الفصل 4
مهياش من العاكزين شداتها عفطة وحدة تابعدات من على الحي عاد وقفات فواحد الزنيقة مديقة وقلبها كايضرب بالخلعة .. يالاه ضارت لعندها وهي تلاح عليها ناهد بتعنيقة وطلقات دموعها يهبطو براحتهم... وسمحات لشهقاتها المكتومين يخرجو مترجمين الألم والحزن الداخلي فقلبها وفروحها المنكسرة
...بادلاتها مينة العناق وطبطات على ضهرها مخلياها على خاطرها تابكات وتفشات عاد بعدات عليهاا وهي كاتمسح دموعها وتشمر نيفها بجلايل الجلابة لي ولا حمر
مينة:(بنضرات حزن) ماعرفت مانقوليك اصاحبتي
ناهد:(صوتها ضعيف والمحنة باين عليه) ماعندك ماتقولي الخير لي ديري فيا ديني دغيا نضرب هاد الشوكة قبل مانصدق فشي كرش
...طولات فيها شوفة ورجعات مارشاريار تاخرجات من ديك زنيقة عاد توجهات لطبيبة نسائية.... عطاتها مينة الفلوس وطلعات ناهد لعند الطبيبة...تسنات غير شوية ودخلات ضرباتها وعاودات هبطات ..لقات مينة بقا كاتسانيها ...ركبات حداها وتحركو
مينة: شحال عندك دالوقت ؟
ناهد:حتى لعشية عاد ايجي زكرياء ..اوا والعجوزة راها مشات لحمام وهي الحمام عندها فيه نص نهار
مينة: علاش مابقاتش رجلها ضراها ؟
ناهد:(تنهدات) حيت مكاينش ولدها دباا ...راها مشات منين ترجع ترد الفاصمة وطلقها لتبوحيط !!
مينة: هههه لله يهدي ماخلق ...تبغي نمشيو لشي كافي ؟
ناهد: وبهاد الحالة لي انا فييهاا
مينة: ومالك شغل شي واحد فيك
ناهد: لاا لااا ياختي غير خلينا فطوموبيل حسن (سكتات شوية ودوات) ايييييه يايمات ناهد شعر كايضرب فطرمة ولباس والحالة ...طايح كثر من نايض ...لي يشوفني دبا يقول صدقة دايزا فياا
مينة:ومالك راك بقا زوينة غير خاشية راسك فهاد الحوايج
ناهد: اودييي خليني ساكتة لله يهديك امينة راك معارفة واالوو
...بانت ليها واحد جريدة خاويا شوية مع صباح ..وقفات جنبها وهبطات سرجم يدخل شوية دالهواا ..عاد هبطات بالخف لواحد القهوة مقابلة مع الجردة ...خدات زوج قهوات فكيسان كارطون خاصين .. وشي ملوي(مسمن) عاد طاب باقي كايحرق ...طلبات من ديك سيدة دهنهوم ليها بالعسل وتلويهوم مزيان ..شكراتها ومشاات من بعد ماخلصاتهاا هي ومول القهوة
مينة:(مدات ليها) هاكي عتقي روح بعدا باينة فيك بقا بلا فطود ازغبية
ناهد: اري ياختي عتقتيني ...تاديك جيفة لي عندي فدار بان ليها الحمام مع تسعود ونص دصباح
مينة: عار لله واش كاين شي حمام على صباح
ناهد: لله يجيبك على خير ...كاينة طيابة دالحمام كاتبات فيه .. وكاتمشي عندها على صباح باش تجمع خبارات ناس الدرب كاملين ...تاكايعمر الحمام مزيااان عاد كادخل تزيد تسكن مع الكسالة لدااخل ..اوا تعاود تخرج تجمع مع العيالات على براا
مينة:(كاتشرب من قهوتهاا) ولايني مصيبة هاد خيتي
ناهد: حطب جهنم هاديك ياربي تسترناا
مينة : اميين ياختي ...وراوك الويل فحياتك
ناهد:(وحلات ليها الماكلة بلمرار) شكون كان يقول زكرياا لي كان مغرقني فالكلام المعسول يخرج منو هادشي كاامل (حطات داك الملوي وعرات على يديها كانت كاملة زرقة ومطبعة واكلاها نييت) شووفي هداا قرييص مووو قدامو تضرب فياا وهو كيف الرعواني مقاد يهضر مقاد يتحرك (حيدات الشال تبان عنقها المزوق ونطقات بكل حرقة) شوفي اميناا كل ليلة اش كايدوز علياا ..وهادشي بلااماا نوريك لحمي لاخر
مينة:( بقات فيها صاحبتها) ولااش هادشي كاامل ؟؟اش كاديريلهوم فملك الله كاع؟؟!!!
ناهد:اش كاندير ؟ علاش انا نقدر ندييير بعداا ... ناهد:اش كاندير ؟ علاش انا نقدر ندييير بعداا ... هوماا واش قاليهوم راسهوم نقيل فتمارة وشكون عقل عليك اناهد وفلخر يجي يستقوا عليا انا لي ولية
مينة:(شدات فيدها) شوفي الى بغيتي طلقي راني نوقف معاك حتى تاخدي طلاقك
ناهد: واش منتيك اميناا نطلق ...(ضحكات بفقصة) هناا طلقت فين غانمشيي ؟؟ عند باا لي نصو طايح عليه .. ولاا عند مراة باا تردني جفااف ديالهاا ...لاالاا بلااتي واقييلة لا عند خوتي لي كلمة زوج يمدو عليا يديهوم ...مدام هكاا الااهوما العيشة مع زكرياا ومو ولا تريكتناا
منية: بففف ولله الى حرت معااك ...اجي علاش ماتسكنيش معيا وخدمي راك بديبلومك زعماا ومنين توقفي على رجليك كري راسك ولا شوفي اش ديريي
ناهد: سبحان الله الخدمة غير مشتة وزايدون كاع وراقيا راهوم عندو ماعرفتش فين دارهوم ..كون مهاد طبيبة صاحبتي كون عمري حلمت ندك شي برة
مينة: خدمي معيا فالبزار
ناهد: والله تاتسكتي ...غير خليني دبا ربي يفاجيها...انا لي مهم عندي هو مانحملش
مينة: من ديك ناحية تهنااي
ناهد: خليناا مني اناا وقوليلي فين فؤاد وكيف غادا معاه
مينة: فؤاد هو فؤاد ...الى ماسولت مايسول هموو هو ورث مو وشريكة لي بغا يدير
ناهد: اوا مدام بغا يدير مستقبلو وقفي معاه وصبري
مينة: شحال قادني نصبر ...انا غدا ونكبر وهو منين غايحقق هادشي كامل ويبغي داكساعة يتزوج راه ايمشي يدير مادارو لي سبقوه ...ويتزوج ببنت 18 العام باقي حليب مها بين ضراسها ايعقل عليا انااا
ناهد: يهديك لله اميناا ..ونعلي شيطان من هاد الأفكار ..كولنا عارفين فؤاد شحال كايبغيك ويحمااق عليك..ماعقلتيش يمات كنا نخرجو مجموعين كان يدير ليك كيف الماا لقليل ..ودبا كاتقولي يسمح فيك
مينة: ماعرفت انا دخت معاه مرا يبين ليا راه باغيني مراا يبين ليا راه غير كايدزو بيا الوقت
ناهد: غير كاتخربقيي حق الله ..كون كان بصاح مكايبغيكش كون كاع ماصبر معاك هاد سنين كااملة
مينة: نتمنى اختي هدا مانقول
ناهد: وايلاه وصليني لداري قبل مايصدق شي حد جاي ومالقانييش
مينة: ولا داك خينا نيت دقبيلة هو لي يشريهاليك
ناهد: شكون محمد؟؟ ههه لاا لاا بالعكس داك الولد الضرفات ماعندو مسكين مايقول
مينة: داك الحي عندكوم كايخلع
ناهد: اوا راه سيدي بابا هداك هههه ناري ياصاحبتي بنتي لياا كلميني
مينة: (هزات حجبانها) يااك نسيتي ياامك يامات تبعكيك والشيكي والبخ
ناهد: (تنهدات) اححح على دوك الياام يااريت نرجع لهوم
مينة:(طبطبات على يديها) كولشي قريب عند الله
ناهد: ونعم بالله
..ختمو هضرتهوم وتوجهات مينة مرة اخرى لسيدي بابا ... بعناق توادعو ودموع كاتهبط من عينيهوم ...بقات واقفة مدة حتى كاتشوف شي رباعة جايا جيهتهاا ...تاهي ماعطلاتهومش فلبلاصة كسيراات وطارت من تماا مخليا من وراها غير لعجاج يديها كايترعدو وهي كاتخشي ساروت فالباب كاطلب الله وتعاود مايكون حد فدار ...دورات ساقطة اللولة والثانية عاد جراتها شوية ودفعات الباب حتى تحلات... سداتها بشوية وهي كولها امل مايكون حد ...تنهدات براحة منين شافت فالارض جنب الباب ولقات صنادل ددار باقيين فبلاصتوهم مامقيوسينش ...يعني فعلا مكاين حد
...تبسمات وفالبلاصة حيدات ديك جلابة وبقات ببيجامة سروال وفوق ديالو دالكاشمير ...يالاه ادور وهي تلمحوو واقف بكل شموخ متكي على باب الكوزينة وفيديه موص كايقطع التفاح ...لباسو عادي كبوط صوف مع سروال دجين وسبرديلة فرجليه لحيتو سوداء مثل عيونو ...طويل القامة وصحيح فجسمو
***: على سلاامة امرتي لعزيزة
ناهد:(لون هرب ليها من وجهها ) ز..زكرياا !!
زكرياء: (هبط راسو وعاود طلعو) بشحموو ولحموو ..(طلعها وهبطها بعينيه) فين كنتي ازين؟
ناهد: (بتوتر) غيير ...غير هنااا ..كنت غيير هناا
زكرياء:(رمى تفاحة بإهمال وبدا يتقدم عندها وسكينة فيديه) اممم وشكون ديك مولات كليو الحمرة ؟
ناهد:(بدات راجعة باللور من خوفها حتى كلاها الحيط) غيير صاحبتي...واحد صاحبتي شحال هادي ماطلاقيت بييها
زكرياء:(حتى قرب يوصلها ووقف كايلعب بأعصابها) وشكون هاد صاحبتك؟؟
ناهد: (بنفي) مكااتعرفهااش صاحبتي قدييمة... مكااتعرفهااش
زكرياء:(طلع حواجبو فيها) سبحااان الله ! ... مابقيتش كانعرف مينة اناا !!
ناهد:(كاتحرك راسها بزربة ودموع كاطير من عينيها) لااا لااا ماشي مينة ماااشيي هي ولله مامينة
زكرياء:(ماقدرش مزال يصبر مد يدو تاجرها من شعرها بغفلة منهاا خلا صوتها يزيد يعلى ..كايمخضها من شعرها وصوتو واصل لفين وفين) كااتكدبييي علياااا وفوجهيييييي ؟؟؟؟ يااااك قلت لييك فوووتي عليك دوووك صحاااااب لقدااام (داها وجابها تاداخت) قلتهاااا ولااا ماقلتهاااش؟؟
ناهد:(ببكاء جلدة راسها كاتحسها كاطير) قلتيييهاا ..اهى اهئ ..قلتييهاا ..(شدات فيديه مكان جرة) هنننن طللق عفااك ازكرياء ضريتيتي اهئ اهئ..
زكرياء:(زاد زير عليها) ومنيييين قلتها ليك لاااش تلااقيتي بيييهااا ..لااااااش ؟؟؟؟؟
ناهد: (بقهرة)غير بغااات تشوفني ولله غير تشوشات عليااا وبغااات تشووفني
...جرها من شعرها حتى جرها وعاود طلقها حتى تضرب ليها راسها مع الباب ...حسات براسها تقسم وضو ضربها فعينيها والبرق داز من حداهاا ...بديك دقة ودنيها بداو يصفروو وقوتها فشلات حتى بقات هابطة مع الباب وطاحت الارض ..فاشلة ماشي مغيبة
زكرياء:(قرب لعندها وقرد حداها ماد يدو لي فيها خاتم نقرة كبير وبدا كايدوز على وجهها بهدوء شدييد ويد خرا باقي فيها موص) بقاي تسمعي للهضرة انااهد ..(هز ليها راسها بشوية) صافي احبيبتي ..قلت ليك ضربي على صحباتك لقدام هي ضربيي علييهوم
ناهد:(صمت غير كاتحرك فراسها) امممممممم
زكرياء: ( هز يديه لي فيها موص وبدا كايدوز على حناكها وهي الخلعة شاداها لون هرب من وجهها) يالااه احبيبتي نوضي كملي شغال ووجدي لياا رااسك (جرها من كتافهاا تجا راسها على فخدو وهبط عندها براسو بشوية وقبل ليها حناكها) يالااه احبيبتي باش تجيبيلي شي وليد منك
...بغفلة طلق ليها راسها وناض وقف حتى تزدح مع الأرض وتخطاها زاطم على يديها برجليه لي كانت ممدوة حتى صرخات بألم...عاد حل لباب وخرج زادحها عليها مخليها كاتبكي ..ضامة رجليها عندها وصوت بكاها مسموع كاتبكي وتشهق بقهرة وحسرة على وضعها ..كانت كيف الوريدة حتى خرجات على راسها براسها تحت مايمسى بالحب مور ماتفارقات مع ناهد مشات نيشان للبزار...هبطات هازا معاها صاكها ..غدا وكاتقرقب بداك الطالون. شعرها البرتقالي وراها كايتحرك ..مشتيها مستقيمية راسها ديما هازاه للفوق عاجبها راسها بحالها بحال جميع لبنات لي كايكونو زوينين وجيبهوم عامر ...حلات لباب على رشيد ..لقاتو جالس فلبيرو ناشر رجليه فوق البيرو وشاد تيليفون كايلعب بابجي
مينة: (كاتحيد مونطوها) هاي هاي هاي على سي رشيد قهوة ولا آتاي ؟؟
رشيد:(ناض قافز فور ماسمع صوتها) ياحا ياحا بسم لله الرحمان الرحيم
مينة:(توجهات لعندو) شفتي شي جن ؟
رشيد: (تقاد فالوقفة) احم لاا ماشي هكاك غير تخلعت
مينة: (تخطاتو ومشات جلسات فوق البيرو) تبارك لله عليك هادي هي الخدمة
رشيد: لاا ..غير مكاين مايدار مرة مرة فين كايدخل شي واحد
مينة: اممم مكاين مايدار ...وهاديك لكوموند لي تماا دتكاشط مالهوم باقين معلقين ..علاش ماغلفتيهومش
رشيد: ياك درتي مع سيدة حتى لعشية
مينة: اهييه ..علاش حتى تجي هي كاع عاد بدا نتا تغلف وتقاد
رشيد: هادشي لي قلت حتى اناا
مينة:(خبطات يديها فوق البيرو تاقفز) رشيييد جمع معااياا رااسك الى ماعينكش فالخدمة قولها نجيب لي يخدم فبلاصتك
رشيد:(وجهو تزنك) ياحا ياميناا اش كاتقولي لله يهديك ...سخيتي بيا بغيتي تبدليني
مينة: زير طررح حسن ليك هاد تفلية راه مكاتعجبنيش ياخدم منيتك يالاه يعاونك
رشيد:(حنى راسو) سمحيلي اختي مانعاودش
مينة: وحتى داك تخلويض لي كادير من ورا ضهري نساه
رشيد: واخ اختي سمحيلي
مينة : يالااه سير دباا قاد ديك سلعة لمولاتها
...حرك ليها راسو ومشا يقاد اش قالت ليه ..اما هي حلات بيسي ديالها كاتشوف ليكوموند جداد لي وصلوها ..هو واخا بزار تقليدي لاكن مينة ذخلات عليه لمساتها التكنولوجية المتطورة ... دارت صفحة انستا وصفحة فايس...كايعرضو فيها اش عندهوم وكايبيعو لناس اونلاين زائد توصيلة لدار عن طريق ليفرور وهاد الاخيرة لي ختارت ديرها فابور باش تزيد تكسب لكلايان
...بقات خدامة وكاتراسل مع ناس حتى سمعات مساج فتيليفونها ...هزاتو لقاتو من واتساب ونمرة مامقيداش جديدة ... عقدات حواجبها باستغربات وهي كاتقرا كلمات رسالة
💬: خرجي لعلا برا كانتسناك
ردات عليه : شكون معايا ؟؟
💬: غير انا امنونة خرجي هنا كانساينك
...جمعات الوقفة داكساعة وتمات خارجة بلاما تهز مونطوها منـــونـــة لقب كانو كايطلقوه عليها. اقرب صاحبها يامات لقرايا ... داكشي علاش زعمات وخرجات
...بدات كادور فعينيها واش يبان ليها شي واحد كاتعرفو ساعة والو حتى وصلاتها رسالة مرة اخرى
💬 : سيري لزنقة ******
...بدات كاتمشى بشوية لزنقة لي قال وتهز راسها تشوف واش كاين شي واحد ...فضولها كان قوي خلاها تمشي بدون تردد وبدون ماتفكر فالعواقب واش يقدر يطرالها
...وقفات منين لقات راسها وصلات وزنقة اصلا مسدودة مكاتخرجش واخا جاية على شاريع لاكن كانت خاوية ومديقة نوعا ما ... بدات كادخلها الخلعة وعاد وعات على راسها ...يالاه جات تستدرك الموقف وترجع ادراجها كان جسد رجل ملاصق معاها مانعها تحرك وموص محطوط على رقبتها البيضاء !!!!
...زرب عليها ماعطاهاش تافرصة ...هزات راسها فيه تشوف شكون هادا والخلعة راكباها مزيرة على راسها باش ماطلقهاش فسروالها ...هزات راسها فيه وهي تصدم
مينة: ز..زكريـــــــــــاء. ؟؟ مينة: ز..زكريـــــــــــاء
زكرياء:(ضغط بالموص على عنقها) هوو هداا امنونة
مينة:(بخوف لكن كاتحاول ماتبينش) طلق مني وااش حمااقييتيي
زكرياء: (بتغدد) اش بينك وبين نااهد لاش جايا عندها
مينة:(سرطات ريقها عرفات لخبار وصلاتو) اش غايكون كاع بيني وبينها
زكرياء:(بصراخ) ماااتحمقيييش ديين ميييي ...اش بييينك وبييين مرااااتي ؟؟
مينة: (بصوت مرتفع كاتحاول شي واحد يسمعها)اش بييينيي وبيينهاا ..صاحبتي توحشاها وبغيت نشوفها
زكرياء: اش غاتشووفي فيييها ؟؟ اششش؟؟
مينة: واش هبلتي راها صاحبتي واقيلة
زكرياء:(طلق منها بتثرة تاشدات على عنقها) تفرقيييي من مراااالتيييي ...هنااا كانبهك ...شحال من مرة تبرييت فيييك بعديييي من مرتييييي
مينة: (بحسرة) ..ناهد راه ختي ماشي صاحبتيييي
زكرياء: (عاود لسقهاا مع الحيط ) نتي ماغاديش تفهمي ...(بدا يضغط براس لموص على حنكها) خاص نخلي فيك شي إمرا باش عمرك تنسايها
مينة:(كاتحس بالموص عند حنكها) زكرياا يهدييك الله اش كاااادييير
زكيرياء: نبهتك شحال من مرة ...قلت ليك بعدي من مرتيي نساايها ونتي لي فرااسك فراااسك
مينة:(الخوف تمكن منها) يهديك لله ماديرش شي حاجة تندم عليهاا ...ناهد غير صاحبتي وتشوشت عليها وقلت نشووفها ..صافي هادشي لي كاين
زكرياء: (زاد ورك عليها) نتي ودوك صحابك من وانا مصاحب معاها ..مكاتحملونيش ..وديما كاتعمروهاا عليهاا ..عاد دبا وانا راجلهاا ..(بتغدد وشر خارج من عينيه) بغاا توهميني بيلي ماقلتي ليها واالوو
مينة:(دموع هبطو لهاا) هننن..زكرياء طلق منيي عفااك
زكرياء: غانطلق منك امنونة ولاكين تانخليك عمرك تقدري تشوفي وجهك فالمراية (كايهضر بحال شي مجنون) باش تعلموو تعاودو دخلو بين مرآة ورجلها وتبغيو تشتتو الشمل ..غانخليك عبرة لأي وحدة ماداخلاش سوق كر__ها
...بهاد الكلمات لي خرجو من فمه عرفات أن هادي هي نهايتها ..اكيد ماغاديش يخليها فحالها بلاما يشوهها ..هي عارفاه وعارفاه مزيان علاش قاد ..دموعها هبطو البولة حسات بيها هبطة مع رجليها بالخلعة ماقادراش تزيد تحبسهاا مزال... طاقة باش تغوت ولاا تترجاه ماعندهااش بقاا غير تنخصص وتكبي
...وحتى هو حس باحساس جميل وهي بين يديه وكاترجف... زاد كحل بين عينيه وهز الموص وهو مبتاسم ..غير شافتو هكاك غمضات عينيه بالخوف كااتشهد فنفسها ودعي لي خلقها يلطف بيها ...حتى كااتحس بيه مشادهاش ومابقاش مورك عليها وصوت صدى الزدحة مسموع فالأرض
...حلات عينيها بزربة... وهي تشهق منين شافت بنية رجل ضخم طالع فوق منوو ومكااليه مامخليهش يتحرك
رجل:(شرار خارج من عينيه) اش كاااادييير القواااد كتسقوى على ولييية
زكرياء:(كايحاول ينوض واخ راه صحيح لاكن رجل اقوى منو) طللق طلللق الزاااامل اش دخلللك(وجهوو رجع حمر بتعصار) طلللق منيييييي
...استادركات الوضع وعرفات راه خانقو مامخليهش يتنفس ..خوفا من اي صداع يقدر تدخل فيه مشات كاتجري عند داك سيد كاتحرك فيه من كتفو وطلبو
مينة:(بترجعي) عفااك اخويا طلق منوو راك اتقتلوو (شافتو ماتحركش من عليه وباين فيه واصل لقمة اعصابو) عفاااك لله يرحم ليك ميمتك ماطلق منوو
...فور سماعو لهاد الكلمة طلق منو فالبلاصة وناض من عليه وصدرو كايطلع ويهبط كاينتفس بسرعة...زكرياء غير ناض من عليه..رد نفس فيه وطار من تماا فالبلاصة ولا لكروج فياماتو ..عارف راسو ماغاديش يقد عليه الاهوما يهرب حسن ليه وصرفو من بعد يردو
...شدات فدراعو منية منين شافتو باغي يتبعوو ..مانعاه يمشي لعندو
مينة: غير خليه يمشي عفاك مقادا على صداع
... شاف فيديها لي حطاها عندها وهس فهمات راسها وحيداتها ..عاد رد بتساؤل وهو جامع حواجبو الوسط ومزير على فمو وقبضة يده
الرجل: كاتعرفيه؟؟
مينة: (وجهها صفر بقا الخلعة شداها) ااه ..راجل صاحبتي
الرجل: راجل صاحبتك ؟؟!!
منية:(حركات راسها بالايجاب) اه .. تلاقيت بيها اليوم وهو مكانش باغي ..هادشي لي كاين
الرجل: ( زاد زير على يدو مغدد عليه )هدا راه خاصو لحبس باش يتعلم يستقوى على مرآة
مينة: منين مدار ليا والو غير خليه لله يسامحو مقادا على صداع ولا مشاكيل ...شكرا وسمحلي
...باش ماتزيدش طول حنات هزات تيليفونها لي كان مليوح فالارض وتبسمات فوجهو تمات غدا بحالها ..حتى وقفات على صوتو الخشن لي نداها
الرجل: سايني اختي
مينة: (دارت عندو باستغراب) نعام
...تقدم عندها بشوية وهو كايحيد الكاشكول من على عنقو ..نفضو بيديه حتى تحل من تلوية وقرب ليها تاخرجات فيه عينيها ..عوج فمو لجنب وعضو من الداخل ولف الشال على خصرها مزيان
...حدرات راسها تفهم سبب تصرفو وهي تخرج عينيها منين شافت بقعة قداش مطراسية فسروالها منين دارت بيبي عليها بالخلعة ...حمااارت ..حماارت... حمااارت ...تزنكاات ديال صح ..حشمات لأقصى درجعة ودموع تجمعو فعينيها بالحشمة ومارضاتش على جهد
..حسات بيه لواه مزياان عليها وهزات راسها فيه كااتمنى الأرض تشق ودخل وسط منها بالحشمة ...هو مادوا ماتكلم حدو تبسم ليها ومد يدو طبطب على حنكها المحمر بشوية ودوز يدو من على عنقها وبقا هابط ويديه كايدوزو على جسمها .. حتى وصل لخصرها زاد مدد يدو وحسات بيه كايجر شعرها البرتقال الطويل وعاود طلقو مور مكان تلوى فشال ...تبسم ليها وهو ملاحظ حيائها وتخطاها غادي بحالو