ماكنت اؤمن بالعيون وفعلها حتى دهتني في الهوى عيناك - الفصل 32 - بقلم riwaiax - مكتملة | روايتك

البارت الثاني والثلاثين نوره وقفت بصدمه وعيونها تنتقل بينهم وركزت نظرها على يد سعود الي ماسك فيها يد وسن حست ضغطها ينخفض اكثر مسكت مقبض الباب بقوه بعد ما اسودت الدنيا بوجها و تنفسها بطيء سعود فكها بسرعه وهو يشوف تعب نوره قرب منها وسن بخبث وبسرعه : هو ناداني للغرفه سعود انصعق وقف مكانه ولف لوسن مصدوم رجع نظره لنوره الي رفعت نظرها له غمض عيونه بقوه من نظرتها وقلبه انجرح انها صدقتها مثل ما صدقت انه خانها مع عبير ولانها ما تثق فيه ما راح يبرر لها لان عنده الثقه اهم شي بعلاقتهم نوره مشت بخطوات بطيئه وعيونها الحمراء من كثر ما بكت زادت حدتها وقفت قدام وسن وضربتها كف بكل قوتها سعود فتح عيونه وانصدم وسن انصدمت نوره مسكت يدها الي مسكها فيها سعود ولفتها لوراء بحده وقهر : انا كم حذرتك زوجي تبعدين عنه جايه الغرفه وتتبلين عليه تحسبين بصدقك وانا عارفه نيتك الشينه من البدايه وسن دموعها نزلت من ألمها : يدي كسرتيها الله ياخذك فكيني سعود بسرعه مشى لها وحط يده على خصرها وسحبها له وحس برجفتها كانت ترحف قهر وغيره : نوره خلاص نوره بصراخ: سعود فكني بذبحها سعود سحب يدها عن وسن : حبيبتي اهدي نوره بغيره ودموعها رجعت تنزل : برا اطلعي برا والله ان شفتك قدامي ذبحتك يا حقيره وسن مسكت يدها بألم ومشت وقفت عند الباب وبنظره حاقده وكارهه : هه البيت بيت ابونا والغرب يطردونا نوره بصراخ : الله ياخذك ومن زين بيتكم الحين بنطلع ويحرم علي ادخله بعد اليوم سعود انقهر من كلام وسن فك نوره لفت وطالعته بحده وقهر مسكت راسها بقوه سعود مسكها وقعدها على السرير : انتي بخير نوره : كنت بخير بس الحين لا ليش تمسكها ضربت صدره وكتفه ليش سعود طالع عيونها ووجها الاحمر : وخالقك كنت بطردها برا لانها سفيهه ما رضت تطلع سعود قعد جنبها وضمها: ماخنتك وعساني للهلاك ان فكرت اخونك نوره دفنت راسها بصدره: ادري انها حقيره الله يحرق قلبها انا محروق قلبي على فايز تبي تحرقه زود سعود تعبت خلاص ما اقدر اتحمل سعود تضايق عليها وضمها اكثر له باس راسها : حبيبتي خلي ثقتك بالله كبيره نوره بتعب : الحين نطلع من هالبيت روح شوف لنا شقة ايجار ما عندي مانع اهم شي نطلع بموت لو قعدت هنا اكثر سعود : بسم الله عليك من الموت بس الحين ليل وين نلقى نوره : تصرف المهم نطلع سعود : طيب بنطلع وقف :بنادي ميري تجهز اغراض العيال عشان نروح نوره : بسرعه سعود وقف وطلع يناديها نوره ونظرها للارض غمضت عيونها وهي مو قادره تركز سندت راسها لظهر السرير لين حست نفسها احسن وقفت خذت الشنطه وفتحها وهو تحط كل ملابسهم فيها بدون ترتيب قفلتها وخذت الشنطه الثانيه وحطت كل اغراضهم فيها سعود دخل غرفة العيال شاف التوأم نايمين و محمد وعبدالله قاعدين بهدوء طالع ميري الي دخلت تجهز شناط العيال : وين فايز عبدالله :راح مع ابوه سعود تنهد : قوموا يالله بنطلع من هنا محمد :وين بنروح سعود :قوموا بدلو الحين مشى للكبت طلع لهم ملابس وطلع ____ فايز وهو مستانس يسولف لابوه عن كل شي اسامه شاف سعادة فايز ارتاح ابتسم وهو يسمعه مثل كل مره فايز تثاوب بتعب :بابا تعبت بنام اسامه :حبيبي نام لما نوصل فايز بنعاس غمض عيونه ونام بالمقعد الي وراء ابتسم اسامه وكمل سواقه ____ الساعه ١٢ ص اسيل ماسكه جوالها وتروح وتجي بالغرفه بخوف وقلق على ياسر الي طلع من المغرب وللحين ما رجع غمضت عيونها وهي تذكر الي صار تهاوشت معه بسبب انها غلطت على خواته وسبتهم لانهم استفزوها حيل وهي ما تعرف تسكت عن حقها بس الحظ كان ضدها لان دخل ياسر وسمع كل كلامها ومن كثر ما كانت معصبه ما تذكر وش قالت له بالصبط رفعت جوالها ورجعت تتصل على رقمه ونفس الرد مغلق عضت شفتها ونزلت دموعها وهي تحاول تطرد كل الافكار السيئه من راسها طلعت و نزلت لصاله شغلت الليت وقعدت على اول كنبه تنتظره يفتح الباب ويدخل سندت راسها وتدعي الله يحفظه لها _٠_ حست بيد تهزها فتحت عيونها وهي تتمنى يكون ياسر بس خاب ظنها وهي تشوف امه ام تركي باستغراب : وش فيك يابنتي نايمه هنا اسيل : كنت انتظر ياسر بس راحت علي نومه الا يا خاله بسألك هو ياسر من طبعه يتاخر برا البيت ام تركي بهدوء : ايه يمه قبل لا يتزوج كان هذا طبعه بس بعد ما تزوجك تغير وترا ياسر سافر البحرين امس مع اصدقائه ما قال لك جمدت اسيل بصدمه : سافر قعدت جنبها ام تركي بشك : صاير شي بينكم صدت اسيل بنظرها وهي تحاول تمنع دموعها تنزل ام تركي حطت يدها على كتفها وبهدوء : روحي يابنيتي صلي الفجر وارتاحي وانا متأكده ان اليوم او بكرا بيكون هنا ما يقدر ولدي واعرفه ما بيقدر يبعد عنك اكثر اسيل طالعتها بابتسامه مصطنعه وراحت غرفتها تتوضأ وتصلي الفجر وهي مو مصدقه ان ما قال لها عن سفره ____ في الفندق سعود صحى بعد ما رن المنبه لبس ثوبه وشماغه وساعته و كبك ثوبه ورش عطره لف يطالعها وهي بسابع نومه اخذ جواله و محفظته ومفتاحه وطلع رايح لشركه وقف بمواقف الشركه ونزل بثقه دخل وهي يلقي السلام على الكل ابتسم لسكرتير عمه : عمي موجود السكرتير : ايه فتح باب المكتب : صباح الخير ابتسم عبدالرحمن : صباح النور وينك اليوم ماشفتك في المسجد لصلاة الفجر سعود قعد قدامه : والله يا عمي انت ما قصرت و يعطيك العافيه بس احنا طلعنا من البيت عبدالرحمن بصدمه : ليش سعود سكت وبهدوء : اريح لنا عبدالرحمن مافهمه : طيب المهم عندي راحتك ____ افنان بعصبيه :وسنوه وين راحوا وسن بنرفزه :وانا شدراني افنان :انا عارفه ومتأكده ان انتي السبب تكلمي والا وربي لاقول لابوي وسن بهدوء :وش راح تقولين له افنان :حركاتك مع سعود وسن ابتسمت بخبث :طيب وانا راح اقول له ان سعود حاول يعتدي علي امس ولهالسبب ترك البيت وطلع افنان ضربتها كف :الحين تأكدت ان طلعتهم بسببك وشيلي هالتفكير من راسك لانه محد بيتأذى غيرك يا وسن وسن طالعتها ودموعها متجمعه بعيونها بقهر افنان مسكت وجها بين يدينها :وسن اصحي انا خايفه عليك تكفين خلاص انتي بعدك صغيره والحياه قدامك وسن دفت يدينها عنها وهي تفكر بكلام سعود الي جرحها كثير :اصلا ما صار يهمني هالسعود كرهته افنان طالعتها وطلعت من غرفتها تتمنى فعلا تكون كرهته ___ عبدالعزيز دخل البيت تعبان يحس حرارته مرتفعه حيل طلع من الشركه بدري بعد ما اصر عليه ريان مشى لاول كنبه في الصاله ارتمى عليها بتعب الجوري وهي نازله بسرعه بتروح دوامها وقفت وهي تشوف عبدالعزيز انصدمت من شحوب وجهه ركضت له بسرعه مسكت يده شهقت من حرارته المرتفعه قعدت على ركبها وحطت يدها على جبينه وبصدمه : عزوز عزيز مارد عليها ضربت خده بخفه فتح عيونه وهو يطالعها بتعب : وين بتروحين وتخليني الجوري بخوف وعيونها تلمع : الله لا يخليني ان رحت وتركتك بهالحاله عبدالعزيز ابتسم قبض على يدها وبهدوء الجوري : حبيبي قوم معاي نروح المستشفى عبدالعزيز بصوت ثقيل : لا ما ابي انتي دواي الجوري بخوف : عبدالعزيز تكفى قوم عبدالعزيز : عالجيني ما احب المستشفيات الجوري والدموع متجمعه فسخت عبايتها وراحت المطبخ وهي وتاخذ صحن وماء حطت فيه ثلج خذت فوطه صغيره حطتها على جبينه ورجعت المطبخ بتسوي شوربه له رن جوالها وردت على زميلتها بالدوام ٠ ___ اسيل قاعده مع سمر الي تسولف لها وتفكيرها معه ما اتصلت فيه ولا هو اتصل سمر وقفت :امجد اليوم ماشفته بروح له اسيل هزت راسها بصمت وهي تطالع لقدام بهدوء داهمتها ريحة عطره المميزه امتلت عيونها دموع و تحس من شوقها له بدت تحس بوجوده مع انه ما صار له الا يومين رفعت نظرها وجمدت وعيونها ما رمشت وهي تطالعه استوعبت ان ياسر واقف قدامها وقفت بسرعه ومشت وتركت المكان ياسر يطالعها بهدوء وشوق ابتسم مشى وراها وقف من شاف امه قرب منها وحب راسها الام : الحمدلله على سلامتك يمه ياسر : الله يسلمك يالغاليه الام ضربته على كتفه : ليش مزعل زوجتك لا ومسافر بدون ما تقول لها ياسر تفاجى ما توقع اسيل تقول لامه شي : يمه مو مزعلها ولا صاير شي الام بهدوء : مو غبيه قدامك ترا واضح البنت تمت طول الليل تنتظرك من خوفها و نامت بالصاله وتقول مو صاير شي ياسر ابتسم : يمه صدقيني السفره جات فجأه الام بهدوء : الله يهديك بس ومشت من قدامه ياسر اخذ نفس ومشى لغرفته دخل شافها قاعده بكل برود والجوال بيدها مشى لها و شاله من يدها :مافي الحمدلله على السلامه اسيل بدهشه مصطنعه :ليش وش صار لك عشان اتحمد لك على السلامه ياسر بهدوء : الحين من المفروض يزعل اسيل وقفت قدامه وتكتفت : انت اكيد انا مو حقي ازعل ولا اعصب وغيري عادي يسافر ولا كأن عنده زوجه ياسر ابتسم : اسوله اسيل مشت بتطلع بس مسك يدها وسحبها له حط يده على خصرها : ما يهون علي زعلك اسيل ما رفعت نظرها له مقهوره منه ياسر : حبيبتي اسيل بقهر وانفعال بعدت وبصوت عالي : لا تقول حبيبتي لو فعلا تحبني ما تتركني وتسافر بدون ما تقول لي ياسر بهدوء : كنت بتصل بس خلص شحنه اسيل ضحكت بسخريه : لا والله وامك وخواتك شلون عرفوا ياسر : كنت متضايق منك ومحتاج ابعد اسيل بصوت مخنوق : وانا كنت بموت من خوفي عليك وكل الافكار الشينه فكرت فيها ياسر سحبها وضمها : حقك علي اوعدك ما اعيدها اسيل دموعها نزلت : وخر عني ما ابي اشوفك ياسر بهمس : بس انا وخالقك مشتاق لك اسيل بصوت يرجف : ياسر ابعد عني ياسر دفن راسه بشعرها ثواني وبعد وهي يطلع له ملابس وياخذ منشفته اسيل قعدت وضمت رجولها وهي تبكي قهرها يتهاوش معها ويسافر ويقول بكل برود اشتقت لك ____ الجوري بتعب شالت الفوطه من جبينه ولمست خده تنهدت براحه وهي تشوف حرارته خفت وقفت قدام الشباك وهي تشوف المطر ينزل بغزاره رجعت لعبدالعزيز ابتسمت لما شافته نايم وبهدوء : عبدالعزيز عزوزي عبدالعزيز عقد حواجبه بتعب الجوري : عزوووز حبيبي فتح عيونه بكسل ولف نظره لها الجوري بابتسامه : قوم فوق تعب نومتك هنا عبدالعزيز قعد وهو يحس بتعب بكل جسمه قربت منه وهي تساعده وقف وحطت يده على اكتافها ومشت بصعوبه معه لفوق لغرفتهم نزلت على السرير وهي تتنفس بسرعه عبدالعزيز ضحك ومد يده وسحبها وطاحت بحضنه شهقت وبصوت متقطع : عزيز انت تعبان عبدالعزيز بهمس : ربي لا يحرمني من وجودك يا احلى نعمه بحياتي الجوري وقفت :بروح اجيب لك اكل ____ فايز ركض لغرفة ابوه طق الباب ما جاه رد دخل سمع فجر تبكي قرب منها قعد على السرير ومسك يدها وباسها بجبينها بس ارتفع بكاها دخلت اسماء الغرفه :وش فيها وش سويت لها فايز بخوف : والله ما سويت لها شي طلع اسامه وهو لاف المنشفه على خصره والثانيه على اكتافه :شفيها تصيح اسماء وفي يدها الرضاعه :اسأل ولدك وش مسوي فيها اسامه بحده :فايز فايز امتلت عيونه وطلع يركض فتح جناح جدته ودخل غرفتها كانت قاعده على السجاده تقرا اذكار المساء لفت بخوف فايز ارتمى بحضنها: يمه ما سويت لها شي والله بس مسكت يدها ما وجعتها شيخه بخوف ضمته :بسم الله عليك يمه وش فيك فايز طالعها :انا كنت الاعب وجدان وجواد ما يبكون بس هي كانت تبكي من دخلت عليها والله ما سويت لها شي شيخه بحنيه مسحت على شعره وباست راسه: حبيبي من هي طالعها ودموعه غرقت وجهه: فجر اسماء قالت انا بكيتها تنهدت بضيق ومدت يدينها وهي تمسح دموعه وبحنان :انا اعرف انك ما بكيتها فايز ابتسم شيخه بابتسامه : قوم نطلع وبتصل على احمد يجيب عياله معنا فايز وقف بفرح وركض لغرفته جهزت وطلعت وهي تعدل العبايه على راسها شافها اسامه مشى له وبهدوء :يمه شفتي فايز شيخه بسخريه :ليش بتضربه اسامه بضيق :لا وينه شيخه مشت لغرفته وشافته قاعد على سريره :فايز يلا فايز شاف ابوه واقف جنبها مشى لها ومسك يدها وهو يطالعه :انا بس مسكت يدها ما وجعتها هي كانت تبكي اسامه تنهد ونزل لمستواه :تعال فايز هز راسه بلا اسامه :ادري انك ما وجعتها تعال فايز مشى له اسامه بابتسامه :ليش جيت للغرفه تبي شي فايز طالعه :خلاص ما ابي شي بروح مع جدتي اسامه رفع نظره لامه :طيب شيخه مشت مع فايز وطلعوا ____ نوره :حبيبي لقيت بيت سعود :ايه بس باقي اجهزه طالعها وابتسم :قومي بنروح السوق ناخذ الي نبيه لنا وللبيت نوره وقفت بابتسامه : دقايق بس اتجهز و اجهز العيال سعود :طيب نوره بعد ما خلصت لبست عبايتها وعطت سعود وجدان وشالت الشنطه وجواد وطلعوا مع عبدالله ومحمد وهما مستانسين ____ ياسر رجع من الاستراحه وفي يده كيس فخم سمر بخبث :لمن الهديه ياسر ابتسم وهو فاهمها :اذا تبينها ما تغلا عليك ضحكت سمر :مشكور ما ابيها ياسر رفع حاجب من ضحكها مشى وتركها دخل الغرفه ما لقاها قعد على السرير وسند ظهره لسرير دخلت اسيل ومعها امجد تفاجأت بياسر : متى جيت ياسر ابتسم :توني جيت امجد مشى لابوه ياسر شاله وباس خده: هلا والله بالحلو امجد وهو يأشر للكيس :شنو هذا شاله ياسر وطلع علبه مخمليه صغيره فتحها كان فيها خاتم راقي وغالي اسيل طالعته اعجبها الخاتم حيل امجد :حلوو بابا لمن جايبه ياسر وهي يقفل العلبه :لوحده اسيل توسعت عيونها بصدمه :لمن ياسر وقف وهو ماسك العلبه :لحبيبتي اسيل قبضت كف يدها بقوه وبدموع :من هي ياسر وقف قدامها مسك كف يدها وفكه ومسك اصابعها وركز بعيونها وبهمس: عدي على أصابع اليدين ، ما يأتي فأولا حبيبتي أنتي وثانيا حبيبتي أنتي وثالثا حبيبتي أنتي ورابعا وخامسا وسادسا وسابعا وثامنا وتاسعا وعاشرا لبسها الخاتم وبحب :حبيبتي انتي اسيل نزلت دموعها وضمته امجد : بابا ماما ليش تبكي ضحك ياسر لما تذكر ان امجد معاهم : حبيبي مافيها شي روح عمه سمر تبيك امجد ابتسم : لا بروح لعمه سوسن ياسر ابتسم : عادي اي وحده المهم تروح ضحكت اسيل ياسر طالعها : احس لي سنين عن هالضحكه الحلوه اسيل بابتسامه : سنين مره وحده ياسر : ايه سنين وترا حجزت لنا في فندق ريتز كارلتون اسيل : طيب ومجود ياسر : ما عليه خوف عند امي وخواتي ___ عبدالعزيز فتح عيونه مد يده لجواله غمض عيونه من ضوء الجوال شاف الساعه ٧ فز بسرعه اخذ له شور وصلى الفجر وقف قدام التسريحه بثوبه الابيض و هو يعدل شماغه والعقال لبس كبك راقي و رش عطره مد يده لساعته ولبسها اخذ بوكه ومفاتيحه حطهم بجيب ثوبه لف وهو يشوفها نايمه بتعب تذكر الي صار له امس قرب باس خدها برقه عشان ما يزعجها غطاها وشال جواله وطلع من الغرفه رايح لشركه عنده اجتماع مهم بعد ساعه ___ نوره :سعود سعود وهو يلبس ساعته :هلا حبيبتي نوره وقفت وراه بعصبيه :وين جوالي سعود :ما ادري نوره بضيق : سعود تكفى عطني الجوال بكلم فايز سعود لف لها : صدقيني مو معي بس اخر مره شفته مع وجدان نوره طالعته بقهر : وليش ما خذته منها وين القاه الحين سعود قرب منها : طيب روقي وبدوره لك نوره : ما بتروح الشركه سعود : اتأخر لعيونك ابتسمت نوره بس دخل عبدالله يصارخ : ماما وجدان رمت جوالك في جيك الماء شهقت وطلعت لغرفة العيال اندهشت من شكل الغرفه معفوسه وجيك الماء بجهة و الماء مسكوب بجهه خذت نفس عيمق طالعتهم : وش هالفوضى محمد ما رد مندمج يلعب بالايباد عيدالله : كنا نلعب بالايباد نوره مشت لجواد الي متبلل مويه وطلعته سعود رجع لوراء تركت جواد بالصاله وطلعت وجدان دورت جوالها حصلته مرمي و حاولت تشغله بس ما رضى يشتغل رمته على الارض وغمضت عيونها بقوه صار لها يومين مو سامعه صوت فايز والحين الجوال انعدم مشت لمحمد خذت منه الايباد وطالعته مع عبدالله : الغرفه ابيها تترتب و نظفوها بسرعه عبدالله : تمام طلعت وطالعت سعود وراحت لغرفتها وهي مقهوره منه ومتنرفزه انها مو قادره تكلم فايز غمضت عيونها تبي تتذكر رقم بيتهم او رقم جوري بس مو حافظتهم سعود دخل وراها وقعد جنبها : افا يضايقك جوال اجيب لك عشره غيره نوره ما ردت عليه سعود مسك يدها وباسها : خلاص لا تضايقين نفسك نوره : انا مو متضايقه عشان الجوال انا الي قاهرني كنت بتصل لفايز الحين كيف اكلمه سعود طلع جواله : بتصل لعبدالعزيز اذا عنده كلميه نوره : طيب بسرعه اتصل مرتين وما رد نوره لفت وجها عنه بضيق سعود لف وجها له بهدوء : اوعدك بتكلمينه اليوم باس جبينها : بس انتبهي لنفسك وللعيال مع السلامه ____ عبدالعزيز بعد ما خلص الاجتماع دخل مكتبه مع ريان وهو يسولف قعد على الكرسي ورن جواله شاله وابتسم ريان بخبث : والله من ابتسامتك عرفت من المتصل عبدالعزيز : دامك عرفت قوم يلا وش تنتظر ضحك ريان وقف وطلع رد عبدالعزيز لما رن للمره الثانيه : هلا الجوري بعصبيه : وين رحت عبدالعزيز بابتسامه : الشركه تبين شي الجوري :عبدالعزيز لا تجنني انت تعبان ليش تروح عبدالعزيز :حبيبتي مافيني الا العافيه وانتي رحتي لدوامك جوري بنرفزه :عزيز عبدالعزيز :عيونه الجوري :ارجع بدري عبدالعزيز :ان شاء الله غيره الجوري بحب :سلامتك عبدالعزيز :رحتي المستشفى الجوري :ايه عبدالعزيز :ومتى يخلص دوامك الجوري :الساعه ٦ المغرب عبدالعزيز :طيب بجيك بحفظ الله الجوري :مع السلامه قفل وهو مبتسم شاف مكالمات سعود واتصل عليه وقال له بس يخلص دوامه بيروح لبيت اهله عشان فايز ____ يعد مرور ٧ سنوات فايز دخل البيت وهو مستانس بيده شهادته قرب من جدته وسلم عليها : باركي لي يمه نجحت بمعدل ٨٥ ابتسمت شيخه وفي يدها مسباح : لا زين بالعاده سبعين فايز ضحك : افا يمه بدال ما تقولين ان شاء الله تدخل التسعين تحبطيني ضحكت شيخه : مبروك يمه وعقبال ما تجيب اعلى فايز : الله يبارك فيك آمين يمه بس جوعان مافي غداء شيخه : يخسي الجوع وانا امك قوم بدل ملابسك وبقول للخادمه تجهز لنا الغداء فايز وقف :طيب طالعته شيخه بابتسامه مرت السنين بسرعه وفايز الحين بيروح ثاني متوسط وتعلقت فيه حيل اكثر من كل احفادها وقفت وهي تنادي سونا تجهز الاكل على الطاوله طالع اسماء نازله وفجر تركض قبلها ابتسم و راح لغرفته اخذ شور ولبس بنطلون كحلي وفانيله سماويه مشط شعره وطلع وهو فرحان بيروح لامه يحس بشوق كبير لها كان يروح كل عطله او يحصلها عند جده حسام بس اخر ثلاث سنين لا هي قدرت تجي ولا هو راح بسبب سفرات ابوه الي احيانا كان يروح معه نزل وقعد على الطاوله فجر جات وقعدت جنبه ابتسم لها وبدوا ياكلون ____ بيت ابو تركي خوات ياسر كل وحده جاها نصيبها وتزوجت اسيل قاعده وهي في قمة اناقتها و شعرها مفرود على ظهرها امجد :ماما طالعه اسيل :ليش امجد :بس اسأل اسيل :لا تبي قهوه امجد :ايه خذت الفنجان وصبت له اخذه منها وهو يشرب امجد :ماما ليش ما تقولين لابوي نسافر ابتسمت اسيل وكانت بترد بس شافت منال داخله ردت السلام ووقفت وهي تسلم عليها قعدت وحطت رجل على رجل :ابي افهم ليش تقول لها ماما وهي مو امك لو تناديها خالتي احسن امجد ابتسم نزل فنجانه :لا هي امي اسيل ببرود :وين بنتك ليش ما جبتيها منال :خالتي تبيها عندها امي وين اسيل :بغرفتها امجد وقف وخلاهم وطلع اسيل :مجود لا تتأخر امجد :ان شاء الله منال :اقول وراك ما حملتي للحين اسيل عضت شفتها هالموضوع يجرحها حيل :الله ما كتب لي الحمل للحين منال :يعني عقيم يا حسرتي عليك يا اخوي ما اخذ واحده عقيم بس الحمدلله الي عنده امجد اسيل وقفت بقهر: هيه انتبهي لكلامك قلت لك الله ما كتب ماله داعي تعيدين وتزيدين بهالموضوع منال وقفت وبسخريه :ضايقتك حقيقة انك عقيم بس صدقيني لا ازوج ياسر الي تسواك وتكون احلى منك وتملي هالبيت عيال اسيل طالعتها بغبنه قبضت على كف يدها لا تضربها كف و ماسكه نفسها بالقوه لا تغلط عليها وترد لها بدل الكلمه عشر غمضت عيونها بقهر بس هي وعدت ياسر ما تتهاوش معاهم فتحت عيونها على صوت كف قوي منال طالعته بصدمه مسك يدها وقربها منه :اعتذري منها منال وهي ترجف وبغصه :تضربني عشانها ياسر :دامك غلطانه بكسر راسك بعد اعتذري منها منال سحبت يدها وبقهر :آسفه دخلت الام :شفيكم منال ركضت لامها :يمه ياسر ضربني الام طالعت خدها اليمين احمر :وجع ليش تصرب اختك ياسر :تستاهل عشان لا تقل ادبها منال :يمه زوجته هي السبب الي خلته يمد يده علي اسيل توسعت عيونها بصدمه :انا لا وربي تكذب هي الي غلطت علي عقيم وما تجيبين عيال وبزوج ياسر وحده احسن منك وانا ساكته الام ما حبت ان ياسر ضرب اخته قدام زوجته :ياسر اذا مديت يدك على خواتك مره ثانيه لا اشوفك في بيتي ابد ياسر طالع امه بدهشه وبهدوء :يمه اذا ما تبين تشوفيني في بيتك اليوم بطلع اهم شي عندك راحتك ورضاك لفت له امه بصدمه : والله ما تطلع وهذاني حلفت ابتسم ياسر ولف لاسيل طالعها والضيق واضح على وجها مد يده لها :اذا الله رزقنا بعيال او لا انا راضي بوضعي معك ومكتفي بأمجد اسيل بغصه :بس انا ابي ياسر ضمها وهو يمسح على شعرها ويدعي الله يرزقهم بطفل ما ابي يشوفها متضايقه ___ في ماليزيا نوره طالعت جوالها بقهر ودموعها نزلت ما قدرت تمسك نفسها اكثر وهي وتقرأ كلام فايز لها على الواتس عن شهادته وفرحته وان اليوم بيجيها كيف بيجيها اذا هي برا السعوديه سندت راسها على الطاوله وبكت كثر شوقها له سعود دخل الغرفه خاف عليها مشى وقعد جنبها :فيك شي ليش تبكين نوره بضيق :وش فيها لو انتظرت فايز وجبته معنا سعود :ليش فايز قال لك بيجي مدت له الجوال قرأ كلامه ابتسم :والله مستواه ارتفع الله يوفقه نوره بقهر :فايز جاي افهم سعود بهدوء: هو كل فتره يقول بيجي وبعدها يسافر ويا ابوه او يروح الشاليه مع اعمامه نوره طالعته بضيق :وش فيك تتكلم كذا ما تبيه يجي عندنا سعود :لا وربي ان اعتبره ولدي نوره : تعتبره ولدك بس لو واحد من عيالك ما كان قدرت تتركه سعود طالعها بهدوء وقف : بتطلعين معنا ولا بتقعدين نوره مسحت دموعها اذا قعدت لحالها بالفندق راح تتم تفكر و تجيها وساوس تطلع احسن : لا جايه معكم وقفت ولبست وتغطت وطلعت ونست جوالها بالفندق ___ في بيت ابو احمد الكل مجتمع عند شيخه فايز : بابا بتاخذني اليوم لشرقيه اسامه بهدوء ما حب يخرب فرحته : ان شاء الله فايز وقف بفرح وهو يدق على امه طلع مغلق عقد حواجبه واتصل على الواتس يرن بس محد يرد الجوري طالعت عبدالعزيز التقت عينها بعينه نزلت نظرها وبهدوء :فايز حبيبي ما تقدر تروح لامك لانها مسافره فايز جمد وهو يطالعها :لا ماما تنتظرني هي الحين بترد عبدالعزيز بضيق وقف مشى له ونزل لمستواه :لا حبيبي كلهم سافروا محد في بيتهم فايز طالعه كان فرحان حيل بس فرحته تلاشت طالعهم كلهم رفع جواله واتصل للمره الاخيره نفس الرد مغلق انقهر وتأكد من كلامهم رماه على الارض وركض طالع من البيت شيخه بخوف :فايز فايز يمه تعال وين رايح طالعت طلال ولد احمد :روح شوف وين رايح طلال وقف :طيب طلع يدوره بس ما لقاه رجع للبيت :يمه ما لقيته اسامه وقف بسرعه :دورته عدل طلال :ايه عمي ما لقيته شيخه بخوف :روحوا شوفوا وين راح الولد وقفوا اعمامه وابوه وطلعوا يدورونه الجوري حست بخوف وتضايقت لانها خبرته تمنت لو تمت ساكته لفت لشيخه: خالتي اذكري الله هو اكيد بيرجع فجر طالعت امها :وين راح فايز اسماء :ما ادري فجر وقفت :انا بعد بروح اشوفه اسماء مسكت يدها :اقعدي بس شوفي بنات عمك قاعدين وبعدين ما راح يروح بعيد شوي ويرجع فجر قعدت وهي زعلانه ___ فايز كان قاعد بمكان بعيد شوي عن بيتهم ضام رجوله وسرحان دموعه بعينه يتخيل امه فرحانه معاهم وهو ناسيته حتى ما قالت له عن سفرها انتبه لاحد قعد جنبه :فايز شفيك فايز طالع يوسف اعز اصدقائه وما رد يوسف قعد بنفس وضعيته :وش مضايقك وليش تبكي فايز بضيق :اشتقت لها وربي لي فتره ما شفتها بس لما كنت بروح لها سافرت مع عيالها طيب وانا يوسف :لا تزعل هذا انت تسافر وتخليها فايز بصوت مخنوق :بس لو قالت بجيك هالعطله صدقني راح انتظرها وارفض اروح مع بابا حتى لو اصر بس هي تدري اني بجي ومع هذا راحت يوسف بهدوء :عادي امك عايشه وتقدر تشوفها وقت ثاني بس انا امي ميته فايز :الله يرحمها بس انت مو قادر تفهمني انا غير عنك يوسف وقف :قوم اكيد يدورون عليك يلا نرجع فايز طالعه٩ :انت كيف عرفت مكاني يوسف :شفتك وانت تطلع من بيتكم ولحقتك فايز ابتسم بهدوء :بس انا ما ابي اروح يوسف قعد :خلاص بقعد معك فايز ودموعه بدت تنزل :تدري يوسف احسد اخواني امي معهم باي وقت يبونه وانا لا وحتى عيال عمي اتضايق لما اشوف اهتمام امهم فيهم واذا تأخر طلال برا البيت تحرق جواله امه وانا امي ما اشوفها الا كل فتره وفتره واذا انشغلت ما تتصل الا بالاسبوع مره امي ما انتظرتني لانها ما تبيني اروح معاهم هي تحب عيال عمي سعود والتوأم ما تقدر تتخلى عنهم بس انا ما قدر يكمل صوته اختنق يوسف قاعد يسمعه بحزن يشاركه نفس الوجع بس الفرق ان امه متوفيه حط يده على كتف فايز :خلاص لا تفكر فيها وعيش حياتك عندك جده واب وعائله يحبونك حيل فايز مسح دموعه وقف : ترجع معي يوسف :لا بروح بيتنا فايز :لا تعال معي يوسف :اختي لحالها في البيت ابتسم فايز :طيب خلاص مشى مع يوسف الي راح لبيتهم القريب من بيت ابو احمد اسامه مشى له :فايز وين رحت فايز :كنت مع يوسف اسامه زفر براحه :تعال الكل خايف عليك ابتسم فايز ودخل مع ابوه شاف عمه عبدالعزيز شايل ولده الي عمرها ٤ سنوات عبدالعزيز نزل صالح: وين رحت خليتنا ندورك حتى صلوح طلع يدورك ابتسم فايز :خلاص عشان صلوح ما حبيت اتعبكم صالح مشى له :تجي تلعب معنا فايز مسك يده :لا مره ثانيه صالح طالعه وسكت شاف اسيل مشى لها وضمته بقوه فايز :عمتو ليش ما جيتي بدري اسيل :انشغلت شوي فايز شاف عمه احمد وطلال جايين ابتسم :عمي تراك وعدتنا بطلعه ابتسم احمد :ما نسيت ابشر بكرا اطلعكم شيماء وقفت :بابا واحنا احمد : لا بس للاولاد شبماء وملاك زعلو وقعدوا طلعوا الرجال للمجلس والحريم فسخوا غطاهم شيماء بزعل :يمه شفتي ابوي بيطلع الاولاد واحنا لا شذى :خليهم يستانسون الجوري :ولا يهمك انا بطلعكم وعلى حسابي شيماء وملاك وفجر صرخوا بفرح ملاك :بس خلي صلوح ويا عمي الجوري ضحكت :طيب ___ نوره تمشي ومعها وجدان دخلت لقسم الاولاد ابتسمت وهي تطالع الملابس وتاخذ بذوق الي يناسب فايز وتحسه بيعجبه مسكت كاب اسود حلو جاء محمد لها :ماما بابا يقول شاف الكآب وباعجاب :حلو ماما ابيه ابتسمت :لا حبيبي هذا لفايز خذ لك غيره محمد وهو يطالع :ماما مافي مثله ومشى معها ونسى الي قاله له ابوه طفش وهو كل ما يقول لها شي تقول لفايز طلع لابوه وهو يتحلطم وصل لطاوله الي قاعدين عليها سعود :وين امك ووجدان محمد قعد مقابله :للحين ما خلصت تشتري اغراض لفايز سعود :خلاص خلها براحتها ___ دخل صالح يركض طاح على الارض بسبب الثوب الي كان لابسه مشى له فايز الي داخل وراه قومه الجوري بخوف مسكته :حبيبي في شي يعورك صالح ببكاء :ايه يدي ابتسمت الجوري شالته وباست يده فايز طالع خالته بهدوء ولف لشذى :عمتي شذى عمي ينتظرك برا يقول يلا لان مراد تعبان حيل شذى وقفت وهي تعدل عبايتها وشيلتها وتلبس نقابها وهي خايفه على مراد الي عمره سنتين :يلا بنات سلمت على الكل وطلعوا فايز مشى لجواله الي طايح على الارض شاله وراح غرفته اللهُم‌ صَل‌ِ وسلمَ‌ علِى‌ نبُينا‌ محُمد   #38