ماكنت اؤمن بالعيون وفعلها حتى دهتني في الهوى عيناك - الفصل 1 - بقلم riwaiax - مكتملة | روايتك

البارت الاول فزت من سريرها وهي تسمع تلفونها يرن مسكته بلهفه وهي تشوف اسمه ردت بهدوء : الوو : أحلى ألو سمعتها أخبارك حبيبتي ابتسمت : بخير الحمدلله على السلامه متى وصلت من السفر اسامه : المغرب بس مشتاق لك حيل ضحكت بخجل : وانا اشتقت لك اسامه بابتسامة : خلاص الحين جاي لك يا قلبي نوره فتحت عيونها : أسامة من جدك الحين اسامه : شسوي بعد بالشوق فايز شلونه وجهت نظرها لطفلها الي نايم بسريره كالملاك : الحمدلله والحين هو نايم اسامه : اوك حبيبتي بكرا بجي لك نوره : اوكي سولفوا بحب وشوق و بعدها قفلوا قعدت على السرير مسكت المخده وحضنتها و الابتسامه على شفايفها تحبه و تموت فيه لفت لطفلها النايم الي عمره سنتين حطت المخده جنبها و راحت له مررت يدها على خده قربت وباسته ___ واقفة قدام المرايه وهي تتأمل نفسها بمكياجها الناعم ولبسها الانيق رشت عطرها و ابتسامة جميله على شفايفها نزلت لمستوى فايز و هي تبوس خده : يالله حبيبي نشوف بابا دخلت عليها أختها الجوري : شهالكشخه شهالزين كل هذا عشان اسامه نوره : شرايك فينا نهبل الجوري : بقوه ضحكت نوره الجوري : ايه ابوي يقول اسامه تحت نوره وهي مبتسمه مشت وطلعت باين لمعة الشوق بعيونها وجه نظره جهة الباب بعد ما استنشق ريحة عطرها نوره : السلام عليكم ابتسم وهو يوقف : وعليكم السلام ورحمة الله ابتسم حسام الاب : هاذي زوجتك جات وقف وطلع ابتسم وهو يوقف : يا هلا والله بأم فايز قرب منها شال فايز باسه بشوق : صاير رجال بابا ماشاء الله رفع نظره لملكة قلبه قرب وباس جبينها بعمق وهمس : اخبارك حبيبتي نوره بهدوء ووجنتيها احمرت : بخير بشوفتك اسامه ابتسم : يالله البسي عبايتك انتظرك بالسياره نوره : طيب طلعت نوره راحت لامها باست راسها: يمه انا بروح مع اسامه الأم ابتسمت : الله يوفقك يمه ضمت الجوري وسلمت على سعد اخوها وراحت تلبس عبايتها وتاخذ شنطتها وجوالها و طلعت لسياره تحركت لبيت اهل أسامه وقفت السياره قدام البيت ضمت كفيها بتوتر وخذت شنطتها فتحت الباب الي وراء لفايز دخلت وراء اسامه الي تنحنح علشان اذا مرت اخوه موجوده سلم على راس امه دخلت نوره سلمت على امه و أسيل اخته ___ وقف اسامه استأذن وراح لغرفته نوره وقفت بتلحقه ام اسامه : وين ولا القعده معنا مو حلوه نوره خذت نفس وقعدت : لا يا خالتي وفي احلى من القعده معكم شذى وينها ام اسامه : اي واضح مرا وشذى ارفعي الجوال واتصلي فيها وتعرفين اخبارها أسيل : صادقه امي من تطلعين من البيت لا حس ولا خبر كأنك تبين الفكه منا نوره طالعتها بهدوء ولفت لأم أسامه : اعذريني يا خاله ادري اني مقصره معكم بس والله انشغلت مع الاهل ام احمد ببرود : انتي دوم مقصره مو شي جديد نوره طالعتها بدهشه وعضت شفتها بغبنه هي تدري ام اسامه مو متقبلتها من البدايه ما تدري ليش هالكره لفت بنظرها لفايز وهو يلعب وقفت وراحت للغرفه ___ دخلت الغرفه وهي متضايقه شافت اسامه منسدح على السرير فسخت العبايه والشيله وعدلت شعرها قربت منه وهي تشوفه نايم ابتسمت وهي تقعد جنبه تأملته بهدوء فتح عيونه فجأه و جات عيونهم ببعض نوره شتت نظرها ابتسم: محلوه يا بنت نوره ابتسمت قرب منها وباس خدها لف وجها له: نوره طالعيني رفعت نظرها له طالع عيونها و بهدوء : وش مضايقك نوره اختفت ابتسامتها شتت نظرها في الغرفه : ولا شي أسامه : تخبين عني نوره مسكت يده : انت تدري انه ما خبي عليك شي ابتسم أسامه ومد يده لها وضمها و باس راسها لفت على صوت الباب الي انطق ابتسمت وقفت وهي تفتح الباب دخل فايز يركض لابوه الي عدل جلسته وشاله وهو يبوس خده : هلا بحبيب بابا انسدح وهو يلعب معاه وضحكاته ترتفع في انحاء الغرفه ابتسمت بحب وهي تدعي الله لا يحرمها منهم ____ شالت فايز لغرفته بعد ما نام طلعت من غرفة فايز بعد ما شافته نايم بعمق حطت جلالها عليها عشان اذا اخو زوجها احمد موجود ابتسمت وهي تشوف شذى زوجة احمد اخو اسامه الكبير سلمت عليها شذى : ياهلا بنوير وانا اقول وش فيه البيت منور نوره ابتسمت وهي تنزل معها : حبيبتي منور بوجودك وينك ما شفتك شذى : والله كنت ببيت اهلي توني وصلت الحين نوره : وحشتيني شذى : حبيبتي وانتي اكثر نوره : وين طلال و شيماء ضحكت شذى : خليتهم يلعبون نوره : يا زينهم دخلو الصاله وهما يضحكون ام احمد : ضحكونا معاكم شذى ابتسمت وباست راسها : اخبارك يا خاله ام احمد : الحمدلله تمام انتي اخبارك وشلون الاهل عساهم بخير نوره سلمت عليها بهدوء وقعدت وهي تسمع سوالف شذى مع ام احمد دخلت اسيل : السلام عليكم يمه شوفي من جانا ردوا السلام وقفت ام احمد وهي تهلي وترحب بأسماء بنت اخوها مشت اسماء بدلع وهي تسلم على عمتها لفت على شذى و نوره وسلمت عليهم فسخت شيلتها وحطتها على اكتافها نوره تكتفت وهي مو متقبله وجود اسماء بينهم بس تجامل عشان اسامه بس ما تبي تزعله ام احمد : قومي صبي قهوه يعني لازم نعلمك السنع نوره شافتها تطالعها عضت شفتها بقوه وقفت شذى بسرعه و مسكت الدله وهي تصب لهم قهوه وصلت لنوره مدت الفنجان : سمي نوره ابتسمت وخذت الفنجان ارتشفت شوي نزلته على الطاوله وقفت شذى : خليك قاعده معنا نوره : باروح اقعد اسامه الحين بيأذن المغرب مشت وام احمد طالعتها بقهر : ام احمد طالعتها بقهر : مدري وش عاجبه فيها اسامه لو يطيعني وطالعت اسماء وابتسمت : والله لازوجه زينة البنات واحلاهم اسيل : يمه لا انا كذا اغار انا احلا البنات مافي غيري ضحكت اسماء شذى : يا خاله هذا الحب وبعدين لا تخربين حياة ولدك هو مرتاح معاها ام احمد بعصبية طالعتها : انا اخرب حياة ولدي ان ابي له الزين و هالبنت ما تناسبه شذى بهدوء : ونوره الزين كله فيها ام احمد طالعتها بنظره وقفت شذى : عن اذنكم باروح اشوف العيال ___ دخلت الغرفه وهي ترجف قهر وضيق تسندت على الباب ونزلوا دموعها مشت بسرعه للحمام بكت اكثر وهي تحاول تكتم شهقاتها هي ليش تكرها تبي سبب واحد بس ، كلامها قهرها وخايفه اسامه يرضخ لطلبها في زواجه من أسماء الي لمحت اكثر من مره انها تبيها غسلت وجها بماء بارد اكثر من مره وهي تسمع اذان المغرب طلعت وهي تمسح وجها بمنشفه صغيره قربت من السرير وبهدوء : أسامه هزته : حبيبي قوم يالله بتتأخر على الصلاه فتح عيونه : يالله قمت لفت وجها بسرعه وهو راح يتوضأ ويلبس ويروح المسجد لبست جلالها وفرشت سجادتها وبدت تصلي كملت فسخت الجلال قعدت على الكنبه سندت راسها وغمضت عيونها وهي تفكر دخل وهو يشوفها ما حست فيه مشى وقعد جنبها : بشنو الحلو سرحان فتحت عيونها وابتسمت ابتسامه شاحبه : فيك ضحك اسامه : يا بختي دام نوير تفكر فيني لف يطالعها اختفت ابتسامته وهو يشوف عيونها الحمراء : كنتي تبكين نوره : من قال أسامه : عيونك نوره تنهدت : اسامه خلنا نطلع بيت بروحنا أسامه : ليش نوره : ابي اخذ راحتي في بيتي أسامه : ما اقدر اطلع نوره بانفعال : ليش مو ناقصك شي اسامه تجاهل كلامها وقف ومد يده لها : يالله ننزل نوره بقهر : ما ابي انزل اسامه طالعها بهدوء : وش صاير معك نوره وقفت و بانفعال : لا ابد مو صاير شي الي فهالبيت ملائكه ما يضايقون احد واذا احد تضايق منهم ما ينامون اليل الا لما يراضونه اسامه : جد زين والله نوره بحده : اسامه لا تنرفزني اسامه : لا ترفعين صوتك نوره زمت شفايفها بقهر وقعدت على الكنبه وما قدرت تمنع دموعها تنزل أسامه : الحين وش قايل لك انا عشان تبكين نوره ما ردت أسامه قعد جنبها خذ نفس : خلاص نوير وقفي بكاء ويالله قومي تجهزي بنطلع نتعشى برى نوره طالعته مسحت دموعها احسن حل لانها ما تبي تنزل تحت وتقعد معهم وخصوصا بوجود اسماء الي مو طايقتها لفت له بجمود : امك راح تزعل هي تحب الكل يكون موجود على العشاء اسامه : انا بتصرف وقفت : اوكي باشوف فايز طلعت وهي تدخل الغرفه ابتسمت وهي تشوفه ينزل من السرير قربت وهي تشيله وتبوسه نزلته وهي تطلع له ملابس و تلبسه سرحت شعره ولبسته جزمته : خلصنا مسكت يده : يالله فايز بطفوله : يالله دخل وهو يشوف ابوه يتعطر ركض له : بابا انا انا ضحك اسامه نزل وهو يعطره لف لنوره : يالله بننتظرك انا و هالبطل قعد على الكنبه و فايز مد يده وشال تلفون ابوه فتحه له ونوره لبست عبايتها و رفعت شعرها و هي تلبس الشيله خذت شنطتها و حطت الجوال فيه شالت نقابها بيدها : خلصت ابتسم اسامه شال فايز ومد يده لنوره مسكتها وطلعوا دخل الصاله شاف وحده ورجع بسرعه : اسف ما كنت ادري ان في احد الام : مافي احد غريب هاذي اسماء بنت خالك ادخل نوره حست بنار الغيره تشتعل فيها دخل اسامه وما رفع نظره لاسماء كان في الصاله امه وابوه واسيل واسماء قرب من امه و ابوه باس راسهم دخلت نوره وهي تسلم عليهم ابو احمد :يا هلا ببنتي اخبارك يبه عساك مرتاحه نوره ابتسمت :هلا فيك يا خالي والله الحمدلله انت كيف حالك طمني عنك ابو احمد :الحمدلله ام احمد : على وين ان شاء الله اسامه لف لامه : طالعين نتعشى برى ام احمد : ليش ليكون اكل البيت مو عاجب ست الحسن اسيل ابتسمت بسخريه اسامه كان بيتكلم ابو احمد قاطعه : طيب بس لا تنسى بكرا الاجتماع تعال من وقت الشركه اسماء وقفت : انا بروح ام احمد : لا والله ما تروحين تعشي معانا اسامه : ان شاء الله عن اذنكم وقفت نوره وهي تستأذن وماسكه فايز بيدها ابو احمد وقف وطلع من الصاله عائلة أسامه صالح ابو اسامه زوجته شيخه ام اسامه احمد الابن الاكبر عمره ٣٥ زوجته شذى عنده شيماء عمرها ٣ سنين و طلال ٥ سنين اسامه عمره ٢٧ متزوج نوره وعنده فايز عبدالعزيز ٢٣ يدرس خارج المملكه اسيل ٢١ ثالث سنه جامعه ____ ام سعد : الجوري الجوري : نعم يمه ام سعد : بتجي عندنا ام سعود بخري البيت وجددي هالقهوه الجوري : ان شاء الله يمه وراحت تجهز القهوه والشاي و سوت حلا و بخرت البيت وراحت تلبس خلصت و طلعت قعدت مع امها والا عيال اختها ثريا يدخلون نزلت لمستواهم وهي تبوسهم : ياهلا بالحلوين ثريا سلمت على راس امها : اخباركم الام : الحمدلله بخير ماجد ولد ثريا : ماما وين فايز الجوري : يا لبيه والله اشتقت لهالفايز ثريا ابتسمت : محد راح مع ابوه العب مع ملاك بس بدون ازعاج ضحكت الجوري: اصلا عيالك بروحهم ازعاج ثريا بتتكلم بس طق الجرس ام سعد : قومي يمه هاذي اكيد ام سعود دخلت ام سعود ومعاها عيال ولدها الاثنين الصغار بعد السلام والسؤال عن الحال : وين عبير ليش ما جت معك ضحكت ام سعود : وانا اشوفها يا طالعه لحفله او جايه من عرس او رايحه السوق ما تقعد في البيت الله يعين ولدي بس والله شفت العيال يلعبون بروحهم قلت اجيبهم معي ضحكت ثريا : آمين زين جبتيهم خل يستانسون مع ملاك وماجد وبدوا يتكلمون في سوالف كثيره عائلة نوره الاب حسام والام نوال ثريا البنت الكبيره ٢٧ سنه عندها ملاك سنتين ونص وماجد ٥ سنين نوره ٢٥ خريجة رياض اطفال زوجة اسامه الجوري ٢١ ثالث سنه جامعه تدرس طب سعد عمره ١٠ سنين ام سعود جارتهم ____ افتروا في المول وخذوا الي يبون راحوا مطعم و طلبوا الاكل نوره حطت منديل لفايز عشان لا يوصخ نفسه وبدوا يأكلون كانت مرتاحه طالعت اسامه : أسامه اسامه : هلا نوره : ما سألتك شلون كانت سفرتك اسامه ابتسم : حلوه والشقر احلى نوره طالعتها بنظره وغيره واضحه : أسامه ضحك اسامه : يا زين الي يغارون عاديه بس من الشركه للبيت خلصت شغلي وجيت نوره بضيق : لا عاد تطول بسفراتك اسامه : ان شاء الله أوامر ثانيه نوره ابتسمت : لا ___ قعدت اسامه عشان ما يتأخر على الشركه قام اخذ شور لبس و سرح شعره اخذ ساعته وهو يلبسها رش عطره مسك جواله و مفتاح سيارته مشى بيطلع بس تذكر شي لف لها : نوير اليوم عازم ربعي على الغداء طيب ابتسمت : اوكي اسامه ابتسم وطلع رايق طلعت راحت غرفة فايز ما حصلته ونزلت تحت و هي تعدل الغطاء على شعرها بعد ما شافت احمد : السلام عليكم ردوا عليها السلام وقعدت جنب اسامه وفايز على الطاوله تفطر و لفت لفايز وهي تعطيه كوب الحليب وقف احمد وطلع وقف ابوه وبعدهم وقف اسامه قامت مع فايز وهي تروح تغسل بدلت ملابس فايز و باست خده : يلا نروح لطلال راحت عند طلال واخته وهما يلعبون بالعابهم : طلال حبيبي لا تتهاوشون طيب طلال : طيب راحت المطبخ وهي تجهز للغداء الحين كل شي عليها تدري ان خالتها ما راح تخلي الخدامه تساعدها ابتسمت معليه مو اول مره سمعت اذان الظهر راحت تصلي وترجع تكمل طبخ خلصت من الطبخ توجهت تغسل الصحون كملت وهي تجفف يدينها وقفت بتعب وهي تشوف الاطباق الي جهزتها دخلت شذى : الله وش هالريحه الطيبه ابتسمت نوره شذى وهي تشوف الاطباق : ماشاء الله عندنا ضيوف نوره : ايه شذى : ليش ما قلتي لي اساعدك نوره : تسلمين حبيبتي ما ودي اتعبك وقفت وهي تقرب من الفرن وتطفي على القهوه وتحطها في الدله وتجهز الفناجين مع دلة الشاي شذى مشت وهي تفتح القدر وتذوق : يا زين طباخك يا نوير نوره قعدت على الكرسي بتعب : شفتي فايز شذى : ايه مع خالتي تغطت شذى وقفت نوره وهي تشوف اسامه جاي : وصلوا اسامه : ايه جهز الغداء نوره : ايه اسامه : الله يعطيك العافيه نوره خذت السفره وهي تعطيه يحطها في غرفة الطعام على الطاوله وشالت صحن السلطه والمعجنات وعطته وجاء احمد اخوه يساعده وشذى عطته صحن الرز وحطه على الطاوله ورجع اسامه اخذ الصحون وزعهم على الطاوله و احمد اخذ المشروبات الغازيه ووزعها اسامه اخذ الملاعق والشوك : خلاص نوره : ايه طلعت لصاله شافت فايز نايم على الكنبه تنهدت نام قبل لا يتغدى راحت له وانحت بتشيله سمعت صوت ام احمد : شلون تخلين ولدك ينام جوعان وش هالاهمال مع الولد خذت نفس عميق وبسخريه : ابد يا خاله بس قاعده على الجوال اطقطق فيه و بس تذكرت ان معي ولد جيت اشوفه حيل مهمله توسعت عيون ام احمد من ردها : وقحه شالت فايز وخذته لغرفته نزلته على السرير وغطته و نزلت تتغدى بعد الغداء راحت نوره وهي تاخذ شور ولبست فستان ناعم طويل لبست عقد ناعم وحلق واسواره و لبست ساعتها لفت للباب الي يفتح دخل اسامه ابتسم وقرب منها باس جبينها : تسلم يدك نوره : الله يسلمك قعد على السرير نوره : اسامه تاخذني لبيت اهلي اسامه : طيب حبيبتي بس باخذ غفوه اول نوره قعدت جنبه : الحين بياذن العصر صل وعقب خذ غفوه ما كملت كلامها والا صوت اذان العصر يرتفع أسامه وقف راح يتوضأ سكر ازرار ثوبه وعدل شماغه وخذ جواله وطلع للمسجد القريب صلت وسلمت وقفت وهي تتوجه للكبت طلعت لاسامه بجامه انفتح الباب دخل بدل ملابسه وانسدح على السرير : طفي الليت طفت الليت وهي تفتح الباب بتطلع شافت فايز طالع من غرفته ابتسمت وراحت شالته ونزلت بتروح تأكله راحت المطبخ وهي تطلع له اكل بعد ما كملت طلعت وتجمدت وهي تشوف اسماء هاذي كل يوم بتجيهم يالليل النشبه نزلت فايز وهي تمسكه بيده : يا حيا الله من جانا اسماء : الله يحييك نوره : وينك امك ما تجي معك اسماء : كان ودها تجي بس ما قدرت مشغوله اسيل : اشتقت لها والله و لمها اسماء : تعالي بيتنا وهم مشتاقين لك رفعت نوره جوالها وهي تشوف رسايل الجوري ابتسمت وهي تكتب لها اسيل : مو من الذوق تمسكين جوالك وانتي قاعده معنا نوره نزلته : طيب لفت لشذى وهي تشوفها مشغوله مع ملاك لفت لاسماء : اسماء ما انخطبتي نبي نفرح فيك يعني عمرك ٢٤ الي كبرك عندهم عيال اسماء : لا لاحقه على الغثا وعوار الراس وطفل اتم الاحقه ام احمد طالعت اسماء ما عجبها ردها نوره كانت بترد بس سمعت صوت اسامه شذى تغطت ام احمد : ادخل يمه نوره توسعت عيونها وتكلمت بسرعه : اسامه لحظه لفت وهي تشوف عباية اسماء مفتوحه ببنطلونها الضيق وبلوزتها الكت وشعرها الي ماغطته تكلمت بقهر : انتي ما تسمعين أسامه بيدخل تغطي شذى ابتسمت لرد نوره اسماء زفرت بطفش وهي تاخذ شيلتها تلفها على شعرها باهمال وحطت رجل على رجل ام احمد بابتسامه : عادي هاذي النظره الشرعيه نوره وقفت بقهر ومشت وطلعت لاسامه : هلا اسامه بغيت شي اسامه : لا بس كنت بدخل اسلم على الوالده واقعد معكم ليش فيه احد نوره وهي ترفع صوتها : اي عندنا ضيوف ثقيلين على القلب توسعت عيون ام احمد بصدمه وما كانت صدمة اسماء واسيل اقل منها اما شذى كتمت ضحكتها على صدمتهم اسامه طالعها بعتب من كلامها الاخير وبهمس : نوره وش هالكلام كذا نتعامل مع ضيوفنا نوره : المهم اروح اجهز بتوديني لاهلي اسامه : اوكي بس تخلصين اتصلي بروح اقعد بالمجلس مع الوالد نوره : ان شاء الله دخلت وهي تشوف الحقد بعيونهم والقهر : وش الي قلتيه يا نوره اسماء : لا انا انهنت يا عمه مالي قعده هنا نوره : الله وياك يا قلبي اسيل : نوره ما اسمح تكلمين اسماء كذا سامعه نوره ببرود : اوكي سلام يالله فايز فايز وقف وهو يمسك يد امه يروحون يتجهزون اسيل : ما عليك منها مريضه اقعدي خليها عنك اسماء بقهر : عشانك بس شذى وقفت وطلعت ____ عند اسامه وقف قدام بيت اهل نوره طالعته نوره : بنام عندهم اسامه : لا نوره بترجي : اسامه اسامه : الساعه ٩ جاي لك نوره : طيب ما بتنزل اسامه : لا نوره : يعني شلون تجي لعند الباب وما تدخل تسلم اسامه : طيب خلاص بنزل سكر السياره و نزل فتح الباب لفايز شاله و دخلوا طقت نوره الجرس فتح لهم سعد ابتسم بفرح : يا هلا والله فتح الباب اكثر وهو يدخلهم توجه اسامه مع سعد الي معاه فايز لمجلس الرجال سلم اسامه على حسام الي رحب فيه ضمت الجوري : وربي نورتي يالغاليه وين النتفه اشتقت له ضحكت وهي تقعد جنب امها : مع سعد الام : كيفك يمه عساك مرتاحه نوره : الحمدلله الجوري : اهل زوجك شلون هم وياك نوره طالعتها : عادي الا ثريا ما بتجي اليوم الجوري : لا جات امس وقعدنا مع ام سعود سوالفها تونس نوره : اخ يعني فاتتني الجمعه امس الجوري وهي توقف وتروح تجيب لنوره عصير نوره خذت العصير ولفت لامها تسولف معها مر الوقت وما حست فيه وهي قاعده معاهم و انضم لهم ابوها وسعد تحب لمة اهلها بس ناقصهم ثريا في هاللحظه ___ في غرفة احمد شذى : احمد يعني شلون ما تبيني اروح حفلة تخرج اختي احمد ببرود وهو يركب الكبك على ثوبه : ايه مافي روحه شذى : طيب ليش احمد لف لها : كذا قلت لا يعني لا تفهمين شذى : لا ما افهم احمد طالعها وهو ياخذ جواله بتجاهل لكلامها : مع السلامه شذى قعدت على الكنبه بقهر وش بتقول لاختها اذا ما راحت الحفله عضت طرف شفتها بقهر دخلت شيماء تبكي طالعتها : وش فيك شيماء : ماما طلال ضربني شذى وقفت وهو معصبه من احمد نزلت وهو تشوف طلال مسكته من يده : ليش تضرب اختك طلال كان بيتكلم بس خاف من شكل امه هي نادرا تعصب عليهم بتردد : ماما ما خلتني اطالع واشر على التلفزيون اسيل مسكت طلال : شذى وش فيك على الولد شذى خذت نفس : اسيل لا تتدخلين مسكت يد طلال و شيماء ومشت متجاهله كلام اسيل دخلت غرفة عيالها قعدت على السرير وهي تاخذ نفس لفت لهم شافتهم يطالعونها بخوف ابتسمت ومدت يدينها لهم و هما ارتموا بحضنها ___ رن جوال نوره شافت اسامه المتصل وقفت و هي تسلم على ابوها وامها والجوري وسعد لبست عبايتها وشيلتها خذت شنطتها ومسكت يد فايز وطلعت ركبت السياره خلت فايز وراء سلمت ورد عليها السلام وقفت السياره قدام بيت اهل اسامه نزلت دخلت البيت وهي تسلم عليهم وراحت غرفتها فسخت عبايتها وعلقتها توجهت للكبت و هي تأخذ روب نوم ناعم لونه سكري بدلت ولبسته وخلت شعرها مفرود على طوله لاخر ظهرها و رشت عطرها بكثافه لفت للباب الي انفتح دخل وسكر الباب وهو يتأملها انوثتها طاغيه قرب وما نطق بكلمه يطالعها بهدوء و ما يسمع غير دقات قلبه نوره ابتسمت : وش فيك ساكت اسامه ابتسم مد يده لخدها وهو يردد بيت نزار قباني الشهير : فاذا وقفت امام حسنك صامتا فالصمت في حرم الجمال جمال نوره ابتسمت وخدودها توردت باللون الاحمر قربها منه وهو يضمها له ويدفن راسه بشعرها نوره بعدت عنه وهو سحبها بس كانت سحبته لها قويه اندفعت فوقه و هو ما توازن وطاح على السرير وهي طاحت فوقه ضحك عليها : وش هالقوه الي عليك طيحتيني نوره وهي تضربه على كتفه و تبعد وتقعد جنبه : ترى انت الي سحبتني بقوه كنت بتخلع كتفي اسامه ضحك لفت له بابتسامه وهي تتأمل ضحكته قربها وباس جبينها بعمق بعد وهو يشوف لمعة عيونها بحبها له مد يده وهو يدفها لوراء بهدوء لف على طق للباب تأفف طالع نوره الي كاتمه ضحكتها عليه مشى للباب وهو يسمع الطق يزيد فتحه وشاف اسيل معها فايز الي يبكي : نعم اسيل : ولدك يبكي مو راضي يسكت اسامه فتح له الباب ودخل : شي ثاني انسه اسيل اسيل : وش فيك معصب اسامه : لا بالعكس هادي ومروق ضحكت اسيل : اي واضح خلاص سلام اسامه قفل الباب مشى لفايز الي كان قاعد بحضن امه : وش فيه فايز البطل يبكي نوره ضمت فايز : فديت الحلو يا ناس تنام عندي فايز هز راسه بطفوله : اي نوره ابتسمت انسدحت جنبه وغطته اسامه رفع حاجب نوره ضحكت : شفيك اسامه : ابد سلامتك يعني انا اطلع برى نوره : تصبح على خير اسامه ابتسم وقف وهو يفسخ ثوبه و يلبس بجامة لف لها وهو يشوف فايز نايم وهي تلعب بشعره مشى بهدوء وشال فايز اخذه لغرفته غطاه وطلع راح لها وانسدح على فخذها وحط يدها على شعره وهي تلعب فيه فتح عيونه وريحة عطرها تداعب انفه بقوه نوره : اسامه اسامه : عيونه نوره : تحبني اسامه : بجنون نوره تنهدت بعمق و تلميحات امه لها تضايقها اسامه : وش سر هالتنهيده نوره : اذا امك طلبت منك تتزوج واصرت بتوافق اسامه طالعها باستغراب وجلس : ليش هالسؤال نوره امتلت عيونها دموع : لانك تدري من بداية زواجنا وهي مو متقبلتني وتكرهني اسامه ضمها له وتنهد بعمق اي يدري ان امه مو متقبله نوره تبي تزوجه البنت الي تبيها هي ونوره كانت اختياره ____ يوم جديد لابسه فستان اسود طويل مفصل على جسمها الاكمام نازله عن الكتف و يزين عنقها عقد ناعم واذنيها حلقين و اسواره وخاتم و شعرها مرولته وحاطه مكياج خفيف دخل احمد من شافها وقف وهو رافع حاجب : وش قلت انا شذى : احمد لازم اروح تعرف وش يعني حفلة تخرج اختي رن جوالها وكانت المتصله اختها نزلته على الكوميدينه : خلاص اذا ما تقدر توديني بروح مع السواق طالعت احمد وهي تشوفه قاعد على الكنبه يطقطق بجواله تجمعت الدموع بعيونها من تجاهله لها لف لها احمد بعد ما شاف هدوئها وهو يشوفها مقهوره وضاغطه على يدها ودموعها بعيونها اخذ نفس عميق وهو يمشي ويقعد جنبها : طيب خلاص قومي باخذك لاهلك شذى رفعت نظرها لفوق : يعني لازم تكدر مزاجي وتضايقني وش بيصير فيك لو قلت روحي من البدايه احمد ببرود : راح ابدل ملابسي وبس اخلص راح نمشي ما ابي اي تاخير طيب شذى بضيق : طيب لبست عبايتها وشيلتها و طلعت لغرفة عيالها فتحت الباب وابتسمت وهي تشوفهم قاعدين وطفشانين : وش فيهم الحلوين طلال : ماما طفش متى بنروح شذى مشت لشيماء وهي تلبسها الجزمه طالعت لها عدلت شعرها : الحين بنروح طلعت ودخلت غرفتها شافت احمد يعدل شماغه خذت نقابها تلبسه و شالت شنطتها احمد : يالله مشينا __ نزلت نوره من غرفتها وصلت لصاله وهي تشوف اسيل قاعده بروحها : اشوفك قاعده بروحك وين خالتي اسيل رفعت نظرها لها ببرود : راحت زياره نوره : اهااا طالعتها وهي رافعه حاجب باستغراب : اشوفك كاشخه رايحه مكان اسيل من نظراتها : وش قصدك يعني انا دايما مبهذله ما اكشخ الا اذا ابي اطلع نوره صبت لها شاي : مو قصدي كذا بس استغربت اسيل بقهر وقفت : ادري تغارين لاني احلى منك نوره شرقت بالشاي و بعدها ضحكها ملأ المكان وقفت وهي تأشر على اسيل : انا اغار منك على شنو على رشاقتك ولا اخلاقك راجعي نفسك يا حلوه اسيل طالعت وهي ترجف من القهر كلام نوره قهرها تدري انها ميتنه شوي واخلاقها ماله داعي تتكلم فيها وقفت قدامها وهي ترفع يدها بتضربها كف تطلع كل قهرها فيه بس وقفت يدها مرتفعه قبل لا توصل لنوره من صوته : اسيييل انتهى البارت