الفصل 1
وقت نوم هو الوقت المفضل عند الجميع ! الوقت لي يمكن لينا نسافرو بخيالنا فيه ...ونعيشو ونحققو احلامناا ....
...حلاات عينييها على صوت المنبه لي حدا راسهاا..خرجات يديها من تحت الغطا بثقالة وطفاتو وهي ساخطة على لوضع ...اعدى حاجة عندها هي تفرق من على لفراش فنهار
بقات مجبدة فوق لفراش لمدة كاتحاول تسترجع ذاكرتهاا وتفكر شكون هي وفين راهاا !!!
..مدة عاد ستوعبات اش داير بيهاا ...ناضت بشوية عليها بركات جيهة نكاصة دريدو ومدات يديهاا كاتجمع فشعرها البرتقالي ..وهي كاتراقب الريدو وهو كايطلع اطوماتيكي ... فتحات شرجم وعمرات ريتها من هواء البارد صباحي ورائحة التراب الممزوج بلماء ..مدات يدييها لبرا سامحة لقطرات الماء الخفيفة تساقط على يدهاا البيضاء ..وبعض القطرات تغللو فوسط اضافرهاا وسوقاوهوم !!
مينة: لله ياربي على رويحة
...سدات سرجم منين حسات بلبرد ..خرجات من بيتها لي كان بيت انثوي مئة بلمئة...جدرانو كانو مطليين بلون الأبيض الهادئ ..سرير من نوع المتوسط فوسط الغرفة بلون البنفسجي..وماريو صغير مقسوم لزوج جيهات جهة كاتحمل كل من. ثيابهاا ..وجهة اخرى كاتشمل اغراضها الخصوصية وبعض من الكريمات والاشياء الخاصة بالعناية وتزيين ...لكل من الشعر والجسم
توجهات مباشرة لكوزينة ..عرفات مها وخوتها ايكونو تماا هادي هي وقت دراسة
مينة :(قبلات امها فخدها) صباح الخير اماما
حليمة: صباح النور ابنتي ..جلسي تفطريي
مينة: نمشي نصلي بعدا ونجي
حليمة: لله يتقبل ابنتي
...دارت مغادرة تاسمعات خوها الصغير ذو 15 سنين كايناديهاا وفمو عامر بلماكلة
ياسين: مينااا درتيلي تمارين لي قالت ليا ديك الاستاذة
مينة: درتهووم ليك ...ولمرة جاية خوي فمك عاد هضر
...نطقات اختها شيماء اخر العنقود ومدللة البيت ذات 12 سنة
شيماء: (بهدوء) كانقولو شحال من مرة مايبقاش يهضر وحنا على طبلة
ياسين: اوا اش كاديري دباا جالسة فوق لعمارية
مينة: اوا هاانتاا على لهضوور
حليمة: هنيونا نتوما صباح هدا وباكوم ناعس ...سيري ابنتي توضاي
...تبسمات مينة فوجه مهاا ومشات نيشان لحمام قضات حاجتها وتوضات عاد جرات فوطة كاتمسح وجهها وهي كاتأمل فملامحهاا الغريبة..مكاتشبه لا لمها ولا لباهاا ..عينيها خليط بين لون الرمادي والاخضر عكس العائلة لي كايتميزو بلون الأسود ..شعرها برتقالي لون وطوييل فايت مؤخرتها ومكريبي ...وبشراها جد بيضاء ...رقيقة القلب....جسدها آخد شكل الساعة الرملية وهادي حاجة لي خدمات عليها سنيين وسنيين باش قدرات تنحت جسمها برياضة وريجيم القاصي...طويلة القامة نوعاا ماا .. ملامحها ليست بطفولية بل بلقاسية ..ذات حواجب شبه كثيفة ورموش طويلة
...جميع هاد صفات خلاوها تكون مميزة فالعائلة وخلاوها تكون مدللة عمتها لي خدات منها جميع هاد صفات ..لآلة خديجة...
..خرجات من دوش وتوجهات مرة اخرى لغرفتهاا جمعاتها ونفضات لفراش عاد فرشات زربيتها دصلاة وصلاة لله عز وجل.........ختمات جلستها التعبدية مع الخالق بقرائتهاا لبعض كلمات الرحماان ...باعثين الراحة وسكينة فقلبها !! شافت ساعة لقات مشا عليها لحال ...بلخف لبسات حوايجها ..كبوط قطن فالابيض وسورال مقطن بالأسود ..عاد لبسات تقاشرهاا وطلقات شعرها يدفي عنقهاا ..ِوجهها خلاتو طبيعي كتافات غير بكريم باش مايبسش ليها مع لبرد ..عاد دارت مرطب بدون اي نوع على تقشار شفايف
...شافت فراسها فلمراية وهي كاترش قطرات من عطرها ..قبل ماديرو فساكها وتخرج
حليمة:(شافتها واقفة كاتلبس فمونطوها) فين غدا ابنتي ؟ جلسييي تفطريي بعداا
مينة: لاا غير بصحة مشا علياا لحال خاصني نحل لبازار بكريي
حليمة: إناا بزاار ياك مكاتحلو تالعشرة ولا تسعوود
مينة: (كاتلبس فبطوها وتهضر) لبارح جات شي سلعة جديدة وكان خاصني نستفهاا ونوجد لناس كوموند ديالهووم ..ولاينيي عييت وخلييتها لصباح
حليمة: مدام هكاا سيري لله يعااونك ..وعنداك تنساي ماتفطري
مينة: تتت ..غير يجي رشيد ونفطر معاه ..(وقفات وباستهاا فحنكها) الى فاق بابا قوليلو بلاما يجي ليوم راني غانتكلف بكولشيي
حليمة: واخا ابنتي سيري لله يرضيي عليييك .. لله ينقي طريق من شوك ..لله يبعد عليك ولاد لحراام وبنات لحراام......
....خرجات مزروبة وفوذنها دايا دعوات الحنانة معااهاا ..بقات هابطة فدروج بزربة وصوت غادي وكاينقص تدريجياا !!
...هبطات نيشان للكاراج لي عندهوم فدار ..شعلات ضوء وكانو زوج طوموبيلاات ..الاولى من نوع كليو حمراء باينة دلبنات ..وتانية كانت كروز شيفرولي ..ركبات فديالها الحمراء ..وكسيرات من بعد ماتأكدات من وراقها كاينين وكولشي هو هدااك ...
...طريق فداك الوقت كانت شوية خاوية مزال مابدات تعمر ..مرا مرا كايدوز حداها شي طرونسبور هوما لي كايكونوو كايدورو يهزو تلاميذ فداك الوقت المبكر
...طلقات لكليمة منين حسات بلبرد بدا يدخل ليها مع لعظام ...وماوقفات غير فلباركيينغ دلمدينة لقديمة ..سلمات على لعسااس وتمشات شوية لجيهة الأحياء فين كاينين لبازارات ...لقات تحية على لي مبكرين بحاالهاا ومشات كاتحل لمحل... لي من حسن الحظ مجاش فوسط الأزقة ..جا على شاريع شوية
...طلعات ريدو دلكلراج وخلاتو تاطلع عاد حلاات باب خشبية كبييرة ..ومشات حلات حتى لكاراج لي فجنبو وفتحات بابو ايضاا ...لأخد مسافة كبيرة دمجو زوج محلات فمحل واحد
..مدام هدا بزار فكولشي خاص يكون تقليدي حتى من لبيبان ...لي كانو من نوع الكبير ومزوقين بنحااس الأصفر ...حلاتهوم.. وايضاا باب زوجاجية لي كايستعملوها فأوقات البرد والصيف ..كايرضوها ويطلقو لاكلييم. سمات لله عاد دخلاات شاعلة ضوء ..علاما تهوي لمحل
...كان بزار تقليدي فيه جميع الاشياء تقليدية ..زرابيي ..صناديق ..برارد دآتاي وصواني وكيسان ..فضة ونحاس ..حلي ومجوهرات قديمة ..لباس تقليديي ..حتى من تكاشط للكراء دايرينوهم فواحد القسم ...عاد كاينين سيوف وخناجر دلفضة ..واكيد بعض من لفخاار التقليدي لي كايجي من آسفي الى مكناس !
...ارضية خشبية ..والحيوط كانو مصبوغين فلون ابيض وبعض من لوحاات وساعات معلقيين فييهوم ..
..ضربات دورة فالمحل وحلات كاع شراجم باش يضور الريح علاما يتهوى وترجع تسدو على لبرد ..شافت فالارض كانت مرونة بسلعة ..جبدات تيليفونها وعيطات لرشيد المتعلم لي عندهوم
مينة : الووو!! ماتقووليش باقي نااعس
رشيد:(من تحت الغطاا) اممم ياك لبااس راه باقي لحاال
مينة:(رفعات نبرة صوتهاا) زعماا دوينا لباارح وقلنا غانجيو بكريي باش نقادو شغل لماالييه
رشيد: (حل عينيه فور ماتذكر وناض بدا يقلب على سروالو فين مليوح) احاااحاااا نسيييت حق ربي تانسيييت
مينة يالاه غسل داك لوجه ولبس عليك ..ربع ساعة نلقاك عنديي
رشيد: (وقف ونطق بتساؤل) ياحاا ولفطوور ؟؟؟
مينة: لفطوور ؟؟بجغدييد إن شاء الله (قطعات عليه) فور ماقطعاات مشات ردات الزاج على شراجم والباب أيضا ..عاد حيدات مونطوها وعلاقاتو ..وطلقات لاكليم لأن الجو جد باارد ...تحنات على ركابيها فيديها موص كاتشق بيه وتحل الكارطونات ..وتجبد سلعة الجدييدة ...بقات على داك الحال لمدة حتى دخل رشيد
رشيد:(كايقفق بلبرد) ياحاا يااحاا على برد براا
مينة: اجي عاوني برااكة من لهضرة الخاوية ..هادي هي (كاتعايبوو) صباااح الاالة تلقتيني عندك
رشيد: (حيد مونطوه) حق ربي لحبييب تانسييت واش باقا شي سلعة
مينة:(وقفات كاتجمع الكارطونات) اجي راني خويت كولشي حسب نتاا كل حاجة وانا نقيدهاا
رشيد:(حرك ليها راسو ومشا يدير اش قالت) هادشي بانلي قلييل
مينة:(تمشات لواحد المكتب لخشبي مفتوح...هزاات روجيستر دجلد وستيلو ) ديك سلعة غير لي وصاو عليها نااس ..
رشيد: داك نصراني باقي ماجاا ؟
مينة: تت بااقي ..مزال لحال عليه
رشيد: ماعرفت شحال نحسبولو
مينة:(قردات حداه فلرض) غادي نحسبولو بثمن لي كانحسبوه لولاد بلادنا... ماغانزيدو مغانقصو
رشيد: ياك نصراني الى زدنا عليه باش غايعرف
مينة: اييه اسيديي (هزات واحد البراد عشوائيا) هاد لبراد بشحال تحسبوو
رشيد:(شدو من عندها كايضور فيه)اممم هادا براد فضة فاسي ..ثمنو 300 درهم نحسبو ليه بمليوون
مينة:(حلات فمها فييه) بشحاااال ؟؟؟ مليووون كيدرتييلهاا هادي راها شفرة عين بين
رشيد: الاا ماتخافيش ..نقولو مصنوع من الفضة ماشي غير مشلل ..ونقولو بيلي كايرجع لعهد الحسن الأول
مينة:(نثراتوليه) لاوااه كايرجع لعهد الحسن السابع ...اراا لهاناا غير لي يخبطو ليك على راس
رشيد: ياحااا عليييك ..مكاتفهمي فلبيع وشرا واالوو
مينة: راه سرقة هادي امعلم ماشي لبيع وشراا...هباش كانكرهو سياح فبلادناا
رشيد: هادشي لي جاري بيه العمل ياودي ياختي يامين
مينة: (قوسات حجبانها) حنا مكناكلوش فلوس لحراام ...خدم الى بغيتي تخدم مابغيتيش ..هالباب قدامك
رشيد: وتسخاي بيا احمرة شعر
... مجاوباتوش سدات لهضرة واخا رشيد عزيز عليها الى انها مكاتبغيش تضسر عليها الإنسان كيفما بغاا يكون ..كادير حدود بينها وبين الجميع
...كملو خدمتهوم فالجد كايقادو ويحسبو ويستفو فسلعة مايقارب ساعتاين عاد كانو سالااو
مينة:(وقفات كاتعوج فضهرها من تعب) ببفففف تماارة هادي
رشيد: (كايتكسل ومطلع راسو للفوق) يااحاا ياختي ...قلت ليك لباارح نكملوو الخدمة نتي لي مابغيتيش
مينة: ندمت !! بلحق ماشي موشكيل (هزات راسها فساعة) سير عند المكي قولو يعطيك شي ستة دسفنجات مع شي براد دآتاي
رشيد: ولخلاص؟؟
مينة: تاندوز ..
...حرك ليها راسو وتحرك هز مونطوه وخرج مزروب باغي غير يعاود يوصل...مكمش وجهوو من البرد...داير يديه فجيابو وغادي كيف الكديدة بلاصة خطوة كايدير عشرة !! دقائق قليلة كان جا رشيد هاز فيديه اش قالت ليه مينة ..دخل لداخل لقاها موجدة طبيلة خشيبة صغيرة الحجم فيها ثلاثة ديال لعصيات هوما لي موقفينها ..عاد فجنب كانو زوج مخدات منوع الكبير والمقطن ..مخصصين للجلسة فقط
...حط كولشي وجلس حداهاا. فلبلاصة بدا الحديث
رشيد: شفت نصارا محركين فلبازارات لخريين ..مجا عندك حد ؟؟
مينة:(كاتقلب آتاي) لاا مجا حد
رشيد: ومالهوم محالات لخرين محركين
مينة: كل ورزقوو ..وماغانديو غير لي مكتب لينا لله (مداتلو كاس دآتاي)
رشيد: (شدو من عندها)ونعم بالله ..اجي مطاحليكش لعجب
مينة:(قوسات حواجبها بإستغراب) فااش ؟؟
رشيد: فهاد نصارا لي جايين فشهر واحد ..ياك مولفين يجيو فصيف
مينة: على حساب ماعرفت بيلي شي وفد هدا جابهوم لإفران ..وطلعو لمكناس
رشيد: قولي هكااك ..جاين يتمتعو فسويسرا المغرب
مينة: ياودي اغلبيتهوم شرااف ..(شافت لبرا) ناس سالاو خدمتهوم ودوزو عمرهووم..وهاهوماا كايقضيو اش بقا فحياتهوم فلمسارية فالعالم
رشيد: هاد نصارا مساليين قبهووم
مينة: هاد نصارة هوما لي عارفيين كيفاش يعيشو الحياة (قاطعاتو منين شافتو بغا يهضر) ششش كول وسكت باش نجمعو هاد شي
...كملو ماكلتهوم فصمت ..حتى سالاو عاد ناض رشيد هز داكشي ومشا خارج تاني خلا مينة بوحدها فلمحل كاطلق لمبيخرة باش تمشي ريحة الأكل ويتبخر المكان
...وهي كادور على المحل تحل لباب ودخل واحد راجل من ملامحو أجنبي ..وجهو أبيض مع قليل من الإحمرار وبعض الشامات ..لحيتو شبه كثيفة وبيضاء ..انفو كبير واخد نص فوجهو مع شفايف رقيقة ...ليس من الملامح فقط بل حتى ثيابو كادل على انه أجنبي ..معطف صوف كارويات طويل مع بوط طالوون لرجال ..وسروال توب اسود مخشي فيه تريكو قطني ..وصليب معلق حول رقبتوو لي غزيرة بالتجاعيد...واكيد شابو فوق رأسه
الاجنبي :(حيد شابو من عليه كنوع من الإحترام وتحنى قليلاا) Bonjour Mademoiselle Mina
[صباح الخير آنسة مينة]
مينة:(ردت التحية) Bonjour Monsieur John
[صباح الخير سيد جون]
جون:(توجه لعندها وهو كايقرقب بداك طالون ..تاوقف لعندها وجر يديها بكل لطف وقبلهاا)
j'espère que ma commande est là
[كانتمتى طلبية ديالي تكون هنا]
مينة:(سحبات يديها بهدوء) Oui,.. Rashid et moi avons fait en sorte de le terminer
(اشارة لصناديق لي فالارض)
[وي هي هنا ..انا ورشيد حرصنا باش تكون واجدة. .. ]
جون:Merci, Miss Mina..C'est pour cela j'aime travailler avec les femmes parce qu'elles sont Aimer leur travail
[شكرا آنسة مينة... هادشي علاش كايعجبني نخدم مع العيالات حيت كايحبو خدمتهوم ] (جبد شيك من جيب معطفو) Ce chèque a le montant convenu et encore une fois je suis heureux de travailler avec une belle femme comme vous
[هدا شيك فيه المبلغ لي تافقنا عليه ..ومرة اخرى انا سعيدة منين خدمت مع جميلة بحالك]
مينة:(شدات من عندو شيك وراجعات الرقم لي فيه) Je suis aussi heureuse.. bienvenue au Maroc Et bienvenue chez nous aussi
[حتى انا فرحانة ..ومرحبا بيك فالمغرب وعندنا]
...جون حرك ليها راسو ورد شابو وحنا هز ثلاثة دلكارطونات لي كان عليه اسمو ..عاد وقف وشاف فعفراء
جون: Aurevoir beauté[وداعا أيتها الجميلة]
..إبتسامة هادئة ورقيقة كانت كافيلة باش ترد عليه ..حرك ليها راسو مرة اخرى وغادر وهو هاز فيديه دوك كاروطونات لي نوعا ما تقال ..لاكن سرعان مالمحات مينة شاب جا وساعد الأجنبي فحمل الأغراض
...هدا هو البيع وشرا عند مينة ..وكايجبعها تخدم مع الاجانب حيت بنسبة ليها مافيهومش قوة الهضرة والمشاطرة ..كايجيوها على كانتها..بلا مبالغة بلا زيادة ..كاياخدو لي خاصهوم كايخلصو وكايمشيو ..ويلا عجباتهوم سلعة فكاتعاود تشوفوهوم يافالصيف يافالسنة المقبلة رجعات جلسات فالمكتب ..وجبدات داك روجيستر وحداها آلة حاسبة كاتحسب وتعاود وتراجع واش كاين شي خطأ ...دخل رشيد وهز دوك لكراطن لي بقاو وحطهوم فوق واحد رف علاما يجيو ماليهوم ليهوم
...دخلات واحد زبونة ورشيد هنا فين مهمتو مشا ليها وبدا كايعرض فالسلعة والزبونة كاتعزل وتختار ..حتى ستقر إختيارها على واحد الكوليي
رشيد:(داه ليها) ختي مينة بشحال هدا ؟؟
مينة: (بهمس) من 160 ونتا ناقص ماتوصلش 130 نلقاو فين نربحو
...حرك ليها راسو ومشا بقا معاها مني منك تاحسبو ليها ب 145 درهم آخر ثمن ... وهكاا هاهوما ربحو فيه 50 درهم
...هادشي ومينة مكاتبغيش تعطي دوك الاثمنة الخيالية مع الكليان ..حدها تفوت بشحال شراتو بشوية وهاهي بايعة ورابجة من لفوق
رشيد:(جلس حداها) وقت لغدا هادي
مينة:(وقفات كاتجمع ساكها) هانتا فلمحل واحد ساعتين وهنا جاية
رشيد: فين غادية؟؟
مينة:(هزات راسها فيه)ونتا مالك فين غادية ..هالمحال عندك (هزات صبعها فوجهو) وايااك نحصلك زدتي على عباد لله ..ويلا جاو صحاب لكوموند عطيهالهوم
رشيد: واخا وصيليا معاك على شي طاجين
...حركات ليه راسها وخرجات وهي كاتلبس فمونطوهاا ..هزات راسها مبتاسمة منين لقات شميسة خارجة مابقاش داك لبرد بزااف
...تحركات وشعرها كايطيرو ريح مستمتعة بالجو ..حتى وصلات لوجهتها ..دخالات لمطعم لي كان بلدي نوعا ما ..وغير دراوش هوما لي كايجيو ليه
مينة: با مبارك هواحد سلام عليكم
با مبارك:(رجل فسبعينات من عمرو بشرتو سمراء اللون ولكنتو لكنة المكانسة القدام) اهلاا اهلاا ببنتي مينااا
مينة:(باست يدو بإحترام) كاين شي طواجن ولا والوو
با مبارك : كاين كل خير راهوم نساا كايقادو لداخل
مينة:(جبدات فلوس من صاكها) بسم لله هافلوس سفنج وآتاي دصباح ..ودير شي طاجين لراشيد
با مبارك:نديه ليه لمحال ؟
مينة: بلاما تشقي راسك سيفط غير شي ولد يديه ليه
با مبارك: واخا ابنتي ..واسميسة ليوم (شميسة)
مينة: (هزات راسها فشمس حتى تعماو عينيها وسرعان ماهبطاتهوم) ااه شميسة دافية... يالااه لله يعاونك اسيدي ..
با مبارك: لله يعاونك ابنتي وينقي طريقك من سوك رجعات ركبات فطوموبياتها هازا تيليفونها كاتعيط وتعاود لاكن تاواحد مكايجاوب ...تنهدات ورماتو بإهمال فوق لكوسان لي حداهاا وديمارات غادية لكافي_ريسطو لي مولفة تجلس فيه
...عطات سوارت طوموبيل لراجل لي مكلف باش يبلاصيهاليها فشي بلاصة خاوية ..وهي تمشات تادخلات مع باب الكافي ..لي كانت عصرية وراقية ..فيها فوق ولتحت عاد لاكاف لي مخصين فيه جامع صغير لي بغا يصلي ..لي بدرو مقسوم لزوج ..جهة نسائية ..وجهة رجالية
...عطات مونطوها للبنت لي كانت واقفة فلباب ..وطلعات لبلاصة فين كاترتاح ..وهي لفوق ..حيت لتحت كايكون عامر شوية
...طلعات فدروج بحذر باش ماتجي مكركبة ..تاوصلات وبدات دور فعينيها ..سرعان مالمحاتو ..وابتسامة شقات فمهاا..هو ايضا فور ملمحها ناض عندها مبتاسم وسلم عليها بلابيز
فؤاد: (بملامح رجولية زعيعر شوية لابس بروطكان فرجليه ..وكبوط صوف مع سروال دجين)تعطلتي علياا
مينة: غير مع شغال وصافيي .
فؤاد:(تبسم لها وجر الكرسي حتى جلسات عاد رجع جلس هو ) اوا كيغادي العمل
مينة: هاحناا نضت ليوم على نبوري باش ستفت واقاديت السلعة
فؤاد: مزيان يالاالة (جر ليها يديها) توحشتك بزااف
مينة: (تبسمات تاخدودها حمارو) ههه كاتحشميني هكاا افؤاد
فؤاد:(مد يدو قرص ليها حناكها) يخليلي لي كايحشم
مينة: كيف بقات خالتي شوية
فؤاد: نقولو صفاا ..راها بقات مع ختي ففرانسا ..
مينة; اتعاود ترجع
فؤاد: اوا العمل ماعندي ماندير ..لوقت لي لقيتو عندي خاوي. انرجع ليك
مينة: شحال اتبقاا هناا ؟؟
...قاطع سؤالها الولد لي جا ياخد طلبيتهوم ..قدم ليهوم ليطابليط ..وهوما ختارو اش ياخدو عاد مشا مخليهوم راجعين لحديثهوم
فؤاد: قلتي شحال انبقا ياك
مينة: وي.
فؤاد: واحد زوج سيمانات بحال هكااك ..نسالي داك شغال لي عندي
مينة: الورث؟؟
فؤاد: هواا ..الواليدة مرضات غير بكية خوها لي كلاها فرزقها
مينة: لله يهديه ياربي ..نتوما حلو الموشكيل غير بسياسة ..
فؤاد: مابقا لا سياسة ولا نم ... المحكمة بيناتنا
مينة: راه حبيبك زعما ماجاتش دعيه
فؤاد: علاش ماندعيهش ؟؟ نخليه ياكلنا فرزقنا ونسكت !! صافابا نتي؟؟ هو منين طيح الواليدة فالفراش كان عاجبو لحال...(قرب ليها بوجهو تارجعات لور) راه مي هاديك امينة... كاتعرفي شنو هي مي
مينة: (شدات فيدو) بلا ماتعصب عفاك ..نسا عليا هاد الموضوع وخليناا ندويو فراسنا وفعلاقتناا
فؤاد: مالنا حناا؟ ومالها علاقتناا
مينة: شوف نتاا مالها ..انا راني غادا وكانكبر افؤاد ..مابقيتش هاديك بنت 19 عام لي عرفتي نهار الأول
فؤاد:مالك دبا شرفتي
مينة:..بابا ديما جابدلي حس زواج كل مرة جايبلي واحد من ولاد صحالو ..العائلة دماما وليت نبان ليهوم بايرة ِ
فؤاد: بايرة كاع!!!!
مينة: وشنو يصحابليك ..راه لبنات عندهوم كايتزوجو على 15 ومنين يديرو 18 يتسماو بايريين ..فمبالك انا لي عندي 24 عام
فؤاد: 24 عام راك بقا صغيرة ماتكبيرش راسك
مينة: فؤاد مانغطيوش شمس بالغربال ..نتا عندك دبا 30 ..نهار تفكر تزوج ماغاديش ديها فياا اناا لي دوزت معاك سنين من عمري..اتشوف وحدة يالاه دات لباك ..باقا صغيرة ونية
فؤاد: يهديك الله احبيبتي ..لاش كاضلميني ..دوك الافكار دصاحبتك سعاد حيديهوم من راسك ..انا وحدة لي كانعرف هي مينة واخا دير حتى 100 عام اتبقا فعيني صغيرة وغزيولة
مينة ..بلاما تبقا تصبغ فياا
فؤاد: صباغ اناا ..يهديك لله راه بنت وحدة لي فحياتي هي نتي