الفصل 3
هيبة(تدخلات)شكرا اخوياا اميين خوك دار اللازم
امين:ردي لبال مرة خراا
اقبال:نخليوك هاد السااعة
امين:وخة ندرو من بعد
,ركبات فطموبيلتها حداهاا جابر واللور حيااة مع سدو لباب شافيها وقال:بااااز
اقبال(شافت فيه وحركات رااسها )
هيبة:اقبال تيليفونك عفااك
جبداتو من جيبها مداتو ليهاا الاخيرة شداتوو وسيفطات ميساج ل عمراان
" بب مبقيتش جااية شفرو لياا الصااك 😭😭فيه تيليفوني او لكارط دياالي "
بقات شادة تيليفوون على امل يجااوبههاا لا مجيب توصلو مدات تيليفوون لاقبال من بعد مامسحاات لميسااج يالله بغات تنزل اقبال وصلها ميسااج وحلاتووو
عمران:ههههه وايليي اش عندهم ميشفروو لييك تنكيت بب اتبقاي فيهم ويردو ليك الصااك
طلات هيبة وقالت:ميساج لياا
اقبال(سدات التيلي)لاا غير لخدمة سيري لداار
هيبة:واخة
مشات هازة رجليهاا حيت الصندالة تقطعات وكتفكر فدييك لي مكتعاتقش ملي تشوف صندالتها مقطعة فمها بارري منها وليوم مخداماش بلا شك اتصبنهاا....
مسحات لميسااج وحلات لمحاال تبااشر خدمتهاا وجابر كداالك مشا حل لمخاال عامر عوود وخدمة هاا طوابل هاا ماريوات سدادر منقووشين ولعود وبلاكاراات تاع بيت نعاس ولكوزينة وماكينة لوسط كتقطع لعود الى محكمتيش ايديك فيها اطيرها ليك وداكشي لي وقع ل جابر بسهوة منوو كيهدر دات لييه صبعوو
بدا خدمتو هوا الاخر كيصبغ فلباب بلفيرنيي ولاوي شال على نيفوو طايرة علييه لغبرة تاع لعوود كتبان بيضة فوق شفاروو ...تسمع لحركة وراه وضاار لقاها كريمة بجلابة صيفية فيها لفتقة تا الركبة او صندالة تاع صبع
كريمة:جابر لباااس
جابر(حط صباغة )نحمدوو هانية اكريمة!!
كريمة:بخيير قولياا مسااليي بغيت نقاد بلاكارات لكوزينة
جابر:الى كنتي مزرووبة عليهم منضمنش لييك عنندي لخدمة بزااف هانتي كتشووفي
كريمة(تبسمات)الله ايزيد فرزقك ياربي ...واكن انا بغيتك نتا لي تخدمهم ليااا خدمتك متقوونة ميهمش امتا تساليهم
جابر:وااخة جبتي لعباار وشكل لي بغيتي
كريمة:لا مجبتووش تاتجي تعبر لياا (جبدات تيليفونهاا وقربات جيهتوو وراتو تيليفونهاا وشدو من عندها)هاد شكل لي بغييت (هوا كيشووف ف التيليفون بتركيز وهيا مسلووبة فييه القلب ومايرييد ريحتو مخلطة مع ريحت لعوود لونو الغاامق شوي ولحيتو لكحلة ماكاينش شي حااجة سبيسياال فييه ولي تخليك طيح فيه بسهوولة راجل عاادي من النوع لبسييط لبلدي يمكن هدشي لي خلاها تبغييه وتغرق فييه هز فيهاا عينيه لي كيمتتازو بشفار مفرقيين طوال كخلين وعينين كحليين وحجبلن عرااض زينوو حرش ..
حلفات لهبطات عينيها تحشم هواا ومد ليها التيليفون عاد فااقت هبطات عينيها محرجة وقال:صافيي لعشية نجي نعبر ليك الطولة
كريمة:صاافي واخة
خرجات كتعوج وهوا متبع ليها لعيين تخرجاات كاتمة الضحكة ولحناك تزنكوو ...ضحك تهوا ورجع لخدمتو تدخل لمتعلم كيجريي حيت تعطل
*ءغير سمح لييا راه الطوبيس تعطل
جابر(خنزر فيه) زعمة نتااا غير لي بغا يعطييك الساروت تبدا تحل وكض معانا شويااا
**كون هاني اخر مرة والله
جابر:هااك....كمل هاد لبباب بلفريني عنداك تخليه مرقع ...
دخلات هيبة كتسلت لقات لموسيقة مطلوقة فالدار وشكون من غيرها الشيخة ديال غيتة واقفة فالصالة لاوية على وصتها لموزوون وطالقة شعرها طوييل مغطي ترمتها لابسة كولوون او ديباردو وجامها تحت السوتيان باش تبان كرشهااا ....وقفات هيبة فدرووج كتحيد فالصندالة وكتشوفيها
كتهز وسطها ودخل كرشها وتخرجهاا باحتراافية وتعوج بصدرها حركاات متقوونة وجسم مرن كتخليك تبهض فيهاا وتبقا متبع ليهاا الشووفة على اغنية تيك تاك توك
تفزعات هيبة ملي شافت حياة خارجة من لببييت معمشة بنعااس هزات صنداالة ودخلات لغيتة لي كانت حانية راسهاا كتجدب بشعرهاا تجراتها حياة منووو
حياة:شحال من مرا تبريت منك الشاالووطية(بلغوات)كتلوزي ليااا فتلاتا تاع لعشية الكلبةة
هيبة(جات كتجري تفك وغيتة كتغوت طاحت على ركابيهاا )وبعدي منهااا الهيشة تفووو
غيتة(كتغوت)وماممااااا هءهءه وشعرييي ومتقيسيش شعرييي الكلبةة حااسدااااااني على شعرييي اييي (عطاتها بالصندالة لضهرها لي عريااان وكلساات كتقرص فيهاا تقلبووها منااتفةة بدات هيبة كضرب فحيااة لي ولات كتعض فغيتة من كتفهاا ولاخيرة كمشات على شعر حيااة مفكاتهم هي بستين كشيفة
حياة لابسة ديباردو بان نص صدرهاا كيلعب وشعرها تشعكك :الى مديزتك يالبواالة كي لحوالة منتسمااش
غيتة(كتجمع فشعرها وكتقيس فكتفها لعضة )هءهءهء بلاتي تجي اقباال هءهءهء امتا تمشي فحاالك
حياة:نعل حيااة مك القحبة ....باغة تولي شطاحة فلبيراان نعل ظيلمك
هيبة:وصاافي (دفعاتها تجات كالسة)خرا شحال فيك تاع تعرعير تفوو خليها تشطح ياك غير فداارهم لقيتيها فالزنقة
غيتة وراهم كتبكي حيداات الديباردو وبقاات هي بالسوتياان وكتفها معضوض ومقموشة عندها هيا الاخيرة حقها من معالم الانوتة صدر صغير وااقف ومؤخرة بارزة شوية بكترت شطيح والتلواز خمرية اللون عكس خوتاتها كلهم بيضاات
الغالية فاقت مبوقة خرجات كتعرج لقاتهم منوضينهاا ف الصالون وغيتة كتبرد فلقمشات وقالت:اماالك مشوهينا مع جيراااان واش معيتووووش
حياة:واش نتي كلستي من تشيااخت ودفلتي لهادلبرهوشة فيدها خق رب تنهرس لمهااا علاش كتكلس (شافت فيهاا لقاتها كتعيب فهضرتها وبغات تنوض ليها تشداتها هيبة)هاد بنت لق** غنكدد ز* بوهاا
وقفات غيتة كتعوج وهيبة شادة حياااة:غنشطح(عوجات مؤخرتها ونردح (حركات لموزون وكترخي فهضرتها )او مسوووق تا حد فياااااا (شافتها نايضة ليها وغوتات وضرباتها بجرية تسدات عليها لباب وطرقات بالسارووت وكلسات على سري كضحك وتقلي فالسم
حياة:لقداااتت فيييك البرهوشة طلي عليااا
دخلات كتنهج عليهم وتسب وتغرق لقات هيبة كالسة سااهية كتنهد وقالت:عمري شفت ديلمك داخلة نااشطة اش دار دار ولد بابي
هيبة:اش عندو ميديرر فففف انا لي تشفر لياا صااكي متلقيتش بيه هادي رجلي انا واقبال من لكوميسارية
الغالية:اويلي وحديي يكما دار ليك شي حاجة
حياة:شفتي تنقوليك طريق دااك زرك لكماارة راه منحووس لديلموو
هيبة:اودييي
حياة:صهداتني هاد لكلبة ندخل ندووشش ونجي نكملو مشا صاك يجي صااك متخميش احبيي (غادية لدوش لي مقاابل مع درووج تاع لتحت مشاو عينيها لصندالة لي طاير ليها الطالون وغوتات )هيباااااااا ناااريييي غيقتلوني فهاد الداار الله اعطي لبووكم الزنزال
هيبة:وتقطعااااتش اش ندير ليهاا
حياة(هزاتها سيفطاتها على هيبة جاتها فلكتف وشداتو موعتة)باقة تهزي شي شرويطة نخرااا عليييك تفووو
كان وقت لعصر مشات اقبال صلاة فالدار ورجعاات لخدمتهاا كيف لعاادة توقفات طموبيل جنبهاا هزات عينيها فييه وهبطاتهم ... سد الطموبيل وتوجه لعندها بكامل انااقتوو ربت فوق لكاابو بايدوو وقال:مخاصميين
اقبال(هزات رااسها فييه دايرة كاسكيط كحلة وزغيبات نازلين ليها من جنااب) لاا شكون قالهاا ليك
امين: كنصوني ليك دابا مجاوبتييش
اقبال:ااه خليت تيليفون فالداار كيتشارجا ونسيتوو ...شنو حب لخاطر
امين:نتي عارفة خاطري اش بغاا
اقبال:امييين !! راني خداامة
امين:غتبقاي غير خداامة...متعيشيش حيااتك حتى نتيي ...شنو ناقصني ا اقبال
اقبال(محنية على لكاابوو وساطت )مناقصك والوو تمنااك اي وحدةة
امين:ونتيي !!
اقبال:اميين اناا عندي مسؤوولية ومكنفكرش فشي حاجة خراا داباا من غير خوتي
امين:فكري فراسك شوي ...اقبال بكلمة وحدة نجيب دارناا ونجيي كنتسنا هي اشاارة منك ...معنديش مشكيل تخدميي بدارك بووحدك قاد بييك وقاد حتى بعائلتك
اقبال(هزات حاجبهاا)كنبان لييك طماااعة ولا شنو
هز امين ايدو بقلة حيلة. وقال؛هانتي فهمتيني غلط
اقبال:شووف دابا من وااعدك بواالوو ا اميين
امين(تبسم)بمعنى اخور غتفكري فهدرتي (عوج راسوو فيهاا)الله اهديك حني فيناا
طلات كريمة من الدار لفوق وقالت:اقبااال بغيتي اتااي
اقبال(هزات راسهاا )لاا بصحة (شافت ف امين )خاصك شي حاجة
اكين؛نسيتيني علاش جااي .. لبرهوش لي شفر لختك بزطامها راه شدووه (مشا جبد صاك صغير فلوردوو مدو ليهاا) صباح دووز غير تسني وصافي
اقبال:شكراا ا امين بلغ شكري ل خوك
امين(بعد الصااك) اش قلنا فهدرتنا
اقبال:نبقاو نعاودوو فلهدرة!!
امين:راسك قاسك الالة اقبال
طيرات ليه الصاك وقالت:هدششي لي عطا الله
سلم عليهاا وكمل طريقو على رجلييه تالمحاال جابر لقاه كيشرب فاتااي شافو ونااض سلم عليه
امين:كملتي ليا لباب اجاابر
جابر:صباح ان شاء الله يكوون واجد
امين(جبد بزطاموو )شحال بقا لييك
جابر(جبد دفتار من لمحال كيقلب فيه )بقا 1500 ونساليو لحسااب
جبدهم ومدهم لييه دارهم فلمجر وشدوو لهدرة حتى قال امين: امتااا
جابر:والسيمانة جااية ان شاء الله ضروري تحضر
امين؛ ههه وايلي اصااحبيي لعرس فدكاالة ومنحضر
جابر:بغيت نديرو غير هنا فشي قااعة ولكن جداها حلفات حتى يديرووه تماا وتاا شادية مبغاتش لعرس غنديرو هي شي حاجة بسيطة ونجيو
امين:واش غير كاين لخييل هههه
جابر:موسم مولاي عبد الله كااين تشبع خيل
امين؛ان شاء الله. نخلييك داباا
جابر:الله اعااون
هز جابر مدكرة صغيرة مع ستيلوو وساس سروالو من لغبرة تاع لعوود وفوق راسو وتوجه لجيهة اقبال لقاها واقفة مع كريمة
حابر:مشينا اكريمة!!
كريم؛اييه واخة
حلات لباب وطلعات قدااموو بفرحة االدار كتفووح برائحة زوينة كتشتل ونقية وريحت جافيل وسانيكروا عاطية نقااا والتاويل
كريمة:زيد اجاابر مرحبا بيك
دخلاتو لكوزينة متولة تحاااجة ما مزلعة وقالت:هناا تحت لبوطاجي بغيت نبدل هاد لبلاكراات معجبونييش باقيي
جابر(حرك لبيبان)هاد لعود زويين غير مامخدوومش مزياان
كريمة:انا مليتوو مبقاش عاجبنيي او بغيت ندير بلكاراات لفووق بلعود ويكونو كوليس بزااج نبدل الديكوور
جابر(دار ستيلو فموو وجبد السانتييم ونقز فوق لبووطاجي طلع )غنوسخ ليك هنا شوي
كريمة:خود رااحتك لي توسخات تنقاا هه
ضحك ليهاا وكيعبر وهيا كتعبر فييه وتلعب بشعرهاا صوتو مبحبح ولكنة زويينة
جابر:بغيتيه على طول لحيط ولا هي قياس لبوطاجي
كريمة:همم لاا على طوول لحيط ...ههه راني مبلية بلمااعن كنبقا نستف حتى مكنلقا فين نخشيهم ههه اه وديرو ليا هابط شوية راني لاصقة فلرض
ضحك كيعبر وكيكتب :هداك هوا طولك اش بغيتيي طلي على بنادم
كريمة(ضحكات )هههه... مبرووك مداارت شادية لعقبة لييك
عينيه فالسانتيم وقال:امييين
ملقات باش تجبدو مرة خراا تنزل وعبر ليها لبلكارات لتحت وهيا واقفة ورااه متبعااخ وكتنهد ...مخلا شكون خطبها ورفضاات بووحدها فهاد الداار لا حنين لا رحييم من نهار حلات عينيها حلاتها على جداهاا توفاات وبقات ليها الدار ساكنة فيهاا وكارية لفوقاني عايشة بيه
جابر:صافي ان شاء الله واخة غادي نعطل عليك لخدمة شوية ولكن غننوجدها ليك
كريمة :وخة ..ا جاابر لماريو لي كنتي صايبتي لياا تحل ليا واحد لباب
جابر:وريه لياا
مشات قدامو وهوا كيرجع السانتيم لجيب اللوراني داتوو لبيت نعاس مرتب وريحت لعوود كتجيب الرااحة فييه وراتو باب محيد
جابر:جيبي ليا طرنوفيز نصايبو ليك
كريمة:واخة
مشات بجري تجيبو وطركات لمؤاية شافت راسها عاد مشات عندوو ركبو ليهاا وقاادوو ومد ليهاا طرنوفييز وقال:كرييمة علاش لواليدة متجيش تسكن معاك
كريمة:عارف ناس لبلااد ولفات دارها مرة مرة تانجيي تشوفني وتمشيي ....وفينما تجيي تصدع ليا رااسي بزواج هههه راك عارف
جابر: زواج ارزااق
كريمة:منكدبش عليك انا باغة راااجل ماشي ديكور نحطو فالداار (شافات فيه بعييوون هاايمة ) وخة نمشي انا نخطبوو مخصني خير الحمد لله غي رااجل وقت لحزة يوقف معااك
جابر: ان شاء الله كلشي قريب عند الله اكرييمة (حك لحيتو)صافيي هدشي لي كاين
كريمة:صافي
هبطات معاه تالبابب بغا يخل وتعكس لييه وضحكات وجات حداه تحل وقالت:هاد لباب كيعرفني غير اناا (هزات عينيهاا فييه وتبسم ليهاا
جابر:معرفكش ولاا
كريمة:شناهواا
جابر:لبااب اكرييمة لبااب
ههبطات عينيهاا وحلات السااقطة وبغات تبعد وتلاصقو فلباب فين ما مشا يمشيي تضحك وقال:طلعي نتي باش ندوز
كريمة(طلعات درجة عاد حل لباب وخرج وبقات متبعااه بعينيها تمشا عن اقبال
اقبال:قاديتو بلكراات ولاا قريتو لفااتحة
لعشية وصلاات كلشي داخل لداارو ...مجموعة حياة وهيبة فالصالوون
هيبة:حياة تيليفونك جوج دقايق
حياة:باش تدوي ليا مع داك بو ق** لي مكلفش راسو يسول فيك
هيبة:حرام عليييك فين غيسول فياا او هوا معارفش الدار
حياة:ديك لهدرة قنعي بيهاا مخك انا ولاد لكلاب ميخفاوش علياا
ساطت وهزات التيليكومووند كتهزز فرجليهاا وغيتة غادية جاية فالداار
غيتة:حيااة طلقي ليا لكونيكسييون لويفي خسر تفوو
حياة:مقطوووعة ليا لابووونموون
غيتة:والله تا حشوومة عليكم اووف
حياة:ياك بغيتي تولي شييخة جيبي صريف اوحبااي
غيتة: نشطح فكناازتك اختااي
هيبة:واش نتيي مكفاتكش النتفة ديال صبااح
هزات كتاافها معنقة لقنت تاع لباب كتغبن وشعرها مرمي ورااهاا وقالت:ليوم موك صاايب ايدير لايف عطيوني باش نشاارجيي عفاااك ...ماماااا مااماا
الغالية(طلات عليها)اش بغيتي شهمتينيي بالتعبئات ريال لي طاح عندي تهزيييه
غيتة:خراا
مشات كتخبط(لاش والدينا ملي مقادين عليناا لااش
مشاات لبييت وكتمشي وتجي تدخلات لبييت لبنلت عاضة على فمها مشات لبزطاام حيااة هزات ليهاا 30 درهم ورجعاتو لبلااصتوو فين كان وطلات من لباب وخرجات كتسلت لبيتها لبساات سروال بيجامة وتيشورت نص كووم عريض شوي ...يالله بغات تخرج دخلات اقبال وحطو لكوتي ..
هيبة(كتعنق فتيليفونهاا)وخة كنسخط علييه دييمااا ولكن منعيش بلا بييه
اقبال:ردي لبال لرااسك اما داكشي كييتعوض
الغالية:الله اخلف على سي اميين مسكيين تيوقف معاناا
حياة:عرفتي هداك وتريكتهم خانزين فلوس ومع دالك تيجي تالمدينة القديمة باش يصايب طموبيلتو عند بيلوو
هيبة(ضضحكات)اش عرفك نتي فداكشيي
اقبال:قلبو علينا هاد لموضضووع
غيتة:ولكن رااه فسر اختي واااعر دوك حفيرات الزين عندو امزينهم
حياة:خليك نتي هي فداك فار دكيك لي مشبعانا تصاور ديالوو
غيتة:انااا الى مكاان كيشبه لموك صاايب لعينين بحال سماا وشعر شهب وكيشعشع بنقاوة والله لديتوو
هيبة:والسيد مزوج وعندو ولادوو
غيتة:انا بغيتو قبل متجي دييك رووزااا يععع كتبان كبر من موو عطيه لعماا غرقاتو ولاد خافتهم يتسالاو
اقبال:باااز بااز...اه مقلتش لييكم عرس شادياا ايديروه عند جداهاا ف جديدة
غيتة:حلفييييي احح شحال مامشيت عندهم تما وااعر
الغالية:وبعدوو بزاااف مفيا لي يشد شي طريق
اقبال:اوى كلسي شكون بزز علييك تمشي
غيتة:انمشيي نشوف شادية ونجيي دغياا زالله منتععطل
ناضت هيبة كتجري طلعات لسطح او حيااة مشات لكوزينة بغات الغالية كتشوف فاقبال تهزات الاخيرة عينيها فيهاا وقالت:مالك!
الغالية:من صغرك قلبك كحل
اقبال:الله اخلف عليك نتي وسي حممد درتو خدمتكم
الغالية:لقا قلبك هك تاحد ميعاشرك فسبيل الله كرناتك تزوجو ونتي مبقا ليك والو وتقفليي تلاتييين ...ها جابر داخل خارج معاااك كون كنتي لالة ومولاتي كون رك مزوجة بييه
اقبال:(بهدوء)حياتيي ومشغل حد فيهاا الغالية ....ولكنت جامعة معاك الطبلة غير على قبل بنااتك ...عواض تحضييينيي نوضي طلبيي وصلي باش ربي يغفر لييك ونوضي قلبيي على بنتك لي لحتيهاا ...
خرجات غيتة طالقة شعرها كيضرب فيه الرييح واخة سخون لخال والضلمة طاحت دايرة لكييت وكتجر فلكلاكيطة فالشاارع جراتهاا ايد من شعرها
غيتة:اي اي اي
جابر:اش كديريي فهاد الليل
غيتة:هنننن بعد منيي خارجة لحانوووت ازمر طلق من شعري
جابر(يكيدي فيها ويجيب)لي خارج لحاانووت كي خرج هاكااا هااا ...طيريي لداار
غيتة:وطلق منييي مشغلكش طللق ....بغيت نشاارجي
جابر:اش باغة تشارجيي !! حدا لحانوت عاامر دوزي لخربتكم غنخسر لمك وجهك فهاد الليل(ضريها لرااسهاا) دووزي
غيتة:بغيت لكونيكسييون تفووو على مرض
غاديا رااجعة تهز رجلو وركلهاا لمؤخرتها قوال:بلاتي نشد مك البرهوشة لسانك نبرضو
ديك الركلة كانت اطيحها على وجهاا خلاها ومشااا وقالت معصبة:جااابر
قلب وجهو لعندهاا بمعنى اش بغيتيت
غيتة(تعوجات)راااه قالوهاااا دكاالة ركاالة (شافتو جااي ليها بجريي طلقات حلووقهاا وغادية كتجريي تخلات صندالة فالزنقة
مشات كتجري لقات باب دار جابر محلولة طلعات كتعيط على شاادية وكتغبن ورجليها حفيانين
غيتة:شاااادياااا
جاها صوت من لفووق :طلعييي الفاارة هاني لفووق
طلعات كتجريي وقالت :طلقي لياا لكونكسيون دغيااا ايبدا لاايف تاع حبقلبييي حميمتك
شاديا :تيليفوني فالصالة هانا جاية
مشات بجري لتيليفونها بارتجات لكونيكسيون ودخلات لايف لقاتو عاد بداا عضاات فلمخدة وقالت:اخححح على زين احح
طلات شاادية بنت فالتلاتين بكتبان صغر من عمرها باعوااام لابسة بيجامة مستوورة ولاوية على شعرها زيف عاكفااه ودايرة ماسك لوجهاا
شادياا: نسحابك موحشااني نتي باغة غير لكونيكسيوون
غيتة(عينيها فالتيليفون)كنت غادا لحانووت وضربني جاابر وجيت(شافت فيهاا)دوي معاه كل مرة يركلنيي
شادياا:ونتي اش مخرجك لبرا وطالقة داك الساالف
غيتة(هزات كتاافهاا وقالت)شغليييش ...كاين الشكلااط
شادياا:لاااا والله مبقا
غيتة:بفف ششش ببدا بدااا ياربي على عوينااات كيفتنو بالزين اشاادياا احح سعداتك ديتيه غينيه خضرات معندوش خووه
شادي:خوي لمك ضرااس قراي قراي نمشي نغسل وجهي
مشات لدوش وغيتة شادة تيليفوون توصلاتها تعبئة شافتها فاميساج وكملات فلاايف ما هيا الا دقائق تاتحل لباب وهيا ولا على باالهاا تحسات بشي حاجة جاتها فلوجه لقاتها بكية تاع الشكلاط وهزات راسهاا
جابر:واش صمكة!! باقة تخرجي هكا نحش لمك رجليك
غيتة(كتبركم تحت فمهاا وكتحل فالشكلاط) لقدات فيك اجي
جابر :حط لميكاات وقرب جيهتهاا عطاها جوج تصرفيقاات بالضحك وهياا كتغوت ومدابزة باش تشووف لاايف ...خلاهاا ومشاا لبيتو بدل علييه بكندورة وصلا لمغرب وخرج لصالون فين كالسة هياا فلقنت كتكتب فلميساجات فلايف ومداابزة هي مع لمعجبات هي لي قالت شي حاجة تسبهااا مرة مرة يهز راسو فيهاا يلقاها كضحك ويحرك راسو بلا حول
جابر:اتحماقي غير مع ديك الشقفة
غيتة(عينيها فالتيلي)باركة عليك نتا هيي الاخباار
تكا شاد لجزيرة تكلسات حداه شادية لوجه صاافي بيض كيداكرو على لعرس ...
كبرو بجوج بيهم بحضوور جدااهم لي غير كبروو وشادية مشات لبرا كملات قرايتها ورجعات لدارها وبقا جابر بووحدوو مرة مرة كتجي عندو تشوفوو وتكلس معاه تاتعيا وتمشيي .. هوما كالسين ولخرا غاطسة فالتيليفون مهياش فهاد لكون
صونا تيليفون جابر وجاوب:وييي
اقبال:كاينة تمااا
جابر:شادة واحد لكوان كي طلاابة
غيتة:بزاف عليييك(هبطات راسهاا بهمس)اغراب جامع
اقبال:كوليهاا تجي دااابااا
جابر:شوية ونجيبهاا
نص سااعة وهيا كلسة مربعة فوق سداري تكلات الشكلاط وتسالاا لايف عاد هزات رااسها ف جابر مقابل معاها متكي وشاد تيليكوموند فايدو وليد لخراا ورا رااسو لكندورة مهزوزة تحت منها شورط اسود فوق من الركبة بشوي
غيتة:امتا غنمشييو لجديدة
جابر:معرض عليك حد
غيتة:عفاااك ياك كلتي لياا الى مشينا نديك لموسم تشوفي لخيل
جابر:السيمانة جااية ...نوضي لداركم نوضي الليل هدا
غيتة:شادياااا كيجري عليا هداا
شادياا:باتييي معايااا
غيتة:غدا نبات معااك مقلتهاش لاقبال (وقفات )نوض وصلنييي نتاا
جابر(شافيهاا)شيفور عند باااك اناا !! زيدي دابا نصليها مع مك
لبس صندالتو ولبسات صندالتها سد لباب ورااه ولوا ليها ايدهاا منزلها فدروج كطلب وتزاوج
جابر:انا ركااال !
غيتة:ههههه وغي ضحكت معااااك اخوياا حق الله ننهه عفاك
جابر (طلق منها وخشا ايدو فلكندوورة هازهاا كيجر فلكلاكيطة ولي داز كيرمي ليه السلاام وغيتة شادة التيليفون وقالت:معطيتكش فلوس التعبئة!
جابر:عطيني هي التيسااع
ضحكات كدق فباب دارهم تحلات ليها هيبة وقالت :جيتييي ا ستميات رياال طلعي لبغلة لقبور ليوم تشتف عليك
لصقاات غيتة فجاابر كتغبن وقالت:ممدرت والووو
هيبة:انا لي درت (حلات لباب)حياااااة هاهيا جااات
جابر:اش دارت !!
سمعات الدرديك ولصقات فجابر اللور بغات تلاح عليهاا حياة بنتفا وحبسهاا جابر بايدوو
جابر:حياااة واش كلشي عندك مناتفة كي طيابات فلحمام الله اهديك
حياة:هزاات لياا فلووسيي بنت لحرااام
غيتة(خرجات عينيهاا)اناااااا الله اعطيني موصيبة مهزيت ليهااا شي حاجة شوف فين طاحت ليك
نزلات اقبال بسورفيت ديال الدار هزات صندالتها وعطاتهاا لحيااة لضهر وهيبة وقالت:شوهتوونا مع جيراان دخليي دخلي
غيتة:والله مدرت شي حااجة
اقبال:نتي بداااات تنطلع
طلعاات حيااة كتغرق وكتسناا غيتة فدرووج ب شارجوور لاويااه على ايدهاا
جابر(جر غيتةة وجمعها معاها بضرية لرااسها وقال)كطيري ابنتيي كطيري
فاتت فاقبال خلاتها واقفة مع جابر فلباب
حياةغير بانت ليها غيتة جراتها من شعرهااا كتغوت دخلاتها لبيييت
جابر:ه ديك لموصيبة اتقتلهااا
اقبال:خليهااا نطلع ونكمل عليهااا
جابر(تاوب كيشوف فالزنقة)برب انطيح بنعااس وباغي نمشي لجاامع
اقبال:صلي عاد نعس شنو درتو فبلان لعرس
جابر(هز لفوقية حك ركبتوو )تاافقنا ان شاء الله بغد غدا نشدو طرييق
اقبال: كون سعفتيني كون درتوه هناا
جابر:قاليك حقا ما حقاا فاميلتو كبييرة وكلشي بغا يحضر او لحاجة تهيا مصدعااني لا نديرو لعرس هناا السعاتي شاديا بغات داكشي خفيف ضرييف مبغاتش صدااع
اقبال:ممم اوى يدير الله خير
جابر:اش درتوو مع داك خينا مول لكونطراا
اقبال(خشات ايدها فجيااب وسااطت)خوتاتي ايخرجوو لياا لعقل اجاابر كل وحدة فيهم بغات تشد طرييق مواضحااش ...معرفتشش هدشي فين غيوصلهم ...ولكن لي متأكدة منوو هاد الزرية اترجع عليناا كاملين
جابر:سلاااك
اقبال:سلاااك مع واحد دماغو محلول ماشي مسدود ... مع واحد كيضرب لحسااب لفين غيحط رجلو ماشي مع واحد مدرم فينما جرو الريح يجري معااه
35
جابر:سيريي فكي ديك لموصييبة غتقتلها ومعندهاا صححة لعصاا
اقبال:غيتة!! لحمها مات بلعصااا هاديك يالله تهلاا
جابر:اهيااا خالتيي الغالية اطلع معاكم
اقبال:تت محاال مفيها لي يشد طرييق حنى منجيو تالنهار لعرس عندي لخدمة بزاف هاد السييماانة
جابر:ريي عوين الله اعااون
اقبال(شافتو غادي)الله اقبل ...دعي معانا
هز كفوفو كيضحك وقال:ياريي زوجهااا ياربيي
اقبال: ياربي يطيح فشي درجة ياربيي
ضحك وغادي هاز فوقيتوو وكيجر فلكلاكيطة سدات الاخيرة لباب وطلعات ادراجهاا كتسمع فغواتهم فلبييت ...دازت لكوزينة كتصاايب فلعصيير وهازة كمايم السورفييت لقاات لمولينكس خااسرة وساطت على وعدها وسعدهاا منها كلشي فالدار حتى من لبووطة هيا لي كتركبهاا طاحت لبوولة هيا لي تقاادهاا بخلاصة هياا رجل البيت ..
قدات لكولينيكسس بلكشاايف بهدووؤها لمعهوود بدات كتقطع فلبنان وتفااخ وشي فريزات قلال ولحليب دايرة لكيت من صداع خوتاتهااا سهات للحضة قدامهاا ملي طاحت فودنها الاغنية لي خلات زغيبات ايديهاا يوقفوو وتحس بتبووريشة فداتهاا كاملة
*ياعمريي ..مهما يكووون ...
محبتنااا والله متهوون ** مدريت انا واااش لي بييك سبابنا النااس ولا والديك **
اقبال انساانة لي تحرمات من طفوولتها بوقاات عاالقة فدكريات الطفوولة لمددرسة لكتووبة ليسيي ...شهيد...فورر متفكرااتو سرحات بمخيلتهاا مغمضة عينيهاا كتدكر *"
شهيد :غمضي عينيك مزال كاادوو اخور
اقبال:هههه شمن كاادو (غمضات عينيها) ها انااا
شاف يمين وشمال فالضلمة وتحنااا ناحية فمها
حلات عينيهاا على لغواات وغيتة دوراتها باش تستحمي بيهاا تطاحو لكيت من ودنهاا بانت ليهاا حياة هازة لكابليي ديال الضو وغيتة كتبكي
اقبال:نقصو من صدااع احياااة
حياة:هازة ليا لكلبة تلاتين درهم من بزطامي
غيتة:لعنداك اقبال كنت مسلفاها ليها ومبغاتش ترجعها
اقبال:حياااة نقصي من لغوات شوية راه مكايينينش هي بووحدنااا هناا
حياة(غادية خارجة)غير بلاتي عليك يا جحمومة خانزة سرووما
غيتة:بزاف علييك (بافتخار)لحسد ولغيرة خمسة فعينيك احبيباااا
جمعاتها معااها اقبال بصلية لراسها تسكتات وخرجات حيااة كتنهج ومشات كتجمع فروينة فلبيت
اقبال:اش وصلك لحوايجهاا
غيتة:والله حتىكنت مسلفاها ليهااا ومبغاتش تردهااا عقلتي عقلتي نهار عطيتيني خمسين درهم وعطيتها ليهاا!! ودابا خديتهاا
اقبال:تحركي من حدايااا تحركي فوتي حاجتهم هادي داازت
حركاات غيتة رااسهاا وعطاتها بضهر كضحك وتهز فحجبانها بانتصاار دخلات لصالوون وشعلات التلفاز
الغالية:شيطاااانة يا بنتيي
غيتة:بنتك امااااما
اقبال كملات لعصير وكبات فخمسة لكيساان وداتهم لصالوون مع طبسيل تاع لحلوة ...وكلسات مقابلة مع الغالية لي كل مرة تدلك رجلها وتشكا بيهاا واقبال سااكتة كتشووف فيهاا تهزات لغالية عينيها لقاتها