الا انت وين رايح اسامه : بروح لخلود بطلع وياها اوامر ثانيه يمه شيخه بهدوء : اسامه ماله داعي تروح تطلع معاها بتتعب لا تنسى توك طالع من عمليه اسامه تنهد : بنتبه لنفسي لا تشيلين هم نزل فايز يركض : بابا لحظه ابي اروح لماما اسامه طالعه : بكرا مدرسه يا بابا فايز مشى له : عادي باخذ اغراضي معي اسامه : طيب روح جيبهم انتظرك فايز لف بسرعه اسامه : شوي شوي يا بابا شيخه ابتسمت : وربي من يروح اشتاق له اسامه ابتسم بهدوء وهو ينتظره ___ نوره ابتسمت وهي تشوف فايز دخل معاه شنطته وشايل كيس بيده ابتسمت :هلا والله بالغالي فايز ابتسم مشى لها وهي باست خده بعدت وهي تشوف بعيونه نظرة عدم الرضا والراحه عكس اخوانه تحس حتى وهو معاها مو مرتاح ضمته : حبيبي كيفك فايز : بخير نوره : وكيف دراستك فايز : الحمدلله كويسه نوره وهي تمسح على شعره : من يدرسك فايز طالع الارض ورفع نظره للعيال : محد نوره تنهدت :فديت ولدي الشاطر يلا حبيبي شيل شنطتك واغراضك فوق وتعال فايز : طيب شالهم وراح لغرفته ___ في المستشفى الجوري واقفه تسولف مع زميلتها استأذنت ومشت وقفت لما سمعت احد يناديها : دكتوره ممكن دقيقه الجوري التفت باستغراب : نعم الرجال ابتسم : حاب اشكرك لان لولا الله ثم انتي ما تشافى ولدي الجوري بهدوء : الشكر لله ولفت بتمشي بس مسك يدها : لحظه انصعقت الجوري وبحده : هيه فك يدي وش عندك بعد الرجال مد لها كيس : ممكن تقبلين هالهديه مني سبحان الله وبحمده سبحان الله العظيم