ماكنت اؤمن بالعيون وفعلها حتى دهتني في الهوى عيناك - الفصل 36 - بقلم riwaiax - مكتملة | روايتك

البارت السادس والثلاثين شذى بقهر : قومي صبي قهوه وش تنتظرين الجوري طالعتها وتلاشت ابتسامتها : طيب مع ان تونا متقهوين قبل لا تجين بس ولا يهمك شيخه بحده : والله ما تقومين هذاني حلفت طالعت شذى : قومي انتي البنت حامل وتعبانه من شغلها في المستشفى شذى توسعت عيونها وطالعت الجوري الي ابتسمت تغيضها : ترا يا خاله هي مو اول وحده تحمل كلنا حملنا و قمنا واشتغلنا شيخه : ام صالح عندي غير شذى عضت شفتها ووقفت وهي تصب لهم وقعدت وفي يدها فنجانها رجعت اسيل وهي ماسكه بطنها بتعب وحاسه بارهاق ودوخه وقفت الجوري وهي تمسكها : ياربي حسبي الله على ياسروه يا اختي ما يستاهل الي تسوينه بنفسك عشانه ونادت الشغاله تجيب لها اكل بسرعه ____ ياسر اتصل فيه زميله في الشغل يبي منه اوراق مهمه عنده في البيت اخذهم ونزل لسياره وحرك للكوفي الي اتفقوا عليه كان يسوق بسرعه سحب بريك لما وصل وطاحوا الاوراق لتحت الكرسي الي جنبه زفر بضيق لف ونزل اخذهم بس لفت نظره جوال طايح مد يده له طالعه فتره وتذكره هذا جوال الحقير عيسى قبض عليه بقوه حطه بجيبه ونزل لما تذكر زميله الي ينتظره سلم عليه وعطاه الاوراق ومشى رجع لسياره طلع الجوال فتح الدريشه بيرميه و يدوس عليه بسيارته بس بآخر تراجع طالعه وهو يبي يشوف محادثات اسيل حتى لو هالشي بيذبحه ويحرق قلبه بيشوف لاي درجه وصلت معه من الوقاحه شاف عليه رمز ضرب على الدريكسون بقهر وحرك لاقرب محل تلفونات طلع ياسر من المحل ارتجفت يده وهو يفتح على المكالمات شاف اخر رقم اتصل عليه عيسى بنفس وقت وتاريخ هذاك اليوم الي حس بروحه انتهت و حياته تدمرت بس ركز بالرقم الي بدون اسم لان عيسى ما حفظه عنده بس مو رقمها لان حافظه مثل اسمه عض شفته معقوله عندها جوال ثاني من وراه بس الرقم مألوف وبسرعه رفع جواله وسجله بس كانت الصدمه الي شلت تفكيره طلع اسم منال مو قادر يستوعب منال شدخلها بالسالفه دخل على المحادثات وبسرعه على محادثاتها وقرأ كل شي وصور اسيل هي مرسلتها وكانت اسيل بكل صورها كاشخه وانيقه حس ان طاح من اعلى برج من قوة الصدمه منال اخته يطلع منها كل هذا نزل الجوال وحرك بسرعه للبيت ___ اسماء قاعده وتطالعه بقهر والم بنفس الوقت اسامه وهو واقف قدام المرايه مد يده للكبك و لبسه اخذ الثاني ولف لها : ممكن اعرف وش سبب هالنظرات اسماء بهدوء : ابي اروح بيت اهلي اسامه : طيب تبيني اوديك الحين اسماء طالعته بألم ووقفت اسامه مسك يدها وطالع بعيونها : فيك شي اسماء صدت بنظرها عنه اسامه لف وجها : وش فيك اسماء سحبت يدها منه : مافيني شي وخر عني اسامه عقد حواجبه وهو يطالعها : طيب استعجلي وطلع ___ ياسر وقف سيارته ونزل بسرعه وهو ما يشوف شي من عصبيته دخل البيت شافها قاعده في الصاله بكل هدوء وقفت اول ما شافته ياسر مشى وعطاها كف طاحت على الارض من قوته وهي تحس خدها انشل رفعت نظرها له انصدمت وهي تشوفه يفسخ عقاله ويمسكه :ليش ياسر ضربها بقوه على يدها صرخت بألم مسكها من شعرها ووقفها :مرت اخوك يا الحقيره تسوين فيها كذا ليش ترسلين صورها ليش منال ببكاء :انا عارفه اني غلطت بس وقتها ما استوعبت الا وانا مرسله صورها لاني اكرها بس والله ندمت والله ياسر ضربها بكل قهره وغيرته وهي تبكي وتصارخ تحس جسمها نار يحرقها من قسوته دخلت امه وسمر وانصدموا وبسرعه مشت الام ودفته عنها وصرخت :انت اكيد جنيت ليش تضربها من سمح لك كم مره قلت لك لاتمد يدك على خواتك ياسر رمى العقال بقهر :يمه الي يشوف سواة بنتك يجن الله ياخذها ونرتاح منها وحده حقوده وحقيره الام سكتت بصدمه :منال وش مسويه ياسر تكلم اختك بشنو غلطت لفت لها انصعقت لما شافتها تنزف قعدت على ركبها وبخوف :مـ منال يمه ردي منال طالعت ياسر :اختك تنزف تعال شيليها لا تموت ياسر :احسن الام :ياسر تكفى تعال شيليها بسرعه لسيارتك ياسر تنهد : وين عبايتها الام بسرعه فسخت عبايتها ولبستها: بسرعه يمه خذها طالعت سمر المصدومه :بسرعه جيبي لي عبايه وخلك مع العيال لما نرجع ياسر شالها ومشى فيها لسياره انتظر امه جات وحرك للمستشفى ___ في بيت ابو احمد شذى رجعت بيتها عبدالعزيز دخل :السلام عليكم وقف صالح وركض له :بابا عبدالعزيز شاله ورفعه لفوق وباس خده سلم على امه واسيل وقعد جنب الجوري فايز دخل وعيونه تلمع بفرح عبدالعزيز باستغراب :وين كنت فايز مشى له وسلم عليه :كنت مع يوسف والعيال عبدالعزيز طالع ساعته ١٠ :يمه هو كل يوم يقعد هالوقت شيخه :لا بس شكله اليوم ما حس بالوقت ولفت لفايز بابتسامه :وش الي مفرحك فايز بفرح : ماما قالت بتجي هنا وما راح ترجع الجوري ابتسمت لفرحته وشيخه تلاشت ابتسامتها وهي تفكر عبدالعزيز طالع الجوري بهمس :تعبانه تبين نروح البيت الجوري :ايه حيل تعبانه عبدالعزيز :عندك دوام بكرا الجوري :لا عبدالعزيز :خلي سيارتك هنا وبكرا بجيبها لك الجوري بتعب :طيب شيخه :وين بدري عبدالعزيز :يمه جوريتي تعبانه شيخه ابتسمت :طيب الله وياكم انتبه لنفسك ولا تسوق بسرعه عبدالعزيز :ان شاء الله اسيل ضمت الجوري :مع السلامه وتصبحين على خير الجوري : الله يسلمك وانتي من اهله وطلعوا شيخه :فايز يمه مو نايم فايز مشى لها قعد على نفس الكنبه انسدح وحط راسه على فخذها :يمه سولفي قولي لي قصه اي شي لما انام اسيل ابتسمت وهي تتذكر حركات اسامه: هالولد طالع على ابوه سمعها اسامه الي كان داخل ضحك :شفيه ابوه مو عاجبك اخت اسيل اسيل :ايه مو عاجبني ارتحت اسامه طالعها بابتسامه مستانس انها طلعت من الغرفه وتسولف وياهم شيخه :فايز لا تنام قوم بدل ملابسك وتعشى يلا بسرعه فايز قعد وراح يبدل ملابسه ونزل وجهزت لهم الشغاله الاكل هو وابوه اسامه مسك بطنه بألم فضيع وتغيرت ملامحه حاول ما يبين عليه مد يده لكوب الماء وشرب شوي فايز تعلقت عيونه بأبوه :بابا انت مريض اسامه اخذ نفس بعد ما خف الالم :لا بابا كمل اكلك ____ في المستشفى ياسر واقف متكتف بملل ما كان مهتم لمنال بس بكاء امه ما هان عليه تنهد وهو من داخله يغلي ظلم اسيل البنت الوحيده الي عشقها من كل قلبه انتبه لدكتوره الي طلعت ام تركي وقفت وهي خايفه على بنتها و بسرعه :بنتي بخير تكفين طمنيني الدكتوره بأسى :اجهضت بسبب الضرب الي تعرضت و لازم اكلم الشرطه ام تركي بدهشه :كانت حامل الله يعوضها!! الدكتوره :ايوا والحمدلله على سلامتها ام تركي دخلت ودخل ياسر وراه وهو يطالعها بحده الام : الحمدلله على سلامتك يا روحي منال بتعب وصوت منخفض :الله يسلمك ياسر : اسمعي اذا جبتي اسمي بالتحقيق ما راح يعجبك الي يصير لا تنسين بو شدن وتركي للحين ما عرفوا بشي منال بلعت ريقها من تهديده وغمضت عيونها بتعب ياسر سكت وهو يناظرها قال كذا يخوفها بس ولا هو مستحيل يفضح اخته حتى لتركي وببرود :خلاص يمه هذا هي مافيها شي بتجين معي البيت سمر لحالها وممكن زوجها يجيها وامجد وشدن بروحهم الام طالعت بقهر :انت ما تحس اختك اجهضت بسببك وتقول مافيها شي ياسر ببرود :سواة يدها تستاهل لف وطلع ام تركي وقفت وهي تشوف منال نايمه وطلعت وراه ____ يوم جديد نوره دخلت بيتهم تحب هالبيت حيل سعود ابتسم هالبيت له ذكريات كثيره مع ابوه وامه تنهد وهو يدعي لهم بالرحمه جواد وجدان دخلو يركضون :بابا بنقعد هنا على طول سعود :ايه وجدان :بابا يعني راح اروح مدرسه جديده سعود :ايه وتكونين صداقات جديده وتستانسين وجدان سكتت جواد :اصلا انتي من تبيك تكونين صديقه لها كله هواش محد يبيك وجدان طالعته بقهر وهو شرد وهي وراه: اراويك والله بيكون عندي صديقات كثير ضحك سعود ولف لمحمد الي قال :فايز بيجي يقعد معنا سعود :ايه بيت ابوه الثاني عبدالله :وربي وحشني هالفايز نوره ابتسمت :وانا اكثر _____ في المستشفى اسامه عنده جلسه غسيل كلى بعد ما خلصت مدة الجلسه الدكتور: الجلسه الجايه يوم الاربعاء اسامه بتعب : لازم اجي كل الجلسات الدكتور :ايه لازم لان اذا ما جيت راح تتعب اكثر وتزيد السموم بجسمك اسامه :طيب شكرا طلع وهو يجر نفسه بتعب وصل لسيارته وحرك للبيت ____ ياسر وقف سيارته قدام بيت ابو احمد طالعه فتره وتنهد من اعماقه وهو يتمنى اسيل تعطيه فرصه وتقابله لان عجز من كثر ما يتصل عليها اما مغلق او ماترد طفى السياره ونزل مشى للبيت بس لسوء حظه طلع عبدالعزيز بهاللحظه واول ما شاف ياسر احتدت ملامحه وبعصبيه : وش جايبك ياسر بهدوء : بشوف اسيل عبدالعزيز ببرود : بصفتك ايش بتشوفها ياسر : زوجها عبدالعزيز عطاه بوكس رجع خطوه من قوته وسحبه وضرب ظهره على الباب : يالحقير تمد يدك عليها وتطلقها وترميها بكل برود وتجي بكل بوقاحه تبي تشوفها بس نجوم السماء اقرب لك منها انقلع يلا انقلع ودفه لجهة السياره طالعه ياسر وبقهر : عزيز ناد لي اسيل ابي اكلمها عبدالعزيز تكتف : لا و يلا امش وقفت سيارة احمد وراهم نزل احمد باستغراب : وش صاير ياسر بقهر : بشوف زوجتي ياخي بتفاهم معها واخوك رافض احمد : ادخل حياك انا بناديها لك عبدالعزيز بعصبيه : ياسر ناسي ان طلق اسيل احمد بهدوء : اولا هي طلقه وللحين على ذمته وما ندري وش السبب ثانيا هو اكيد له اسبابه تفضل ياسر دخل ياسر مع احمد للمجلس عبدالعزيز طالعهم بقهر ومشى لسيارته ___ اسامه راح لبيت خاله بياخذ اسماء سلم على امها مع ان يدري انها ما تطيقه بس من باب الاحترام وسلم على خاله وطلع ينتظرها برى بدون شعور مسك جواله واتصل على خلود ردت بهدوء: هلا اسامه ابتسم : هلا بس وش فيه الحلو زعلان خلود بدلع : ايه زعلانه وحيل بعد وما ابيك تكلمني اسامه : افا ليش وش سويت لك عشان تزعلين كذا خلود بزعل : اتصلت فيك قبل اسبوع رديت وقفلته بوجهي هذا وانا متصله اتطمن عليك وانتظرتك تتصل بس انت مو معبرني اسامه عقد حواجبه : متى يا عمري قفلت بوجهك خلود : يوم الاحد في الليل اسامه تذكر ان رجع من المستشفى تعبان ونام توسعت عيونه بصدمه وهو يتذكر تصرفات اسماء وتغيرها عليه معقوله عرفت عن خلود غمض عيونه وبهدوء : وش الي يرضيك خلود : اشوفك اليوم اسامه : لا اليوم ما اقدر بكرا طيب خلود بابتسامه : طيب اسامه قفل منها وهو يفكر باسماء لف وجمد وهو يشوفها واقفه قدامه ودموعها تنزل على خدها تحس قلبها يرجف من المه و بطنها يوجعها طالعته بنظرات الم ومشت لسياره بهدوء اسامه استغرب وضعها يبين انها سمعته بس ليش هاديه هو يعرفها غيوره لحقها وركب السياره وحرك اسماء بصوت يرجف : من هي خلود لف لها اسامه بهدوء ورجع طالع قدامه مارد عليها اسماء عضت شفتها بقهر منه ودها تذبحه وتذبح هالخلود معه قبضت على كف يدها بقوه تمنع نفسها من البكاء بس ما قدرت نزلت دموع بقوه شعور الخيانه بشع بشكل لا يوصف وما تقدر تتحمله ___ دخلت اسيل بخوف :امجد فيه شي ياسر :طيب سلمي اول اسيل :السلام عليكم يلا قولي امجد شفيه ياسر مشى للباب قفله وهو يتأملها بهدوء : وعليكم السلام من قال لك ان امجد فيه شي اسيل تنهدت براحه :احمد الله يسامحه طيب ممكن تبعد عن الباب بطلع ياسر هز راسه بلا :ممكن اتكلم معك اسيل تكتفت ببرود :لا ياسر وهو يشوف التعب على ملامحها والهالات تحت عيونها : دقايق بس اسيل بقهر : قلت لا مشت بسرعه قدامه ارتبكت من قربه وريحة عطره الي بعثرت كل خلاياها مسكت مقبض الباب برجفه ياسر شاف رجفة يدها حط يده عليها واليد الثانيه على خصرها وهو يستنشق ريحة عطرها وبهمس : آسف اسيل بغصه : كلمة اسف ما راح تفيدني ولا راح تداوي جروحي منك ياسر : ليش ما قلتي لي انها منال اسيل بقهر تحاول تبعد يده لفت وهي تحس بغثيان وصداع : انت حتى ما سألتني ولا راح تصدقني اصلا لانك ببساطه ما تثق فيني ياسر بضيق : والله من غيرتي وحبي لك كيف تبين اشوف جواله مليان بصورك ويتكلم عنك كذا واسكت اسيل نزلت دموعها وحرقت خدودها : الي بينا انتهى يا ياسر انت انهيته باهانتك وطلاقك ياسر طالعها تنهد وبهدوء : لا طبعا حطي ببالك ان ما راح اتركك فاهمه مستحيل اسيل فتحت الباب وبسرعه ركضت للحمام ياسر طلع من المجلس ولحقها وقف وهو يشوفها تستفرغ غسلت وجها مشت خطوتين وهي تحس بتعب دار راسها مدت يدها للجدار بتستند عليه بس ياسر مسكها وهو يشوفها مغمضه ودايخه وبخوف سندها على صدره : اسيل بعد شعرها عن وجها وضرب خدها بخفه : اسولتي وش فيك اسيل فتحت عيونها وجات عينها بعينه ثواني غمضت عيونها ودفته عنها وتحس بغثيان من ريحة عطره ومشت بخطوات بطيئه للبيت اليوم ما كلت شي وبعد مهمله نفسها وصحتها ياسر غمض عيونه بقوه وشتم نفسه الف مره ان هو السبب بلي هي فيه ضرب الجدار بقبضة يده بقوه وطلع وقف لما شاف اسامه بوجهه شايل فجر الي كانت نايمه بالسياره اسامه طالعه بهدوء ورجع لوراء ياسر طلع بسرعه اسامه طالع اسماء : ادخلي دخلت قبله وهو وراها وقفل الباب _____ في بيت سعود انطق الجرس وراحت ميري تفتح ابتسمت لما شافت فايز دخل وقفلت عبدالله وقف بفرح وضمه : وربي وحشتني فايز ابتسم : انت اكثر طالع جواد و وجدان و سلم بهدوء محمد طالعه فتره قرب منه : كيفك فايز : تمام الحمدلله طالع الصاله مافيها احد : وين امي عبدالله لجواد : روح ناد امي بسرعه جواد ركض وصل لغرفه امه دخل وقف وهو يشوفها تصلي الظهر انتظرها تكمل سلمت وقفت وهي تشيل السجاده وتفسخ الجلال لفت له : هاه حبيبي تبي شي جواد : ايه ماما فايز جاء نوره ابتسمت بفرح وخذت جوالها ونزلت بسرعه فايز قرب منها وهي ضمته بقوه ودموعها متجمعه بعيونها باست خدوده وجبينه بشوق : حبيبي كيفك طمني عنك فايز بصوت مخنوق : بخير نوره ابتسمت : وربي اشتقت لك فايز ابتسم نوره مسكت يده وقعدت وهو جنبها حطت يدها على اكتافه ومسحت على شعره : حبيبي قول لي كل شي صار وياك ابي اسمعك فايز هز راسه بالايجاب وبدا يقول لها قعدوا العيال بفضول يسمعونه _____ ياسر دخل البيت سلم على امه وخواته تجاهل منال وطلع سوسن وقفت :منال تعالي ابيك شوي منال وقفت ومشت معها دخلت وياها الغرفه : وش صاير تكلمي والضرب الي فيك من ايش.. منال قعدت على السرير وغطت وجها وبكت سوسن بخوف :منول قولي شصار منال ببكاء : انا الي فرقت بين ياسر واسيل سوسن شهقت بصدمه : كيف منال طالعتها خذت نفس وقالت كل شي لسوسن سوسن تطالعها بصدمه مو مستوعبه : مو مصدقه مو قادره استوعب ان يطلع منك كل هذا منال ضمت رجولها وبكت سوسن : تعرفين وش صار معهم منال بصوت مخنوق : اتوقع اسيل رفضت ترجع تكفين سوسن فكري بشي لازم ارجعهم لبعض سوسن وقفت بقهر : تتوقعين بهالسهوله راح ترجع له مستحيل منال : تصرفي لازم نسوي شي سوسن : الله يهديك بس وسكتت تفكر ____ الجوري بقهر : صلوح عطني الجوال بشوف ابوك وينه صالح : لا الجوري مشت وراه بتمسكه بس هو شرد : صلوح خلاص عطني الجوال صالح : ابي العب الجوري : صالح مو وقتك الحين صالح ركض وهو رافض الجوري مشت وراه تعثرت وطاحت على ركبها ركضت لها الشغاله : مدام انتي بخير الجوري مسكت بطنها بألم وقفتها الشغاله دخل عبدالعزيز شاف صالح واقف معه جوال امه مشى لها بسرعه : حبيبتي وش فيك الجوري مسكت يده وضغطت عليها بقوه : عزيز بطني يوجعني وركبي آه يمه عبدالعزيز حط يده الثانيه على يدها وضغط عليها : اوديك المستشفى الجوري هزت راسها بلا عبدالعزيز طالع الشغاله : شفيها الشغاله : طاحت الجوري وقفت : ابي اروح الغرفه عبدالعزيز برمشه عين وقف وشالها وراح فيها للغرفه نزلها على السرير : لو تروحين المستشفى افضل الجوري وهي تتنفس ببطى : لا برتاح وبيروح الالم شوف صالح وينه عبدالعزيز : طيب نزل لصالح شاله واخذ منه الجوال وراح للغرفه قعد على الكنبه وجنبه صالح يسمع سوالفه الطفوليه ومبتسم عليها ____ اسامه واقف يلبس ساعته اسماء : وين رايح اسامه : ما تلاحظين اسألتك صايره كثيره اسماء : الا ملاحظه بس وين اسامه طالعها بهدوء : بروح المستشفى تبين تجين معي اسماء : ليش بتروح اسامه : يعني ليش الناس يروحون المستشفى انطق الباب مشى له وفتحه ابتسم : هلا بالحلوين فايز : بابا انت قلت يوم الاربعاء بنروح السوق ونشتري الي نبيه فجر :ايه وبنروح الالعاب بعد اسامه طالعهم تنهد صح وعدهم يطلعهم اليوم بس قبل لا يعرف موعد جلسة الغسيل الحين وش يسوي ما يقدر ياخذهم المستشفى الجلسه تطول لاربع ساعات وبعد ما يخلص يالله يقدر يسوق للبيت وبصعوبه بعد اخذ نفس وهو يشوف حماسهم وفرحهم : يلا مشينا اسماء باستغراب :ما قلت بتروح المستشفى اسامه :خلاص هونت احد يرفض الروحه والوناسه مع هالحلوين اسماء : انتظروني جايه معكم اسامه : اوكي ____ منال ردت على سمر اختها :هلا سمور سمر :هلا حبيبتي اخبارك منال بهدوء :بخير وانتي سمر :الحمدلله وشدون كيف حالها منال :بخير الحمدلله سمر :الا متى بيجي ابوها منال :بعد اسبوع ان شاء الله سمر :حلو اسمعي بكرا عازمه الكل عندي على الغداء تعالي طيب منال :ما اقدر سمر اعذريني سمر :وربي لا ازعل منك منال :من بيجي سمر : الكل امي و اهل زوجي وخواتي واسيل منال عدلت جلستها :اسيل بتجي سمر :ايه وربي قعدت احن عليها واحاول معها رافضه بس بالاخير وافقت منال :خلاص اوكي جايه سمر :طيب اشوفك مع السلامه منال قفلت منها واتصلت على سوسن ____ اسامه حط يده على بطنه بألم لف بسرعه قبل لا يلاحظون ومشى لدورة المياة اسماء وقفت وهي تطالعه باستغراب :ابوكم وضعه ابد مو طبيعي فايز :يمكن نسى ياخذ شي ورجع له اسماء :تعالوا نقعد تعبت وننتظر ابوك فايز :طيب يلا فجور مشت اسماء للكوفي وقعدت على طاوله وهما لحقوها اسامه طلع من دورة المياه ومشى طلع جواله واتصل لاسماء يسأل وينهم مشى بارهاق وصل لهم : خلصتوا اسماء :ايه طالع فايز :وانت فايز : ايه بابا فجر بطفش :بابا متى نروح الالعاب اسامه مد يده لها :الحين بابا يلا شالوا اغراضهم ومشوا _____ في بيت ابو احمد الجوري قاعده تطالع اسيل الي واقفه قدام المرايه تجهز نفسها اسيل لفت لها بخوف :يا عمري عسى ما تعورتي الجوري :لا الحمدلله تألمت شوي وخف اسيل :والله هالصلوح صاير شيطان ضحكت الجوري :ايه والله وعنيد بعد الا تعالي الحين انا جايه عشانك تخليني وتروحين اسيل بهدوء :ما ودي اروح بس ما ابي ازعل سمر الجوري ابتسمت :امزح يا قلبي روحي واستانسي سكتت وهي تطالعها :اسيل وش صار مع ياسر اسيل تنهدت وهي تناظر نفسها بالمرايه: جوالي قفلته وجاء يشوفني بس انا رفضت اطلع له جوج تعالي معي الجوري : هي عازمتك انتي انا وش دخلني اجي معك اسيل :جوج بليز تعالي معي مالي خلق اروح بروحي واشوف منالوه العله الجوري :طنشيها وخليها تولي اسيل تنهدت :اوكي كيف طالع شكلي الجوري ابتسمت :حلوو يلا بوصلك اسيل رفعت شعرها ولبست شيلتها : يا حظ اخوي فيك بس بتروحين البيت الجوري ضحكت وبابتسامه : لا بروح بيت اهلي الكل هناك اسيل خذت عبايتها :تمام يلا طلعت اسيل مع الجوري دخلت الصاله شافت صالح مع جدته :خالتي عن اذنك بروح بيت اهلي شيخه :الله وياك يمه الجوري :يلا صلوح مشت لسيارتها واتصلت لعبدالعزيز ما رد ركبت مع صالح السياره شغلتها شافت اسيل دخلت :سمر رسلت لك اللوكيشن اسيل فتحت جوالها :ايه بس سوقي شوي شوي طيب الجوري ابتسمت : طيب ____ اسامه طالع اسماء : نادي العيال بنرجع البيت اسماء طالعت وجهه : حلفتك بالله تقول لي وش فيك اسامه غمض عيونه بقوه : تعبان مريض والحين موعد ادويتي يلا بسرعه روحي اسماء امتلت عيون دموع وقلبها يدق بقوه وتتردد عليها كلمة مريض وش فيه وش مرضه شافت فايز : وين فجر فايز اشر عليها اسماء : روح نادها بسرعه بنرجع البيت فايز بسرعه ركض لها ورجع معاها اسماء شدت على شنطتها بقوه تخفي رجفة يدها وعيونها مغرقه دموع ما تشوف قدامها فايز : اسماء وين رايحه من هنا طالعته ورفعت راسها لقدام فعلا كلامه صح ومشت وراهم وصلوا لاسامه ومشوا لسياره شغلها وحرك راجع للبيت ____ في بيت سعود نوره : لو فايز قعد اليوم معانا احسن سعود : سمعتيه يقول يبي يروح مع ابوه عبدالله : بابا وين بتروح سعود بابتسامه واسعه : بروح لبندر تجون معي عبدالله ومحمد وجواد : ايه سعود : تمام طالع نوره : بتروحين بيت اهلك نوره : ايه سعود : طيب بس نرجع بنمر عليك نوره : اوكي بحفظ الله طلع هو والعيال وجدان : وين راحوا نوره : لصديق بابا يلا نجهز بنروح لجدو وجدان بحماس : يس ____ في بيت سمر اسيل كانت قاعده وباين الضيق عليها تحاول تسولف وتجامل بابتسامه بس تعبت هذا غير انها حاسه بصداع وقفت : اكرمكم الله عن اذنك خالتي سمر يعطيك العافيه انا باروح سوسن وقفت بسرعه : اسيل ابيك شوي ممكن تجين معي اسيل تنهدت : طيب مشت معها وصلت لغرفة دخلت فيها اسيل بهدوء : وش فيك سوسن كانت بتتكلم بس سمعت منال تناديها : ثواني بس و راجعه انتظريني لا تروحين لازم تسمعيني ضروري اسيل قعدت : طيب استعجلي لاني تعبانه وابي اروح البيت طلعت سوسن وراحت لمنال : وش فيك منال : كلمي ياسر قولي له امي تبيه يرجعها البيت سوسن بفهاوه : الحين بدري منال بهمس: يا غبيه عشان يجي ولما يجي قولي له سمر تبي تسلم عليه او تبيه بموضوع المهم اي شي ونرسل له حمود ولدك ويدخل عند اسيل يمكن يتصالحون سوسن ضربتها على كتفها :حلوو اول مره تعرفين تفكرين عدل اتصلت سوسن عليه وقال ان قريب الحين بيجي طالعت منال : اذا جاء عطيني رنه ومشت راجعه لاسيل وصل ياسر اتصل على امه بس ما سمعته زفر بهدوء واتصل على سوسن : انا عند الباب قولي لامي تطلع سوسن : لحظه سمور تبي تسلم عليك ادخل ياسر طفى سيارته ونزل ياسر طالع العيال يلعبون في الحوش لف على صوت حمود يركض :خالو تعال معي ياسر باستغراب :وين خالتك حمود :تعال معي بوديك لها ياسر زفر بطفش :طيب مشى معاه من الباب الخلفي وقف عند الغرفه و حمود راح يلعب ياسر دخل الغرفه وجمد وهو يشوف اسيل كانت تلبس عبايتها بتطلع قفل الباب بهدوء وهو يطالع شعرها الغجري الي يتحرك مع حركاتها ابتسم لفت بتاخذ شيلتها وشهقت بدهشه :انت وش جابك وكيف دخلت ياسر ابتسم :جابني الله وكيف دخلت من الباب اسيل طالعته :يعني دخلت عند الحريم ياسر تكتف وبابتسامه :ايه وشفت ثنتين حلوات وعرفت ان وحده فيهم مو مخطوبه قلت دام اسيل تبي تنهي الي بينا اخطبها اسيل قبضت كف يدها بقوه من غيرتها وقهرها تأوهت بألم لما انجرح كفها باظفارها ياسر مشى بخوف مسك يدها شاف مناديل على الطاوله الي جنبه سحب كم واحد وحطه على كفها وبهدوء :بشويش على نفسك لان انتي عندي احلى انثى شفتها بحياتي اسيل بغصه وضعف : ترا عادي ما يوجعني كثر هذا الجروح الي هنا وش يداويها واشرت على قلبها ياسر مسك وجها وباس جبينها : اسف عطني فرصه واوعدك اداويها لك مع الوقت اسيل سحبت يدها منه وبعدته عنها : وخر ما اقدر اتحملك ولا اتحمل ريحة عطرك خذت شنطتها بتطلع فتحت الباب بس ما انفتح طالعته بصدمه : مقفل وانا لازم ارجع البيت ياسر ببرود : وش اسوي خلاص انتظري لما ينفتح اسيل تحس بخنقه فتحت الشباك وقعدت على الكنبه وهي ماسكه بطنها و مغمضه عيونها راسها يدور ياسر قعد قدامها على ركبه وبهمس : والله حياتي بدونك مالها اي معنى اسيل فتحت عيونها وكره نفسه من نظرة الالم الي بعيونها ااسيل ماردت حاسه بمغص ببطنها طلعت آه غصب عنها من ألمها ياسر بخوف مسك يدها : وش يوجعك اسيل تجمعت دموعها بعيونها طالعته وتكلمت بصوت مخنوق : انت قتلت كل شي فيني وقتلت فرحتي بحملي الي انتظرته سنين ياسر رجع لوراء بصدمه وهو يطالع يدها الي على بطنها : حـ حامل اسيل نزلت دموعها وهي تتذكر كل كلامه : ايه وانت ما تبي عيال من وحده مثلي صح خلاص انا بربيه بنفسي ما نحتاجك ياسر وقف قعد جنبها سحبها له وضمها بقوه وهو يدفن وجهه بشعرها : والله ان فرحتي فيه ما تنوصف اسيل : ابعد عني ياسر ماتركها وهو يروي شوقه لها كل هالايام الي راحت والله ان حياته بدونها دمار اسيل زاد بكاها وهو ما تركها الا لين هدت طالعته بتعب وصوت مبحوح : برجع البيت تأخرت ياسر ما وده يتركها بس يدري ان معها حق الي سواه معها مو سهل تسرع وضربها واهانها بس فرحته بحملها كبيره قام وقف واتصل على سوسن :سوسو خلاص افتحي بسرعه تنهد وهو يشوفها توقف مكياجها انحاس مد لها مناديل وهي طلعت المرايه من شنطتها ومسحت الكحل الي ساح وعدلت نفسها ياسر طالعها : انا بوصلك اسيل بهدوء : السواق ينتظرني برا ياسر طلع شاف السواق مشى له : امش السواق طالعه : ليش وين مدام ياسر بنرفزه : حرك انا برجعها رجع وراء وهو يشوفه يمشي ويبتعد طلعت اسيل ما لقت سيارة السواق ياسر ببرود : راح ويلا تعالي بوصلك مشى لسيارته وهي ركبت معه وسندت راسها وطالعت جهة الدريشه كان الهدوء يعم المكان وقف ياسر وبهدوء : وصلنا اسيل انتبهت خذت شنطتها وفتحت الباب بتنزل ياسر مسك يدها : انتبهي على نفسك وعلى طفلنا اسيل سحبت يدها ونزلت وقفلت الباب بقهر ___ نوره واقفه قدام الكبت كل شوي تأخذ فستان تشوفه وترميه على السرير سعود بطفش :نوره شفيك ما خليتي شي بالكبت نوره :عندي حفله بعد بكرا ومو لاقيه لبس حلو سعود اشر على السرير والكبت :كل هذا ومو لاقيه نوره ضحكت ورجعت تدور وقفت عند فستان اسود عجبها طلعته وهي مبتسمه: حلو صح سعود ببرود طالع الفستان :ترا اذا ناسيه احب اذكرك انتي حامل وهالفستان ضيق نوره رفعت حاجب رمت الفستان وقعدت: خلاص مو رايحه سعود ضحك :احسن وقومي رتبي هالحوسه الي مسويتها بنام نوره طالعته بقهر وبدت تعلق الفساتين خلصت وقعدت على السرير :خلاص نام سعود ابتسم وقف وقعد جنبها :اذا خاطرك تروحين للحفله بكرا نروح السوق وتشترين احلى فستان نوره هزت راسها بلا :لا فايز بيجي بقعد معه ____ في بيت ابو تركي ميلاف قاعده بهدوء :مو كأن اسيل امس راحت بدري ام تركي :لان مبين عليها تعبانه من كذا راحت بدري ميلاف بفضول :الا خالتي للحين ما عرفتي ليش ياسر ضربها وطلقها ام تركي بضيق :لا ميلاف :اكيد مسويه مصيبه وتستاهل الي جاها منال طالعتها بحده وبعصبيه :هيه انتهبي لكلامك ولا تغلطين عليها فاهمه طالعوها بصدمه من دفاعها عن اسيل ما توقعوا هالشي ابد ام تركي بهدوء :منال انتي تعرفين شي؟ منال وقفت وهي تطالع ميلاف بقهر: ايه واسيل ما سوت شي غلط انا السبب بكل الي صار بينهم اذا بتلومون احد لوموني انا ام تركي وهي تتذكر عصبية ياسر وضربه لها: منال وش سويتي منال بصوت مخنوق: انا اتهمتها بشي كبير بس هي مظلومه ميلاف طالعتها بصدمه ام تركي وقفت وضربتها كف: الظاهر انا ما عرفت اربيك هاذي اخرتها يا منال تظلمين مرت اخوك وتخربين بينهم منال مسحت دموعها ومسكت يد امها وباستها: يمه تكفين لا تزعلين مني الام سحبت يدها : بكرا تروحين وتعتذرين لها قدام الكل فاهمه منال بهدوء : طيب طالعت ميلاف الي تطالعهم بصدمه وتركها وراحت تشوف شدن ودموعها تنزل ‏ سبحان الله وبحمده سبحان الله العظيم ‏ أستغفر الله وأتوب اليه